វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 905 នាក់
ម្សិលមិញ 6677 នាក់
សរុប 14148481 នាក់
ខេត្តកំពង់ស្ពឺ៖ មនុស្សម្នាក់បានរងរបួស ខណៈដែលជិះក្នុងរថយន្តសណ្តោងកុងតឺន័រមួយគ្រឿងពេល ធ្វើដំណើរដល់ចំណោតលោកយាយម៉ៅពេជ្រនិលក៏បានដាច់ហ្វ្រាំងពេលផ្លូវចំណោត ធ្លាក់ផ្លូវកាលពីរសៀលថ្ងៃទី២៤ ខែកញ្ញា ឆ្នាំ២០២៣ត្រង់ចន្លោះបង្គោលគីឡូម៉ែត្រលេខ១០៤-ទៅលេខ១០៥ ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺតែសំណាងល្អមិនប៉ះពាល់ដល់អាយុវជីវិតអ្នកធ្វើដំណើររបួសតែអ្នកបើកបរ។
នគរបាលស្រុកភ្នំស្រួចបាន ឱ្យដឹងថា នៅមុនពេលកើតហេតុមាន រថយន្ត០១គ្រឿង ម៉ាក HYUNDAI ពណ៌ស ពាក់ស្លាកលេខភ្នំពេញ 3B-6091 សណ្ដោងកុងតឺន័រ(ស៊ឺមីរ៉ុម៉ក) ពាក់ស្លាកលេខភ្នំពេញ 4A-2907 បើកបរដោយឈ្មោះ គង់ សៅសារិន ភេទប្រុស អាយុ ៥៣ឆ្នាំ អ្នករួមដំណើរឈ្មោះ គង់ សៅរ៉ូ ភេទប្រុស អាយុ៣៧ឆ្នាំ រស់នៅភូមិទឹកលិច ឃុំស្គុះ ស្រុកសំរោងទង ខេត្តកំពង់ស្ពឺ ។
នគរបាលបានបន្តទៀតថារថយន្ដខាងលើនេះ បានបើកបរតាមបណ្តោយផ្លូវជាតិលេខ៤ ក្នុងទិសដៅពីទិសខាងកើតទៅទិសខាងលិច លុះពេលធ្វើដំណើរមកដល់ចំណុចកើតហេតុខាងលើរថយន្ដជួបបញ្ហាដាច់ហ្វ្រាំងរេចង្កូតមកខាងឆ្វេងដៃ ធ្លាក់ស្នាមភ្លោះ បណ្តាលឲ្យគ្រោះថ្នាក់មនុស្សម្នាក់អ្នករួមដំណើរ នឹងខូចខាតរថយន្ដមួយគ្រឿង ប៉ុន្តែ សំណាងល្អមិនបណ្ដាលឲ្យមានអ្នកណាម្នាក់បាត់បង់អាយុជីវិតនោះទេ។
សមត្ថកិច្ចនគរបាលចរាចរណ៍ជំនាញបានអំពាវនាវសូមបងប្អូនម្ចាស់អាជីវកម្មមេត្ដាពិនិត្យនិងរឹតបន្ដឹងលេីការងារបច្ចេកទេសយានយន្ដ ហើយនាំគ្នាចូលរួមគោរពច្បាប់ចរាចរណ៍ឲ្យមានប្រសិទ្ធភាព ដើម្បីកាត់បន្ថយគ្រោះថ្នាក់ចរាចរណ៍ទាំងអស់គ្នា៕