វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1829 នាក់
ម្សិលមិញ 6359 នាក់
សរុប 14088462 នាក់
ភ្នំពេញ ៖ ជនសង្ស័យប្រដាប់អាវុធ១ក្រុមមានបក្ខពួកចំនួន៤នាក់ បានជិះម៉ូតូ១គ្រឿង ម៉ាក AIR BLADT ពណ៌ក្រហមលាយស ពាក់ស្លាកលេខកំពង់ស្ពឺ ១F-៧៧២០ និងរថយន្ត១គ្រឿងទៀតមិនស្គាល់ម៉ាក បានធ្វើសកម្មភាពប្លន់យកកាបូបរបស់ជាតិចិនម្នាក់ គេចខ្លួនតែទុកម៉ូតូចោល រួចនាំគ្នារត់ឡើងរថយន្តបើកគេចបាត់ស្រមោលតែម្តងកាលវេលាម៉ោង៩និង៣០នាទីយប់ ថ្ងៃទី១៥ ខែមករា ឆ្នាំ២០២២ នៅចំណុចខុនដូរមួយកន្លែង តាមផ្លូវបេតុងកែងផ្លូវព្រះនរត្ដម ស្ថិតនៅក្នុងភូមិ១០ សង្កាត់ទន្លេបាសាក់ ខណ្ឌចំការមន ។
ប្រភពព័ត៍មានពីសាក្សីឃើញហេតុការណ៍ដែលជាសន្តិសុខឯកជនយាមខុនដូនៅកន្លែងកើតហេតុ បានប្រាប់ឱ្យដឹងថា មុនកើតហេតុ គេបានឃើញបុរសជនជាតិចិនម្នាក់បានបើករថយន្ត PORSCHE ពណ៌ស ពាក់ស្លាកលេខភ្នំពេញ ២AF-៨៨៦៨ ដោយមានដឹកស្ត្រីនៅលើរថយន្តចំនួន២នាក់ទៀត ។ លុះពេលបើករថយន្តមកដល់ខុនដូក៏ចតនៅមុខ រួចឈប់រថយន្តបើកទ្វារចុះមកខាងក្រៅ ស្រាប់តែមានជនសង្ស័យម្នាក់លេចមុខមកដណ្ដើមយកកាបូបពីបុរសជនជាតិចិន តែជនជាតិចិនរងគ្រោះបានទាញកាបូបយកមកវិញ ហើយពេលនោះក៏មានជនសង្ស័យចំនួន២នាក់ទៀតក៏លេចមុខមក និងម្នាក់ដកកាំភ្លើងបាញ់ឡើងលើមេឃចំនួន២គ្រាប់ តែផ្ទុះតែ១គ្រាប់ និងមួយគ្រាប់ទៀតអត់ផ្ទុះនោះទេ ។
ក្រោយពេលកើតហេតុ មានប្រជាពលរដ្ឋបានស្រែកឆោឡោផ្អើល ធ្វើឱ្យក្រុមជនសង្ស័យបានជិះម៉ូតូទុកចោលនៅផ្លូវព្រះនរោត្ដម និងបាននាំគ្នារត់ទៅជិះរថយន្ត១គ្រឿងផ្សេងទៀតរត់គេចខ្លួនបាត់ស្រមោលតែម្តង ។សមត្ថកិច្ចនិយាយថា ករណីខាងលើនេះ នៅមិនទាន់ដឹងថា តើជនរងគ្រោះជាជនជាតិចិនរូបនោះ បានបាត់សម្ភារ:អស់ប៉ុន្មានទេ? តែបើយោងតាមកាមេរ៉ាសុវត្ថិភាព គឺកាបូបរបស់ជនរងគ្រោះមិនបានបាត់នោះទេ ដោយសារតែជនរងគ្រោះបានដណ្ដើមយកពីជនសង្ស័យមកវិញបានហើយ លុះពេលកម្លាំងសមត្ថកិច្ចយើងមកដល់ ជនរងគ្រោះបានហៅកង់បីជិះទៅពេទ្យលាងរបួសរលាត់ដៃជើងស្រាលបាត់ទៅទៅហើយ។ ចំណែកសម្ភារៈដែលដកហូតបានរួមមាន ម៉ូតូ១គ្រឿង និងកាំភ្លើងខ្លីចំនួន១ដើមដែលត្រូវបានបញ្ជាក់ថា ជារបស់ជនសង្ស័យ ក៏ត្រូវបានកម្លាំងកងរាជអាវុធមូលដ្ឋានខណ្ឌដកទុកផងដែរ។