ក្រុមអ្នកសង្កេតការណ៍អន្ដរកាលអាស៊ាន ចុះត្រួតពិនិត្យទាំងយប់ នៅទីតាំងដែលទាហានថៃប្រើហឹង្សាធ្វើឲ្យពលរដ្ឋ និងព្រះសង្ឃកម្ពុជារងរបួសនៅភូមិព្រៃចាន់

បន្ទាយមានជ័យ៖ លោក អ៊ុំ រាត្រី អភិបាលខេត្តបន្ទាយមានជ័យ ក្រុមអ្នកសង្កេតការណ៍អន្ដរកាលអាស៊ាន នៅយប់ថ្ងៃទី១៧ ខែកញ្ញា ឆ្នាំ២០២៥នេះ បានចុះទៅត្រួតពិនិត្យម្តងទៀតនៅទីតាំងដែលទាហានថៃរាយបន្លាលួសពទ្ធ័យកដីភូមប្រជាពលរដ្ឋ និងបាញ់ប្រហារដោយគ្រាប់បែកផ្សែង កាំភ្លើងគ្រាប់ជ័រ ព្រមទាំងជំពាមគ្រាប់ឃ្លី មកលើប្រជាពលរដ្ឋ ព្រះសង្ឃ និងទាហានកម្ពុជា នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យកាលពីរសៀលថ្ងៃទៅ១៧កញ្ញា។ទីតាំងខាងលើធ្លាប់ត្រូវបានក្រុមIOTចុះពិនិត្យម្តងហើយកាលពីថ្ងៃទី១៦កញ្ញា។ 

នៅរសៀលថ្ងៃទី១៧ ខែកញ្ញា ឆ្នាំ២០២៥នេះ ចាប់ពីវេលាម៉ោង៣៖៤៤នាទី កងទ័ពថៃប្រដាប់ដោយអាវុធ និងសមត្ថកិច្ចនគរបាលបង្ក្រាបបាតុកម្មថៃ ដែលប្រដាប់ដោយដំបង និងខែល ព្រមទាំងឧបករណ៍ផ្សេងៗទៀត បានចូលមករាយបន្លាលួសសាជាថ្មីទៀត នៅក្នុងភូមិសាស្ត្រភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដើម្បីព័ទ្ធយកដីដែលប្រជាពលរដ្ឋខ្មែរបានរស់នៅ និងអាស្រ័យផលជាយូរមកហើយ។ ប៉ុន្តែប្រជាពលរដ្ឋដែលនៅទីនោះបានចេញមុខរាវាំង ដើម្បីការពារដីរបស់ខ្លួន និងបានរើបន្លាលួសទាំងនោះចេញវិញ។

កាលពីព្រឹកថ្ងៃទី១៧កញ្ញាចៅហ្វាយខេត្តបន្ទាយមានជ័យលោកអ៊ុំរាត្រីបានជួបចៅហ្វាយខេត្តស្រះកែវស្នើសុំឲ្យភាគីថៃកុំធ្វើសកម្មភាពដោយសូមរក្សារស្ថានភាពដដែលសិន។ក្នុងកិច្ចប្រជុំនោះ ឯកឧត្តម អ៊ុ រាត្រី អភិបាលខេត្តបន្ទាយមានជ័យបានលើកសំណើទៅភាគីថៃចំនួន ៤ ចំណុចរួមមាន៖១-ស្នើសុំរក្សាស្ថានភាពដើមដែលមាន កុំពង្រីកវិសាលភាពនៃបញ្ហា ឬខ្វែងគំនិតគ្នាហើយរង់ចាំការសម្រេចពីគណៈកម្មាធិការចម្រុះព្រំដែននៃប្រទេសទាំកម្ពុជាថៃ។

២-ក្នុងករណីធ្វើទៅបាន ភាគីថៃត្រូវអនុញ្ញាតឱ្យប្រជាពលរដ្ឋចូលទៅរស់នៅក្នុងផ្ទះរបស់ពួកគាត់វិញ។ ភាគីថៃត្រូវដោះបន្លាលួស ស្បៃ និងកង់ឡាន ហើយរង់ចាំការសម្រេចរបស់ JBC ប្រទេសទាំងពីរដោយគោរពយ៉ាងខ្ជាប់ខ្ជួនតាម MoU ឆ្នាំ២០០០ និង ToR ឆ្នាំ២០០០។

