វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4621 នាក់
ម្សិលមិញ 10264 នាក់
សរុប 14143803 នាក់
ភ្នំពេញ៖ មូលហេតុដែលរាជរដ្ឋាភិបាលកម្ពុជាលុបចោលនូវល្បែងតាមអនឡាញ (Online Casino) ពីប្រទេសកម្ពុជា គឺដោយសារ កម្ពុជាបានពន្ធតិចតួចពេកតាមរយៈកាស៊ីណូអនឡាញនេះ ហើយវាក៏នាំមកការប្រឈមដូចជា ឧក្រិដ្ឋកម្ម ការលាងលុយកខ្វក់ដែលអាចធ្វើប៉ះពាល់ដល់សង្គមផងដែរ។
នេះជាការលើកឡើងដោយសម្តេច ហ៊ុន សែន នាយករដ្ឋមន្ត្រីកម្ពុជា ពេលអនុញ្ញាតឲ្យគណៈប្រតិភូសមាគមត្រកូល ហ៊ុន នៃប្រទេសចិន ជួបសំដែងការគួរសម និងពិភាក្សាការងារនៅវិមានសន្តិភាព ។ សម្ដេច ហ៊ុន សែនសរសេរលើហ្វេសប៊ុកថា កម្ពុជាជាប្រទេសមួយដែលប្រកាន់យកសេដ្ឋកិច្ចទីផ្សារសេរី ប៉ុន្តែការអភិវឌ្ឍប្រទេសកម្ពុជាមិនពឹងផ្អែកលើកាស៊ីណូអនឡាញទេ។
ពោលគឺ ពឹងផ្អែកទៅលើកត្តាជាច្រើននៅក្នុងមូលដ្ឋានសេដ្ឋកិច្ច៖«ដូច្នេះគឺយើងធ្វើយ៉ាងណាត្រូវតែពង្រឹងការអនុវត្តច្បាប់នៅប្រទេសកម្ពុជា និងធ្វើយ៉ាងម៉េចដើម្បីទាក់ទាញការវិនិយោគច្បាស់លាស់ តែមកវិនិយោគទៅលើវិស័យផ្សេងៗទៀត មិនមែនតែពឹងផ្អែកទៅលើកាស៊ីណូអនឡាញនោះទេ»។សូមបញ្ជាក់ដែរថាស្រុកខ្មែរមានកាស៊ីណូប្រមាណ១៦០កន្លែងតែខ្មែរមិនទាន់មានច្បាប់ស្តីពីការគ្រប់គ្រងកាស៊ីណូទេមកដល់សព្វថ្ងៃនេះដែលធ្វើឲ្យមានចន្លោះប្រហោងនិងបាត់បង់ចំណូលពន្ធ័ដារ។សូមបញ្ជាក់ថាប្រទេសហ្វីលីពីនមិនបានធ្វើតាមសំណូមពរចិនឲ្យបិទកាស៊ីណូតាមអនឡាននោះទេ!។
ទាក់ទងការរកស៊ីជាមួយប្រទេសចិនសម្ដេចបញ្ជាក់ថា បច្ចុប្បន្ននេះទំហំពាណិជ្ជកម្មរវាងប្រទេសកម្ពុជា និងចិន មានលក្ខណៈកើនឡើងជាបន្តបន្ទាប់ ដែលចំនួននេះគោលដៅនៅក្នុងការធ្វើពាណិជ្ជកម្មដល់ឆ្នាំ២០២២ អាចកើនឡើងរហូតដល់ទៅ១០ពាន់លានដុល្លារ។ សម្ដេចបានមានប្រសាសន៍ទាក់ទងនឹងយន្តការដែលកម្ពុជាកំពុងតែសហការនឹងចិនទៅលើ ចំនុចសំខាន់ៗ ដូចជានៅក្នុងអនុតំបន់ គឺកិច្ចសហប្រតិបត្តិការលើមេគង្គឡានឆាង ក្នុងអនុតំបន់មេគង្គអាស៊ានចិន និងកិច្ចប្រជុំអាស៊ីបូព៌ាជាដើម។
បច្ចុប្បន្ននេះ នៅមានសក្ដានុពលជាច្រើនក្នុងការធ្វើពាណិជ្ជកម្ម និងសេដ្ឋកិច្ច ដោយសារកន្លងមកនេះមានតំបន់សេដ្ឋកិច្ចសេរីរវាងអាស៊ាន និងចិនអាស៊ាន តំបន់សេដ្ឋកិច្ចសេរីរវាងអាស៊ាន ចិន ដែលគួរតែមើលនៅសក្តានុពលអាចនាំចេញផលិតផលកម្ពុជានាំចេញទៅកាន់ទីផ្សារចិន។ ក្នុងកិច្ចពិភាក្សានេះ សម្តេចបានជំរុញឲ្យសហគ្រិនចិនមកវិនិយោគ មកបណ្ដាក់ទុននៅក្នុងប្រទេសកម្ពុជាហើយកុំមានការភ័យព្រួយចំពោះចំណុចណានៅប្រទេសកម្ពុជាឲ្យសោះ ដោយសារតែចិន និងកម្ពុជាមានទំនាក់ទំនងល្អ មានកិច្ចសហប្រតិបត្តិការយុទ្ធសាស្ត្រគ្រប់ជ្រុងជ្រោយទៅហើយ៕