ក្រុមឈ្មួញរកស៊ីដឹកទំនិញគេច ពន្ធ ឬបង់ពន្ធមិនគ្រប់ សំរុកដឹក ជញ្ជូនទំនិញផ្ទុកសំពីងសំពោងផ្គើនសមត្ថកិច្ចឈរជើងច្រកទ្វារព្រំដែនអន្តរជាតិជាំ ( ស្រងាំ)
27-July-2024 / ព័ត៌មានជាតិ
ខេត្តឧត្តរមានជ័យ : ដូចការ សន្និដ្ឋានរបស់មហាជន និង ប្រជាពលរដ្ឋរស់នៅតំបន់អន្លុង វែង ខេត្តឧត្តរមានជ័យមែនអំពី ព័ត៌មានដែលបានផ្សព្វផ្សាយតាមបណ្តាញសង្គមfacebook និង គេហទំព័រព័ត៌មានក្នុងស្រុកជាច្រើនស្តីពីករណី សមត្ថកិច្ចនគរបាលខេត្តឧត្តរមានជ័យ ធ្វើ ការបង្ក្រាបក្រុមរថយន្តតាក់ស៊ីកែច្នៃដឹកទំនិញ សំពីងសំពោងចំនួន០២-០៣គ្រឿង កាលពីយប់ថ្ងៃទី ២២ ខែកក្កដា ឆ្នាំ ២០២៤ នៅក្នុងទឹកដីស្រុក អន្លុងវែង ខេត្តឧត្តរមានជ័យ ក្រោមបទបញ្ជា របស់លោក ឧត្តមសេនីយ៍ទោ ខូវ លី ស្នង ការនគរបាល នៃស្នងការដ្ឋាននគរបាលខេត្តឧត្តរមានជ័យ។
សមត្តកិច្ចបាន ធ្វើការផាកពិន័យ និង ធ្វើកិច្ច សន្យាអោយបញ្ឈប់សកម្មភាពរកស៊ីដឹកជញ្ជូនខុសច្បាប់ដូចគ្រាន់បើតែតាមពិត គ្រាន់តែជាចំណាត់ការរបៀបភ្លើង ចំបើងមែន !។ព្រោះមិនទាន់បាន ប៉ុន្មានថ្ងៃផង ស្រាប់តែក្រុមឈ្មួញបាននាំគ្នាផ្ទុកទំនិញលើ រថយន្តសំពីងសំពោង សំរុកដឹកជញ្ជូនយ៉ាងគគ្រឹកគគ្រេងលើសដើម ផ្គើនឌឺដាក់សមត្ថ កិច្ចតាមគោលដៅយ៉ាងរលូន គ្មានឃើញក្បាលអាជ្រុញណា ឃាត់ចាប់ឡើយ?ឬមកពីគ្មានបញ្ជាពីមេ? ។ ប្រភពព័ត៌មានពីក្រុមឈ្មួញបានអោយអ្មកយកព័ត៌មានយើងដឹងថា : ពួកគេអាចដឹកជញ្ជូនទំនិញឆ្លងដែនបានដោយរលូនបែប នេះជាយូរឆ្នាំមកហើយ ព្រោះ គេបានបង់លុយជាប្រចាំខែ-ថ្ងៃអោយក្រុមសមត្ថកិច្ចពាក់ព័ន្ធទាំងអស់គ្មានរំលងស្ថាប័នណាមួយទេ ។
ប្រភពដដែល បានបន្តថា : ការបង្ក្រាបរបស់ ប៉ូលីសស្រុកអន្លង់វែងកាលពី យប់ថ្ងៃមុនគ្រាន់តែការបង្ក្រាប ដើម្បីបង្អួតយកស្នាដៃបង្ហាញ មេៗថ្នាក់លើថា:ពួកគេ(សមត្ថ កិច្ចខំប្រឹងអនុវត្តច្បាប់ទាំងយប់ ទាំងថ្ងៃដោយមិនលើកលែងចំពោះរថយន្តដឹកទំនិញសំពីង សំពោង ។ តែការពិត គឺជាអាក មាន់ ០១ឬ០២ ក្បាល បន្លាចសត្វស្វា ឬល្បិច គោះទឹកបង្អើលអោយត្រីធំៗចូលស៊ង តែ ប៉ុណ្ណោះ នេះគេហៅថា ត្រីចង្វា ចិញ្ចឹមត្រីឆ្ដោ ។