៣-ស្នើសុំភាគីថៃចៀសវាងសកម្មភាពផ្សេងៗក្នុងដំណាក់កាលដែលមិនទាន់មានការប្រជុំសម្រេចពីគណៈកម្មការចម្រុះព្រំដែន នៃប្រទេសទាំងពីរកម្ពុជា-ថៃដូចជា៖ ការដាក់បន្លាលួសបន្ថែម ការចេញបណ្ណកម្មសិទ្ធិដីធ្លី ការធ្វើឱ្យប៉ះពាល់ដល់ផ្ទះសម្បែង និងទ្រព្យសម្បតិ្តប្រជាពលរដ្ឋដែលនៅជាប់ក្នុងបន្លាលួស ការបញ្ជូនប្រជាជនថៃមកកាន់កាប់ទីតាំងដែលមិនទាន់មានភាពដាច់ស្រេច។ល។៤-ករណីដែលពុំមែនជាភារកិច្ច និងសមត្ថកិច្ច របស់រដ្ឋបាលខេត្តត្រូវបញ្ជូនទៅ GBC និង JBC។

អ្នកនាំពាក្យរាជរដ្ឋាភិបាលកម្ពុជា នៅល្ងាចថ្ងៃដដែល បានឲ្យដឹងថា មានប្រជាពលរដ្ឋ និងព្រះសង្ឃខ្មែរ ប្រមាណ២៤អង្គ/នាក់ ដោយសារការប្រើប្រាស់អំពើហិង្សា ពីសំណាក់ក្រុមយោធាថៃ នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ នៅពេលចេញការពារដីរបស់ច្បាប់របស់ពួកគាត់ពីការរំលោភបំពានរបស់ភាគីថៃ។

កងកម្លាំង និងអាជ្ញាធរសមត្ថកិច្ចចម្រុះរបស់កម្ពុជា ដែលមានប្រដាប់ដោយអាវុធ ហើយដែលកំពុងតែឈរជើងប្រចាំនៅក្នុងតំបន់នោះ ក៏មានវត្តមាននៅក្នុងហេតុការណ៍នោះផងដែរ ដើម្បីការពារសុវត្ថិភាពជូនបងប្អូនប្រជាពលរដ្ឋ ដោយបានបំពេញភារៈកិច្ចប្រកបដោយវិជ្ជាជីវៈ និងទទួលខុសត្រូវខ្ពស់ ក្នុងការប្រកាន់ខ្ជាប់ខ្ជូនបំផុត នៃកិច្ចព្រមព្រៀងឈប់បាញ់ ព្រមទាំងគោរពគោលការណ៍ដែលបានឯកភាពគ្នា ក្នុងការដោះស្រាយបញ្ហាដោយសន្តិវិធី និងត្រឹមត្រូវស្របតាមច្បាប់អន្តរជាតិ។

បើតាមអ្នកនាំពាក្យរាជរដ្ឋាភិបាលកម្ពុជា, សមត្ថកិច្ច និងអាជ្ញាធរខេត្តបន្ទាយមានជ័យ បានជួយសង្គ្រោះបងប្អូនប្រជាពលរដ្ឋ និងព្រះសង្ឃដែលបានរងរបួស និងបានបញ្ជូនរថយន្តសង្គ្រោះបន្ទាន់ដើម្បីដឹកអ្នករងរបួសធ្ងន់ទៅកាន់មន្ទីរពេទ្យ។ទាក់ទងព្រិត្តិការណ៍ល្ថាចថ្ងៃទី១៧កញ្ញានេះអ្នកនាំពាក្យបានត្រឹមតែអំពាវនាវឲ្យថៃគោរពបទឈប់បាញ់និងការសម្រេចនៃកិច្ចប្រជុំGBCក៏ដូចជាអនុស្សរណៈកម្ពុជាថៃឆ្នាំ២០០០តែប៉ុណ្ណោះ។ចុះបើថៃវាមិនាស្តាប់និងមិនគោរពគិតម៉េចវិញ?៕