ខ្យល់បង្វឹលទិស!ករណីយ៍ឧកញ៉ាហេងសិទ្ធីសុំរដ្ឋាភិបាលស្រាវជ្រាវករណីយ៍ជនជាតិសឹង្ហបុរីសញ្ជាតិខ្មែរប្រកបរបលាងលុយត្រូវបាននាយករដ្ឋមន្ត្រីទូលព្រះមហាក្សត្រលុបគោរម្យងារ
16-December-2024 / ព័ត៌មានជាតិ
ភ្នំពេញ៖ឧកញ៉ាហេងសិទ្ធីប្រធានក្រុមហ៊ុនម៉ារីថែមគ្រុប(Maritime Group)ដែលកាលពីចុងខែវិច្ឆិការបានបង្កការភ្ញាក់ផ្អើលដោយហ៊ានចេញមុខប្តឹងនាយករដ្ឋមន្ត្រីសម្តេចធិបតីហ៊ុនម៉ាណែតសុំឲ្យស្រាវជ្រាវករណីជនជាតិសឹង្ហបុរីសញ្ជាតិខ្មែរម្នាក់ឈ្មោះPhua Gek Seng ហៅTakដែលលោកថាជាជាឧក្រឹដ្ឋជនលាងលុយកខ្វក់ខ្ទង់ពាន់លានដុល្លារអាមេរិកតាមរយៈកាស៊ីណូអនឡាននិងមានការស៊ីណូនៅជ្រៃធំឡូវក្លាយជាជនរងគ្រោះវិញហើយ!។សម្តេចធិបតីហ៊ុនម៉ាណែតនាយករដ្ឋមន្ត្រីបានទូលស្នើសុំព្រះមហាក្សត្របញ្ចប់គោរម្យងាឧកញ៉ាពីឧកញ៉ាហេងសិទ្ធីហើយដោយមិនបានឃើញមានការបកស្រាយពន្យល់ថាហេតុអ្វីនៅឡើយទេ?។
បើបណ្តាញសារពត៍មាននានាដែលចុះផ្សាយកន្លងតឧកញ៉ា ហេង សិទ្ធីបានឲ្យដឹងថា ជនជាតិសិង្ហបុរីដែលកំពុងរកស៊ីឆបោកលុយតាមអនឡាញមានឈ្មោះហៅក្រៅថា Tak (តាក់)។ លោកអះអាងថា បុគ្គលរូបនេះកំពុងសម្ងំធ្វើប្រតិបត្តិការលាងលុយ និងឆបោកលុយពីជនរងគ្រោះជាច្រើននាក់ដែលរស់នៅក្នុងតំបន់អាស៊ីដោយរាប់ចាប់ពីពលរដ្ឋខ្មែរ ថៃ ឡាវ ភូមា តួគី ចិន កូរ៉េ តៃវ៉ាន់ និងប្រទេសផ្សេងៗទៀត។ឧកញ៉ា ហេង សិទ្ធី ថា បុគ្គលនេះបានបង្កើតគេហទំព័រខុសច្បាប់ជាច្រើនដើម្បីឆបោកប្រាក់ និងបានជួលក្រុមHacker រួមទាំងបុគ្គលិកផ្នែកព័ត៌មានវិទ្យាជាច្រើនរយនាក់ ដើម្បីបង្កើតអាណាចក្រល្បែងខុសច្បាប់ក្នុងប្រទេសកម្ពុជា។ បើតាម អ្នកឧកញ៉ា ហេង សិទ្ធី ជនជាតិសិង្ហបុរីសញ្ជាតិខ្មែររូបនេះមានវេបសាយហ្គេមអនឡាញខុសច្បាប់មួយឈ្មោះថា «AFB88» និងមានបើកកាស៊ីណូនៅតំបន់ជ្រៃធំជិតព្រំដែនវៀតណាម និងនៅក្រុងព្រះសីហនុ រួមនឹងទីតាំងមួយចំនួនទៀត។
