សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 565 នាក់

ម្សិលមិញ 5304 នាក់

សរុប 14140091 នាក់

មូលហេតុដែលលោកឃ្លាំងហួតបិទផ្សារឡាគីរង្វង់មូលជ្រោយចង្វារ!

03-April-2024 / សេដ្ឋកិច្ច

ភ្នំពេញ៖ កាលពីថ្ងៃទី៣មីនារដ្ឋបាលខណ្ឌជ្រោយចង្វាររបស់លោកឃ្លាំងហួតបាន ចេញសេចក្ដីជូនដំណឹងមួយទៅដល់តំណាង ផ្សារទំនើបឡាក់គីឱ្យប្ដូរទីតាំងថ្មី ដោយថាទីតាំងថ្មីនៅរង្វង់មូលជ្រោយចង្វារនេះមិនសមរម្យ មិនអាចឲ្យធ្វើផ្សារទំនើបបានទេព្រោះ គ្មានកន្លែងចតយានយន្តត្រឹមត្រូវ ។ a luckky1

សេចក្ដីជូនដំណឹងនេះបានបង្កឱ្យមានការចាប់អារម្មណ៍រងឿងឆ្ងល់ពីអ្នកលេងបណ្តាញសង្គមហ្វេសប៊ុកដោយគេបានលើកជាសំណួរថា ហេតុអ្វីបានជាមិនឃាត់តាំងពីដំបូង? ។

រដ្ឋបាលខណ្ឌជ្រោយចង្វារបានធ្វើការបកស្រាយចម្ងល់នៅក្នុង Comment យ៉ាងដូច្នេះថា៖
ទី១- ទីតាំងខាងលើមានលិខិតអនុញ្ញាតសាងសង់ពីរដ្ឋបាលរាជធានីភ្នំពេញ។ ចំណុចនេះសូមបញ្ជាក់ថា លិខិតអនុញ្ញាតសាងសង់ជាទូទៅគេប្រើសម្រាប់ការសាងសង់សំណង់អ្វីមួយ ដូចជា សំណង់លំនៅដ្ឋាន អគារស្នាក់នៅរួម សណ្ឋាគារ រោងដែក ការិយាល័យ ផ្សារទំនើប ។ល។ ប៉ុន្តែលិខិតអនុញ្ញាតសាងសង់មិនមែនជាលិខិតអនុញ្ញាតប្រកបអាជីវកម្មនោះទេ។

ទី២- យើងនិយាយអំពីការសុំច្បាប់អនុញ្ញាតទីតាំងប្រកបអាជីវកម្មវិញ ប្រសិនបើទីតាំងនោះមានច្បាប់សាងសង់ហើយ ចឹងម្ចាស់ត្រូវដាក់ពាក្យស្នើសុំច្បាប់អនុញ្ញាតបើកទីតាំងប្រកបអាជីវកម្ម ដោយបំពេញបែបបទស្នើសុំដោយមានការចុះហត្ថលេខាពីចៅសង្កាត់ ចុះហត្ថលេខាអភិបាលខណ្ឌ និងចុងក្រោយ ឯកឧត្តមអភិបាលរាជធានីភ្នំពេញ សម្រេច និងចេញលិខិតអនុញ្ញាត ហើយការអនុញ្ញាតច្បាប់ទីតាំងជាទូទៅមានសុពលភាព ០១ឆ្នាំ និងត្រូវស្នើសុំបន្តជារៀងរាល់ឆ្នាំ មុនពេលផុតសុពលភាពនៃលិខិតអនុញ្ញាត។

ដោយឡែកសម្រាប់ផ្សារទំនើបឡាក់គីនេះវិញ បច្ចុប្បន្នកំពុងស្ថិតក្នុងដំណាក់កាលស្នើសុំអនុញ្ញាតច្បាប់ទីតាំង ដែលត្រូវចុះហត្ថលេខាពីអភិបាលខណ្ឌ។ ចំណុចនេះហើយដែលរដ្ឋបាលខណ្ឌក្នុងនាមជាអាជ្ញាធរដែនដីមិនចុះហត្ថលេខាបញ្ជូនទៅសាលារាជធានីភ្នំពេញ ដោយមូលហេតុ ទីតាំងស្នើសុំប្រកបអាជីវកម្មនេះ គឺពុំសមស្រប ព្រោះគ្មានចំណតសម្រាប់យានយន្ត បញ្ហាប្រឈមពាក់ព័ន្ធសន្ដិសុខ សុវត្ថិភាព សណ្ដាប់ធ្នាប់សាធារណៈ ធ្វើឱ្យមានការកកស្ទះចរាចរណ៍ ឬអាចបង្កគ្រោះថ្នាក់ជាយថាហេតុ។

ហេតុនេះហើយទើបរដ្ឋបាលខណ្ឌចេញសេចក្ដីជូនដំណឹងឱ្យគាត់រកទីតាំងថ្មីដែលសមស្របជាង។ ក្នុងន័យនេះមិនមែនឱ្យគាត់រុះរើសំណង់នោះចេញវិញទេ ប៉ុន្តែអាចបំលែងទីតាំងនោះទៅជាការិយាល័យ ទីតាំងប្រកបអាជីវកម្ម ឬសេវាកម្មផ្សេងៗវិញ ដែលវាមិនធ្វើឱ្យប៉ះពាល់ដល់សន្ដិសុខ សុវត្ថិភាព និងសណ្ដាប់ធ្នាប់សាធារណៈ ។ a luckky a luckky2