តុលាការ ចោទប្រកាន់ជនជាតិចិន២នាក់ ករណីបាញ់រះបណ្តាលស្លាប់តៃកុងឡានជាមន្ត្រីនគរបាលម្នាក់ និងជនជាតិចិនម្នាក់របួសធ្ងន់ នៅខណ្ឌដង្កោ

ភ្នំពេញ៖អយ្យការតុលាការ សាលាដំបូងរាជធានីភ្នំពេញបានសម្រេចចោទប្រកាន់ជនជាតិចិន២នាក់ក្នុងចំណោមចិនដែល ពាក់ព័ន្ធករណីបាញ់រះបណ្តាលឱ្យស្លាប់មន្ត្រីនគរបាលជាតៃកុងឡានម្នាក់ និងជនជាតិចិនជាស្ត្រីម្នាក់របួសធ្ងន់ នៅខណ្ឌដង្កោ កាលពីថ្ងៃទីៅ២៦សីហាឆ្នៗ០២៤។ 

អ្នកនាំពាក្យ នៃអយ្យការអមសាលាដំបូងរាជធានីភ្នំពេញ បានឱ្យដឹងថា នៅរព្រឹកថ្ងៃទី៥ ខែកញ្ញា ឆ្នាំ២០២៤ តំណាងអយ្យការ បានសម្រេចបើកការស៊ើបសួរលើជនជាតិចិន២នាក់ ពាក់ព័ន្ធករណី បើករថយន្តបុក រួចបាញ់រះបណ្តាលឲ្យស្លាប់មន្ត្រីនគរបាលម្នាក់ជាតៃកុងឡាន និងជនជាតិចិនម្នាក់របួសធ្ងន់ និងចាប់ជម្រឹតចិនម្នាក់ទៀតបាត់់នៅខណ្ឌដង្កោ ពីបទ ឃាតកម្មគិតទុកជាមុន ចាប់ឃុំឃាំង និងបង្ខាំងដោយខុសច្បាប់មានស្ថានទម្ងន់ទោស និងកាន់កាប់អាវុធដោយគ្មានការអនុញ្ញាត។

សូមរម្លឹកថាកាលពីថ្ងៃ២៦សីហាមាន ខ្មាន់កាំភ្លើង១ក្រុម បានបើករថយន្តបំបុករថយន្តជនរងគ្រោះហើយបាញ់រះបណ្តាលឲ្យស្លាប់មន្ត្រីនគរបាលម្នាក់ជាអ្នកបើកបរ និងជនជាតិចិនរបួសធ្ងន់ម្នាក់(ចាប់ជម្រត់ចិនម្នាកទៀត) នៅខណ្ឌដង្កោ រាជធានីភ្នំពេញ ។ ករណីនេះកម្លាំងសមត្តកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបញ្ជូនជសង្ស័យដែលចាប់ខ្លួនបាននៅខេត្តព្រះវិហ៊ារ២នាក់ទៅដល់តុលាការ បន្ទាប់ពីនគរបាលបញ្ចប់កិច្ចសហការស្រាវជ្រាវ លើករណីខាងលើនេះដោយគ្រប់ជ្រុងជ្រោយ។ សំណុំរឿងនេះ ត្រូវបានគេដឹងថា មានជនសង្ស័យជាជនជាតិចិនចំនួន ៣នាក់ ជាប់សង្ស័យពីបទ ឃាតកម្មគិតទុកជាមុន និងបង្ខាំងមនុស្សដោយខុសច្បាប់ ដែលកំពុងស្ថិតនៅ លោក ស៊ិត វណ្ណៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញបើកការស៊ើបសួរ ។

ករណីយ៍រត់គេចនេះដោយមានការសហការជាមួយនាយកដ្ឋាននគរបាលព្រហ្មទណ្ឌក្រសួងមហាផ្ទៃកាលពីថ្ងៃទី២៨ ខែសីហា ឆ្នាំ២០២៤ នៅក្រោមកិច្ចសហប្រតិបត្តិការ កម្លាំងជំនាញស្នងការដ្ឋាននគរបាលខេត្តព្រះ វិហារ ជាមួយកម្លាំងអធិការដ្ឋាននគរបាលស្រុកត្បែងមានជ័យ ស្រុកឆែប បានធ្វើការស្រាវជ្រាវបង្ក្រាប និងឃាត់ខ្លួនមុខសញ្ញាសង្ស័យ ពាក់ពន្ធករណីឃាត..កម្មបានចំនួន ២នាក់ ដែលសុទ្ធតែជនជាតិចិន ក្នុងនោះមានម្នាក់ឈ្មោះហ្សាវ​វ៉េនសិន( ZHAO WENXING )ភេទប្រុស អាយុ ៤០ឆ្នាំ និងម្នាក់ឈ្មោះស៊ីវ៉ៃហួ( SHI WEIHUA) ភេទប្រុស អាយុ៣៨ឆ្នាំ ស្ថិតនៅចំណុចអូរឈើទាល ក្នុងភូមិសាស្រ្ដភូមិកំពង់ស្រឡៅ ឃុំកំពង់ ស្រឡៅមួយ ស្រុកឆែប ខេត្តព្រះវិហារ ។ ពេលចាប់ខ្លួនជនសង្ស័យ និងវត្ថុតាង ត្រូវបានប្រគល់ឲ្យទៅនាកដ្ឋាននគរបាលព្រហ្មទណ្ឌក្រសួង ដើម្បីបន្តនីតិវិធី ទើបស្រាវជ្រាវឃាត់ខ្លួនបក្ខម្នាក់ទៀតតែសមត្តិកិច្ចមិនបានបង្ហាញឲ្យដឹងទេ។

វត្ថុតាង និងសម្ភារចាប់យករួមមាន រថយន្ត១គ្រឿង ម៉ាកឡង់គ្រីស័រ ពណ៌ស ពាក់ស្លាកលេខ ភ្នំពេញ ២AQ-៦១១០ ស្លាកលេខចំនួន២ (ភំ្នពេញ ២BL-៦៧៣៣)ដែលសមត្តកិច្ចថាបានចាប់ដឹកយកចិនម្នាក់ទៀតទៅបាត់និង ទូរសព្ទដៃ១គ្រឿង បង់អាវុធ ២ គ្រាប់អាវុធ ១ និងវត្ថុតាងពាក់ព័ន្ធជនសង្ស័យមួយចំនួនទៀតតែសមត្តកិច្ចមិនបានបង្ហាញថាជាអ្មកណានោះទេហើយចំណាប់ខ្មាំងត្រូវបានរំដោះបានឬមិនបានគឺមិនដឹង?។ប្រការនេះគេសង្ស័យថាមានការពាក់ពន្ធជាមួយសមត្តកិច្ចព្រោះបានអនុញ្ញាតោឲ្យនគរបាលម្នាក់ទៅធ្វើជាអ្នកការពារនិងជាតៃកុងឡានទើបបានលាក់ពត៍មាន។
បច្ចុប្បន្ន ជនត្រូវចោទ ដែលមានតែជនជាតិចិនទាំង ២នាក់ក្នុងចំណោមអ្នកផ្សេងទៀត ត្រូវបានបញ្ជូនទៅដំណាក់កាលចៅក្រមស៊ើបសួរបន្ត អាចត្រូវបានសម្រេចឃុំខ្លួនជាបណ្តោះអាសន្ននាល្ងាចនេះ៕