ប្រធានមន្ទីរសាធាណការ និងដឹកជញ្ជូនខេត្តឧត្តរមានជ័យ គំរាមរកមុខមន្ត្រីរាជការក្រោមឱវាទ ក្រោយពីទម្លាយរឿងកូន ប្រសារឈ្មោះ ណារ៉ា វិទូកល្យាណ ត្រូវបានឪពុកក្មេករត់ការតែងតាំងអោយឡើងធ្វើជាអនុប្រធានមន្ទីរ !! ?
30-July-2024 / ព័ត៌មានជាតិ
ខេត្តឧត្តរមានជ័យ : អង្គភាព គេហទំព័រ មាតុភូមិ www.meatophoum.com បានទទួលឯកសារជាច្រើនសន្លឹក និងឃ្លីបVideosសារសម្លេងរបស់ លោក ឈឿង ផល្លាង ប្រធាន មន្ទីរសាធារណការ និង ដឹកជញ្ជូនខេត្តឧត្តរមានជ័យ តាមរយ:Telegram ពីមន្ត្រីរាជការម្នាក់ សុំមិនបញ្ចេញឈ្មោះ បានប្រាប់ថា : លោក ឈឿង ផល្លាង មេមន្ទីរសាធារណការ និងដឹកជញ្ជូនខេត្តឧត្តរមានជ័យ បានឆាតនិងទូរស័ព្ទ ក្នុងគ្រុបរបស់ថ្នាក់ដឹកនាំមន្ទីរ គំរាមស្វែងរកមុខមន្ត្រីក្រោមឱវាទណា ដែលបានផ្តល់ព័ត៌មាន និងឯកសារផ្សេងៗរបស់មន្ទីរ ពិសេសរឿងគាត់រត់ការអន្តរាគមន៍ អោយកូន ប្រសាររបស់គាត់ ឈ្មោះ ណារ៉ា វិទូកល្យាណ អោយឡើងឋាន:និងតួនាទី ជាអនុប្រធានមន្ទីរសាធារណការ និង ដឹកជញ្ជូនខេត្តឧត្តរមានជ័យ .។
លោក ឈឿង ផល្លាង ប្រធាន មន្ទីរសាធារណការ និង ដឹកជញ្ជូនខេត្តឧត្តរមានជ័យ ប្រើភាសាគំរាម និងព្រមាន ធ្វើលិខិតបញ្ឈរជើងចោល និង ដកចេញពីតួនាទីលែងអោយធ្វើការងារមិនថា: ថ្នាក់ប្រធានការិយាល័យ ឬអនុប្រធានការិយាល័យទេ ។ ដោយមិនចាំបាច់ និយាយបរិយាយច្រើន អង្គភាពសារព័ត៌មាន មាតុភូមិ សូមបង្ហាញត្រួសៗ អំពីលិខិត ស្វែងរកការអន្តរាគមន៍ពីថ្នាក់ដឹកនាំក្រសួងពាក់ព័ន្ធ និង ថ្នាក់ដឹកនាំខេត្តឧត្តរមានជ័យ ជំនាន់ឯកឧត្តម ប៉ែន កុសល្យ នៅធ្វើជាចៅហ្វាយខេត្ត ។
ឯកសារទាំងនោះរួមមាន លិខិតលេខ: ០៤៤ សក.ឧជ ចុះថ្ងៃទី០១ ខែកុម្ភ: ឆ្នាំ ២០២៣ របស់មន្ទីរសាធារណការ និងដឹកជញ្ជូនខេត្តឧត្តរ មានជ័យ គោរពជូន ឯកឧត្តមអភិបាលខេត្តឧត្តរមានជ័យ ក្នុងកម្មវត្ថុ:សំណើសុំតែងតាំងឈ្មោះ ណារ៉ា វិទូកល្យាណ ជាអនុប្រធានមន្ទីរ០១រូបបន្ថែមទៀតពីលើរចនាសម្ព័ន្ធ ដែល មានស្រាប់ នៃមន្ទីរសាធារណការ និងដឹកជញ្ជូនខេត្តឧត្តរមានជ័យ មានបោះត្រាមន្ទីរសាធារណការ និងដឹកជញ្ជូន ចុះហត្ថលេខា ដោយលោក ឈឿង ផល្លាង ប្រធានមន្ទីរសាធារណការ និង ដឹកជញ្ជូនខេត្តឧត្តរមានជ័យ ។ លិខិត លេខ : ៩៣៩ / ២៣ មស.តផ ចុះថ្ងៃទី ០២ ខែ កុម្ភៈ ឆ្នាំ ២០២៣ របស់ក្រសួងមុខងារសាធារណ: ជម្រាបជូន ឯកឧត្តមអភិបាល នៃគណ:អភិបាលខេត្តឧត្តមានជ័យ ចុះហត្ថលេខា ដោយឯកឧត្តម ព្រុំ សុខា (អតីត)រដ្ឋមន្ត្រីក្រសួងមុខងារសាធារណ: ។
