អាមេរិកចាប់ខ្លួនភ្នាក់ងារសេអ៊ីអាម្នាក់ក្នុងប្រទេសកម្ពុជារឿងបែកធ្លាយឯកសារផែនការអ៊ីស្រាអែលវាយអ៊ីរ៉ង់
17-November-2024 / សន្តិសុខសង្គម
ភ្នំពេញ៖មានករណីចាប់ខ្លួនភ្នាក់ងារចារកម្មអាមេរិក(CIA)នៅទនៅទឹកដីកម្ពុជា។នេះបើតាមការផ្សាយរបស់The New York Times អាមេរិក បានចុះផ្សាយ។ឯកសាររបស់តុលាការអាមេរិក និងប្រភពស្និទ្ធនឹងរឿងនេះ កាសែត The New York Times បានចុះផ្សាយ កាលពីថ្ងៃទី១៣វិច្ឆិកាថា ភ្នាក់ងារCIA ដែលត្រូវបានប៉ូលិសសហព័ន្ធFBIបានចាប់ខ្លួននៅកម្ពុជានោះ មានឈ្មោះថា អាស៊ីហ្វរ៉ាម៉ាន់(Asif Rahman )ដែលជាភ្នាក់ងារស៊ើបការណ៍សម្ងាត់របស់អាមេរិកនៅទឹកដីបរទេស។ Asif Rahman ត្រូវបានចាប់ខ្លួននៅក្នុងបទចោទប្រកាន់ថា បានធ្វើឲ្យបែកធ្លាយព័ត៌មានសម្ងាត់របស់អាមេរិកដែលមាននិយាយពីគម្រោងការយោធារបស់អ៊ីស្រាអែលដើម្បីវាយប្រហារសងសឹកអ៊ីរ៉ង់។សូមបញ្ជាក់ថាកាលពីពេលថ្មីៗកន្លងទៅនេះបន្ទាប់ពីជួបមេសេអ៊ីអាសម្តេចតេជោហ៊ុនសែនអតីតនាយករដ្ឋមន្ត្រីបានបង្ហើបឲ្យដឹងថាសម្តេចបានធ្វើកាជាមួយសេអ៊ីអាតាំងពីឆ្ន១៩៩៧មកម្លេះ។
បើតាម The New York Times កាលពីពាក់កណ្តាលខែតុលាកន្លងទៅ គេឃើញមានឯកសារសម្ងាត់ស្តីពីគម្រោងការវាយប្រហាររបស់អ៊ីស្រាអែលទៅលើអ៊ីរ៉ង់ ដែលត្រូវបានចែកចាយលើបណ្ដាញតេឡេក្រាម។ បន្ទាប់មក គេស្រាវជ្រាវរកឃើញថា ឯកសារសម្ងាត់នោះត្រូវបានបង្ហោះផ្សាយចេញពីប្រទេសកម្ពុជា។ឯកសារទាំងនោះអាចចែករំលែកបានសម្រាប់ក្រុមប្រទេស ៥ ដែលមានសហរដ្ឋអាមេរិក អង់គ្លេស កាណាដា នូវែលសេឡង់ និងអូស្ត្រាលី។
ឯកសាររបស់តុលាការដែលចុះផ្សាយដោយកាសែត The New York Times បង្ហាញថា Asif Rahman គឺជាអ្នកធ្វើការឱ្យ CIA ទីភ្នាក់ងារស៊ើបការណ៍សម្ងាត់របស់អាមេរិកនៅបរទេស ហើយលោកមានសិទ្ធិចូលមើល ទទួលបានព័ត៌មានសម្ងាត់របស់CIA។ យ៉ាងណាក៏ដោយ CIA បានបដិសេធ មិនធ្វើអត្ថាធិប្បាយចំពោះរឿងនេះទេ។
គួររំលឹកថា នៅសប្ដាហ៍មុននេះ ក្រសួងយុត្តិធម៌អាមេរិក តាមរយៈតុលាការសហព័ន្ធក្នុងរដ្ឋ Virginia បានចោទប្រកាន់ភ្នាក់ងារCIA ម្នាក់ ក្នុងបទចោទ ចំនួន២ ដែលមានចែងក្នុងច្បាប់ចារកម្ម គឺបទរក្សាទុកដោយចេតនា និងចែកចាយព័ត៌មានសម្ងាត់ ដោយគ្មានការអនុញ្ញាត ។ បន្ទាប់ពីតុលាការចេញបទចោទប្រកាន់ ប៉ូលិសសហព័ន្ធFBI បានចាប់ខ្លួន Asif Rahman នៅថ្ងៃអង្គារទី១២ វិច្ឆិកា នៅប្រទេសកម្ពុជា ហើយបានបញ្ជូនខ្លួនជនសង្ស័យរូបនេះទៅកាន់កោះហ្គាំ (Guam) កាលពីថ្ងៃព្រហស្បតិ៍ ទី១៤ វិច្ឆិកា។ប៉ុន្តែករណីយ៍នេះ លោក ខៀវ សុភ័គ អ្នកនាំពាក្យរបស់ក្រសួងមហាផ្ទៃ បាននិយាយជាំមួយកាសែត ថា លោកមិនបានដឹងពីរឿងនេះទេ?។
តាមការចុះផ្សាយរបស់កាសែត Washington Postវិញ នៅក្រោយការបែកលេចធ្លាយឯកសារសម្ងាត់ស្តីពី គម្រោងការយោធារបស់អ៊ីស្រាអែលដើម្បីវាយប្រហារទៅលើអ៊ីរ៉ង់ កាលពីខែតុលា លោកប្រធានាធិបតីចូ បៃដិន បានកង្វល់យ៉ាងធំ និងបានទាក់ទងភ្លាមទៅថ្នាក់ដឹកនាំអ៊ីស្រាអែល។នៅចុងខែ តុលា ពោលគឺនៅជាងមួយសប្តាហ៍ក្រោយការបែកលេចធ្លាយឯកសារសម្ងាត់ស្តីពីគម្រោងការយោធារបស់អ៊ីស្រាអែល កងទ័ពអ៊ីស្រាអែលបានបើកការវាយប្រហារតាមផ្លូវអាកាសទៅលើទីតាំងផលិតមីស៊ីលរបស់អ៊ីរ៉ង់ ដើម្បីសងសឹកនឹងអ៊ីរ៉ង់ដែលបានបញ្ចេញមីស៊ីល ជិត២០០ ទៅលើអ៊ីស្រាអែល។ អ៊ីរ៉ង់បានបាញ់ស្រោចមីស៊ីលទៅលើអ៊ីស្រាអែល ដើម្បីសងសឹកនឹងអ៊ីស្រាអែលដែលថ្លើមធំ ចូលបាញ់សម្លាប់មេដឹកនាំរបស់ក្រុមហាម៉ាស ដល់ក្នុងទឹកដីអ៊ីរ៉ង់។
បើយោងតាមទីភ្នាក់ងារសារព័ត៌មាន APអតីតភ្នាក់ងារសេអ៊ីអាឈ្មោះ Asif William Rahman ត្រូវបាន FBI ចាប់ខ្លួននៅសប្តាហ៍នេះក្នុងប្រទេសកម្ពុជា ហើយនឹងត្រូវបង្ហាញខ្លួននៅតុលាការជាលើកដំបូងរបស់លោកនៅកោះ Guam។តុលាការសហរដ្ឋអាមេរិកក្នុងរដ្ឋ Virginia បានចៅតភ្នាក់ងាររូបនេះចំនួនពីរ អំពីការបញ្ជូនព័ត៌មានការពារជាតិដោយចេតនា ដែលជាការចោទប្រកាន់បទឧក្រិដ្ឋដែលអាចមានទោសជាប់ពន្ធនាគារយ៉ាងយូរ។
