ព្យុះម៉ាតម៉ូវាយប្រហារប្រទេសវៀតណាម ខណៈព្យុះប៊ូឡូយសម្លាប់មនុស្ស៥១នាក់និងបំផ្លាញសេដ្ឋកិច្ចរាប់រយលានដុល្លារតែខ្មែរប៉ះពាល់តិចតួចព្យុះម៉ាតម៉ូវាយប្រហារប្រទេសវៀតណាម ខណៈព្យុះប៊ូឡូយសម្លាប់មនុស្ស៥១នាក់និងបំផ្លាញសេដ្ឋកិច្ចរាប់រយលានដុល្លារ

ប្រទេសវៀតណាម៖ ប្រទេសវៀតណាមត្រូវបានព្យាករណ៍ថានឹងរងការវាយប្រហារពីព្យុះម៉ាតម៉ូនៅថ្ងៃទី៥-៦ ខែតុលា ឆ្នាំ២០២៥ ខណៈព្យុះប៊ូឡូយទើបតែបានស្ងប់ទៅ ដោយឆក់យកជីវិតមនុស្សចំនួន៥១នាក់ បាត់ខ្លួន១៤នាក់ និងមនុស្ស១៦៤ នាក់ផ្សេងទៀតរងរបួស។ ផ្ទះសម្បែងប្រមាណ២០ម៉ឺនខ្នង ត្រូវខូចខាតកាត់ផ្តាច់ចរន្តអគ្គីសនីដល់មនុស្ស ២,៧ លាននាក់ និងខាតបង់សេដ្ឋកិច្ចប្រមាណជិត១៦ពាន់ពាន់លានដុង (៦០០ លានដុល្លារ)។

សារព័ត៌មាន VN Expresបានឲ្យដឹងថា៖ត្រឹមម៉ោងល្ងាចថ្ងៃសៅរ៍ ព្យុះនេះត្រូវបានគេព្យាករណ៍ថានឹងស្ថិតនៅក្នុងសមុទ្រខាងជើង ដែលមានចម្ងាយប្រហែល៤៣០គីឡូម៉ែត្រពីឧបទ្វីប Leizhou របស់ប្រទេសចិន។ តាមការព្យាករណ៍ កម្លាំងខ្យល់បក់ក្នុងល្បឿនប្រហែល ១១៨-១៣៣ គីឡូម៉ែត្រក្នុងមួយម៉ោង ជាមួយនឹងខ្យល់បក់ឡើងដល់ប្រហែល ១៦៧-១៨៣ គីឡូម៉ែត្រក្នុងមួយម៉ោង។

នៅថ្ងៃអាទិត្យ ព្យុះនេះត្រូវបានគេព្យាករណ៍ថានឹងបោកបក់លើឈូងសមុទ្រតុងកឹង ភាគខាងកើតប្រហែល ២៤០ គីឡូម៉ែត្រពីទីក្រុង Mong Cai ខេត្ត Quang Ninh ជាមួយនឹងកម្លាំងខ្យល់បក់ពី ១០៣-១១៧ គីឡូម៉ែត្រក្នុងមួយម៉ោង ផ្លាស់ទីក្នុងល្បឿន ២០-២៥ គីឡូម៉ែត្រក្នុងមួយម៉ោង។ បន្ទាប់មក វាត្រូវបានគេរំពឹងថានឹងតាមដានឆ្ពោះទៅរកទីក្រុង Mong Cai និងចុះខ្សោយទៅជាព្យុះត្រូពិចនៅថ្ងៃចន្ទសប្តាហ៍ក្រោយ។

