ខ្មែរពិបាករកពងយួនខុសច្បាប់ហូបហើយឆ្នាំ២០២៥នេះទោះបីឈ្មួញខំលួចនាំចូលក៏ដោយ
ភ្នំពេញ៖ក្រៅពីការហាមឃាត់មិនឲ្យនាំចូលផ្លែធុររេនវៀតណាមថៃក្រោមលេសមានជាតិគីមីដែលខ្លឺមសាពិតក្រៅពីការពារសុខភាពរដ្ឋាភិបាលក៏បានជួយថែរក្សាជួយលើកកំពស់ទីផ្សារតម្លៃផ្លែធុរេកសិករខ្មែរផងដែរ។ឡូវនេះបន្ថែមលើការហាមឃាត់ការនាំចូលសាច់គោនិងផលិតផលសាច់គ្មានច្បាប់ពីប្រទេសជិតខាងសមត្តកិច្ចក៏បានរិតបណ្តឹងការលួចនាំចូលពងមាន់ពីប្រទេសវៀតណាមផងដែរ។
ជាក់ស្តែង ក្រុមអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ បានស្ទាក់ចាប់រថយន្តមួយគ្រឿងម៉ាក SSANGYONG ISTANA ពណ៌លឿង ពាក់ស្លាកលេខ ភ្នំពេញ 2R-6203 ដឹកពងមាន់ចំនួន ៨៥ដុំ ស្មើនឹង ២៥៥០០គ្រាប់ ដែលឈ្មួញលួចនាំចូលពីប្រទេសវៀតណាម តាមច្រករបៀង ស្រុកគិរីវង់ ខេត្តតាកែវ ឆ្ពោះមកលក់ចែកចាយនៅរាជធានីភ្នំពេញ នៅព្រឹកថ្ងៃទី២៦ ខែឧសភា ឆ្នាំ២០២៥ត្រូវចាប់ឃាត់នៅម្តុំរង្វង់មូលព្រែកកំពឹសមិនមែននៅព្រុំដែននាចូលទេ។
ការបង្ក្រាបពងមាន់គ្មានលិខិតអនុញ្ញាតនេះ ធ្វើឡើងនៅវេលាម៉ោង ៦:៥០នាទីព្រឹកថ្ងៃទី២៦ ខែឧសភា ឆ្នាំ២០២៥ ជិតរង្វង់មូលកួរស្រូវ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។ករណីយពងមាន់នេះដែរកាលពីវេលាម៉ោង១១និង៣៥នាទីយប់ ថ្ងៃទី២១ ខែឧសភា ឆ្នាំ២០២៥ នៅចំណុចតាមបណ្តោយផ្លូវជាតិលេខ១ សង្កាត់ព្រែកឯង ខណ្ឌច្បារអំពៅ រាជធានីភ្នំពេញក៏មានលការបង្រាបដែរ។
រថយន្តម៉ាក SSANGYONG ISTANA ដឹកពងមាន់ត្រូវកម្លាំងជំនាញបាន ស្ទាក់ចាប់បាននៅចំណុចសង្កាត់ព្រែកឯង ភ្លាមៗ។ កម្លាំងបានត្រួតពិនិត្យឆែកឆេររកឃើញស៊ុតមាន់ចំនួន ៦០ដុំ ស្មើនឹង១៨០០០គ្រាប់ ដោយដឹកចេញពីប្រទេសវៀតណាម តាមច្រករបៀង ស្រុកព្រះស្ដេច ខេត្តព្រៃវែង ដើម្បីយកមកលក់ និងចែកចាយនៅរាជធានីភ្នំពេញ ដោយគ្មានលិខិតអនុញ្ញាត។
បើគិតចាប់ពីថ្ងៃទី១ ដល់២២ ខែឧសភា ក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ បង្ក្រាបបានករណីនាំចូលពងមាន់ និងពងទា ខុសច្បាប់ពីប្រទេសវៀតណាមចំនួន ៤លើក ក្នុងនោះ ឃាត់បានរថយន្ត៦គ្រឿង និងរឹបអូសពងមាន់បានប្រមាណ ២០៤ ០០០គ្រាប់។បើតាម លោក ហ៊ុន សារ៉ាត់ កាលថ្ងៃទី១ ខែឧសភា ក្រុមអន្តរាគមន៍បង្ក្រាបបទល្មើសចលនាសត្វ ឃាត់បានរថយន្តមួយគ្រឿងដឹកពងទា ៣៩ ០០០គ្រាប់ ចេញពីវៀតណាម តាមច្រករបៀងស្រុកកំពង់ត្របែក ខេត្តព្រៃវែង។ នៅថ្ងៃទី ៤ ខែឧសភា មន្ត្រីជំនាញដដែល ចាប់បានរថយន្ត ៣គ្រឿង ដែលដឹកពងមាន់ ១២៣ ០០០គ្រាប់ ចេញពីវៀតណាម តាមច្រកភ្នំដិន ស្រុកគិរីវង់ ខេត្តតាកែវ។
