ស្រីម្នាក់រងគ្រោះព្រោះឈ្មួញនិងមានអំណាចឃុបឃិតគ្នាឆក់ប្លន់ដីតាំងពីសម័យចៅហ្វាយខេត្ត ស៊ូ ភិរិន្ទ ដល់ សម័យ ឃឹម ប៊ុនសុង នៅតែរកយុត្តិធម៌មិនឃើញ
11-May-2018 / ព័ត៌មានជាតិ
សៀមរាប៖អ្នកស្រីឈឿននន់អាយុ៦០ឆ្នាំបានធ្លាក់ខ្លួនក្រីក្ររហូតរស់នៅតាមចិញ្ចើមផ្លូវដោយសាតែរងគ្រោះព្រោះអំពើឆក់ប្លន់ដីស្រែជាកម្មសិទ្ធស្ថិតនៅភូមិត្រពាំងរុន្ធសង្កាត់(ក្រុង)សៀមរាបចំនួន៣ហិកតាកន្លះ។ឈ្មួញមានលុយនិងអ្នកមានអំណាចដែលឃុបឃឹតគ្នាប្លន់ដីអ្នកស្រីឈឿននន់យកធ្វើតារាងវាយហ្គោលគឺកើតឡើងតាំងពីឆ្នាំ២០០៧មកម្លេះគ្មានអាជ្ញាធរ
ខេត្តសៀមរាបណាម្នាក់ជួយដោះស្រាយឡើយរាប់តាំងចៅហ្វាយខេត្តសម័យលោកស៊ូភិរិន្ទរហូតដល់សម័យលោកឃឹមប៊ុនសុងបើទោះបីជាដឹងរឿងឆក់ប្លន់នេះក៏ដោយ។
អ្នកស្រីឈឿននន់ជាប្រជាជនមួយគ្រួសារក្នុងចំណោម១៣គ្រួសារដែលមានដីស្រែនៅទីតាំងខាងលើ។
នៅឆ្នាំ២០០៧មានឈ្មួញ(កូរ៉េនិងខ្មែរ)និងអាជ្ញាធរឃុំស្រុកប្រសាទបាគងមកសម្របសម្រួលដើម្បីទិញដីខាងលើយកធ្វើតារាងវាយកូនគោល។ប្រជាជន១២និងអ្នកស្រីឈឿននន់មិនយល់ព្រមលក់ ឡើយ។ក្រោយមកដោយការបង្ខឹតបង្ខំនិងសម្លុតប្រជាជន១២គ្រួសារបានយលព្រម់លក់នៅតែគ្រួសារអ្នកស្រីឈឿនន់មួយមិនព្រមលក់ដីចំណែកគាត់ដែលធំជាងគេនោះឡើយ។
គាត់នៅតែបង្កបង្កើផលដាំស្រូវដដែល។ស្រាប់តែថ្ងៃមួយពួកឈ្មួញដោយមានមន្ត្រីអាជ្ញាស្រុកប្រាសាទបាគងជួយសម្រួលផងបានយកគ្រឿងចក្រមកឈូសឆាយដីស្រែមានស្រូវអ្នកស្រីប្លន់យកដីទាំងកំរោល។អ្នកស្រីបានប្តឹងទៅសមត្តកិច្ចឃុំស្រុកគេថាចាំដោះស្រាយឲ្យ!។ការពិតមានតែការសន្យាព្រោះឈ្មួញកូរ៉ែឈ្មោះហុងស៊ូយ៉ុង(Hong SuYong)ជាថៅកែក្រុមហ៊ុនខេធីស៊ី(KTC)ជាឈ្មួញមានបង្អែករឹងមាំសមត្តកិច្ចមិនហ៊ានក្អក?!។