សូមបញ្ជាក់ថា:សមត្ថកិច្ចឈរជើងនៅច្រកទ្វារអន្តរជាតិជាំ ស្ថិតក្នុងភូមិសាស្ត្រស្រុកអន្លុងវែង ខេត្តឧត្តរមាន ជ័យ រួមមាន:ប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិជាំ ដែលមានលោក យូ សុធារិទ្ធ ជាមេប៉ូលីសអន្តោប្រវេសន៍ , ទីស្នាក់ការច្រកទ្វារព្រំដែនអន្តរជាតិជាំ មានលោក រ៉ែម ផល្លាវី ជាប្រធានទីស្នាក់ការច្រក , ការិយាល័យគយ និង រដ្ឋាករ មានលោក ឆ ណាក់ ជាមេគយ ច្រកទ្វារព្រំដែនអន្តរជាតិជាំ និង ការិយាល័យ ក្រុមការងារទំនាក់ទំនងព្រំដែនខ្មែរ-ថៃ ច្រកទ្វារអន្តរជាតិជាំ ។ បើផ្អែកតាមការរាយការណ៍របស់ប្រជាពល រដ្ឋដែលរស់នៅក្នុងតំបន់អន្លង់វែងផ្ទាល់គឺថាជារៀងរាល់ថ្ងៃ ការដឹកជញ្ជូនទំនិញសំពីងសំពោងតាមរថយន្តកែច្នៃមានរាប់រយគ្រឿងដូចហែកឋិន ។
ដូច្នេះបើគ្មានការត្រួតពិនិត្យម៉ត់ ចត់ពីសមត្ថកិច្ចជំនាញពាក់ព័ន្ធនៅមាត់ច្រកទ្វារព្រំដែនអន្តរជាតិជាំទេ គឺបាត់បង់ថវិកាពន្ធចូលរដ្ឋ មិនតិចរយលានរៀលទេក្នុង១ឆ្នាំៗ ។ ចាំមើលៗ!ៗ តើលោកផ្កាយពីរ ខូវ លី ស្នងការនគរខេត្ត និង លោក មាន ចាន់យ៉ាដា អភិបាល ខេត្តឧត្តរមានជ័យ នៅត្រជាក់ល្ហឹម ឬ ក៏ក្តៅស្លឹកត្រចៀកចំពោះ សម្លេងមហាជនរិះគន់ អំពី ករណី ត្រីចង្វា ចិញ្ចឹមត្រីឆ្ដោ នេះ ? បើសិនជាថ្នាក់ដឹកនាំខេត្ត ឧត្តរមានជ័យ សម្ងំឈ្ងៀមឈឹង ត្រជាក់ល្ហឹម ធ្វើមិនដឹង មិន ឃើញ មិនឮ និងមានចំណាត់ ការក្តៅគគុកទៅលើក្រុមរកស៊ីដឹកជញ្ជូន និងពួកប្រព្រឹត្តបទ ល្មើសគ្រប់ប្រភេទ ព្រមទាំង ក្រុម មន្ត្រីសមត្ថកិច្ចខិលខូចមួយចំនួន តូចដែលឃិបឃិតគ្នាជាប្រព័ន្ធ ចែកផលប្រយោជន៍លាភសក្ការ: គ្នាតាមឋានានុក្រមទេ គឺវាពិតជា ដូចការរិះគន់របស់ប្រជាពលរដ្ឋមិនខានឡើយទានប្រោស !? ៕ ដោយ: សុផល Tel: 012 953 824 / 088 55 34 100 / 016 953 222
