ការរិតបន្តឹងឡានផ្លាកលេខខមនិងនបដោយក្រសួងការពារជាតិនិងមហាផ្ទៃមានន័យថាតម្រូវឲ្យឡានទាំងនោះរត់ទៅបង់ពន្ធបើចង់ប្រើ់ប្រាស?
23-October-2024 / ព័ត៌មានជាតិ
រាជធានីភ្នំពេញ ៖ បានឲ្យដឹងថា យោងតាមបទបញ្ជាឯកឧត្តម នាយឧត្តមសេនីយ៍ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ថ្ងៃទី១៨ ខែតុលា ឆ្នាំ២០២៤នៅថ្ងៃទី២១ ខែ តុលាឆ្នាំ២០២៤ ឧត្តមសេនីយ៍ឯកចៅ ភិរិទ្ធ អគ្គនាយក នៃអគ្គនាយកដ្ឋានសម្ភារៈបច្ចេកទេស ក្រសួងការពារជាតិបានចេញសេចក្តីជូនដំណឹងមួយស្តីពីសិទ្ធនែការប្រើប្រាសយានយន្តប្រើស្លាកលេខខេមរភូមិន្ទ ។
ការជូនដំណឹងរបស់ក្រសួងការពារជាតិនេះបានកើតឡើងបន្ទាប់ពីឯកឧត្តមនាយឧត្ដមសេនីយ៍ ស ថេត អគ្គស្នងការនគរបាលជាតិ ចេញសេចក្តីសម្រេចស្តីពីការលុបទិន្នន័យរថយន្តប្រើស្លាកលេខនគរបាលចេញពីបញ្ជីគ្រប់គ្រងយានយន្តនគរបាលជាតិ ។ ក្នុងនោះ រថយន្តទេសចរណ៍ ១១៣៩គ្រឿង និង រថយន្ដដឹកទំនិញធុនស្រាលចំនួន ១៦២ គ្រឿង និង ទោចក្រយានយន្តចំនួន ៦៤៦ គ្រឿង ។មានការកត់សម្គាល់ថាវិធានការលុបនិងរិតបន្តឹងការប្រើប្រាសស្លាកលេខរបស់ក្រសួងការពារជាតិនិងមហាផ្ទៃគឺតម្រូវឲ្យយានយន្តទាំងនោះរត់ទៅរកបង់ពន្ធដើម្បីមានសិទ្ធប្រើប្រាសតាមផ្លូវសាធារណៈដែលធ្វើឲ្យគេជឿថាស្ថានភាពថវិកាជាតិឆ្នាំ២០២៤មានការលំបាក?។
បើតាមសេចក្តីជូនដំណឹងរបស់អគ្គនាយកដ្ឋានសម្ភារៈបច្ចេកទេស ក្រសួងការពារជាតិ បានជម្រាបជូនដំណឹង ដល់បណ្តាស្ថាប័ន កងឯកភាពចំណុះក្រសួងការពារជាតិ អគ្គបញ្ជាការដ្ឋាន គ្រប់បណ្តាប្រភេទទ័ព និង ទ័ពជំនាញទាំងអស់ឱ្យបានជ្រាបថា ដើម្បីធានាឱ្យបានកាន់តែល្អប្រសើរនូវវិន័យសណ្តាប់ធ្នាប់ ការគារព ច្បាប់ស្តីពីចរាចរណ៍ផ្លូវគោក ពង្រឹងទប់ស្កាត់ការប្រើប្រាស់ផ្លាកលេខចរាចរណ៍ខេមរភូមិន្ទដែលបណ្តាល ឱ្យប៉ះពាល់ដល់សង្គមសាធារណៈដូចជា បញ្ហាគ្រោះថ្នាក់ចរាចរណ៍ បុគ្គលអ្នកប្រើប្រាស់មួយចំនួនមាន ភាពក្រអឺតក្រទមមិនសក្តិសមជាមន្ត្រីយោធា ធ្វើឱ្យមានការវាយតម្លៃ និងទទួលការរិះគន់ពីសាធារណជន ជាពិសេសប៉ះពាល់ដល់កិត្តិយស និងសេចក្តីថ្លៃថ្នូររបស់កងយោធពលខេមរភូមិន្ទ ។
