កម្លាំងសមត្តកិច្ចសហការ បង្ក្រាបករណីបាញ់សម្លាប់ជនជាតិចិន នៅស្រុកភ្នំស្រួច ខេត្តកំពង់ស្ពឺ!

កំពង់ស្ពឺ៖នៅថ្ងៃទី៩ ខែវិច្ឆិកា ឆ្នាំ២០២៦ វេលាម៉ោង០៩និង៤៥នាទី នៅចំណុចលើផ្លូវលេខ១៤២ ស្ថិតក្នុងភូមិមាត់សាយ ឃុំតាំងស្យា ស្រុកភ្នំស្រួច ខេត្តកំពង់ស្ពឺ មានករណីឃា,តក,ម្ម (បា,ញ់សម្លា,ប់) ។ជនមិនស្គាល់អត្តសញ្ញាណម្នាក់ បានប្រើប្រាស់អាវុធខ្លីចំនួន០១ដើម ធ្វើសកម្មភាពបា,ញ់ទៅលើជនរងគ្រោះឈ្មោះ HAN YU MING ភេទប្រុស អាយុ៣៥ឆ្នាំ ជនជាតិចិន (ផ្នែកគ្រប់គ្រងសម្ភារ: និងប្រេង) ត្រូវចំដើមទ្រូងបណ្តាលឲ្យស្លា,ប់ភ្លាមៗ.ពេលជនរងគ្រោះបានជិះម៉ូតូដេញតាមជនសង្ស័យខាងលើលួចដឹកប្រេង ហើយក៏ត្រូវបានជនសង្ស័យដកអាវុធខ្លីបាញ់ទៅលើជនរងគ្រោះតែម្តង។នេះបើតាមលោកវរសេនីយ៍ទោ ជុន ចន្ទដេត អធិការនគរបាលស្រុកភ្នំស្រួចឲ្យដឹង។ 

ករណីនេះ កម្លាំងជំនាញរបស់នាយកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន លោកវរសេនីយ៍ឯក ហែម បូណា និងលោកវរសេនីយ៍ឯក ឆាន់ គីមលី អនុប្រធាននាយកដ្ឋាន បានដឹកនាំសហការជាមួយកម្លាំងរបស់ស្នងការដ្ឋាននគរបាលខេត្តកំពង់ស្ពឺ ចុះដល់ទីតាំងកើតហេតុ ដើម្បីធ្វើការស៊ើបអង្កេតស្រាវជ្រាវ និងបានធ្វើការឃាត់ខ្លួនជនសង្ស័យដែលជាកម្មករលួចប្រេងរបស់ក្រុមហ៊ុន បានចំនួន០៦នាក់រួមមាន៖

១-ឈ្មោះ នន ណេង ភេទប្រុសអាយុ៣១ឆ្នាំ.២-ឈ្មោះ ភួង សំណាង ភេទប្រុសអាយុ៥០ឆ្នាំ.៣-ឈ្មោះ ព្រិច បូរ៉ា ភេទប្រុសអាយុ២៦ឆ្នាំ.៤-ឈ្មោះ ឃុយ ធី ភេទប្រុស អាយុ៥៨ឆ្នាំ

៥-ឈ្មោះ ណុប សាក់ ភេទ ប្រុសអាយុ៣៥ឆ្នាំ.៦-ឈ្មោះ សួង សុនិត ភេទប្រុសអាយុ៤៥ឆ្នាំ ជនជាតិខ្មែរ.។

រហូតដល់ថ្ងៃទី១០ ខែវិច្ឆិកា ឆ្នាំ២០២៦ វេលាម៉ោង១៥និង១០នាទី កម្លាំងជំនាញបានបន្តសហការជាមួយស្នងការដ្ឋាននគរបាលខេត្តព្រះសីហនុ ដោយឃាត់ខ្លួនបានជនសង្ស័យម្នាក់ទៀត(ជាអ្នកទទួលទិញប្រេង និងជាបក្ខពួកជនដៃដល់) មានឈ្មោះ មឿន សុខគា ភេទប្រុស អាយុ៤២ឆ្នាំ ជនជាតិខ្មែរ ត្រង់ចំណុចភូមិស្ទឹងសំរោង ឃុំអូរបាក់រទេះ ស្រុកកំពង់សិលា ខេត្តព្រះសីហនុ។

នៅថ្ងៃទី១១ ខែវិច្ឆិកា ឆ្នាំ២០២៦ វេលាម៉ោង១១និង៤០នាទី កម្លាំងជំនាញបានបន្តសហការជាមួយស្នងការដ្ឋាននគរបាលខេត្តកោះកុង ដោយឃាត់ខ្លួនបានជនសង្ស័យចំនួន០២នាក់បន្ថែមទៀត រួមមាន៖

១-ឈ្មោះ ឆាយ សុផាត ភេទប្រុស អាយុ៤៦ឆ្នាំ ជនជាតិខ្មែរ ត្រង់ចំណុច វាល៤ ឃុំប៉ាក់ខ្លង ស្រុកមណ្ឌលសីមា ខេត្តកោះកុង (ជាអ្នកទទួលទិញប្រេង និងជាអ្នកធ្វើសកម្មភាពបាញ់ជនរងគ្រោះ)

២-ឈ្មោះ ជ័យ សីហា ភេទប្រុស អាយុ៤២ឆ្នាំ ជនជាតិខ្មែរ ត្រង់ចំណុចភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង (ជាអ្នកទទួលទិញប្រេង និងជាបក្ខពួកជនដៃដល់)។ ដកហូតបាន អាវុធខ្លីចំនួន០១ដើម ម៉ាកK54 បង់ចំនួន០១ គ្រាប់ចំនួន០៥។

 តាមរយៈប្រតិបត្ដិការស្រាវជ្រាវដោយយកចិត្ដទុកសមត្ថកិច្ចបានឃាត់ខ្លួនជនសង្ស័យឈ្មោះ មឿន សុខគា ប្រុស ៤២ឆ្នាំ រស់នៅភូមិស្ទឹងច្រាល ឃុំអូរបាក់រទេះ ស្រុកកំពង់សីលា លួចប្រេងជាង២០០កាន ហើយបន្តឃាត់ខ្លួនជនសង្ស័យ២នាក់ទៀត (១)-ឈ្មោះ ឆាយ ផាត ប្រុស ៤៤ឆ្នាំ ភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង (ជាអ្នកបាញ់ជនរងគ្រោះ) បាននាំខ្លួនទៅយកអាវុធខ្លីK54 លេខ778809 ដែលលាក់ទុកក្នុងព្រៃ (២)-ឈ្មោះ ជ័យ សីហា ប្រុស៤២ឆ្នាំ ភូមិ២ សង្កាត់ដងទង់ ក្រុងខេមរភូមិន្ទ ដកហូតម៉ូតូC125ពណ៌ខ្មៅ (ម៉ូតូដឹកប្រេង) ។

សមត្ថកិច្ចឃាត់ខ្លួនជនសង្ស័យពាក់ព័ន្ធ ករណីឃាតកម្មគិតទុកជាមុនបាន ៩នាក់ និងបានកសាងសំណុំរឿងបញ្ជូនទៅអយ្យការ អមសាលាដំបូងខេត្ដកំពង់ស្ពឺ ចាត់ការតាមនីតិវិធី៕