ថ្ងៃទី២៨កក្កដានាយករដ្ឋមន្ត្រីកម្ពុជា និងនាយករដ្ឋមន្ត្រីស្តីទីថៃ នឹងទៅពិភាក្សាគ្នារឿងជម្លោះព្រំដែននៅ ម៉ាឡេស៊ី
ម៉ាឡេស៊ី៖ រដ្ឋមន្ត្រីការបរទេសម៉ាឡេស៊ី លោក Mohamad Hasan បានប្រកាសឱ្យដឹងថា កម្ពុជា និងថៃ បានយល់ព្រមឱ្យម៉ាឡេស៊ី ធ្វើជាអ្នកសម្របសម្រួល ក្នុងកិច្ចប្រឹងប្រែងដោះស្រាយជម្លោះព្រំដែន រវាងប្រទេសទាំង២។ នេះបើតាមការចេញផ្សាយដោយសារព័ត៌មាន Reuters។លោក Mohamad Hasan បានប្រាប់សារព័ត៌មានម៉ាឡេស៊ី Bernama នៅល្ងាចថ្ងៃអាទិត្យ ទី២៧ ខែកក្កដាថា នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត និងនាយករដ្ឋមន្ត្រីស្ដីទីថៃ លោក Phumtham Wechayachai ត្រូវបានរំពឹងថា នឹងធ្វើដំណើរទៅកាន់ម៉ាឡេស៊ី នៅល្ងាចថ្ងៃចន្ទ ទី២៨ ខែកក្កដា ឆ្នាំ២០២៥៕
នាយករដ្ឋមន្ត្រីស្ដីទីថៃ លោក ភុំថាំវិឆាយ៉ាឆៃ(Phumtham Wechayachai )នៅថ្ងៃអាទិត្យ ទី២៧ ខែកក្កដា ក៏បាននិយាយថាថៃចង់ជួបពិភាក្សាទ្វេភាគី ជាមួយកម្ពុជា និងមិនចង់ឱ្យមានអន្តរាគមន៍ពីប្រទេសទី៣នោះទេ ក្នុងការដោះស្រាយជម្លោះនៅព្រំដែនដែលកំពុងផ្ទុះឡើងរវាងប្រទេសទាំង២។ នេះបើតាមកាសែតថៃ The Nation ចេញផ្សាយនៅរសៀលថ្ងៃនេះ។លោក Phumtham ធ្វើការកត់សម្គាល់បែបនេះ បន្ទាប់ពីកិច្ចពិភាក្សាតាមទូរស័ព្ទជាមួយលោកប្រធានាធិបតីអាមេរិក ដូណាល់ ត្រាំ និងក្រោយរូបលោកអះអាងថា ថៃយល់ព្រមជាគោលការណ៍ លើបទឈប់បាញ់ស្នើឡើងដោយលោក ត្រាំ។ ថ្លែងនៅឯស្ថានីយវិទ្យុ និងទូរទស្សន៍កងទ័ពថៃ លោក Phumtham បានពន្យល់ថាលោក ត្រាំ បានស្នើឱ្យមានបទឈប់បាញ់បន្ទាន់មួយរវាងកម្ពុជា និងថៃ ជាមួយការបន្ថែមថា សហរដ្ឋអាមេរិកនឹងដំណើរការកិច្ចចរចាពាណិជ្ជកម្មនោះទេ ប្រសិនបើការវាយប្រយុទ្ធមិនបញ្ឈប់៕
