មន្ទីសំរាកព្យាបាល ជាឡេង ចាក់ថ្នាំខ្វះបច្ចេកទេស បណ្តាលឲ្យកុមារម្នាក់ស្លាប់ទទេ!
03-November-2019 / ព័ត៌មានជាតិ
សៀមរាប៖កុមារអាយុ១៣ឆ្នាំម្នាក់នៅសុខៗត្រូវគ្រូពេទ្យមន្ទីរសំរាកព្យាបាល ជាឡេងនៅតាមផ្លូវជាតិលេខ ៦ ទល់មុខការាស់សាំង ខាងលិចផ្សារពួកស្រុកកពួកប្រមាណ ៥០ម៉ែត្រចាក់ថ្នាំបណ្តាលឲ្យស្លាប់ទទេ កាលពីថ្ងៃទី១៩ ១០ ២០១៩តែជីតាដែលបានលុយសំណងនិយាយការពារពេទ្យថាមកពីកម្មផលទៅវិញ!។ 
លោកស៊ុនគិន អាយុ៦៤ឆ្នាំ រស់នៅភូមិស្រះឃុំរើល ស្រុកពួកខេត្តសៀបរាបដែលមកសម្រាក់ព្យាបាលនៅមន្ទីរព្យាបាលជាឡេងបាន ឲ្យដឹងថា ចៅប្រុសឈ្មោះ ខនសុខា អាយុ១៣ ទៅសួរសុខទុក្ខខ្ញុំ ដែលដេក ក្នុងមន្ទីសំរាកព្យាបាល ជាឡេង។ ពេលនោះខ្ញុំឃើញចៅមានសម្បុរស្លេក ក៏ឲ្យពេទ្យពិនិត្យមើល លោកគ្រូពេទ្យប្រាប់ថា ចៅតាឯងមានមេរោគគ្រុនឈាម!។ រូបខ្ញុំ ស៊ុនគិន ប្រាប់ឲ្យលោកគ្រូព្យាបាលចៅខ្ញុំផង ។
ពេលនោះលោកគ្រូពេទ្យបានចាក់បញ្ចូលសេរ៉ូមឲ្យកុមាររងគ្រោះ។ ផ្លោកទី ១ ផ្លោកទី ២ ផ្លោ ទី ៣ មិនមានអ្វីកើតឡើងទេ។ ស្រាប់តែដល់ ផ្លោកទី ៤ អ្នកគ្រូពេទ្យស្រីបានចាក់ បញ្ចូលថ្នាំបន្ថែម។ភ្លាមៗនោះស្រាប់តែចៅគាត់ស្ទុះក្រោកក្អួត។ គ្រូពេទ្យឆោឡោជួយធ្វើចល់នា ហើយនឹងក្រទីក្រទារកឩបកឩកស៊ីស៊ែនមកជុំនួយ តែរកមិនបាន ។ អ្នកជុំងឺរកកល់ដកចង្ការមាន់ ពេលនោះ លោកគ្រូពេទ្យ ជាឡេងបានប្រាប់ឈ្មោះ គឹងត្រូវជាឪពុកមា ឲ្យយកកុមារង់គ្រោះទៅពេទ្យបង្អែកស្រុកពួកដែលនៅចំងាយ ពីមន្ទីសំរាកព្យាបាល ជាឡេង ប្រហែល ១០០ ម៉ែត្រ ។
ករណីយ៍នេះលោកគឹងជាឪពុកមារស់នៅភូមិស្វាយចេកឲ្យដឹងតាមទូរស័ព្ទថា៖ រូបលោកនិងប្រពន្ធទៅសួរសុខទុក្ខក្មួយ ថ្ងៃទី១៩តុលា ឃើញក្នួយបាត់ស្លេកស្លាំងក៏បបួលក្មួយថា ចាំទៅផ្ទះជាមួយពូ។ លោកគឹងបន្តថាក្នុងបន្ទប់មានអ្នកជំងឺបួននាក់់។ លោកគ្រូពេទ្យចាក់ថ្នាំរួចបីនាក់ហើយ ក្មួយគាត់ចាក់ក្រោយគេ ។គ្រាន់តែពេទ្យស្រីចាក់បញ្ចូលថ្នាំមិនបានមួយនាទី ផងស្រាប់តែក្មួយគាត់ក្អួត រូបខ្ញុំគឹងស្ទុះត្រកងក្មួយ ហើយជួយរឺតចល់នាបេះដូង។ ពូកពេទ្យក៏ផ្អើលមកជួយដែរ តែក្មួយគាត់ឈ្មោះ ខនសុខាក្អួតជាលើកទីពីរ បានបីដង ស្រាប់តែដកចង្កាមាន់រួចផុតដង្ហើមក្នុងមន្ទីរពេទ្យជាឡេងនៅ ម៉ោងបួនរសៀល ។ រឿងដែលហួសចិត្តនោះ ពួកពេទ្យប្រាប់គាត់ថា ឲ្យយកទៅពេទ្យបង្អែងស្រុកទៅ ព្រោះទីនេះមិនមានឩបករណ៍អុកស៊ីស៊ែនទេ?។