រហូតមកដល់ថ្ងៃទី១២ ខែឧសភា ក្រុមការងារង្ក្រាបបទល្មើសចលនាសត្វ ក៏ឃាត់បានរថយន្តមួយគ្រឿងទៀត ដឹកពងសត្វមាន់ ២៤ ០០០គ្រាប់ ចេញពីវៀតណាម តាមច្រករបៀងមួយកន្លែង ដែលស្ថិតក្នុងស្រុកកំពង់ត្របែក ខេត្តព្រៃវែង។ ចុងក្រោយ នៅថ្ងៃទី២១ ខែឧសភានេះ មន្ត្រីជំនាញ ឃាត់បានរថយន្តមួយគ្រឿងដឹកពងមាន់ ១៨ ០០០គ្រាប់ ចេញពីវៀតណាម តាមច្រករបៀងស្រុកព្រះស្ដេច ខេត្តព្រៃវែង។រថយន្តដែលឈ្មួញប្រើប្រាស់ម្រាប់ដឹកពងមាន់ និងពងទា គឺសុទ្ធសឹងប្រភេទ SSANGYONG ISTANA។ ស៊ុតសត្វគ្មានច្បាប់ទាំងនេះ គឺគេបម្រុងយកទៅចែកចាយនៅទីក្រុងភ្នំពេញ។ នេះបើតាម លោក ហ៊ុន សារ៉ាត់ ដោយបញ្ជាក់ថា វត្ថុតាងនៃបទល្មើសទាំងអស់ ត្រូវបានយកទៅរក្សាទុកនៅចត្តាឡីស័ក របស់អគ្គដ្ឋានសុខភាពសត្វនិងផលិតកម្មសត្វ ដើម្បីចាត់ការទៅតាមនីតិវិធីច្បាប់
សូមបញ្ចាក់ថាមន្ត្រីជំនាញនៃអគ្គនាយកដ្ឋានសុខភាពសត្វ និងផលិតកម្មសត្វ កាលពីថ្ងៃទី១១ខែកក្កដា ក៏បានស្ទាក់ចាប់បានរថយន្តមួយគ្រឿង ម៉ាក SANGYONG ISTANA ជាប្រភេទរថយន្តដឹកអ្នកដំណើរ ១៥កៅអី ដឹកពងមាន់-ទាចំនួន ២៣៧០០គ្រាប់ ពីវៀតណាម មកកាន់កម្ពុជាតាមស្រុកគិរីវង់ ខេត្តតាកែវ បម្រុងយកទៅចែកចាយនៅភ្នំពេញ ដោយគ្មានលិខិតអនុញ្ញាត។ដោយឡែក នៅថ្ងៃទី១២ ខែកក្កដា ក្រុមការងាជំនាញដដែល ចាប់បានរថយន្តមួយគ្រឿងទៀត ម៉ាកSSANGYONG ISTANA ជាប្រភេទរថយន្តដឹកអ្នកដំណើ១៥កៅអីដូចគ្នា ដឹកស៊ុតសត្វមាន់ចំនួន៣៧៥០០គ្រាប់ ពីវៀតណាម តាមច្រកភ្នំដិន ស្រុកគិរីវង់ ខេត្តតាកែវចូលមកលក់ចែកចាយនៅភ្នំពេញ ដោយគ្មានលិខិតអនុញ្ញាត។
សម្រាប់ច្រកព្រុំដែនខេត្តតាកែវលោក វ៉ី សំណាង អភិបាលខេត្តតាកែវ បានដាក់បញ្ជាយ៉ាងម៉ឺងម៉ាត់ដល់មន្ត្រីប្រចាំការនៅច្រកទ្វារតាមព្រំដែនទាំងអស់រវាងខេត្តតាកែវ និងខេត្តអានយ៉ាង និងខេត្តគៀងយ៉ាង ប្រទេសវៀតណាម ត្រូវទប់ស្កាត់ឱ្យបាននូវការនាំចូលពងមាន់ ពងទា និងសាច់បង្កកខុសច្បាប់មកកម្ពុជា។ប៉ុន្តែទប់មិនបានមិនដឹងមូលហេតុអីបានធ្លាយមកដល់ភ្នំពេញ?៕
