លោកកែវវិមុត្តរៀបការប្រពន្ធបន្ទាប់ពីទេសនាក្នុងតួនាទីជាធម្មាចារ្យបានបច្ច័យសមរម្យ!
12-June-2019 / ព័ត៌មានជាតិ
ភ្នំពេញ៖គ្រូធម្មាចារ្យដ៏ល្បីល្បាញបំផុត ដែលគេធ្លាប់តែលឺសម្លេងទេសនាអប់រំធម៌ តាមប៉ុស្តិ៍វិទ្យុនានា នៅក្នុងព្រះរាជាណាចក្រកម្ពុជា បានសម្រេចចិត្តយកប្រពន្ធហើយ កាលពីថ្ងៃទី០៨ ខែមិថុនា ឆ្នាំ២០១៩។
តាមរយៈរូបភាពបែកធ្លាយ ជាច្រើនសន្លឹកនៅល្ងាចថ្ងៃទី០៧មិថុនា ដែលត្រូវជាថ្ងៃចូលរោង និងជាពិធិសូត្រមន្តក្នុងថ្ងៃមង្គលសិរីសួរស្តីរបស់កូនកំលោះអន្ទឹត កែវ វិមុត្ត និងកូនក្រមុំព្រីម គីមឡាយ ដែលមានចាស់ទុំ និងភ្ញៀវកិត្តិយសចូលរួមយ៉ាងអធឹកអធមជាទីបំផុត។
មានការសាទរនិងជូនពរពីអ្នកគាំទ្រតែសម្រាប់ប្រជាពុទ្ធបរិស័ទ្ធវិញអ្នកខ្លះមានការភ្ញាក់ផ្អើលជាខ្លាំង នៅពេលដែលបុគ្គលដែលខ្លួនធ្លាប់តែគោរពបូជា គ្រងទៅដោយខោសរ អាវសរជាគ្រូធម្មាចារ្យដែលតែងអប់រំព្រះធម៌ អោយសត្វលោក ស្តើងនូវកាមកាលេស បែរជាអប់រំគេឲ្យលះបង់កិលេស បែរជាមិនអាចលះបង់កិលេសខ្លួនឯងទៅវិញ។នេះជាមេរៀនមួយសម្រាប់ប្រជាពុទ្ធបរិស័ទ្ធកុំចេះតែលុងពេក!១។
សូមបញ្ជាក់ដែរថាកាលពីពេលកន្លងមកនេះលោកហោសុខុនកាលនៅជាសង្ឃចៅអធិការវត្តច្បារអំពៅថ្លាប់បានរិះគន់លោកកែវវិមុត្តអារឿងខ្លួនជាឧបាសកចង់ឡើងអង្គុយគ្រែទេសនាស្មើលោកសង្ឃ។លោក(សង្ឃ)ហោសុខុននិយាយថា៖បើគណៈសង្ឃនាយកនៃព្រះរាជាណាចក្រកម្ពុជា បកស្រាយថា លោកអន្ទិត កែវ វិមុត អង្គុយលើគ្រែទេសនាជាមួយព្រះសង្ឃតាមចិត្ត នោះសង្ឃទីប្រឹក្សា ហោ សុខុន និងសូមយកលោកអន្ទិត កែវ វិមុត ធ្វើជាសម្តេចព្រះគ្រូ ហើយបន្ទាប់មកសង្ឃទីប្រឹក្សា និងប្រមូលព្រះសង្ឃ ពុទ្ធបរិស័ទ ដែលគាំទ្រអោយផ្តិតស្នាមដៃដាក់ញត្តិស្នើសុំព្រះមហាក្សត្រត្រាស់បង្គាប់បង្កើតនិកាយថ្មីមួយដែលមានឈ្មោះថា និកាយធម្មាចារ្យ បន្ទាប់មកស្នើសុំ ព្រះមហាក្សត្រត្រាស់បង្គាប់តែងតាំងលោកអន្ទិត កែវ វិមុត អោយឡើងជា សម្តេចធម្មាចារ្យ ដែលជាសម្តេចធម្មាចារ្យនាយកនៃគណៈធម្មាចារ្យនៃព្រះរាជាណាចក្រកម្ពុជា បន្ទាប់មកសង្ឃទីប្រឹក្សានិងលះបង់ភេទជាព្រះសង្ឃទៅបួសជា ធម្មាចារ្យ ពីសំណាក់សម្តេចនាយកធម្មាចារ្យ កែវ វិមុត ហើយចាប់ផ្តើមប្រកាសទទួលបំបួសកុលបុត្រទូទាំងប្រទេស ដែលមានសម្តេចធម្មាចារ្យនាយកជាសម្តេចព្រះឧបជ្ឈាយ៍ បន្ទាប់ចាប់ផ្តើមបង្កើតវត្តគណៈធម្មាចារ្យគង់នៅទូទាំងប្រទេស និងបង្កើតវត្តនៅក្រៅប្រទេសជាបន្តបន្ទាប់ ។
លោកសង្ឃហោសុខុននិយាយឌឺថា៖ប្រទេសកម្ពុជានិងមាននិកាយ៣ គឺ
១ មហានិកាយ ។២ ធម្មយុត្តិនិកាយ ៣ ធម្មាចារ្យនិកាយ (សំដៅដល់មនុស្សមិនបួសជាសង្ឃតែដើរទេសនារកលុយ)។
