រឿងប្រដាប់ឈានដល់ការចាប់ខ្លួនកូនស្រីឧកញ៉ា ហេង សៀ បន្ទាប់ពីចាប់ប្ដីដែល ជួលមនុស្សប្រុស-ស្រីថតរូបអាសអាភាសបន្លំថា កញ្ញា មាន ពេជ្ររីតា ក្នុងពេលឪគេចខ្លួនដេកពេទ្យ
16-May-2021 / ព័ត៌មានជាតិ
ភ្នំពេញ៖ កម្លាំងសមត្ថកិច្ច បានបន្ដនាំខ្លួនកូនស្រីបង្កើតរបស់ឧកញ៉ា ហេង សៀ ដែលបានរួមគំនិតគ្នាជាមួយប្ដី ឈ្មោះ ឃន ឈុនដារ៉ា ជួលមនុស្សប្រុស-ស្រី ថតរូបភាពអាសអាសភាសដើម្បីបំភាន់សាធារណជន បន្លំថាកញ្ញា មាន ពេជ្ររីតា។
មន្ដ្រីនគរបាលជាន់ខ្ពស់ ប្រាប់បណ្ដាញព័ត៌មាន នាយប់ថ្ងៃទី១៥ ខែឧសភា ឆ្នាំ២០២១នេះថាកូនស្រីបង្កើតរបស់ឧកញ៉ា ហេង សៀ មានឈ្មោះ តាំង គីមហៀង ពាក់ពន្ធ័ការរួមគំនិតជាគ្នាជាមួយប្ដី ដើម្បីបំផ្លាញកិត្តិយសកញ្ញា មាន ពេជ្ររីតា ហៅ Yu Bee ពិធីការិនីស្ថានីយ៍ទូរទស្សន៍។ ការនាំខ្លួននេះធ្វើឡើងនៅទីតាំងក្រុមហ៊ុនកញ្ចក់ ហេង ស្រេងហុង តាមបណ្ដោយផ្លូវមុនីរ៉េត សង្កាត់ស្ទឹងមានជ័យ ខណ្ឌមានជ័យ។
កាលពីថ្ងៃទី១៥ ខែឧសភា ឆ្នាំ២០២១នេះ កម្លាំងនគរបាលបានចាប់ខ្លួនកូនប្រសាររបស់លោកឧកញ៉ា ហេង សៀ ម្នាក់រួចមកហើយ ឈ្មោះ ឃន ឈុនដារ៉ា ដែលមានគោរមងារឧកញ៉ាក្នុងអាយុ៣២ឆ្នាំត្រូវជាប្ដីរបស់ឈ្មោះ តាង គីមហៀងនេះ។ ឈ្មោះ ឃន ឈុនដារ៉ា ជាម្ចាស់កាហ្វេល្បីមួយឈ្មោះ The KOI និង Tube Cafe។ ឧកញ៉ា ឃន ឈុនដារ៉ា កើតនៅក្នុងឆ្នាំ ១៩៨៩ គិតមកដល់ឥលូវនេះ លោកទើបមានអាយុត្រឹមតែ ៣២ឆ្នាំប៉ុណ្ណ្ណោះ។
សូមបញ្ជាកថាឃនដារ៉ា ជានិស្សិតបញ្ចប់ការសិក្សាពីបរទេស ដោយទទួលបាន សញ្ញាប័ត្រផ្នែកសេដ្ឋកិច្ច និងពាណិជ្ជកម្មនៅសាកលវិទ្យាល័យ California នៃសហរដ្ឋអាមេរិក និងថ្នាក់អនុបណ្ឌិតផ្នែកគ្រប់គ្រងពីសាកលវិទ្យាល័យ Bristol ប្រទេសអង់គ្លេស។សព្វថ្ងៃនេះ ឃនដារ៉ា គឺជានាយកប្រតិបត្តិក្រុមហ៊ុនល្បីឈ្មោះធំៗ ជាច្រើនដូចជា Koi ហាងតែ, Tube Coffee ហាងកាហ្វេ Yellow Cab ហាងភីហ្សា, Orkin ក្រុមហ៊ុនផ្តល់សេវាកម្ម សម្លាប់សត្វល្អិតតាមផ្ទះ, KYO ហាងម្ហូបបែបជប៉ុន ។ពាក់ព័ន្ធករណីខាងលើនេះ កម្លាំងសមត្ថកិច្ចបាននឹងកំពុងបន្តតាមចាប់អ្នកពាក់ព័ន្ធផ្សេងទៀត ដែលចូលរួមប្រឌិតលើករណីខាងលើ។តែមនុស្សពូកែរកស៊ីខូចក៏ពូកែដែរ។
សូមបញ្ជាក់ថាលោកឧកញ៉ាហេងសៀវិញម្តងបន្ទាប់ពីមន្ត្រីតុលាការដែលជួយឃុំខ្លួនកញ្ញាមានពេជ្ររីតាតាមពាក្យបណ្តឹងថាលួចទូរសព្ទ័និងចាក់សម្លាប់នៅថ្ងៃទី១១ឧសភាលោកចៅក្រមកូយសៅបានងាកមកចាត់ការពាក្យបណ្តឹងកញ្ញាមានពេជ្ររីតាវិញម្តងបន្ទាប់ពីចេញដីការដោះលែងនាងឲ្យនៅក្រៅឃុំនាថ្ងៃទី១៣ឧសភាតាមសំណើមេធាវីសម្តេចតេជោហ៊ុនសែន។នៅថ្ងៃទី១៣ ខែឧសភា ឆ្នាំ២០២១ដែរ ឧកញ៉ា ហេង សៀ បានដាក់ពាក្យស្នើសុំពន្យាពេលចូលបំភ្លឺជូនសាលាដំបូងរាជធានីភ្នំពេញ ចំពោះបណ្ដឹងរបស់កញ្ញា មាន ពេជ្ររីតា ដែលប្ដឹងពីបទប៉ុនប៉ងរំលោភសេពសន្ថវៈ។
ក្នុងលិខិតស្នើសុំ ឧកញ៉ា ហេង សៀ បានអះអាងថា មូលហេតុដែលខ្លួនសុំពន្យាពេលចូលបំភ្លឺ ដោយសារកំពុងសម្រាកព្យាបាលសង្គ្រោះបន្ទាន់នៅមន្ទីរពេទ្យ ហើយសន្យាថា នឹងចូលបំភ្លឺនៅពេលស្ថានភាពជំងឺធូរស្រាល។សូមបញ្ជាក់ដែរថាក្រោយពីមានរឿងរ៉ាវជាមួយកញ្ញាយូប៊ីនារសៀលថ្ងៃទី៤ឧសភាលោកឧកញ៉ាហេងសៀបានបើកឡានទៅបុកឡានឡង់គ្រីសរ័គេថែមទៀត។ឧកញ៉ាហេងសៀសន្យាសងការខូចខាតទាំងអស់តែពេលឡានជួសជុលហើយអស់៣ពាន់ដុល្លារលោកឧកញ៉ាប្រើអង្គរក្សមកសម្លុតសងតែ៥រយដុល្លារតែប៉ុណ្ណោះ។
កញ្ញា មាន ពេជ្ររីតា ពិធីការិនីទូរទស្សន៍ My TV និងជាអតីតបេក្ខនារី Miss Grand Cambodia បាននៅថ្ងៃចៅក្រមកូយសៅឃុំខ្លួនថ្ងៃទី១១ឧសភាបានដាក់ពាក្យប្តឹង ឧកញ៉ា ហេង សៀ ពីបទប៉ុនប៉ងរំលោភសេពសន្ថវៈនៅក្នុងរថយន្ត ដើម្បីជាការប្តឹងបកផងដែរ។