ជាក់ស្តែងសូម្បីតែអ្នកស្រីឈឿននន់មានលិខិតសំណេរដៃសុំអន្តរាគមន៍ពីលោកសៀងណាំតំណាងរាស្ត្រក៏ត្រូវបានអភិបាលរងស្រុកស្រុកប្រាសាទបាគងម្នាក់យកទៅហែកចោល។អ្នកស្រីឈឿនន់បានងាកមករកយុត្តិធមិតាមប្រពន្ធ័តុលាការវិញដោយចំណាយធនធានអស់ពីខ្លួនរហូតជំពាក់គេលក់អស់ផ្ទះសម្បែងដីធ្លីដែលសេសសល់ប្តីក៏ស្លាប់ចោលទៀត។
តាំងពីឆ្នាំ២០០៨រហូតដល់ឆ្នាំ២០១៣ថ្ងៃទី៩ខែមករាទើបលោកអឿងវណ្ណាចៅក្រមតុលាការសៀបរាបចេញដិការកំបាំងមុខក្នុងរឿងព្រហ្មទណ្ឌ័គឺចោទប្រកាន់ ពីបទបំផ្លាញទ្រព្យសម្បត្តិអ្នកដទៃដោយសម្រេចឲ្យថៅកែក្រុមហ៊ុនកូរ៉េឈ្មោះហុងស៊ូយ៉ុង(Hong SuYong)សងប្រាក់១៥លានរៀលឲ្យអ្នកស្រីឈៀននន់(មិនរាប់បញ្ចូលដី)។ប៉ុន្តែមិនមានអ្នកណាចេញមុខសងឡើយ។
អ្នកស្រីឈឿននន់បានបន្តប្តឹងឧទ្ធរណ៍ទៀតរហូតដល់១៧ខែកក្កដាឆ្នាំ២០១៤ទើបលោកសចំរើនចៅក្រមសាលាឧទ្ធរណ៍ចេញសាលក្រមកំបាំងមុខសម្រេចឲ្យឈ្មួញកូរ៉េខាងលើសងប្រាក់ក្នុងរឿងព្រហ្មទណ្ឌ៍បំផ្លាញទ្រព្យអ្នកដទៃចំនួន៣០លានរៀលវិញ។
បានសាលក្រមស្ថាពរយកទៅស្រុកវិញឲ្យតុការការខេត្តតែរកអ្នកអនុវត្តសាលក្រមមិនបានដោយគ្មានសមត្តកិច្ចខេត្តសៀមរាបណាមួយគេអើពើរព្រោះគ្មានប្រាក់និងម្យ៉ាងឮថៅកែក្រុមហ៊ុនកូរ៉េខាងលើឃុបឃឹតគ្នាជាមួយសមត្តកិច្ចជំនាញលក់ដីតារាងវាយហ្គោលនភទីតាំងខាងលើឈ្មោះSiem Reap Booyoung Country Clupឲ្យទៅអ្នកដទៃបាត់ទៅហើយ។
អ្នកស្រីឈឿនន់មកដល់សព្វថ្ងៃបានត្រឹមដេកឱសាលក្រមក្នុងពេលដីស្រែ៣,៥ហិកតាត្រូវបានចោរប្លន់យកទៅធ្វើមានបានយ៉ាងអយុត្តិធមិបំផុត។អ្នកស្រីឈឿននន់ប្រាប់ថា៖គាត់ដេកស្រម៉ៃថាមុននឹងគាត់ស្លាប់សង្ឃឹមថាថ្ងៃណាមួយសម្តេចហ៊ុនសែននឹងជួយគាត់!!។
នេះរឿងពិតគ្មាប្រឌឹតឡើយនៅស្រុកខ្មែរយើងដែលអ្នកក្រកុំសង្ឃឹមរកបានយុត្តិធមិឲ្យសោះ!។បច្ចុប្បន្នអ្នកស្រីឈឿននន់មានទីលំនៅនៅផ្ទះតាមចិញ្ចើមផ្លូវក្នុងភូមិត្រពាំងរុន។បើមិនជឿគាត់មានលេខទូរសព្ទទាក់ទងលេខ០៩៧៦៦១០៤៧៤៕
