» លោក ម៉ាក្រុន ឲ្យដឹងថា«ព្រះវិស្ណុផ្ទំ»នៃប្រសាទមេបុណ្យតាំង នៅសារមន្ទីរ Guimet បានទាក់ទាញមនុស្សរាប់ម៉ឺននាក់ ឱ្យស្គាល់អរិយធម៌កម្ពុជា » ឡានសាមុយ មន្ទីរសុខាភិបាល ខេត្តមណ្ឌលគិរី ជួបគ្រោះថ្នាក់ចរាចរណ៍នៅចំណុចផ្លូវចូល ព្រលានយន្តហោះ ក្នុងស្រុកអូរាំងស្លាប់៣ » ក្នុងនាមជាម្ចាស់ផ្ទះកិច្ចប្រជុំអង្គការអន្តរជាតិហ្វ្រង់កូហ្វូនី(OIF)លើកទី២០កម្ពុជាបញ្ជៀសបានជោគជ័យបញ្ហាទំនាស់គ្នារឿងតួនាទីអគ្គលេខាធិការ! » អាជ្ញាធរខណ្ឌពោធិសែនជ័យចុះបិទគ្លីនិក«ផេង សុវណ្ណារ័ត្ន»បន្ទាប់ពីមានកុមារីម្នាក់ស្លាប់ » ប្រធានាធិបតីអាមេរិកលើកចំពោះមុខមេដឹកនាំអាស៊ានពីតម្រូវការអនុវត្តន៍បទឈប់បាញ់រវាងថៃកម្ពុជា » បើកការជម្រឿនមន្ទ្រីនគរបាលរដ្ឋមន្ត្រីក្រសួងមហាផ្ទៃ បង្ហើបពីការរកឃើញនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ! » កម្ពុជា មានការសោកស្តាយ និងព្រួយបារម្ភចំពោះផលប៉ះពាល់ថ្មីៗដោយសំណល់ជាតិផ្ទុះ ដែលយោធាថៃបានបន្សល់ទុក នៅក្នុងខេត្តចំនួន ៧ តាមបណ្តោយព្រំដែន » អភិបាលក្រុង METZ ប្រទេសបារាំង ចុះពិនិត្យមើលស្ថានភាព នៃការរស់នៅរបស់បងប្អូនភៀសសឹកទាំង៦ភូមិ នៅភូមិរង់ចាំខេត្តបន្ទាយមានជ័យ » ឧត្តមសេនីយ៍ទោ សេង ធារិន មេបង្ក្រាបអរគុណ និងសរសើរកូនចៅពីការបង្ក្រាបបទល្មើសនេសាទលើផ្ទៃបឹងទន្លេសាប » រដ្ឋមន្ត្រីព័ត៌មាន​ កម្ពុជាអះអាងថា​ កិច្ចប្រជុំកំពូលហ្វ្រង់កូហ្វូនីលើកទី២០​ ទទួលបានលទ្ធផលដ៏ត្រចះត្រចង់ » ប្រធានាធិបតីបារាំង លោក ម៉ាក្រុង ចាកចេញពីកម្ពុជាហើយដោយបន្សល់ទុកនូវអនុស្សាវរីយ៍ល្អៗជាប្រវត្តិសាស្ត្រ! » ក្រុមសភាអាយប៉ាគាំទ្រកម្ពុជាក្នុងការដោះស្រាយបញ្ហាជាមួយថៃលើបញ្ហាព្រុំដែនដោយសន្តិវិធី » ជំទាវញ៉ែមរកតរដ្ឋលេខាធិការក្រសួងកិច្ចការនារីគម្រាមអ្នកដែលបើកកាយឪពុកកញ្ញាជូរីល្អហួស! » ប្រធានាធិបតីរវ៉ាន់ដា និងសម្តេចធិបតី បញ្ជាក់ថា “រវ៉ាន់ដានឹងក្លាយជាច្រកទ្វារសម្រាប់នាំទំនិញកម្ពុជាចូលទៅកាន់ទីផ្សារនៃទ្វីបអាហ្វ្រិក ,កម្ពុជានឹងក្លាយ ជាច្រកទ្វារសម្រាប់នាំទំនិញរវ៉ាន់ដាចូលទីផ្សារអាស៊ាន និងអាស៊ី » ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 5880 នាក់

