ធ្លាយរឿងផ្កាយពីរយោធាឈ្មោះឃិនម៉េងស្រេងប្រើហឹង្សាលើនារីខារ៉ាអូខេព្រោះមិនព្រមទៅដេកជាមួយសមត្តកិច្ចជួយបិទបាំង!
22-December-2018 / សន្តិសុខសង្គម
ខេត្តមណ្ឌលគិរី៖នាយទាហានជាន់ខ្ពស់ម្នាក់ដែលធ្លាប់ល្បីឈ្មោះខាងជួញឈើនៅខេត្តមណ្ឌលគីរីកាលនៅជាមេយោធាខេត្តត្រូវបានគេរាយការណ៍ថាបាន ប្រើងហិង្សាទៅលើស្ត្រី បំរើសេវាខារ៉ាអូខេនៅក្លឹប KTV យីហោ «បុប្ផាឦសាន្ត» ស្ថិតនៅភូមិចម្ការតែសង្កាត់ ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
ជនបង្កឈ្មោះឃិនម៉េងស្រេងជានាយទាហ៊ានផ្កាយពីរនិងជនរងគ្រោះស្ត្រីជាអ្នកបម្រើការងារផ្នែក KTV ម្នាក់ឈ្មោះ បុប្ផា ហៅ ស្មល។
ប្រភពសុំលាក់ឈ្មោះបានបង្ហើបថា៖កាលពីយប់ថ្ងៃទី១៣ ខែធ្នូ ឆ្នាំ២០១៨ ក្រោយការបញ្ចប់ការច្រៀងរាំលេង កម្សាន្តក្នុងក្លឹបយីហោ «បុប្ផាឦសាន្ត» នៅបន្ទប់ដំណាក់ស្តេច លោកឧត្តម សេនីយ៍ទោ ឃិន ម៉េងស្រេង អត្តលេខ០១៨៥៩០ មុខងារជានាយរងការិយាល័យទី២ កងទ័ពជើងគោក កា៏នហៅទាំងបង្ខំនារីបម្រើការងារផ្នែក KTV ឲ្យទៅគេងជាមួយគាត់ ដោយប្រគល់ ប្រាក់ចំនួន៣០០ដុល្លារ ។
ប៉ុន្តែនារីរូបនោះមិនព្រមទៅនិងមិនទទួលប្រាក់ ធ្វើឲ្យលោកឧត្តមសេនីយ៍ ឃិន ម៉េងស្រេង ខឹងច្រឡោត ស្រែកដៀលជេរប្រមាថ មាក់ងាយចាប់នាងទាំងកំរោល ក្លាយ ទៅជាការប្រទុស្តរាយស្រែករើបម្រាស់ពីនារីបម្រើការងារផ្នែក KTV ទើបលោកផ្កាយ២ ឃិន ម៉េងស្រេង ទះកំផ្លៀងមួយដៃ និងដាល់ចំក្បាលពោះ បណ្តាលឲ្យនាងដួលសន្លប់ ។ ជនបង្ក ក៏បានគេចខ្លួនពី កន្លែងកើតហេតុដោយមិនអ្នកណាហ៊ានឃាត់ខ្លួនជួយអន្តរាគមន៍ណាមួយទៅលើជនរងគ្រោះឡើយព្រោះ ដោយសារលោកផ្កាយ២ ឃិន ម៉េងស្រេងដែលជា អតីតមេយោធាខេត្តមណ្ឌលគិរី មានអំណាច មានលុយ ស៊ីចាយជូនមន្ត្រី ។
