វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1103 នាក់
ម្សិលមិញ 9706 នាក់
សរុប 14079346 នាក់
ខេត្តកណ្តាល៖សម្តេចតេជោនិងសម្តេចកិត្តិព្រឹទ្ធបណ្ឌឹតប៊ុនរ៉ានីហ៊ុនសែននៅថ្ងៃទី១៤កញ្ញាបានចាក់វ៉ាក់សាំងដូសទី៣ដែលជាដូសជម្រុញហើយ។
សម្តេចតេជោ ហ៊ុន សែន តាមហ្វេសបុកផ្លូវការបានសរសេរថា «ថ្ងៃនេះ ខ្ញុំបានចាក់វ៉ាក់សាំងដូសទី៣ ឬដូសជំរុញជាមួយភរិយាជាទីស្រឡាញ់។ នៅទូទាំងប្រទេសចាក់ដូសទី៣ឬដូសជំរុញ បានប្រមាណជិត ៧៨ម៉ឺននាក់រួចទៅហើយ»។
សម្តេចតេជោ ហ៊ុន សែន បានសរសេរបញ្ជាក់ថា «យើងនឹងបន្តការចាក់ដូសទី៣ ឱ្យបានគ្រប់ៗគ្នាសម្រាប់បងប្អូនដែលបានចាក់ដូសទី១ និងដូសទី២រួចរាល់ ទៅតាមពេលវេលាដែលត្រូវចាក់ ដោយគិតពីដូសទី២ ទៅដូសទី៣ ក្នុងរយៈពេលពី៤ ទៅ៦ខែ»។សម្តេចតេជោក៏បានមានប្រសាសន៍ បញ្ជាក់ជូនដល់ពលរដ្ឋឲ្យរក្សាលិខិតចាក់វ៉ាក់សាំង ដែលចេញដោយ ក្រសួងការពារជាតិ ព្រោះកាតនឹងផ្តល់ជូនតាមក្រោយ។ ដោយសម្តេចបន្ថែមថា បញ្ហាសំខាន់របស់យើង គឺចាក់វ៉ាក់សាំងឱយបានមុន ដើម្បីការពារការឆ្លង ជំងឺ ខណៈក្រសួងការពារជាតិកំពុងផលិតលិខិតសំគាល់ការចាក់វ៉ាក់សាំងជូន។ សុំរក្សាលិខិតនេះទុកដើម្បីប្តូយកលិខិតសំគាល់ការចាក់វ៉ាក់សាំង។
សម្រាបប់ការចាក់វ៉ាក់សាំងដូចចម្រុញនេះដែរសម្តេចតេជោកាលពីថ្ងៃទី១៣កញ្ញាបានប្រកាសក្រោយជំនួបជាមួយលោកវ៉ាងយីរដ្ឋមន្ត្រីក្រសួងការបរទេសចិនដែលប្រកាសផ្តល់ជំនួយវ៉ាក់សាំង៣លានដូសទៀតនោះថានឹងបើកយុទ្ធនាការចាក់វ៉ាក់សាំងដូសជម្រុញឬដូសទី៣ក្នុងអំឡុងខែតុលាខាងមុខនេះផងដែរ។
សូមបញ្ជាក់ដែរថាបើយោងតាមរបាយការណ៍អ្នកដែលបានចាក់វ៉ាក់សាំងបង្ការជំងឺកូវីដ-១៩ ទូទាំងប្រទេស គិតត្រឹមថ្ងៃទី១៣ ខែកញ្ញា ឆ្នាំ២០២១រួមមានៈ
(ក្រុមដែលមានអាយុចាប់ពី ១៨ឆ្នាំឡើង)-អ្នកចាក់ដូសទី១ ចំនួន ៩ ៧៥៨ ១៩៨ នាក់.-អ្នកចាក់ដូសទី២ ចំនួន ៨ ៦៣៨ ៥២៥ នាក់
ស្មើនឹង ៩៧.៥៨% នៃប្រជាជនគោលដៅសរុប ១០លាននាក់។-អ្នកចាក់ដូសទី៣ ចំនួន ៧៧៩ ១៣២ នាក់។
(កុមារ និងយុវវ័យ អាយុពី ១២ឆ្នាំ ដល់ក្រោម ១៨ឆ្នាំ)-អ្នកចាក់ដូសទី១ ចំនួន ១ ៧១២ ៤៥៥ នាក់
-អ្នកចាក់ដូសទី២ ចំនួន ៩៩៥ ៧៣៧ នាក់ស្មើនឹង ៨៧.០៦% នៃក្រុមគោលដៅសរុបជិត ០២លាននាក់។បើធៀបនឹងប្រជាជនសរុប ១៦លាននាក់ការចាកវ៉ាក់សាំងបង្ការកូវីត១៩បាន ស្មើនឹង ៧១.៦៩%។