នាយករដ្ឋមន្ត្រីដកតំណែងអគ្គនាយករងនគរបាលអន្តោរប្រវេសន៍មកត្រឹមជាមន្ត្រីធម្មតាតែរក្សាផ្កាយ២?

ភ្នំពេញ៖សម្តេចធិបតីហ៊ុនម៉ាណែតនាយករដ្ឋមន្ត្រីនៅថ្ងៃទី៨មករាឆ្នាំ២០២៦បានចេញអនុក្រឹត្យដកតួនាទីលោកឧត្តមសេនីយ៍ឯកសុខលីហួតពីអគ្គនាយករងអគ្គនាយកដ្ឋាននគរបាលអន្តោប្រវេសន៍មកជាមន្ត្រីនគរបាលបាលធម្មតានិងបន្ថយផ្កាយ១គ្រាប់។ 

អនុក្រឹត្យ ស្តីពីការអនុវត្តទណ្ឌកម្មខាងវិន័យចំពោះមន្ត្រីនគរបាលជាតិ ក្នុងនោះសម្រេច ត្រូវបានដកហូតមុខតំណែង ពីឧត្តមសេនីយ៍ឯក សុខ លីហួត អត្តលេខ ០២២២២ ពីអគ្គនាយករង នៃអគ្គនាយកដ្ឋានអន្តោប្រវេសន៍ ក្របខ័ណ្ឌមន្ត្រីនគរបាលជាតិកម្ពុជា នៃក្រសួងមហាផ្ទៃ ឱ្យមកជាមន្ត្រី ។

ករណីយ៍ដកតួនាទីនេះត្រូវបានលោកទូចសុខៈអ្នកនាំពាក្យក្រសួងមហាផ្ទៃឲ្យកាសែតដឹងថាវាផ្តើមចេញពីបញ្ហាគ្រួសារបង្កឲ្យលោកឧត្តមសេនីយ៍សុខលីហួតប្រព្រឹត្តខុសវិន័យនគរបាលទើបក្រុមប្រឹក្សាវិន័យសម្រេចស្នើនាយករដ្ឋមន្ត្រីដកតួនាទី។

លោកទូចសុខ៖មិនបានបញ្ជាក់ថាតើកំហុសខាងវិន័យនគរបាលបានធ្ងន់ធ្ងប៉ុនណានោះទេតែការដកតំណែងប៉ុណ្ណឹងមិនមែនរឿងតូចតាចឡើយ។យ៉ាងណាលោកសុខលីហួតនៅថ្ងៃទី១២មករាត្រូវបានព្រះមហាក្សត្របានចេញព្រះរាជក្រឹត្យបន្ថយឋានន្តរសក្តិឧត្តមសេនីយ៍ឯកលោកសុខលីហួតមកត្រឹមឧត្តមសេនីយ៍ទោ(ផ្កាយពីរ)។ការដកឋានន្តរសក្តិពីផ្កាយ៣មកផ្កាយ២គឺតាមសំណើរនាយករដ្ឋមន្ត្រី។

ក្រៅពីនៅរក្សាផ្កាយពីរនគរបាលជាតិនៅក្នុងគណបក្សប្រជាជនលោកសុខលីហួតនៅមានឋានៈជាសមាជិកគណកម្មាធិការកណ្តាលគណបក្សដែលមានសមាជិកប្រមាណតែ១ពាន់នាក់នៅឡើយទេ។ចឹងចង់ឬមិនចង់បើមិនមានកំហុសធ្ងន់ទេថ្ងៃណាមួយលោកឧត្តមសេនីយ៍ឯកសុខលីហួតអាចនឹងមានឱកាសបានប្រអប់ណាមួយមកវិញក៏ថាបាន!?។

គេមានការសង្ស័យថាលោកឧត្តមសេនីយ៍សុខលីហួតដែលកាលមានតួនាទីជាអគ្គនាយករងនគរបាលអន្តោរប្រវេសន៍អាចនឹងមានការពាក់ពន្ធ័ជាមួយក្រុមជនបរទេសដែលប្រព្រឹត្តបទល្មើសឆបោកអនឡាញនៅក្នុងស្រុកខ្មែរទើបដល់ថ្នាក់ដកតំណេងបែបនេះ។ប្រសិនបើជាបទល្មើសពុករលួយទាក់ទងឧក្រឹដ្ឋកម្មឆបោកអនឡាញាការដកតួនាទីប៉ុណ្ណឹងនៅស្ទើណាស់!។គឺត្រូវរឹបអូសទ្រព្យសម្បត្តិដូចឧកញ៉ាចេនហ្ស៊ីទើបសម!។មិនអាចស្វែងរកការសុំបកស្រាយពីលោកឧត្តមសេនីយ៍ឯកសុខលីហួតបានទេករណីយ៍នេះ៕