“រុក្ខទិវា ៩កក្កដា” នៅស្រុកចំការលើ ខេត្តកំពង់ចាម ក្រោមព្រះរាជាធិបតីព្រះមហាក្សត្រ នៃព្រះរាជាណាចក្រកម្ពុជាសកម្មជនអំពាវនាវសុំជួយទប់ស្គាត់ការបំផ្លាញ
09-July-2025 / ព័ត៌មានជាតិ
កំពង់ចាម៖ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ស្តេចសព្វព្រះរាជឫទ័យយាងជាព្រះរាជាធិបតី ក្នុងពិធី “រុក្ខទិវា ៩កក្កដា” នៅក្នុងកសិដ្ឋានផលិតផលពូជដំណាំតំបន់ដីខ្ពស់ចម្ការ លើ ស្ថិតនៅភូមិកសិដ្ឋាន ឃុំបុសខ្នុរ ស្រុកចំការលើ ខេត្តកំពង់ចាមនាថ្ងៃទី៩ ខែកក្កដា ឆ្នាំ២០២៥នេះ។
សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ, សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា, ថ្នាក់ដឹកនាំសង្ឃទាំងពីរគណៈ ថ្នាក់ដឹកនាំជាន់ខ្ពស់ព្រឹទ្ធសភា រដ្ឋសភា រាជរដ្ឋាភិបាល ព្រះញាតិវង្សានុវង្ស បណ្តាអង្គទូត មន្ត្រីរាជការ និងប្រជាពលរដ្ឋបានចូលរួមយ៉ាងច្រើនកុះករ។
លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា សម្រាប់ពិធី «រុក្ខទិវា ៩ កក្កដា» លើកទី៣០នេះ កូនឈើចម្រុះប្រភេទ មានដូចជា ធ្នង់ នាងនួន គ្រញូង បេង ក្ងោក និងត្របែកព្រៃសរុបចំនួន ១៥.០០០ដើម នឹងត្រូវដាំក្នុងសួនរុក្ខទិវាទំហំ ១០ហិកតានេះ ស្ថិតក្នុងភូមិកសិដ្ឋាន ឃុំបុសខ្នុរ ស្រុកចំការលើ ខេត្តកំពង់ចាម។ កាលពីដើមឡើយ ពោលគឺចាប់ពីឆ្នាំ ១៩៣៤មក ទីតាំងនេះគឺជាអតីត ស្ថានីយកសិកម្ម ចម្ការក្រូច ប៉ុន្តែត្រូវបានប្តូរឈ្មោះមកជា ស្ថានីយពិសោធន៍ដំណាំកប្បាសចម្ការលើ នៅឆ្នាំ១៩៨១ ក្រោយពេលដែលក្រសួងកសិកម្ម និងអ្នកជំនាញការអតីតសហភាពសូវៀតបានសហការដាំដើមកប្បាសនៅលើទីតាំងនេះ ដើម្បីបម្រើឱ្យឧស្សាហកម្ម ដំណាំកប្បាស និងបំពេញតម្រូវការរោងចក្រវាយនភណ្ឌ។
ព្រះបាទសម្តេចព្រះបរមនាថ នរោត្តម សីហមុនី មានព្រះរាជបន្ទូលចាត់ទុក ពិធី “រុក្ខទិវា”ជាវប្បធម៌ដ៏ប្រសើរ និងជាចលនាជាតិមួយដ៏សំខាន់ ក្នុងកម្មវិធីស្តារ និងអភិរក្សធម្មជាតិ ស្របតាមគោលនយោបាយជាតិ ក្នុងគោលបំណងអភិរក្ស និងលើកស្ទួយនូវសម្បត្តិធ ប្រកបដោយចីរភាព ជាពិសេសរក្សាការពារព្រៃឈើដែលជាជម្រកដ៏សំខាន់បំផុត របស់សត្វគ្រប់ ប្រភេទ រក្សាទឹក និងជីវៈចម្រុះ ទុកជាប្រយោជន៍សម្រាប់មនុស្សគ្រប់ជំនាន់ និងជាការសន្សំបុណ្យ កុសលដ៏ធំធេងសម្រាប់មនុស្សជាតិគ្រប់រូបផងដែរ ហើយត្រូវបានព្រះថេរានុត្ថេរៈគ្រប់ព្រះអង្គ អាជ្ញាធរជាតិគ្រប់លំដាប់ថ្នាក់ និងបងប្អូនជនរួមជាតិទាំងអស់ នៅទូទាំងប្រទេសបានចូលរួមដាំដើមឈើ ដោយមានទស្សនទានរួម ដាំដើមឈើ និងការពារព្រៃឈើ ជាការជួយខ្លួនឯង ការបង្កើនធនធាន។ ធម្មជាតិដែលមានតម្លៃសម្បូរគ្រប់យ៉ាង ធានាបានជីវភាពរស់នៅប្រចាំថ្ងៃរបស់ប្រជារាស្ត្រ ដែលអាច ទប់ទល់នឹងការប្រែប្រួលអាកាសធាតុ សុវត្ថិភាពពីគ្រោះធម្មជាតិ ទាំងក្តីសង្ឃឹមសម្រាប់កូនចៅជំនាន់ ក្រោយរបស់យើង។
ទាក់ទងនិងព្រៃឈើនេះដែរតាមបណ្តាញសង្គមហ្វេសប៊ុកលោកតាន់គឹមសួសកម្មជនការព្រៃឈើបានបង្ហោះសារអតមដោយរូបថតអំពាវនាវដោយសម្តេចធិបតីនាយករដ្ឋុំមន្ត្រីឲ្យជួយអន្តរាគមន៍ទប់ស្គាត់ការការកាប់បំផ្លាញព្រៃឈើនៅឱរ៉ាល់។លោកតាន់គឺសួរសូមគោរពស្នើសុំការអន្តរាគមន៍ពីសម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាជាពិសេស នេះមិនមែនជាករណីកាត់ឆ្វៀលដីឲ្យប្រជាពលរដ្ឋនៅតំបន់ភ្នំឱរ៉ាល់ ខេត្តកំពង់ស្ពឺនោះទេ នេះគឺជាការរៀបចំដើម្បីយកដីធ្វើជាកម្មសិទ្ធរបស់អស់លោកធំ និងមានអំណាចមួយចំនួនដែលមានការគប់គិតជាប្រព័ន្ធតែម្ដង ករណីនេះមិនខុសពីករណីភ្នំតាម៉ៅនោះទេ គ្រាន់ទម្រង់នៃការរៀបចំផ្សេងគ្នាតែប៉ុណ្ណោះ ។
លោកតាន់គឺមសួនិយាយថា៖មេខ្យល់បានយកលុយទៅចែកឲ្យប្រជាពលរដ្ឋនៅតំបន់ឱរ៉ាល់ ខេត្តកំពង់ស្ពឺ ១គ្រួសារ ១លានរៀលជាថ្នូរក្នុងការមិនប្រតិកម្មចំពោះការឈូសបំផ្លាញព្រៃឈើ មានប្រជាពលរដ្ឋដែលរស់នៅទីនោះជាច្រើនពាន់នាក់មិនសុខចិត្ត ហើយក៏មិនហ៊ានតវ៉ានោះដែរ។ សូមគោរពសម្ដេចមហាបវរធិបតីហ៊ុន ម៉ាណែតមេត្ដាចាត់តាំងមន្ត្រីជំនាញដែលគួរជាទីទុកចិត្តចុះទៅពិនិត្យនូវករណីនេះជាក់ស្ដែងដោយសម្ងាត់ ចៀសវាងមន្ត្រីខិលខូចមានការគប់គិតគ្នារៀបចំដើម្បីឈូសបំពានដីព្រៃទាំងនោះយកធ្វើជាកម្មសិទ្ធផ្ទាល់ខ្លួន ក្នុងករណីនេះមានរឿងមិនប្រក្រតីនៅពីក្រោយច្រើនណាស់ គេរៀបចំស៉ីដីនោះ២ ឆ្នាំមកហើយ។លោកហ៊ុល ម៉ារ៉ា អតីតប្រធានការិយាល័យដែនជម្រកសត្វព្រៃភ្នំឱរ៉ាល់ ខេត្តកំពង់ស្ពឺក៏ធ្លាប់មកសុំចចារជាមួយខ្ញុំឲ្យបិទភ្នែកក្នុងករណីឈូសដីព្រៃដើម្បីឲ្យលោកធំនេះផងដែរ។