បើតាមប្រធានក្រុមហ៊ុនម៉ារីថែមខាងលើ ជាង១០ឆ្នាំមកនេះ ជនជាតិសិង្ហបុរីដែលលោកហៅថា ជាមេឧក្រិដ្ឋជននោះបានប្រមូលលុយពីការលាងលុយកង្វក់ និងឆបោកប្រាក់តាមអ៊ិនធ័រនែតជាង១ពាន់លានដុល្លារ ឬអាចមានច្រើនជាងនេះ។ តែថា សកម្មភាពរបស់ឧក្រិដ្ឋជននេះ ពុំត្រូវបានគេដឹងជាសាធារណៈឡើយ។ អ្វីដែលគួរកត់សម្គាល់ អ្នកឧកញ៉ា ហេង សិទ្ធីអះអាងថា បុគ្គលរូបនេះបានបង្ហាញយីហោកាស៊ីណូអនឡាញឈ្មោះថា AFB88ដោយសេរីនៅក្នុងកម្មវិធីព្រឹត្តិការណ៍ Gumble 3000នាពេលថ្មីៗនេះទៀតផង។
តែទោះយ៉ាងណា អ្នកឧកញ៉ា ហេង សិទ្ធី ពុំបានបញ្ជាក់ថា លោកទទួលបានព័ត៌មាននេះមកពីប្រភពណានោះទេ តែអ្វីដែលលោកចង់បាននាពេលនេះ គឺទទូចឱ្យលោកនាយករដ្ឋមន្ត្រី ហ៊ុន ម៉ាណែត ចាត់វិធានការជាបន្ទាន់លើជនជាតិសិង្ហបុរីសញ្ជាតិខ្មែររូបនេះ ដោយត្រូវបង្កកទ្រព្យសម្បត្តិ និងសាច់ប្រាក់ទាំងអស់នៅកម្ពុជា ដោយបើកការស៊ើបអង្កេតលើបរិវេណផ្ទះ និងទីតាំងរកស៊ីនានារបស់ឧក្រិដ្ឋជនរូបនោះ។
ពាក់ព័ន្ធនឹងករណីនេះ គេមិនឃើញមានការឆ្លើយបំភ្លឺពីលោក ឆាយ គឹមខឿន អ្នកនាំពាក្យអគ្គស្នងការនគរបាលជាតិ និង លោក ទូច សុឃៈ អ្នកនាំពាក្យរងក្រសួងមហាផ្ទៃទេ កាលពីចុងខែ ខែវិច្ឆិការហូតត្រូវបាននាយករដ្ឋមន្ត្រីស្នើដកគោរម្យឧកញ៉ា។បញ្ហាហ្គេមអនឡាញ និងការឆបោកតាមប្រព័ន្ធអនឡាញ នៅតែជាប្រធានបទរសើបដែលសារព័ត៌មានបរទេសបន្តផ្តោតសំខាន់មកលើកម្ពុជា។ពួកគេបានហៅកម្ពុជាថា ជាមជ្ឈមណ្ឌលប្រតិបត្តិការឆបោកតាមប្រព័ន្ធអនឡាញដ៏ធំមួយក្នុងតំបន់អាស៊ីអាគ្នេយ៍។ប៉ុន្តែចុងក្រោយនេះវាមានពត័មានថាជនជាតិសឹង្ហបុរីសញ្ជាតិខ្មែរម្នាក់ឈ្មោះPhua Gek Seng ហៅTakដែលអ្នកឧកញ៉ាហេងសិទ្ធីចោទប្រកាន់នោះបានប្តឹងបកវិញ។ក្រោមមូលហេតុនេះនាយករដ្ឋមន្ត្រេីក៏បានស្នើដកគោមរម្យងាតែម្តងទៅព្រោះសមាគមឧកញ៉ាលោកហ៊ុនឡាក់ជាអ្នកនាំពាក្យប្រាប់កាសែតថាឧកញ៉ាហេងសិទ្ធីមិនមានឈ្មោះក្នុងសមាគមឧកញ៉ានោះទេ?។តើមកពីគីឡូខុសគ្នាបានទៅជាចឹង?។
កាលពីថ្ងៃទី២៣ខែតុលា ឆ្នាំ២០២៤ ទូរទស្សន៍រដ្ឋកូរ៉េខាងត្បូងKBS បានបង្ហាញវីដេអូស្តីពីសកម្មភាពទារុណកម្ម ការចាប់បង្ខាំងមនុស្ស និងការងារខុសច្បាប់ជាច្រើនកន្លែងក្នុងប្រទេសកម្ពុជា។ ចំណែក រដ្ឋាភិបាលឥណ្ឌាវិញ ក៏បានព្រមានពលរដ្ឋរបស់ខ្លួនដែលមានបំណងចង់មកធ្វើការនៅប្រទេសកម្ពុជា ត្រូវប្រុងប្រយ័ត្នខ្ពស់ចំពោះករណីឆបោក។