ម្សិលមិញ 13560 នាក់

សរុប 21226745 នាក់

អុំទូកក្រោមព្រះរាជធិបតីព្រះមហាក្សត្រនិងការរៀបចំរបស់អាជ្ញាធរ

ភ្នំពេញ​៖​ព្រះករុណា​ជា​អ​ម្ចាស់ជីវិតលើត្បូង ព្រះបាទ​សម្តេច​ព្រះបរមនាថ ន​រោ​ត្ដម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា ព្រះអង្គ​សព្វព្រះរាជហឫទ័យ ស្តេចយាង​ជា​ព្រះរាជាធិបតី​ដ៏​ខ្ពង់ខ្ពស់​បំផុត ក្នុង​ព្រះរាជ​ពិធីបុណ្យ​អុំទូក បណ្តែតប្រទីប និង​សំពះ​ព្រះ​ខែ អកអំបុក នា​រសៀល​ថ្ងៃទី​១៤ ខែវិច្ឆិកា ឆ្នាំ​២០២៤ ដែល​ប្រារព្ធ​ឡើង​នៅ​ទន្លេចតុមុខ មុខ​ព្រះបរមរាជវាំង រាជធានី​ភ្នំពេញ​។a baot racing2 

ប្រជាពលរដ្ឋ​មកពី​តាម​បណ្តា​ខេត្ត​ផ្សេងៗ បាន​ចូលរួម​ទស្សនា​កម្សាន្ត ក្នុង​ព្រះរាជ​ពិធីបុណ្យ​អុំទូក បណ្ដែតប្រទីប និង​សំពះ​ព្រះ​ខែ អកអំបុក នៅ​ថ្ងៃទី​១ ហើយ​បាន​សម្តែង​ការ​ត្រេកអរ និង​សប្បាយរីករាយ ក្នុងនោះ​ក៏​អំពាវនាវ​ដល់​ប្រជាពលរដ្ឋ​ឯទៀត មក​ចូលរួម​ឲ្យ​បាន​ច្រើន​កុះករ​។​​ក្នុងចំណោម​ទូក​ចូលរួម​ជាង​៣០០​និង​កម្លាំង​ជាង​២​ម៉ឺន​នាក់​សម​ក្រុម​កីឡាករ​ទូកង «​ខ្មែរ​កម្ពុជា​ក្រោម​មានជ័យ​» មិន​ត្រឹមតែ​ទទួលបាន​ការឧបត្ថម្ភ​សម្រាប់​ការប្រកួត​នៅ​ឆ្នាំ​២០២៤​នេះ​ប៉ុណ្ណោះ​ទេ នៅពេលនេះ​សម្តេច​តេ​ជោ ហ៊ុន សែន ប្រធានព្រឹទ្ធសភា​កម្ពុជា បានសម្រេច​ធ្វើ​ទូកង​ខ្នាត​វែង​ជូន​មួយគ្រឿង ដើម្បី​ចូលរួម​ប្រណាំង​ក្នុង​ព្រះរាជ​ពិធីបុណ្យ​អុំទូក​នៅ​ឆ្នាំ​២០២៥​។ តាមរយៈ​ទូកង​ខ្នាត​វែង នឹងធ្វើ​ឱ្យ​ទូកង «​ខ្មែរ​កម្ពុជា​ក្រោម​មានជ័យ​» កាន់តែ​ទទួលបាន​ការចាប់អារម្មណ៍ និង​ស្គាល់​កាន់តែខ្លាំង​ផងដែរ​។​