អគ្គនាយកដ្ឋាន សម្ភារៈបច្ចេកទេស ក្រសួងការពារជាតិ សូមដាក់ចេញនូវវិធានការកំណត់ក្នុងការប្រើប្រាស់ផ្លាកលេខ ចរាចរណ៍ខេមរភូមិន្ទ សម្រាប់កងយោធពលខេមរភូមិន្ទដូចខាងក្រោម៖
១- យានយន្តដែលអាចបំពាក់ផ្លាកលេខចរាចរណ៍ខេមរភូមិន្ទ រួមមានៈ• យានយន្តដែលរដ្ឋបំពាក់• យានយន្តជាជំនួយពីបណ្តាប្រទេសនានា សម្រាប់អង្គភាពកងទ័ព• យានយន្តជាអំណោយពីសប្បុរសជននានា សម្រាប់អង្គភាពកងទ័ព• យានយន្តជាកម្មសិទ្ធិរបស់រដ្ឋដែលអស់ប្រសិទ្ធភាពប្រើប្រាស់ ហើយត្រូវកែច្នៃរៀបដំឡើងសារជាថ្មី• យានយន្តដែលទទួលបានពីការសម្រេចរបស់តុលាការ
• យានយន្តដែលបានបំពេញកាតព្វកិច្ចបង់ពន្ធនាំចូល និងអាករផ្សេងៗរួចរាល់ ។
២- នាយទាហានដែលត្រូវបានអនុញ្ញាតឱ្យប្រើប្រាស់ផ្លាកលេខចរាចរណ៍ខេមរភូមិន្ទ ត្រូវគោរព តាមច្បាប់ស្តីពីចរាចរណ៍ផ្លូវគោកជាកំណត់ ។ ក្នុងករណីរំលោភបំពាន ការប្រើប្រាស់ផ្លាកលេខចរាចរណ៍ ខេមរភូមិន្ទត្រូវបានដកហូតមករក្សាទុកនៅអគ្គនាយកដ្ឋានសម្ភារៈបច្ចេកទេស ក្រសួងការពារជាតិវិញ ។៣- នាយទាហានដែលបានចូលនិវត្តន៍ ពលី មរណៈ និងពិការ ត្រូវអស់កាតព្វកិច្ចប្រើប្រាស់ផ្លាក លេខចរាចរណ៍ខេមរភូមិន្ទ ក្រសួងការពារជាតិវិញ ។ និងត្រូវបានដកហូតមករក្សាទុកនៅអគ្គនាយកដ្ឋានសម្ភារៈបច្ចេកទេស
៤- នាយទាហានដែលបានប្រើប្រាស់ផ្លាកលេខចរាចរណ៍ខេមរភូមិន្ទ ត្រូវអនុវត្តឱ្យបានខ្ជាប់ខ្ជួន នូវបម្រាមកំណត់ដូចខាងក្រោមៈ• ហាមយកយានយន្តដែលពាក់ផ្លាកលេខចរាចរណ៍ខេមរភូមិន្ទ ទៅធ្វើការជួលបន្តឱ្យបណ្តា ក្រុមហ៊ុន ស្ថាប័ន ឬរូបវន្តបុគ្គលនានាប្រើប្រាស់ឡើយ ។• ហាមយកផ្លាកលេខចរាចរណ៍ខេមរភូមិន្ទ ទៅបំពាក់លើយានយន្តផ្សេងទៀត ដែលខុសពី ប្រភេទយានយន្តដែលបានស្នើសុំ ។
• អ្នកប្រើប្រាស់យានយន្តពាក់ផ្លាកលេខចរាចរណ៍ខេមរភូមិន្ទ ត្រូវតែជានាយទាហានជាយោធិន នៃកងយោធពលខេមរភូមិន្ទ និងអាស្រ័យមេបញ្ជាការអង្គភាពបញ្ជាក់ស្នើសុំបំពេញបែបបទ តាមឋានានុក្រម ដោយមិនអនុញ្ញាតឱ្យជនស៊ីវិល ឬជនបរទេសប្រើប្រាស់បានឡើយ ។ ចំពោះក្រុមហ៊ុនសហការវិនិយោគជាមួយវិស័យការពារជាតិ ក៏ត្រូវបានអនុវត្តដូចគ្នា ។ ក្នុងករណីដែលអនុវត្តខុសពីបម្រាមកំណត់ខាងលើ អគ្គនាយកដ្ឋានសម្ភារៈបច្ចេកទេស ក្រសួង ការពារជាតិ នឹងចាត់វិធានការច្បាប់ជាធរមាន ។
.jpg&h=97&w=146)
