ហេង ពិទូ ប្រកាសចែកផ្លូវ ហ្វី យ៉ាតាថាខាងប្រុសបើកដៃចឹងឲ្យគេទៅចុះ!
16-April-2026 / សិល្បះនិងប្លែកៗ
រាជធានីភ្នំពេញ៖ ស្នេហាស្អិតល្មួតដូចស្រមោច និងស្ករ រវាងតារាចម្រៀងប្រុស ហេង ពិទូ និង តារាស្រីស្អាត ថៃ នារីសុជាតា ហៅ ហ្វីយ៉ាតា បានប្រះឆាសាជាថ្មីទៀតហើយដោយភាគីខាងប្រុសសុំដើរចេញ?។ការប្រកាសរបស់លោកហេងពិទូគឺនៅថ្ងៃទី២៥ ខែធ្នូ ចំថ្ងៃបុណ្យណូអែលផងនោះ នៅលើបណ្តាញសង្គមថា ស្នេហារវាងលោក និង កញ្ញា ថៃ នារីសុជាតា ត្រូវគេស្គាល់ថា ហ្វីយ៉ាតា ដើរដល់ផ្លូវបំបែក ដោយបញ្ជាក់ត្រង់ៗឥតលាក់លៀមថា កំហុសទាំងប៉ុន្មានមកពីរូបលោក ព្រោះតែលោក លួចមានទំនាក់ទំនងជាមួយស្រីផ្សេង គ្មានគុណធម៍ យ៉ាងណា លោក ហេង ពិទូ ក៏បានធ្វើការសូមទោសសម្រាប់កំហុសដ៏ធ្ងន់ធ្ងរមួយនេះចំពោះ កញ្ញា ហ្វីយ៉ាតា។
ជំរាបសួរបងប្អូនទាំងអស់គ្នា ថ្ងៃនេះខ្ញុំមានរឿងចង់ប្រាប់ ខ្ញុំនឹង fiyata បានបែកគ្នាហើយ . កំហុសទាំងអស់គឺមកពីខ្ញុំ ខ្ញុំលួចទាក់ទងមនុស្សស្រីផ្សេង គ្មានគុណធម៍ ហេីយសូមទោសសំរាប់កំហុសដរធ្ងន់មួយនេះ។ ហើយក៏សូមទោសFi Yata នៅកំហុសមួយនេះ នឹងអរគុណសំរាប់ការលើកលែង, ពីថ្ងៃនេះទៅ ខ្ញុំនឹងគាត់ មិនមានអីពាក់ពន័គ្នាទៀតទេ។ហេង ពិទូ
ក្រោយហេងពិទូ ប្រកាសសុំចែកផ្លូវ អតីត Freshi gril និងជាតារាសម្តែងដ៏ល្បី កញ្ញា ហ្វីយ៉ាតា បានចេញមុខមកបង្ហាញថែមថា÷រាល់ថ្ងៃខ្ញុំរវល់ធ្វើការរកស៊ីណាស់មិនមានពេលមកលេង Prank លប់ដូចកូនក្មេងទេ ផ្ដាំទៅមនុស្សស្រីយើងគ្រប់គ្នាឲ្យដឹងខ្លួនថាកុំយកសេចក្ដីសុខខ្លួនឯងទៅផ្ញើនឹងអ្នកដទៃព្រោះគេមិនបានស្មោះត្រង់ជាមួយយើងគ្រប់ពេលនោះទេ. កុំរស់ពឹងដង្ហើមអ្នកណាទាំងអស់ត្រូវរៀនរស់ដោយខ្លួនឯងរឹងមាំដោយខ្លួនឯង គេទៅក៏យើងមានប៉ុណ្ណឹងគេនៅក៏យើងមានប៉ុណ្ណឹង ដូច្នេះហើយទើបមិនធ្វើឱ្យយើងមានអារម្មណ៍ថាស្ដាយក្រោយពេលនរណាម្នាក់ក្បត់យើង. ត្រូវចាំថាមិនថាអ្នកស្អាត,ខ្លាំង, ពូកែប៉ុណ្ណាទេមនុស្សបើគេចង់ក្បត់ហើយទោះបីយើងឱ្យគេអង្គុយនៅលើបល្ល័ង្កទៀតក៏គេនៅតែក្បត់ដែរ។
