អាជីវរព្រួតគ្នាវ៉ៃគ្រូជានាយកសាលាម្នាក់ហើយនាំគ្នាប្តឹងឲ្យដកចេញទៀត!?
17-June-2019 / សន្តិសុខសង្គម
កំពត់៖បុរសម្នាក់ជានាយកសាលាបថមសិក្សាមហាព្រហ្មត្រូវប្រជាពលរដ្ឋជាអាជីវករព្រួតគ្នាវាយស្ទើរក្សយ័ជីវាហើយនាំគ្នប្តឹតមេដៃប្តឹងឲ្យដកចេញទៀត។បើតាមគណនេយ្យហ្វេសបុកមួយឈ្មោះថា “គ្រូស្រៀង មហាព្រហ្ម” ដែលជានាយកសាលាបឋមសិក្សាមហាព្រហ្ម ស្ថិតនៅឃុំត្រពាំងភ្លាំង ស្រុកឈូក ខេត្តកំពត បវានឲ្យដឹងពីពីការឈឺចាប់ នៃការព្រួតវាយធ្វើបាប យកជើងជាន់ក្បាលផង យកខ្សែមកចងស្លាបសេកផង គ្មានអ្នកជួយសោះ ដោយសារតែលោក ព្យាយាមការពារទ្រព្យសម្បត្តិសាលារៀននេះ ។
លោកគ្រូសសសេរថា៖“នេះឬតម្លៃគ្រូបង្រៀន!សូមបងប្អូនជួយshareម្នាក់មួយមក នេះហើយលទ្ធផលទទួលបានពីការអភិវឌ្ឍសាលាបឋមសិក្សាមហាព្រហ្មកន្លងមក។ ត្រូវអ្នកលក់ដូរតាមរោងល្ខោនព្រួតវាយ ប្រជាពលរដ្ឋបានត្រឹមបញ្ជោះថែម ។ (វៃវាឲ្យងាប់ទៅ)នេះជាសម្ដីមេភូមិព្រៃពាយ ឃុំត្រពាំងភ្លាំង ស្រុកឈូកខេត្តកំពត គ្មានសមត្ថកិច្ចឬអាជ្ញាធរណាជួយដោះស្រាយទេ សូម្បីតែអធិការស្រុកឈូក?! ។
ជនល្មើសជាច្រើនបានរួចខ្ញួន ឯខ្ញុំក្លាយជនមានកំហុសនិងដេកពេទ្យយ៉ាងកម្សត់។តើខ្ញុំខុសអី គ្រាន់តែការពារទ្រព្យសម្បត្តិសាលា ហេតុអីក៏ពួកគេមិនយល់បែរជាមកប្រមាថខ្ញុំដូចសត្វធាតុ។ ខ្ញុំឈឺចាប់ណាស់! គេវាយនាយកសាលាម្នាក់ទាំងហ្វូង យកជើងជាន់ក្បាលផង យកខ្សែមកចងស្លាបសេកផង គ្មានអ្នកជួយសោះ ចុងក្រោយបានពូធី គាត់ដូរចិត្តមកជួយខ្ញុំក្នុងហ្វូងមនុស្សវិញ កុំអីប្រហែលស្លាប់ព្រោះមានទាំងកាំបិត និងដែកបំពង់ទីបផង ពិតជាអយុត្តិធម៌ណាស់សម្រាប់ខ្ញុំ។”
ទាក់ទងនឹងរឿងនេះលោក “អធិការដ្ឋាននគរបាលស្រុកឈូក ” បានធ្វើការបកស្រាយ ថា ៖ ក្នុងនាមខ្ញុំជាអធិការនគរបាលស្រុកឈូក សូមជម្រាបជូនពីដំណើររឿងមានដូចតទៅ ៖ កន្លងមកលោកចៅអធិការវត្តមហាព្រហ្ម បានរៀបចំធ្វើពិធីបុណ្យឆ្លងសាលាឆាន់ ដោយមានពុទ្ធបរិស័ទនិងលោកគ្រូអ្នកគ្រូ សិស្សានុសិស្សជាអ្នកមូលមតិគ្នាផ្តើមបុណ្យ ។ បន្ទាប់ពីមានការរៀបចំកម្មវិធីបុណ្យនេះឡើង លោកមេភូមិព្រៃពាយ បានធ្វើការស្នើសុំលោកនាយកសាលាបឋមសិក្សាមហាព្រហ្ម ដើម្បីដាក់សិល្បះល្ខោនកំសាន្ត និងកន្លែងកំសាន្តផ្សេងៗ នៅក្នុងបរិវេណសាលា ព្រោះបរិវេណវត្តនិងសាលារៀនគឺនៅជាប់គ្នា ហើយលោកនាយកសាលារូបនេះ ក៏បានអនុញ្ញាត ។
លុះមកដល់ម៉ោង ១៧:៣០ នាទី ថ្ងៃទី១៦ ខែមិថុនា ឆ្នាំ២០១៩ (ជាថ្ងៃបុណ្យឆ្លងសាលាឆាន់ ) លោកនាយកសាលារូបនេះ អះអាងថាការដាក់លក់ដូរនិងដាក់កន្លែងកំសាន្តសម្រាប់ក្មេងលេងមិនបានសុំអនុញ្ញាតពីគាត់ រួចគាត់ក៏បានមកទាររកសេវាពីប្រជាពលរដ្ឋដែលជាអ្នកលក់ដូរនិងកន្លែងកំសាន្តសម្រាប់ក្មេងលេង ចំនួន ១៥ ម៉ឺនរៀល តែពួកគាត់មិនឲ្យ ហើយរូបក៏មានការខឹងសម្បារ និងបានធ្វើការទាត់បំផ្លិចបំផ្លាញកន្លែងលក់ដូររបស់ប្រជាពលរដ្ឋ និងបានធ្វើការរុះរើរោង និងតូបលក់ដូររបស់ប្រជាពលរដ្ឋបណ្តាលឲ្យរងរបួសដោយខ្លួនឯងមិនមានអ្នកណាម្នាក់មកបង្កហឹង្សាលើរូបគាត់ឡើយ ។
ក្រោយមកលោកនាយកសាលារូបនេះបានមករកដុតរោងសិល្បះល្ខោនដែលកំពុងលេងនៅទីនោះទៀតប៉ុន្តែត្រូវបានអាជ្ញាធរនិងកម្លាំងសមត្ថកិច្ចធ្វើការហាមឃាត់និងសម្របសម្រួលគាត់កុំឲ្យប្រព្រឹត្តបែបនេះទៀត ។បន្ទាប់មកក៏មានអ្នកមកជម្លៀសគាត់ចេញពីទីនោះតែម្តង ។បច្ចុប្បន្នជុំវិញបញ្ហាដែលបានកើតឡើងនេះប្រជាពលរដ្ឋ លោកមេភូមិ លោកចៅអធិការវត្ត និងលោកតាអាចារ្យវត្តកំពុងដាក់ពាក្យនិងសំណូមពរឲ្យដោះដូរលោកនាយកសាលារូបនេះ ចេញពីសាលារៀនបឋមសិក្សា មហាព្រហ្ម ។
បើតាមសេចក្តីរាយការណ៍ដើមចមនៃបញ្ហានេះគឺផ្តើមចេញពីការទារលុយប្រជាពលរដ្ឋដែលដាក់លក់របស់របរនៅក្នុងបរិវេណសាលាដោយមិនសុំការអនុញ្ញាតិពីគាត់ ។ ទោះជាយ៉ាងណាករណីនេះសមត្ថកិច្ចថានិងបន្តធ្វើការស្រាវជ្រាវអំពីសកម្មភាពលើកឡើងខាងលើដើម្បីចាត់ការតាមនិតិវិធីច្បាប់ព្រោះការប្រើហឹង្សារវាខុសច្បាប់។