ករណីយ៍នេះខាងប៉ុស្ត៍RT news រុស្សីនៅតែផ្សាយថា៖"លោក ហ៊ុន ម៉ាណែត នាយករដ្ឋមន្ត្រីកម្ពុជា បានគាំទ្រគំនិតផ្តួចផ្តើមរបស់លោកប្រធានាធិបតីអាមេរិក ដូណាល់ ត្រាំ ក្នុងការឈប់បាញ់ជាមួយប្រទេសថៃ។លោក ម៉ាណែត បាននិយាយនៅក្នុងសេចក្តីថ្លែងការណ៍ផ្លូវការមួយថា “កម្ពុជាយល់ព្រមចំពោះសំណើសុំបទឈប់បាញ់ជាបន្ទាន់ និងគ្មានលក្ខខណ្ឌរវាងកងកម្លាំងប្រដាប់អាវុធទាំងពីរ”។នៅថ្ងៃទី២៦ ខែកក្កដា ឆ្នាំ២០២៥នេះ (កម្ពុជា២៧ក្កដា)តាមបណ្តាញង្គមលោកត្រាំគូសបញ្ជាក់ថា «ខ្ញុំទើបនិយាយជាមួយនាយករដ្ឋមន្ត្រីកម្ពុជា ទាក់ទងនឹងការបញ្ឈប់សង្គ្រាមជាមួយថៃ។ ខ្ញុំអំពាវនាវទៅនាយករដ្ឋមន្ត្រីស្តីទីនៃប្រទេសថៃ នៅពេលនេះដើម្បីស្នើសុំឱ្យមានបទឈប់បាញ់ និងបញ្ចប់សង្គ្រាមដែលកំពុងផ្ទុះឡើងក្នុងពេលបច្ចុប្បន្ននេះផងដែរ»។
សម្រាប់សម្តេចនាយករដ្ឋមន្ត្រី ហ៊ុន ម៉ាណែតវិញបានថ្លែងដោយសង្ឃឹមថា ភាគីថៃនឹងមិនកែប្រែជំហរនេះម្តងទៀត ដូចកាលពីថ្ងៃទី២៤ កក្កដាក្រោមការជួយសម្របសម្រួលរបស់ឯកឧត្តម Anwar Ibrahim នោះទេ។ ទាកទងការលូកដៃសម្របសម្រួលពីអាមេរិកសម្តេចធិបតីហ៊ុនម៉ាណែតឲ្យកដឹងថាលោកបានប្រគល់ភារកិច្ចជូនឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ អោយបន្តកិច្ចការងារនេះដោយពិភាក្សាជាមួយ ឯកឧត្តម Marco Rubio រដ្ឋមន្ត្រីការបរទេសសហរដ្ឋអាមេរិក ដើម្បីសម្របសម្រួលជាមួយភាគីថៃ ក្នុងគោលដៅឈានទៅអនុវត្តគោលការណ៍ ដែលបានព្រមព្រៀងគ្នាឲ្យបានឆាប់រហ័ស ដែលអាចបញ្ចប់ការស្លាប់ និងរបួសរបស់កងទ័ពនិងប្រជាពលរដ្ឋទាំងសងខាង។
សូមបញ្ជាក់ថាទាក់និងការបដិសេធមិនទទួលយកការសម្របសម្រួលពីប្រធានអាស៊ានលោកអានវ៉ាអ៊ីប្រាហ៊ីមកាលពីថ្ងៃទី២៤កក្កដាអ្នកនាំពាក្យក្រសួងការបរទេសថៃ លោក Nikorndey Balankura បានប្រាប់ទីភ្នាក់ងារសរពត៍មានបរទេសថា "ខ្ញុំមិនគិតថាយើងត្រូវការការសម្រុះសម្រួលពីភាគីទីបីនៅឡើយទេ។ យើងយល់ឃើញថា យន្តការទ្វេភាគីគឺជាមធ្យោបាយដ៏ល្អបំផុតចេញពីស្ថានការណ៍។ នេះគឺជាការប្រឈមមុខដាក់គ្នារវាងប្រទេសទាំងពីរ" ។គេមិនដឹងថាតើថៃនឹងតម្លើងយុទ្ធនាការវាយលុកលើកម្ពុជាដើម្បីដាក់ការគៀបសង្គត់កម្ពុជាក្នុងថ្ងៃជួបជរចារគ្នាឬក៏ឈប់បាញ់នោះទេ!?៕