រូបខ្ញុំគឹងបានបីសព្វក្មួយរត់ទៅពេទ្យស្រុក ។ ពេលនោះបុគ្គលិកពេទ្យស្រុកបានយកឩកស៊ីស៊ែនមកដាក់តែបានប្រាប់ថាកុមារខនសុខា បេះដូងឈប់កំរើកយូហើយ ។ លោកគឹងបញ្ជាក់ថាក្មួយគាត់ពិតជាប្រតិកម្មថ្នាំស្លាប់ក្នុងមន្ទីរសំរាកព្យាបាល ជាឡេងពិតមែន ។ ឯលោកស៊ុនគិនជាជីតានិយាយថា ចៅរបស់គាត់អាយុអស់ហើយ។ ខ្ញុំជាអ្នកកាន់ព្រះពុទ្ធសាសនា យើងត្រូវធ្វើអារម្មណ៏ឲ្យស្ងប់ ខ្លួនយើងក៏បានសុខដែរ? ។ពេលសួរថាតើ គេជួយសោហ៊ុយទេ? គាត់ប្រាប់ថា គេជួយប្រាក់ដែរតែគាត់មិនប្រាប់ថាមានចំនួនប៉ុន្មាន។
អ្នកយកព័ត៏យើងបានទៅ ដល់មន្ទីរសំរាកព្យាបាល ជាឡេង បានជួបបុគ្គលិកពេទ្យម្នាក់ តែគាត់ប្រាប់ថា ខ្ញុំជាកូនចៅគេ មិនហ៊ានប្រាប់សូម្បីតែលេខទូរស័ព្ទ។
ក្រោយមកបានទូរស័ព្ទ ទៅលោកជាឡេងពេលសួរថា មានកុមារម្នាក់ស្លាប់នៅមន្ទីរសំរាកព្យាបាលរបស់លោក សូមជួយពន្យល់ផងបានទេ? លោកជាឡេងប្រាប់ថា មិនអាចប្រាប់បានទេ បើចង់ដឹងទៅសួរតុលាការទៅ?។
ឯលោកម៉ង់សម្បត្តិប្រធានពេទ្យបង្អែកស្រុកពួកបាន ឲ្យដឹងតាមរយៈបុគ្គលិកថា៖ អ្នកជំងឺពិតជាបានផុតដង្ហើមមុននឹងចូលមកពេទ្យស្រុកទៅទៀត។
លោកទេព ពុំសែន អធិការស្រុកពួកឲ្យដឹងតាមទូរស័ព្ទថា៖ ព្រឹកឡើងលោកបានរៀបចំគណៈកម្មការចម្រុះមួយទៅធ្វើកោសល្យវិច័យ កុមារដែលស្លាប់។លោកគ្រូពេទ្យស្រុកប្រាប់ថា កូនក្មេងនោះបានពុលចំណីអាហារ ស្លាប់ មិនមែនស្លាប់ដោយសារ ចាក់ថ្នាំនោះទេ?។ ចម្លើយប្រធានពេទ្យបង្អែកស្រុកមិនស៊ីសង្វាក់ព្រោះតើឲ្យក្មេងទៅហូបចំណីឯណាបើដៃនៅជាប់សេរ៉ូមហ្នឹង?។បើមិនមកពីប្រតិម្មថ្នាំជាអ្វីទៅវិញ?។ម្យ៉ាងបើពុលចំណីគេរកចំណីដែលក្មេងហូបមើលថាតើជាអ្វី?។
ករណីនេះលោកស៊ិនចាន់ថុល អភិបាលស្រុកពួកឲ្យដឹងតាមទូរស័ព្ទថា ៖ លោកមិនបានដឹងច្បាស់ទេឲ្យសួរខាងព្រហ្មទណ្ឌ៏ស្រុកវិញ។ លោកបានដឹងថា ពេទ្យជាឡេង តេប្រាប់តាមទូស័ព្ទថា បានសម្រុះសម្រួលជាមួយគ្រួសារចប់ហើយ។តែ មកដល់ពេលនេះរបាយការណ៏ក៏មិនឃើញមានដែរ ។
ចំណែកមន្ទីសុខាភិបាលខេត្តវិញ មន្ត្រីរដ្ឋាលឲ្យដឹងថា មន្ទីគ្រាន់តែទទួលរបាយការណ៏ទេ ចំណែកចេញអាជ្ញាប័ណ្ណគឺនៅលើស្រុកអ្នកសម្រេច។
ព្រះអង្គម៉ក់ប៉ឹង ព្រះអនុគុណស្រុកពួក ព្រះអង្គបានយកអំណោយឲ្យជនរងគ្រោះ មានសង្ឃដីកាជាមួយគ្រួសារសពក្នុងចំណោមមនុស្សច្រើនថា៖ ពេទ្យ ជាឡេង ធ្វើឲ្យមនុស្សស្លាប់ ចឹង ជាទស្សនៈព្រះអង្គគួរណាស៊ើបអង្កេតឲ្យបានត្រឹមត្រូវ ។ ពេលសួរថា ពេទ្យគេឲ្យសំណងជនរង់គ្រោះហើយតើ?។
ព្រះអង្គឩបមាដូចជា គ្រោះថ្នាចរាចរថា៖ទោះបីអ្នកបង្កហេតុត្រូវគ្នាយ៉ាងណាក៏ដោយក៏ប៉ូលិសចាប់យកយានយន្ដទៅធ្វើការត្រួតតពិនិត្យដែរ។
អ្នកស្រុកមួយចំនួនឲ្យដឹងថា គ្រួសារសពថាអាយុអស់ ជារឿងមួយតែពេទ្យ មិនជំនាញ ខ្វះបច្ចេកទេសនិងឧបករណ៍ មិនមានបទពិសោធ ធ្វើមនុស្សស្លាប់ត្រូវតែធ្វើការស៊ើបអង្កេតឲ្យបានត្រឹមត្រូវជៀសវៀងកុំឲ្យរឿងនេះ កើតឡើងបង្កគ្រោះថ្នាក់ដល់ជីវិតអ្នឯទៀត៕