លិខិត រដ្ឋបាលខេត្តឧត្តរមានជ័យ ១ច្បាប់ : បញ្ជីរាយនាមមន្ត្រីរាជការដែលស្នើសុំតែងតាំងបំពេញបន្ថែមជាអនុប្រធានមន្ទីរសាធារណការ និង ដឹកជញ្ជូន ខេត្តឧត្តរមានជ័យ ចុះថ្ងៃទី ១៤ ខែកុម្ភ: ឆ្នាំ២០២៣ បោះត្រា រដ្ឋបាលខេត្តឧត្តរមានជ័យ ចុះហត្ថលេខាដោយឯកឧត្តម ប៉ែន កុសល្យ អភិបាលខេត្តឧត្តរមានជ័យ ព្រមទាំងឃ្លីប Videos សារសម្លេងរបស់លោក ឈឿង ផល្លាង ប្រធានមន្ទីរសាធារណការនិង ដឹកជញ្ជូនខេត្តឧត្តរមានជ័យ ដែលឆាតតេគំរាមព្រមានស្វែងរកមុខមន្ត្រីក្រោមឱវាទដើម្បីដកតួនាទី និងបញ្ឈប់ពីការងារព្រោះទម្លាយការណ៍សម្ងាត់របស់លោកមន្ទីរ អោយអ្នកសារព័ត៌មាន ?
ប្រភពព័ត៌មានពីមន្ត្រីជាច្រើននាក់មានតួនាទីតូចតាចនៅអង្គភាពមន្ទីរសាធារណការ និង ដឹក ជញ្ជូនខេត្តឧត្តរមានជ័យ បានសំណូមពរតាមរយ:សារព័ត៌ មាន គេហទំព័រ មាតុភូមិ www.meatophoum.com គោរពស្នើសុំដល់ឯកឧត្តម ប៉េង ពោធិ៍នា រដ្ឋមន្ត្រីក្រសួង សាធារណការ និង ដឹកជញ្ជូន មេត្តាជួយពិនិត្យមើលសកម្មភាព លោក ឈឿង ផល្លាង ប្រធានមន្ទីរសាធារណការនិង ដឹកជញ្ជូនខេត្តឧត្តរ មានជ័យផងទាន!។ ព្រោះមន្ត្រីថ្នាក់ទាបៗធ្វើការងារនៅក្នុងមន្ទីរនេះ សព្វថ្ងៃកំពុង តក់ស្លុតភ័យខ្លាច ចំពោះពាក្យសំដីសំឡុតគំរាមកំហែង របស់លោក ឈឿង ផល្លាង ខ្លាំងណាស់ ទាន ប្រោស ! ព្រោះគាត់កំពុងក្តៅស្លឹកត្រចៀក ស្វែងរកមុខមន្ត្រីណា? ដែលបញ្ចេញព័ត៌មានប្រាប់អ្នកកាសែត ។
ជុំវិញ ករណីបែកធ្លាយរឿងអាស្រូវរបស់មន្ទីរសាធារណការ និងដឹកជញ្ជូនខេត្តឧត្តរមានជ័យខាងលើនេះ អង្គភាព គេហទំព័រ មាតុភូមិ មិនអាចស្វែងរកការបំភ្លឺ ពីលោក ឈឿង ផល្លាង និងលោក ណារ៉ា វិទូកល្យាណ បាននៅឡើយទេ ព្រោះពុំមានលេខ ទូរស័ព្ទទំនាក់ទំនង ។ ប៉ុន្តែអង្គភាពយើងរង់ចាំ ទទួល ស្វាគមន៍ជានិច្ច នូវការបកស្រាយបំភ្លឺ ពីគ្រប់ភាគីពាក់ព័ន្ធ តាមរយ: ទូរស័ព្ទលេខ: 012 953 824 / 088 55 34 100 / 016 953 222 រៀងរាល់ម៉ោងធ្វើការ ៕ ដោយ: សុផល
.jpg)