ហ្វីយ៉ាតានាងបានបកស្រាយថា÷គ្មានមនុស្សស្រីណាចង់មានទំនាក់ទំនងស្នេហាច្រើនដងនោះទេប៉ុន្តែឲ្យគេនៅយ៉ាងម៉េចបើមនុស្សប្រុសមួយចំនួនមិនឲ្យតម្លៃនិងតែងតែបំផ្លាញផ្លូវចិត្តរបស់នាង។ អញ្ចឹងហើយមនុស្សស្រីមានសិទ្ធិដើរចេញនិងជ្រើសរើសអ្វីល្អសម្រាប់ខ្លួនគេដូចគ្នា. មិនមែនរាល់ការបែកគ្នាទាំងអស់ឬឱ្យតែដឹងថាមនុស្សស្រីម្នាក់នោះមានទំនាក់ទំនងស្នេហាច្រើនគឺសុទ្ធតែមនុស្សមិនល្អទេពេលខ្លះនាងវិញទេដែលជួបមនុស្សមិនល្អក៏ថាបាន...។ ខ្ញុំពិតជាចង់សើចមនុស្សប្រុសមួយចំនួនមែន សុខចិត្តរុះរើសវ៉ៃផ្ទះធំចោលហើយទៅសង់ទៀមស្រាផឹកជាមួយស្រី. ។
ខ្ញុំចង់បន្ទោសមនុស្សស្រីប៉ុន្មាននាក់នោះដែរប៉ុន្តែខ្ញុំគិតឡើងវិញថាមកពីខាងប្រុសរបស់យើងទេដែលបើកដៃឲ្យគេចូលមកបាន.។ ធម្មតាទេបើទ្វារផ្ទះយើងបើកចំហដាក់ផ្លាកថា Welcome ហើយពួកចោរវាប្រាកដជាដើរចូលមកសាកហើយ. បើជ្រុលជាវាលួចបានរបស់ពីក្នុងផ្ទះទៅហើយយកទៅអោយឆ្ងាយចុះ ខ្ញុំមិនទៅរកយកមកវិញទេ ។ហើយខ្ញុំនឹងចាក់សោទ្វារផ្ទះរបស់ខ្ញុំឱ្យប្រយ័ត្នលើកនេះមិនឲ្យមានមនុស្សប្រភេទនេះមកសំងំនៅបានទៀតឡើយ។សុំបញ្ជាក់ថាគាត់បង្ហោះនេះក៏ដោយសារតែការដោះដូរមិនឲ្យខ្ញុំបញ្ចេញនៅផុសតាងដែលខ្ញុំមាននៅក្នុងដៃ ដូច្នេះហើយមនុស្សស្រីប៉ុន្មាននាក់នោះកុំទាន់សប្បាយអរអី។
គួរបញ្ជាក់ថា ទំនាក់ទំនងស្នេហារវាងលោក ហេង ពិទូ និង កញ្ញា ហ្វីយ៉ាតា ទើបតែចាប់ផ្តើមប៉ុន្មានខែសោះ បែរជាត្រូវបញ្ចប់ទៅវិញ ក្នុងនោះ អតីតគូស្នេហ៍ទាំងពីរ ធ្លាប់តែប្រកាសផ្តាច់ទំនាក់ទំនងស្នេហាគ្នាម្តងរួចមកហើយ អស់រយៈកាល៦ឆ្នាំ ហើយឥឡូវក៏ត្រូវបញ្ចប់ទៅវិញដដែល៕
