ឈ្មួញឃុបឃឹតជាមួយមន្ត្រីស្នងការនគរបាលខេត្តមណ្ឌលគិរីឃាត់ខ្លួនប្រជាពលរដ្ឋ ៣នាក់ដាក់ឃុំដើម្បីបង្ខំទិញយកដី១២ហិកតានៅក្រុងសែនមនោរម្យ?
13-June-2023 / ព័ត៌មានជាតិ
ខេត្តមណ្ឌលគិរី÷កាលពីព្រឹកថ្ងៃទី៤ ខែ មិថុនា ឆ្នាំ២០២៣ប្រជាពលរដ្ឋជាជនជាតិដើមភាគតិចព្នងចំនួន៤គ្រួសារ ក្រោយពីដឹងថាមានជនដទៃចូលមកកាប់ព្រៃលើដីពូកគាត់ៗក៏ហៅបងប្អូនមកជុំគ្នា រួចបានចុះទៅហាមឃាត់មិនឲ្យកាប់ព្រៃលើដីដូនតារបស់ខ្លួនមួយកន្លែងស្ថិតនៅភូមិអូរស្ពានសង្កាត់ស្ពានមានជ័យ ក្រុងសែនមនោរម្យ ខេត្ត មណ្ឌលគិរី តែត្រូវវប៉ូលិសនាំខ្លួន២នាក់ទៅស្នងការដ្ឋាននគរបាលខេត្តមណ្ឌលគិរី។
ប្រជាពលរដ្ឋដែលត្រូវសមត្ថកិច្ចរបស់ខ្លួនមានឈ្មោះក្រើក ទ្រី ជាម្ចាស់ដីនិង ឈ្មោះ ព្រើន ស្រីនាងជាក្មួយម្ចាស់ដី។ នៅរសៀលថ្ងៃទី៤ខែមិថុនានេះបុរសម្នាក់ ទៀតឈ្មោះ ភ្លើង តឹក និងរថយន្តមួយគ្រឿងរបស់គាត់ក៏ត្រូវបានគរបាលឃាត់ខ្លួននាំមកស្នងការដ្ឋាននគរបាលខេត្តមណ្ឌលគិរីផងដែរ។បងប្អូនជនជាតិភាគតិចទាំងនោះនិយាយថា មានគេរៀបចំយកដីរបស់គាត់លក់ទៅឲ្យអ្នកផ្សេងទាំងខ្លួនមិន បានដឹង។ បងប្អូនប្រជាពលរដ្ឋនិយាយថា ពួកគាត់ចេញចូលដាំដំណាំអាស្រ័យផលរាល់ថ្ងៃ។ " រហូត មកដល់ព្រឹកនេះខ្ញុំបានឃើញមានមនុស្ស៥នាក់មកកាប់ឆ្កាព្រៃលើដីរបស់ខ្លួនក៏នាំបងប្អូនទាំង៤គ្រួសារចុះទៅសួរនឹងហាមឃាត់មិនឲ្យកាប់ឆ្កាលើទីតាំងដីរបស់ខ្លួន"។
ការហាមប្រាមនេះមិនបានប៉ុន្មានផង ពោលគឺរយៈពេលតែ១៥នាទីក្រោយមកក៏ស្រាប់តែឃើញមានកំលាំងនគបាលនៃស្នងកាដ្ឋានខេត្តចុះបំបែកព្រមទាំងនាំប្រជា ពលរដ្ឋចំនួន២នាក់ស្នងការខេត្តភ្លាមៗ។
ប្រជាពលរដ្ឋជនជាតិដើមភាគតិចព្នងចំនួន៤ គ្រួសារ រស់នៅភូមិពូលូង សង្កាត់រមនា ក្រុងសែនមនោរម្យ ដែលមានដីនៅចំណុច អូស្ពានឃុំស្ពានមានជ័យ ក្រុងសែនមនោរម្យខេត្តមណ្ឌលគិរី កំពុងតែមានសេចក្តីភ័យព្រួយបារម្ភគ្រប់បញ្ហា.. ពាក់ព័ន្ធនឹងដី ថ្នូរខ្មោចបូរាណ ជាដីព្រៃតំណម.. ដីភូមិចាស់របស់ពួកគាត់ ដែលមាន បុគ្គលមានអំណាចពីរនាក់ដែលគេដឹងថាជាស្នងការងខេត្តមណ្ឌលគិរី និងម្នាក់ទៀតឈ្មោះធីម សៀងហៃ ហៅឆាយ។ ទាំង២នាក់មានគំនិតរៀបឯកសារក្លែងដើម្បីគ្របដណ្ដប់លើដីពលរដ្ឋជនជាតិដើមភាគតិច៤គ្រូសារលក់ឲ្យអ្នកផ្សេង។
