ជាប់ខ្នោះព្រោះប្រចណ្ឌសម្លាប់ប្រពន្ធចោល!
01-September-2025 / សន្តិសុខសង្គម
ខេត្តកណ្តាល:បុរសម្នាក់ ដោយសាភ្លើងប្រចណ្ឌនៅថ្ងៃទី៣១ ខែសីហា ឆ្នាំ២០២៥ វេលាម៉ោង២១និង៣០នាទី ស្ថិតនៅភូមិត្រពាំងត្បែង ឃុំសំរោងលើ ស្រុកអង្គស្នួល ខេត្ដកណ្ដាលបានយកដែកវាយសម្លាប់ប្រពន្ធចោល។
ជនរងគ្រោះឈ្មោះ ហៀង យ៉ាត ភេទស្រី អាយុ៣៧ឆ្នាំ ជនជាតិខ្មែរ មុខរបរកម្មករកម្មការិនី រស់នៅភូមិត្រពាំងត្បែង ឃុំសំរោងលើ ស្រុកអង្គស្នួល ខេត្តកណ្ដាល។
ជនសង្ស័យ ត្រូវបានសមត្តកិច្ចឃាត់ខ្លួនបាននៅថ្ងៃទី១.កញ្ញា.២០២៥ មានឈ្មោះ ភិន រ៉ា ភេទប្រុស អាយុ៤១ឆ្នាំ ជនជាតិខ្មែរ មុខរបរកម្មករោងចក្រ រស់នៅភូមិត្រពាំងត្បែង ឃុំសំរោងលើ ស្រុកអង្គស្នួល ខេត្តកណ្ដាល ។ជននេះមានសារធាតុញៀននៅក្នុងទឹកនោម។សមត្ថកិច្ចបានឲ្យដឹងងាជនដៃដល់ធ្វើសកម្មភាពដោយប្រើដែកទីប០១កំណាត់ ត្រូវបានរកឃើញបោះចោលក្នុងព្រៃ។-នៅមុនពេលកើតហេតុថ្ងៃទី៣១ខែសីហាឆ្នាំ២០២៥វេលាម៉ោង១០ព្រឹកចំពោះជនសង្ស័យបានចេញពីផ្ទះទៅផឹកស្រាជាមួយបងប្អូននៅភូមិត្រពាំងកក់ ឃុំសំរោងលេី ស្រុកអង្គស្នួល។លុះដល់វេលាម៉ោងប្រហែល៦ល្ងាចទេីបជនសង្ស័យត្រឡប់ទៅដល់ផ្ទះវិញតែមិនឃេីញជនរងគ្រោះនៅផ្ទះរួចក៏បានដេីររកនៅក្នុងភូមិ ឃើញជនរងគ្រោះកំពុងតែផឹកស្រានៅផ្ទះមិត្តភ័ក្ដរបស់គាត់ ។
នៅពេលនោះជនសង្ស័យក៏បានឈ្លោះប្រកែកជាមួយ និងហៅជនរងគ្រោះត្រឡប់ទៅផ្ទះវិញ ហេីយបានវាយទៅលេីជនរងគ្រោះ ទើបជនរងគ្រោះរត់ទៅផ្ទះវិញ ហើយចូលពួនក្នុងបន្ទប់ និងបាននិយាយប្រាប់ទៅកូនថា កុំប្រាប់ប៉ាថាម៉ែនៅក្នុងបន្ទប់ ។ នៅពេលជនសង្ស័យទៅដល់ផ្ទះបានសួរកូនថា ម្ដាយរបស់ឯងនៅឯណា? ពេលនោះកូនក៏បានឆ្លេីយថាមិនឃេីញទេប៉ា ហើយក៏ដើរចេញបាត់ទៅ។-លុះដល់ម៉ោងកើតហេតុ ជនសង្ស័យរកជនរងគ្រោះឃើញ និងបានយកដំបងដែកទីបវាយទៅលើជនរងគ្រោះជាច្រើនបណ្ដាលឲ្យជនរងគ្រោះដេកស្លាប់នៅកន្លែងកើតហេតុ ចំណែកជនសង្ស័យបានគេចខ្លួនចេញបាត់ទៅ។ កម្លាំងនគរបាលប៉ុស្ដិ៍សំរោងលើ បន្ទាប់ពីទទួលបានព័ត៌មានពីកូនរបស់ជនរងគ្រោះក៏បានសហការជាមួយកម្លាំងផ្នែកជំនាញស្រុក បានចុះដល់កន្លែងកើតហេតុដើម្បីទទួលបណ្ដឹង ធ្វើការកោសល្យវិច័យ និងពិនិត្យកន្លែងកើតហេតុ ។ នៅពេលដែលកម្លាំងជំនាញកំពុងធ្វើការនៅកន្លែងកើតហេតុ ស្រាប់តែទទួលព័ត៌មានពីកម្លាំងដែលប្រចាំការនៅប៉ុស្ដិ៍សំរោងលើថា ជនសង្ស័យបានទៅប្រគល់ខ្លួនឲ្យកម្លាំងសមត្ថកិច្ច ។ ភ្លាមនោះកម្លាំងជំនាញក៏បានទៅដល់ប៉ុស្ដិ៍ នាំខ្លួនជនសង្ស័យយកទៅអធិការដ្ឋាននគរបាលស្រុកអង្គស្នួលដើម្បីសួរនាំតាមនីតិវិធី។
-នៅចំពោះមុខសមត្ថកិច្ចជនសង្ស័យបានឆ្លើយសារភាពថាខ្លួនពិតជាបានយកដែកទីបវាយទៅលើជនរងគ្រោះដែលត្រូវជាប្រពន្ធបណ្ដាលឲ្យស្លាប់នៅកន្លែងកើតហេតុ បន្ទាប់មកក៏គេចចេញពីកន្លែងកើតហេតុ បានយកដំបងទីបទៅបោះចោលក្នុងព្រៃក្បែរភូមិ រួចក៏ដើរទៅប៉ុស្ដិនគរបាលរដ្ឋបាលសំរោងលើដើម្បីប្រគល់ខ្លួនឲ្យសមត្ថកិច្ចអនុវត្តន៍តាមនីតិវិធី។ឃាតកម្មនេះតាមការពិនិត្យលើសពជនរងគ្រោះឃើញដូចខាងក្រោម៖-សពដេកស្លាប់ខាងក្រោយផ្ទះក្រោមសំយ៉ាបផ្ទះបាយ។-សពពាក់អាវដៃវែងពណ៌ខៀវនិងស្លៀកខោជេីងវែងពណ៌ខៀវ។-សពមានសភាពទន់ -ក្បាលនៃសពផ្នែកខាងក្រោយមានស្នាមបែកទំហំ ៣ស.ម.។-ក្បាលនៃសពផ្នែកខាងលេីចំហៀងខាងឆ្វេងមានស្នាមបែកទំហំ ៧ស.ម។-ក្បាលនៃសពផ្នែកខាងលេីចំកណ្ដាលមានស្នាមបែកទំហំ ៦ស.ម។ -ក.នៃសពមានស្នាមជាំ។ -ស្មាខាងឆ្វេងមានស្នាមទំហំ៣ស.ម។ -កែងស្ដាំមានស្នាមជាំ។ -កែងដៃឆ្វេងមានស្នាមជាំ។ -ក្រៅពីនោះពុំមានស្លាកស្នាមអ្វីទៀតទេ។