​លោក សាន សាង ទីប្រឹក្សា​សម្តេច​តេ​ជោ ហ៊ុន សែន ក្នុងឋានៈ​ប្រធាន​គណបក្ស​ប្រជាជន​កម្ពុជា បាន​បញ្ជាក់ថា «​សម្តេច​តេ​ជោ បាន​យល់ព្រម​ផ្តល់​ទូកង​ថ្មី​មួយទៀត ជូន​ក្រុម​កីឡាករ​ខ្មែរក្រោម​សម្រាប់​ឆ្នាំក្រោយ គឺ​ខ្នាត​ធំ​សម្រាប់​ការប្រកួត​នៅ​ឆ្នាំក្រោយ​។ សម្តេច​បាន​ចាត់ចែង​ឯកឧត្តម សេង ទៀង ក្នុងការ​សាងសង់​ទូក​នេះ​»​។​​ចាប់តាំងពី​ឆ្នាំ​២០០២​មក បងប្អូន​ខ្មែរក្រោម​ដែល​រស់នៅក្នុង​ប្រទេស​ក​ម្ពុ​ជា តាមរយៈ​ទូកង​ឈ្មោះ «​ខ្មែរ​កម្ពុជា​ក្រោម​មានជ័យ​» តែងតែ​ចូលរួម​ប្រណាំង​ក្នុង​ព្រះរាជ​ពិធីបុណ្យ​អុំទូក​មិនដែល​ខកខាន​នោះឡើយ ទោះបី​លទ្ធភាព​ខ្សត់ខ្សោយ ឬ​ខ្វះខាត​ក៏ដោយ​។ ទូក​ដែល​ចូលរួម​ប្រណាំង​នេះ ជា​ទូក​ខ្នាត​ខ្លី​ចំណុះ​ត្រឹមតែ​២២​នាក់​ប៉ុណ្ណោះ​។​

ប្រជាពលរដ្ឋ​បានឃើញ​ការរៀបចំ​ស្អាត និង​មាន​បរិយាកាស​ស្រស់ស្រាយ ជាពិសេស អាកាសធាតុ​ក៏​អំណោយផល​។​គេ​ក៏​សង្កេតឃើញ​មាន​ភ្ញៀវទេសចរ​ជាតិ អន្តរជាតិ រួមទាំង​កីឡាករ​ប្រណាំងទូក ជាច្រើន​កុះករ​មកពី​គ្រប់ទិសទី​ចូលរួម​កម្សាន្ត​នៅក្នុង​ព្រះរាជ​ពិធីបុណ្យ​អុំទូក​នេះ​ផងដែរ​។​​ក្រៅពី​ការ​ទស្សនាការ​ប្រណាំងទូក​ង​នៅ​មាត់ទន្លេ ប្រជាពលរដ្ឋ​ក៏​អាច​ទស្សនា និង​ទិញ​ទំនិញ​តាម​ស្តង់​តាំងពិព័រណ៍​ទំនិញ​ជាច្រើន​នៅតាម​ទីតាំង​នីមួយៗ​ក្នុង​រាជធានី​ភ្នំពេញ ព្រមទាំង​ទស្សនា​ការប្រគំ​តន្ត្រី​តាម​ទម្រង់​សិល្បៈ​បុរាណ និង​សម័យ​ដែលមាន​ប្រគំ​ជូន​នៅតាម​សួន​សាធារណៈ​។​