គួរបញ្ជាក់ថា កាលថ្ងៃទី៣១ខែ ឧសភា ឆ្នាំ២០២៣ ស្នងការនគបាលខេត្តធ្លាប់កោះហៅមនុស្ស៣នាក់ឲ្យចូលបំភ្លឺនៅស្នងការនោះមានឈ្មោះ ១,ភ្លើង សុតឹក ភេទប្រុស, ២-ញ៉េវ ម្លឿង ភេទប្រុសនិង៣, ក្រើត ទ្រី ភេទប្រុស។ប្រជាពលរដ្ឋរងគ្រោះដីធ្លីចំនួន១២ហិកតា ត្រូវបាននគរបាលខេត្តមណ្ឌលគិរី ចាប់ខ្លួនចំនួន៣នាក់នោះ បានប្រាប់ថាដីកប់ខ្មោចដែលជាដីព្រៃតំណម ស្ថិតនៅ ភូមិចំការតែ សង្កាត់ស្ពានមានជ័យ ខេត្តមណ្ឌលគិរី ត្រូវបានមេឈ្មួញ២នាក់ក្លែងឯកសារដីមកគ្របដណ្តប់យកដីផ្នូរខ្មោចរបស់ពួកគាត់នោះ ដូចមានលិខិតមិនប្រក្រតីដូចនៅខាងក្រោម÷គាត់បានបញ្ជាក់ប្រាប់ថា ដីកប់ខ្មោចរបស់ពួកគាត់គឺស្ថិត
នៅក្នុង ភូមិ ចំការតែ សង្កាត់ ស្ពានមានជយ័ ក្រុងសែនមនោរម្យ ខេត្តមណ្ឌកគិរី នោះទេ តែហេតុអីបានជាក្រុមឈ្មួញដីទាំងនេះមក ក្លែងឯកសារចាប់យកដីរបស់គាត់ដោយបាន ក្លែងសសេរថាដី ស្ថិតក្នុង ភូមិ អូស្ពានឃុំស្ពានមានជ័យ ស្រុកសែនមនោរម្យ ខេត្តមណ្ឌលគិរីទៅវិញ។ទោះបីយ៉ាងណាក្នុងពេលដែលបងបក្អូនជនជាតិភាគតិចជាម្ចាស់ដីកំពុងឃុំខ្លួននៅស្នងការដ្ឋាននគរបាលខេត្តមន្ត្រីនិងឈ្មួញដែលគេរាយការណ៍ថាមានមន្ត្រីរដ្ឋាភិបាលម្នាក់នៅភ្នំពេញនៅពីក្រោយខ្នងបានចចរចាបង្ខំឲ្យប្រជាពលរដ្ឋលក់ដីរបស់ខ្លួននៅចំណុចខាងលើបើចង់រួចខ្លួន?។
តាមសេចក្តីរាយការណ៍បានឲ្យដឹងថាមុនដំបូងគេឲ្យតម្លៃ៥ម៉ឺននិងក្របីមួយក្បាលសម្រាប់ដី១២ហិកតាដល់ម្ចាស់ដីតែមិនព្រមរហូតដល់ថ្ងៃទី៧មិថុនាទើបពួកឈ្មួញនិងមន្ត្រីនគរបាលនៃស្នងការនគរបាលខេត្តមណ្ឌលគិរីតម្លើងដល់១០ម៉ឺនដុល្លារក្របីមួយក្បាល។ដោយមិនអាចទ្រាំនិងការគម្រាមកំហែងបានប្រជាពលរដ្ឋម្ចាស់ដីទាំង៤គ្រួសារបានសុខចិត្តយលព្រមទទួលយកដើម្បីបានរួចខ្លួនបើទោះបីដឹងថាដីរបស់ពួកគាត់បើលក់ធម្មតាដីទីតាំងខាងលើនេះតាមហាងឆេងមិនតិចជាង៨០ម៉ឺនដុល្លារឡើយ។ក្រោយពីត្រូវដោះលែងនិងបានលុយប្រជាពលរដ្ឋជាំនជាតិព្នងបាននាំគ្នាគេចខ្លួនទៅ។ករណីយ៍សមត្តកិច្ចនគរបាលខេត្តមណ្ឌលគិរីប្រើអំណាចកៀបសង្កត់ចាប់បង្ខំប្រជាពលរដ្ឋឲ្យលក់ដីរបស់ខ្លួនថោកនេះមិនអាចទាក់ទងលោកស្នងការនគរបាលខេត្តដើម្បីបកស្រាយបានទេ។តែកាលពីវេលាម៉ោង៤ និង៥១នាទីថ្ងៃទី៤ ខែមិថុនា ឆ្នាំ២០២៣ លោកឡោ សុខា ស្នងការនគរបាលខេត្តមណ្ឌលគិរីបានឲ្យកាសែតដឹងតាមទូរសព្ទថា កម្លាំងរបស់គាត់ធ្វើយោងតាមពាក្យបណ្ដឹងរបស់គេ ហើយក៏បានជូនដំណឹងទៅខាងតុលាការអស់ហើយដែរ។ឯកលោកថងសាវុនអភិបាលខេត្តមណ្ឌលគិរីបើតាមប្រភពដែលគួរឲ្យទុកចិត្តបានប្រាប់ថាលោកមិនបានដឹងរឿងហ្នឹងទេ?៕