ទោះជាយ៉ាងណាមានសង្ឃមួយអង្គមានហ្វេសប៊ុកឈ្មោះ Hok Naveបានចេញមុខមកការពារទង្វើយកសាសនាសន្សំលុយយកទៅការប្រពន្ធថា៖ពាក្យថា «ការរួមភេទ» ខ្មែរយើងតែងលើកមកវាយតម្លៃថា ជាអំពើមិនល្អ ។ ព្រះអង្គថា បើក្រឡេកមកមើលផ្នែកព្រះពុទ្ធសាសនាវិញ គឺអ្នកដឹងធម៌ មានទាំងឧបាសក និងឧបាសិកា ។
ឧបាសិកាដូចជានាងវិសាខា បានត្រះដឹងតាំងពីអាយុ៧ឆ្នាំ ក៏ប៉ុន្តែ នាងវិសាខានៅតែបានរៀបការ និងបានកូនរហូត២០នាក់…. ដូច្នេះ ការរួមភេទនេះមិនមែនប៉ះពាល់ និងឧបសគ្គក្នុងការត្រះដឹងទេ ត្រះដឹងហើយ ក៏ពុំមានឧសគ្គក្នុងការរួមភេទដែរ ប៉ុន្តែ ខ្មែរយើងតែងវាយតម្លៃការរួមមិនល្អ តួយ៉ាងដូចបច្ចុប្បន្នថ្មីៗនេះ អតីតព្រះគ្រូធម្មាចារ្យ កែវ វិមុត្ត ដែលទើបរៀបការថ្មីៗនេះ ក៏ពុំរាំងស្ទះការត្រះដឹងធម៌ទេ ទាំងបានធម៌ហើយ ក៏ពុំរាំងស្ទះការរួមភេទដែរ ។ តែទោះយ៉ាងណា ការរួមភេទរបស់ឧបាសក ឧបាសិកា ក៏ត្រូវមានលក្ខខណ្ឌរបស់វាដែរ ។បើពុទ្ធបរិស័ទ្ទចង់ដឹងលក្ខន្តិកៈរបស់ការរួមភេទ សូមចូលទៅ Inbox ផេកហ្វេសប៊ុករបស់ព្រះអង្កឈ្មោះថា Hok Nave គឺដឹងហើយ…។
សូមបញ្ជាក់ថាព្រះសម្មាសម្ពទ្ធព្រះសមណគោត្តមព្រះបានលះបង់ទ្រព្យសម្បត្តិសិទ្ធអំណាចជាបុត្រស្តេចដើម្បីស្វែងរកព្រះធម៍ខុសពីអ្នកខ្លះយកសានាដើម្បីរកលាភសក្ការៈ។
បើតាមឯកសារពុទ្ធប្រវត្តិឲ្យដឹងថា៖កាលព្រះសិទ្ធត្ថរាជមានវ័យចម្រើនឡើងទ្រង់សិក្សាវិជ្ជាអក្សរសាស្ត្រនឹងវិជ្ជាយុទ្ធសាស្ត្រក្នុងសំណាក់សាស្ត្រាចារ្យនាម "វិស្វាមិត្រ" លុះមានព្រះជន្ម ១៦ ឆ្នាំ ទ្រង់បានទទួលភិសេកជាមួយនឹងព្រះនាងពិម្ពាយសោធរាដែលមានព្រះជន្មដំណាលគ្នា សោយរាជ្យជាធំលើសក្យវង្ស គ្រងក្រុងកបិលពស្ដុ តំណាងព្រះបាទសុទ្ធោទនៈជាព្រះរាជបិតា នៅថ្ងៃអាទិត្យ ពេញបូណ៌មី ខែកត្តិក ឆ្នាំឆ្លូវ។ ទ្រង់សោយរាជបាន ១៣ឆ្នាំ ព្រះជន្ម២៩ ឆ្នាំ បានព្រះរាជបុត្រ ១ ព្រះអង្គព្រះនាម "រាហុល" ហើយទ្រង់ចេញទៅទ្រង់ព្រះផ្នួសក្នុងថ្ងៃព្រហស្បតិ៍ ពេញបូណ៌មី ខែអស្សុជ ឆ្នាំថោះ នាឆ្នេរស្ទឹងអនោមា នៅថ្ងៃដែលព្រះរាជបុត្រទ្រង់ប្រសូតនោះ,។
ព្រះអង្គទ្រង់ព្រះផ្នួសហើយទ្រង់ស្វែងរកមោក្ខធម៌ដោយការប្រព្រឹត្តទុក្ករកិរិយាអត្តកិលមថានុយោគ ដើម្បីពិសោធរកពោធិញ្ញាណ អស់ថិរវេលា៦ឆ្នាំ ក្នុងឧរុវេលាប្រទេស មគធរដ្ឋ។
ក្រោយពេលទ្រង់លះការប្រព្រឹត្តទុក្ករកិរិយាចេញហើយបែរមកបំពេញមជ្ឈិមាបដិបទាវិញ ទ្រង់បានត្រាស់ជាព្រះសម្មាសម្ពុទ្ធប្រាកដឡើងក្នុងលោក នៅថ្ងៃពុធ ពេញបូណ៌មី ខែពិសាខ ឆ្នាំរកា មុនពុទ្ធសករាជ ៤៥ ក្រោមពោធិព្រឹក្ស ១ ដើម នៅខាងលិចស្ទឹង នៅខាងលិចស្ទឹងនេរញ្ជរា នាមណ្ឌលគយា ដែលសព្វថ្ងៃហៅ "ពុទ្ធគយា" ឋិតនៅចម្ងាយជាង១០គីឡូម៉ែត្រ ខាងត្បូងក្រុងគយា ក្នុងរដ្ឋពិហារ ប្រទេសឥណ្ឌៀ។