​អាជ្ញាធរ និង​សមត្ថកិច្ច​គ្រប់​ជាន់ថ្នាក់​យកចិត្តទុកដាក់​ខ្ពស់ ប្រចាំការ​តាម​គោលដៅ ក្នុងការ​ថែរក្សា​សន្តិសុខ​សណ្តាប់ធ្នាប់ ដើម្បី​ឲ្យ​ប្រជាពលរដ្ឋ និង​ទេសចរ​បរទេស មានឱកាស​បាន​សប្បាយ​រីករាយ ក្នុងឱកាស​ដ៏​វិសេសវិសាល​នេះ​។​លោក ឃួ​ង ស្រេង អភិបាល​រាជធានី​ភ្នំពេញ បាន​ណែនាំ​ឱ្យ​មន្ត្រី​ជំនាញ ធ្វើការ​ជួសជុល​តុបតែង កែលម្អ ជួសជុល​ក្រា​នី​ត ការ៉ូឡា សួនច្បារ សាងសង់​បង្គន់​អនាម័យ និង​បន្ទប់ទឹក និង​ពង្រាយ បង្គន់​អនាម័យ​ចល័ត ព្រមទាំង​ការងារ​ផ្សេងៗ​ទៀត​។ ការងារ​ខាងលើ អនុវត្ត​សម្រេចបាន​១០០​ភាគរយ​ហើយ​។ លាបថ្នាំ តាម​ច្រាំងទន្លេ​(​មុខ​ពន្លាជ័យ​) លាប​ក្បាច់​បង់​អង្គុយ​ថ្ម​ម៉ាប លាប​បង់​អង្គុយ លាប​បង្គោល​ភើ​ង​ថ្ម លាប​រូបសំណាក​តោ និង​ហ៊ុម​ព័ន្ធ​របង​សួនច្បារ​វិមានឯករាជ្យ សួនច្បារ​មាត់ទន្លេ (​ចាប់ពី​ផ្សារ​រាត្រី​ដល់​សាលសន្និសីទ​ចតុមុខ​) ការដាក់ ស្លាក​សញ្ញា​បង្ហាញ​ទីតាំង​សំខាន់ៗ ជាមួយ​ការត្រៀម​កម្លាំង សម្រាប់ បោសសម្អាត​សួនច្បារ​រយៈពេល​៤​ថ្ងៃ ចាប់ពី​ថ្ងៃ​១៤ ១៥ ១៦ និង​១៧ ខែវិច្ឆិកា ឆ្នាំ​២០២៤ គឺ​សុទ្ធតែ​បាន​ត្រៀម​រួចរាល់ ។​

​រដ្ឋបាល​រាជធានី​ភ្នំពេញ បាន​បញ្ចេញ​កម្លាំង​ការិយាល័យ​សួនច្បារ និង​រុក្ខជាតិ​នៃ​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ​ចំនួន ៣៣០​នាក់ សហការ​ជាមួយ​ក្រុមហ៊ុន​ប្រមូល​សំរាម​ទាំង​៣ នៅ​រាជធានី​ភ្នំពេញ ប្រមាណ​ជាង ៧០០​នាក់ សរុប​ប្រមាណ ១០០០​នាក់ ដើម្បី​បោសសម្អាត កើប​សំរាម នៅតាម​ដងផ្លូវ តាម​សួនច្បារ​នានា និង​តំបន់​ប្រារព្ធ​ពិធី ប្រមូល​វិច​ខ្ចប់​រួច​ដឹក​ចេញ​ដោយ​ព្រឹក​ឡើង បាន​រួចរាល់​ស្អាត​ទាំងអស់​តែម្តង​។​

