វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1672 នាក់
ម្សិលមិញ 6466 នាក់
សរុប 14772475 នាក់
ខេត្តក្រចេះ ៖ យប់ថ្ងៃទី១២ ខែឧសភា ឆ្នាំ២០២៤នេះ ក្រុមអ្នកឃ្លាំមើលបទល្មើសធនធានធម្មជាតិ ប្រមាញ់បានរូបភាពឡានV1ខ្នាតយក្សចំនួន៣គ្រឿងដែលលកំពុងដឹកធ្យូងខុសច្បាប់របស់ចែមុំ មេឈ្មួញចាស់វស្សាមួយរូបធ្វើសកម្មភាពដឹកឆ្លងដែនយកលក់នៅទឹកដីប្រទេសវៀតណាម តាមប៉ុស្តិ៍ការពារព្រំដែនជាយឃ្លាំង ។ សកម្មភាពល្មើសច្បាប់ដោយរលូនបែបនេះ បើមិនមានការរៀបចំចាំបញ្ជាចង្អុលផ្លូវឲ្យឡានដឹកធ្យូងរបស់ ចែមុំ ពីសំណាក់មន្ត្រីនគរបាលច្រកទ្វារព្រំដែន វាមិនអាចធ្វើបានឡើយ។
ករណីយ៍នេះវាមិនមែនជាលើកទី១ទេរៀងរាល់យប់ ពលរដ្ឋសង្កេតឃើញមានរថយន្តV1ដឹកធ្យូងខុសច្បាប់របស់ចែមុំនិងអ្នកផ្សេងទៀត ពី៣គ្រឿងទៅ៥គ្រឿង ធ្វើសកម្មភាពដឹកធ្យូងឆ្លងដែនតាមច្រកខាងលើ។ប្រភពរាយការណ៍ឲ្យដឹងថា ធ្យូងទាំងអស់នេះដឹកចេញពី ចំនុចចាក់ចារ អូរបោះរបងស្ថិតនៅឃុំស្រែឈូក ស្រុកកែវសីមា ខេត្តមណ្ឌលគីរី និងចេញពីឃុំកន្ទួត ១០៥ ស្រុកចិត្របុរី ឬជើងភ្នំឆ្វេរ ត្រពាំងជ័យ ស្រុកស្នួល ខេត្តក្រចេះ។
រថយន្តខ្នាតយក្សដឹកធ្យូងខុសច្បាប់ទាំងអស់នេះ បានរត់កាត់មុខស្នាក់ការរដ្ឋបាលព្រៃឈើថ្មពុក មូលដ្ឋានកងរាជអាវុធហត្ថស្រុកស្នួល និងអធិការដ្ឋានគរបាលស្រុកស្នួល និងផ្នែករដ្ឋបាលព្រៃឈើស្រុកស្នួល ឆ្លងកាត់ស្នាក់ការសន្តិសុខ(៧០៩) ឆ្លងដែនទៅប្រទេសវៀតណាមតាមច្រកទ្វារទ្វេភាគីជាយឃ្លាំង។ ជាប៉ុស្តិ៍នគរបាលវរការពារព្រំដែនគ្រប់គ្រងដោយលោក លោក អៀម សុខលីម។ មិនដឹងថាតើនាយប៉ុស្តិ៍រូបនេះបានភ្លើងខៀវពីថ្នាក់ណាំទេបានជាហ៊ានបញ្ជាកូនចៅបើកបារ៉ាស់ព្រំដែនឲ្យឡានដឹកធ្យូងបស់ចែមុំ ឆ្លងដែនទាំងយប់ផ្គើនច្បាប់របស់រាជរដ្ឋាភិបាលកម្ពុជាចឹង?។តើលោកឧត្តមសេនីយ៍ទោ អ៊ូ សុប៊ុណ្ណា ស្នងការនគរបាលខេត្តក្រចេះដឹហដែរឬអត់ឬលោកសើមមាត់ដែរ?។។តាមសកម្មជនឃ្លាំមើលបទល្មើសឆ្លងដែន យល់ឃើញថា លោកអៀម សុខលីមគាត់មិនមែន មានក្បាលទល់មេឃ ជើងទល់ដី មិនខ្លាចញញើតអំណាចច្បាប់ ជាពិសេសបទបញ្ជារបស់ប្រមុខរាជរដ្ឋាភិបាលអាណត្តិទី៧ បើគ្មានការឃុបឃឹតជាប្រពន្ធ័ទេ?។
ប្រជាពលរដ្ឋរស់នៅក្បែរព្រំដែនស្រុកស្នួលបានសំណូមពរដល់ នាយឧត្តមសេនីយ៍ សៅ សខា អគ្គមេបញ្ជាការរង នៃកងយោធពលខេមរៈភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ ទប់ស្កាត់និងបង្ក្រាបបទល្មើសធនធានធម្មជាតិ ចាត់មន្ត្រីក្រោមឱវាទរូបណាដែលមានឆន្ទៈពិតក្នុងការការពារសម្បត្តិធនធានធម្មជាតិ ចុះមកបង្ក្រាបបទល្មើសធ្យូងឆ្លងដែនខុសច្បាប់នៅក្នុងទឹកស្រុកស្នួលខេត្តក្រចេះឲ្យមានប្រសិទ្ធដូចការប្តេជ្ញាចិត្ត និងដាក់បទបញ្ជាដាច់ខាតនាពេលកន្លងមក ដើម្បីទប់ស្កាត់កុំឲ្យព្រៃឈើ ដែលសម្បត្តិធម្មជាតិរបស់កម្ពុជា វិនាសអន្តរាយក្រោមដៃក្រុមឈ្មួញខុសច្បាប់ និងមន្ត្រីខិលខូចដែលកំពុងគប់គិតគ្នាកាប់បំផ្លាញ និងដុតធ្យូងដូចសព្វថ្ងៃចឹង ៕