ចាប់ពីថ្ងៃអាទិត្យដល់ថ្ងៃអង្គារសប្តាហ៍ក្រោយ ព្យុះម៉ាតម៉ូត្រូវបានគេរំពឹងថានឹងនាំមកនូវភ្លៀងធ្លាក់ខ្លាំង។ នៅភាគខាងជើង និងខេត្ត Thanh Hoa របស់វៀតណាមអាចនឹងកើនឡើងចំនួនទឹកភ្លៀងពី ១០០ ទៅ ២០០ មីលីម៉ែត្រ ដោយតំបន់ខ្លះមានកំពស់ ៣០០ មីលីម៉ែត្រ។ ចាប់ពីថ្ងៃចន្ទដល់ថ្ងៃព្រហស្បតិ៍សប្តាហ៍ក្រោយ ទន្លេនៅភាគខាងជើងខេត្ត Thanh Hoa និង Nghe An ត្រូវបានគេព្យាករណ៍ថានឹងកើនឡើង ដោ យកម្រិតកំពូលទឹកជំនន់ជាទូទៅគឺចាប់ពីកម្រិតប្រកាសអាសន្នទី ២ ដល់លើសពីកម្រិតប្រកាសអាសន្នទី ៣ ដែលជាកម្រិតខ្ពស់បំផុត។

គួរឱ្យដឹងថាព្យុះម៉ាតម៉ូ គឺជាព្យុះទី ១១ ដែលវាយប្រហារប្រទេសវៀតណាមក្នុងឆ្នាំនេះ បន្ទាប់ពី ព្យុះប៊ូឡូយទើបតែបានស្ងប់ទៅដោយឆក់យកជីវិតមនុស្សរាប់សិបនាក់ និងមនុស្សជាច្រើននាក់នៅតែបន្តបាត់ខ្លួន។

ចំណែកថៃឯណោះវិញបាន ក៏ព្រមានពីភ្លៀងធ្លាក់ខ្លាំងនៅភាគកណ្តាលប្រទេសថៃ និងទីក្រុងបាងកក ជាមួយនឹងព្យុះម៉ាតម៉ូដែលនឹងបោកបក់ភាគខាងជើងប្រទេសវៀតណាម។ ឥទ្ធិពលនៃព្យុះនេះអាចនឹងបណ្តាលឱ្យមានភ្លៀងធ្លាក់ខ្លាំង នៅតំបន់កណ្តាល រួមទាំងទីក្រុងបាងកក និងខេត្តជុំវិញរបស់វា ក៏ដូចជានៅតំបន់ភាគខាងកើតផងដែរ។ អាជ្ញាធរព្រមានប្រជាពលរដ្ឋ និងអ្នកធ្វើដំណើរនៅតំបន់ទាំងនេះ ត្រូវមានការប្រុងប្រយ័ត្នចំពោះភ្លៀងធ្លាក់ខ្លាំង និងអាចកើតមានទឹកជំនន់ភ្លាមៗ។

រីឯក្រសួងធនធានទឹក និងឧតុនិយម កម្ពុជា ក៏បានជូនដំណឹងពីព្យុះនេះដែរ ពោលកម្ពុជានឹងជួបព្យុះមួយទៀតជាព្យុះទី២១ ក្នុងឆ្នាំ២០២៥ ឈ្មោះ ម៉ាតម៉ូ (Matmo) T2521 ដែលនឹងធ្វើឲ្យតំបន់មួយចំនួនមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ ខណៈក្រសួងណែនាំឱ្យប្រជាពលរដ្ឋបង្កើនការប្រុងប្រយ័ត្នខ្ពស់ ជាពិសេស អ្នកដែលធ្វើដំណើរតាមផ្លូវគោក និងផ្លូវទឹក។ តែគន្លងផ្លូវដើររបស់ព្យុះនេះ ពុំមានឥទ្ធិពលខ្លាំងមកលើព្រះរាជាណាចក្រកម្ពុជានោះទេ។ស្ថានភាពបែបនេះ ធ្វើឱ្យតំបន់ទាំង៣របស់កម្ពុជា ចាប់ពីថ្ងៃទី២ ដល់ថ្ងៃទី១០ ខែតុលា ឆ្នាំ២០២៥ មានភ្លៀងធ្លាក់ពី២៥ភាគរយទៅ៤៥ភាគរយគ្របដណ្តប់លើផ្ទៃប្រទេស