លោកស្រី ដោ សម្ផស្ស នាយិកា​រង​រដ្ឋបាល និង​ជា​អ្នកនាំពាក្យ​រដ្ឋបាល​រាជធានី​ភ្នំពេញ នា​ព្រឹក​ថ្ងៃទី​១៥ ខែវិច្ឆិកា ឆ្នាំ​២០២៤ បានឱ្យដឹងថា ទោះបី​ព្រះរាជ​ពិធីបុណ្យ​បានបញ្ចប់​ទៅដោយ​បា​នប​ន្ស​ល់​នូវ​សំរាម ដែល​ប្រជាពលរដ្ឋ​បាន​ដើរលេង​កម្សាន្ត និង​ហូបចុក តាម​សួនច្បារ​នានា ក្នុង​រាជធានី​ភ្នំពេញ តែ​ត្រូវបាន​ធ្វើការ​បោសសំអាត និង​ប្រមូល​កើប​ចេញ អស់​នៅ​ថ្ងៃ​បន្ទាប់​។​លោក ស៊ូ សាវ៉ន ប្រធានការិយាល័យ សួនច្បារ និង​រុក្ខជាតិ នៃ​មន្ទីរ​សាធារណការ និង​ដឹកជញ្ជូន រាជធានី​ភ្នំពេញ បានឱ្យដឹងថា កម្លាំង​បោសសម្អាត សំរាម​នៅ​សួនច្បារ​នានា និង​តំបន់​ប្រារព្ធ​ពិធី ដោយ​ធ្វើ​បោស សំអាត កើប​សំរាម​ចេញ​ក្រោយ​ចប់​ពិធី​សប្បាយភាព​ចាប់ពី​ម៉ោង​១២​យប់ ថ្ងៃ​១៤​វិច្ឆិកា រហូតដល់​ម៉ោង​៧​ព្រឹក ថ្ងៃទី​១៥ ខែវិច្ឆិកា ទើប​រួចរាល់​ទាំងស្រុង​។​


ព្រះរាជ​ពិធីបុណ្យ​អុំទូក បណ្ដែតប្រទីប និង​សំពះ​ព្រះ​ខែ អកអំបុក ឆ្នាំនេះ ប្រព្រឹត្តទៅ​រយៈពេល ៣​ថ្ងៃ ចាប់ពី​ថ្ងៃទី​១៤-១៥-១៦ ខែវិច្ឆិកា ឆ្នាំ​២០២៤ នៅតាម​ដង​ទន្លេសាប មុខ​ព្រះបរមរាជវាំង រាជធានី​ភ្នំពេញ​។​ព្រះរាជ​ពិធីបុណ្យ​អុំទូក ជា​ពិធីបុណ្យ​សម្រាប់​រំឭក​ដល់​ការដឹងគុណ ចំពោះ​កងទ័ពជើងទឹក​របស់​កម្ពុជា ដែល​បាន​ពលី​ជីវិត​បូជា​ចំពោះ​ទឹកដី​ក្នុង​ចម្បាំង​ខ្មែរ​-​ចាម នា​ស​.​វ​.​ទី ១២ ក្នុង​រាជ្យ ព្រះបាទ​ជ័យវរ្ម័ន​ទី​៧ រវាង​ឆ្នាំ​១១៧៧ ដល់​ឆ្នាំ​១១៨១ នៃ​គ​.​ស​.​។ ចំណែកឯ​ការ​បណ្តែតប្រទីប គឺ​ដើម្បី​សម្តែង​ការ​រឭក​ដល់​គុណ​នៃ​ព្រះ​គង្គា និង​ព្រះធរណី​ដែល​បាន​ផ្ដល់នូវ​សេចក្ដីសុខ​សប្បាយ ភោគផល​ក្នុង​ការងារ​កសិកម្ម របរ​ចិញ្ចឹមជីវិត​ប្រចាំថ្ងៃ របស់​ប្រជាកសិករ​។ ចំពោះ​ពិធី​អកអំបុក និង​សំពះ​ព្រះ​ខែ ត្រូវបាន​ប្រជាពលរដ្ឋ​ខ្មែរ​ធ្វើឡើង ដើម្បី​រំឭក​ដល់​ព្រះ​ពោធិសត្វ កាល​មាន​ជាតិ​កំណើត​ជា​ទន្សាយ ដោយ​គ្រានោះ​ព្រះអង្គ​បាន​លះបង់​អាយុសង្ខារ​ដល់​ព្រះ​ឥន្ទ្រាធិរាជ ដើម្បី​បំពេញ​ទានបារមី​៕a baot light a baot light1 a baot light2 a baot light3 a baot light5 a baot racing a baot racing1 a baot racing3 

​