ជនរងគ្រោះឈ្មោះ បុប្ផា ហៅស្មល ក៏បានដាក់ពាក្យបណ្តឹងទៅនគរបាលខេត្តមណ្ឌលគិរី ដោលមានលោក សូ សុវណ្ណ ស្នងការរង ទទួលផែនព្រហ្មទណ្ឌចាត់ការក្នុងរឿងនេះ ។ ប៉ុន្តែជា លទ្ធផល រឿង មាក់ងាយនិងប្រើហិង្សាមកលើស្ត្រីរងគ្រោះ បង្កឡើងដោយលោកឧត្តមសេនីយ៍ ឃិន ម៉េងស្រេង មិនត្រូវបានដំណើរការនីតវិធីទេ ។ មកទល់បច្ចុប្បន្ននេះ ជនរងគ្រោះមិនទាន់ទទួលបានយុត្តិធម៌ឬ ដោះស្រាយសម្របសម្រួលតាមរយៈសំណងជំងឺចិត្ត រដ្ឋប្បវេណី ក៏ដូចជាមន្ត្រីនគរបាលយុត្តិធម៌ ធ្វើកំណត់ហេតុ ស្តាប់ចម្លើយជនរងគ្រោះ ដើម្បីៀសំយោគបទល្មើសបញ្ជូនទៅកាន់អយ្យការ តាមនីតិវិធីនៅឡើយទេ ។
លោក សូ សុវណ្ណ ស្នងការរង ទទួលផែនព្រហ្មទណ្ឌ នៅព្រឹកថ្ងៃទី២២ ខែធ្នូ ឆ្នាំ២០១៨ បានប្រាប់ដោយទទួលស្គាល់ ថា «តាមពិតៗជាមានរឿងនេះកើតមាន ប៉ុន្តែភាគីខាងជនរងគ្រោះ នារីបម្រើ ការងារផ្នែក KTV មិនបានដាក់ពាក្យបណ្តឹងទេ គាត់គ្រាន់តែទូរស័ព្ទប្រាប់ពីរឿងហេតុខាងលើ ហើយក៏មានករណី សម្របសម្រួលបញ្ចប់រឿងនេះយូរមកហើយ (ស៊ិក)។
លោកស្នងការរងនិយាយការពារ លោក ឃិន ម៉េងស្រេងថា គាត់ស្រវឹង ក៏ជ្រុលជ្រួស បន្តិចបន្តួចទៅលើស្ត្រីខាងលើ ហើយមិនមែនជារឿងធ្ងន់ធ្ងរទេ? ។ ម្យ៉ាងទៀតជនរងគ្រោះក៏បានបញ្ចប់ឈប់ប្តឹង ផ្តល់តាមរយៈសម្របសម្រួល ទើបបញ្ចប់រឿងនេះទៅ ។
ដោយឡែកលោកឧត្តមសេនីយ៍ទោ ឃិន ម៉េងស្រេង នាយរងការិយាល័យទី២កងទ័ពជើងគោក នាព្រឹកថ្ងៃទី២២ ខែធ្នូ ឆ្នាំ២០១៨ លោកបានបដិសេធក្នុងរឿងនេះ ។លោកបានបញ្ជាក់ថា ខ្ញុំ ឯណាទៅប្រព្រឹត្តអំពើថោកទាបបែបនេះ កុំជឿគេអី គេចេះតែធ្វើបាបខ្ញុំ រករឿងខ្ញុំមិនចេះចប់ ហើយខ្ញុំឯណាទៅ មានលុយម្តងដល់ទៅ៣០០ឲ្យទៅគេ ។ ដូច្នេះ សូមកុំយល់ច្រឡំក្នុងរឿងនេះអី ។លោកបន្តថា បើខ្ញុំបានប្រព្រឹត្តដូចអី្វដែលគេលើកឡើងនោះ ខ្ញុំប្រាកដជាត្រូវគេចាប់បាត់ទៅហើយ មិនមានបញ្ហា អីកើតឡើងមកទល់ពេលនេះទេ ។
រឿងអាស្រូវមួយនេះសង្ឃឹមថាលោកនាយឧត្តសេនីយ៍ហ៊ុនម៉ាណែតមេបញ្ជាការកងទ័ពជើងគោកនឹងធ្វើការស្រាវរកយុត្តិធមិជូនជនរងគ្រោះជាមិនខាន?។
