បន្ទាប់ពីមន្ត្រីនិងអាជ្ញាធរបើកប្រតិបត្តិការលើសផែនការរកទំនិញថៃខុសច្បាប់ចាប់មនុស្ស៩នាក់ដាក់គុកបិទក្រុមហ៊ុនមក គយនិងសភាពាណិជ្ជកម្មជួបគ្នារកដំណោះស្រាយ!

ភ្នំពេញៈនារសៀលថ្ងៃព្រហស្បតិ៍ ទី១៨ ខែមិថុនា ឆ្នាំ២០២៦ នៅសាលាជាតិគយ មានការរៀបចំកិច្ចពិភាក្សាបន្ទាន់មួយរវាង ឯកលោកបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា និង អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា។ 

កិច្ចប្រជុំបន្ទាន់នេះធ្វើឡើងក្នុងគោលបំណងស្តាប់ និងប្រមូលរាល់ក្តីកង្វល់របស់វិស័យឯកជន ដើម្បីស្វែងរកដំណោះស្រាយជាយុទ្ធសាស្ត្រចំពោះបញ្ហាប្រឈមនានា៖

ផលប៉ះពាល់ និងបញ្ហាគន្លឹះដែលបានលើកឡើង៖សង្វាក់ផលិតកម្ម៖ វិធានការចុះផ្អាក ឬបិទឃ្លាំងទំនិញពីសំណាក់អាជ្ញាធរដែនដីមួយចំនួន បានបង្កការរំខានធ្ងន់ធ្ងរដល់ចង្វាក់ផលិតកម្មប្រចាំថ្ងៃរបស់រោងចក្រ និងសហគ្រាសក្នុងស្រុក (SMEs)។

វិបត្តិហិរញ្ញវត្ថុ៖ ការផ្អាកផលិតកម្មបណ្តាលឱ្យធុរជនបាត់បង់ចំណូលភ្លាមៗ និងប្រឈមនឹងការខ្វះលទ្ធភាពសងបំណុលធនាគារ។នីតិវិធីរបស់អាជ្ញាធរ៖ ការចុះត្រួតពិនិត្យមួយចំនួនខុសនីតិវិធីច្បាប់ និងខ្វះការសម្របសម្រួលបច្ចេកទេសពីមន្ត្រីគយជំនាញ ព្រមទាំងការផ្សព្វផ្សាយរូបភាពបង្ក្រាបលើបណ្តាញសង្គមបានប៉ះពាល់ដល់ទំនុកចិត្តវិនិយោគ។

សេចក្តីសន្និដ្ឋាន និងលទ្ធផល៖គយនិងសភាពាណិជ្ជកម្មកម្ពុជាបានដាក់ចេញសំណូមពរថា;១. ប្រកាន់ខ្ជាប់យន្តការច្បាប់៖ ត្រូវបែងចែកឱ្យដាច់រវាងទំនិញគេចពន្ធខុសច្បាប់ និងទំនិញ ឬវត្ថុធាតុដើមនាំចូលស្របច្បាប់។២. ស្នើសុំកិច្ចអន្តរាគមន៍៖ ស្នើសុំកិច្ចពិភាក្សាអន្តរាគមន៍បន្ទាន់ថ្នាក់ជាតិ និងថ្នាក់ក្រោមជាតិ ដើម្បីកំណត់នីតិវិធីចុះត្រួតពិនិត្យឱ្យបានច្បាស់លាស់ ក្នុងគោលបំណងរក្សាស្ថិរភាពសេដ្ឋកិច្ច និងបរិយាកាសធុរកិច្ច។

សូមបញ្ជាក់ថាបើតាមសម្តេចតេជោហ៊នសែនក្នុងនាមប្រមុខរដ្ឋស្តីទីបានប្រកាសឲ្យទប់ស្កាត់បទល្មើសលួចនាំចូលទំនិញគេចពន្ធតាមព្រុំដែនគោករវាងកម្ពុជាថៃដែលត្រូវបានបិទតែប៉ុណ្ណោះ។ប៉ុន្តែបន្ទាប់ពីមានអនុសាសន៍ប្រមុខរដ្ឋស្តីទីលោកចាងហ្វាងកាសែតផែងវណ្ណៈដែលគេជឿថាមានមន្ត្រីនគរបាលយុត្តធម៌បោះព្រុយ៉ុងឲ្យបានចុះឆ្កឹះរកទំនិញសៀមនៅតាមឃ្លាំងសាច់បង្កកកនៅក្នុងខណ្ឌឬស្សីកែវហើយក៏មានមន្ត្រីមួយចំនួនថ្នាក់អាជ្ញាធរផ្តើមពីខណ្ឌរហូតដល់ខេត្តរាជធានីចាប់ផ្តើមធ្វើប្រតិបត្តការក្រោមរូបភាពរកទំនិញថៃខុសច្បាប់ដោយចាប់ដកហូតនិងហាមប្រាមការប្រើនិងលក់ដូទំនិញថៃ។ជាក់ស្តែងកាលពីថ្ងៃ១៧មិថុនាក៏បែកធ្លាយអាជ្ញាធរខណ្ឌព្រែកព្នៅចុះអុកឡុកក្រុមហ៊ុនL192ដែលជាក្រុមហ៊ុនដឹកជញ្ជូននិងលក់ទំនិញអនឡាញរកឃើញទំនិញម៉ាកថៃ១កញ្ច្រែងសោះរហូតដល៎ម្ចាស់ក្រុមហ៊ុនផុសវិដេអូតវ៉ារកយុត្តិធម៍។ជាមួយគ្នានោះតុលាការរាជធានីបានចាប់ដាក់គុកមនុស្ស៩នាក់ដោយចោទប្រកាន់ពីបទលួចនាំចូលនិងបន្លំទំនិញ។

ករណីអស់នេះមហាជនចាត់ទុកថាមន្ត្រីនិងអាជ្ញាធរចុះអនុវត្តធ្វើលើសផែនការដែលឲ្យរកទំនិញថៃគេចពន្ធ។ព្រោះថាមកដល់ថ្ងៃនេះខាងរាជរដ្ឋាភិបាលមិនបានចេញប្រកាសបិទការនាំចូលទំនិញថៃទេ។ចឹងការពហិការទំនិញថៃវាគឺជាមនសិការរបស់ប្រជាពលរដ្ឋដែលបើតាមសម្តេចតេជោបើឈប់ទិញទំនិញថៃថៃនឹងបាត់ចំណូល១០ពាន់លានដុល្លារក្នុង១ឆ្នាំ។តែមិនមែនឲ្យដើរបង្ក្រាបចាប់មនុស្សដាក់គុកបិទក្រុមហ៊ុនរបស់ប្រជាពលរដ្ឋចឹងទេ។ម្យ៉ាងមកដល់ថ្ងៃនេះទាំងគយទាំងមន្ត្រីកបបនិងសមត្តកិច្ចច្រកទ្វារមិនមានអ្នកម្នាក់មានកំហុសទេ?។  

S