វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2848 នាក់
ម្សិលមិញ 3717 នាក់
សរុប 14151181 នាក់
ភ្នំពេញ៖ អតីតតារាសម្តែង នី មុល្លីកា ដែលបានរៀបការហើយចេញទៅរួមរស់ជាមួយស្វាមីនៅអាមេរិក ជាច្រើនឆ្នាំថ្មីៗនេះបាន បាននាំកូនៗ និងស្វាមីមកលេងញាតិសណ្តានរួមទាំងមានគម្រោងថតភាពយន្តផងដែរ ។
នាងនី មុល្លីកាអតីតកូនប្រសាថៅកែកុនអ្នកស្រីពាន់ផួងបុប្ផា បានរៀបការជាមួយលោក គឹម ប៊ុណ្ណា ជាវិស្វករ រស់នៅរដ្ឋអូហៃយ៉ូ សហរដ្ឋអាមេរិក កាលពីអំឡុងខែវិច្ឆិកា ឆ្នាំ ២០១១ ហើយបានចេញទៅរស់នៅអាមេរិកជាមួយភ្លាមៗតែម្តង ។៨ឆ្នាំកន្លហងមកនេះកញ្ញានី មុល្លីកានិងលោកគឹម ប៊ុណ្ណាមាន កូនប្រុសម្នាក់ ឈ្មោះZachary កាលពីអំឡុងខែឧសភាឆ្នាំ២០១៦ និងកូនស្រីម្នាក់ឈ្មោះណាតាលី(Natalie)ក្នុងអំឡុងឆ្នាំ២០១៧ ។ ប៉ុន្តែតាមការបង្ហើបរបស់សិល្បករម្នាក់ដែលស្និទនឹងផលិតករជើងចាស់បានលើកឡើងថា អតីតតួឯករឿង «កុមារីវ័យ ២៥ ឆ្នាំ» រូបនេះ គ្រោងនឹងមកថតរឿងថ្មីអំឡុងនាងមកលេងពេលនេះ ហើយក៏ជាភាពយន្តដែលផលិតដោយអ្នកស្រី ពាន់ ភួងបុប្ផាផងដែរ ។
ប្រភពបង្ហើបថា ជាភាពយន្តខ្នាតធំឬ ជាភាពយន្តរឿង កុមារីអាយុ២៥ឆ្នាំ វគ្គទី៣ និងត្រូវសម្រុកថតឈុតឆាករបស់នាងឲ្យបានកាន់តែលឿនដើម្បីទុកឱកាសឲ្យនាងសម្រាកលម្អែកាយជាមួយស្វាមី និងសាច់ញាតិនៅស្រុកខ្មែរ ។ ប្រភពបន្តថា តម្លៃខ្លួនក៏ខ្ពស់មិនធម្មតា ខណៈខាងផលិតករ និងអ្នកវិនិយោគក៏ពេញចិត្តនឹងសមត្ថភាពសម្តែងដែលគេរំពឹងថានឹងទទួលបានការគាំទ្រច្រើនពីទស្សនិកជនពេលចាក់បញ្ចាំងនោះ ។ នេះចាត់ទុកជាការបើកទំព័រសិល្បៈជាថ្មីក្រោយនាងផ្អាកសម្តែងអស់ជិត១០ ឆ្នាំ ខណៈកន្លងមកនី មុល្លីកាមិនមានគម្រោងវិលចូលសិល្បៈវិញដូចតារាសម្តែង សារ៉ាយ សក្ខណា និងវ៉េត រតនា នោះទេព្រោះតែនាងមិនមានពេលគ្រប់គ្រាន់ក្នុងការសម្តែង ហើយស្វាមីនាងក៏មិនចង់ឲ្យភរិយាលំបាកច្រើនដែរបើទោះបីជាមានការទទូចច្រើនពីអ្នកគាំទ្រ និងអ្នកផលិតខ្សែភាពយន្តមួយចំនួនក្តី ។
គួរបញ្ជាក់ដែរថា ក្រោយជាប់បេក្ខនារីដែលមិនជាប់ជ័យលាភី ក្នុងកម្មវិធី ប្រឡងស្រីស្រស់ប្រុសស្អាត ឆ្នាំ ២០០៥ របស់ ស្ថានីយ៍ ទូរទស្សន៍ CTN នី មុល្លីកាទទួលបានឱកាសច្រើនក្នុងការសម្តែងខ្សែភាពយន្តភាគរបស់ទូរទស្សន៍មួយនេះ ។ ក្រោមការចូលរួមសម្តែងដឹកនាំរឿងដោយអ្នកស្រីពាន់ ភួងបុប្ផា នាងទទួលបានការគាំទ្រជាច្រើនពីមហាជន ។ ក្រោយផ្តាច់ពាក្យជាមួយ កូនប្រុសអ្នកនិពន្ធ និងដឹកនាំរឿងខាងលើនាងបានសម្រេចចិត្តរៀបការជាមួយនឹងលោកគឹម ប៊ុណ្ណាអាណិកជនរស់នៅសហរដ្ឋវិញ ៕