បន្ទាប់ពីគម្រាមបីទច្រកក្រុមប៉ូលីសអន្តោប្រវេសន៍និងទាហានថៃប្រហែល៣០នាក់នាំគ្នាសំរុកចូលក្នុងបរិវេណអគារកាស៊ីណូរ៉ូយ៉ាល់ហៀលនៅច្រកអូរស្មាច់បង្កការភ្ញាក់ផ្អើល
17-March-2024 / សន្តិសុខសង្គម
ខេត្តឧត្តរមានជ័យ :អ្នកយកព័ត៌មាន របស់អង្គភាព គេហទំព័រ មាតុភូមិ www.meatophoum.comនៅខេត្តឧត្តរមានជ័យ បានរាយ ការណ៍ អោយដឹងថា: នៅមាត់ ច្រកទ្វារព្រំដែន អន្តរជាតិអូរស្មាច់ នៅវេលាម៉ោង ១៥:២២នាទី ថ្ងៃទី ១៦ ខែ មីនា ឆ្នាំ២០២៤ មានកងកម្លាំងប៉ូលីសអន្តោប្រវេសន៍ថៃ និងទាហានព្រំដែនថៃប្រមាណ៣០នាក់បាននាំគ្នាឆ្លងកាត់មាត់ច្រកទ្វារព្រំដែនអន្តរជាតិអូរស្មាច់-ឆងចមសំរុកចូលក្នុងបរិវេណអគារកាស៊ីណូរ៉ូយ៉ាល់ហៀល នៅក្បែរមាត់ច្រកទ្វារព្រំដែនបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចនៅតំបន់នោះ ។
ប៉ុន្តែ ព័ត៌មាន នៃព្រឹត្តិការណ៍ភ្ញាក់ ផ្អើលនេះ ទំនងជាត្រូវបានថៅកែឬ អ្នកទទួលខុសត្រូវលើអគារ កាស៊ីណូ រ៉ូយ៉ាល់ហៀល និងអាជ្ញាធរដែនដី សមត្ថកិច្ច នៃខេត្តឧត្តរមានជ័យ ឃុបឃិតគ្នាបិទបាំង ទើបពុំមានការផ្សព្វផ្សព្វផ្សាយជាសាធារណ: ។ ប្រភពព័ត៌មានពីមន្ត្រីសមត្ថកិច្ចនៅមាត់ច្រកអូរស្មាច់ ( សុំមិនបញ្ចេញឈ្មោះ ) បានលួចបង្ហើបប្រាប់មក ការិយា ល័យ និពន្ធ គេហទំព័រ មាតុភូមិ អោយដឹងថា: មេយោធាទំនាក់ ទំនងព្រំដែនថៃ បានទំនាក់ទំនងមកមេទំនាក់ទំនងព្រំដែនភាគីខ្មែរយើង តាំងពីថ្ងៃទី១៣ ខែមីនា ២០២៤ ដោយខាងថៃប្រាប់ថា : មានប្រជាពលរដ្ឋថៃម្នាក់ត្រូវបានជនជាតិចិនចាប់ឃុំខ្លួនជំរិតទារ ប្រាក់ក្នុងបន្ទប់ នៃអគារកាស៊ីណូរ៉យ៉ាលហៀល ។ ខាងភាគីថៃ បានអោយភាគីខ្មែរដឹងព័ត៌មាន ជាក់ លាក់ ទាំងទីតាំងចំណុចគោល ដៅ(ឡុកខេសិន) បន្ទប់ឃុំខ្លួន និងរូបថតឈ្មោះជនរងគ្រោះ ។
ប្រភពព័ត៌មានដដែលបានបន្ត ទៀតថា: ជនរងគ្រោះជាជនជាតិថៃឈ្មោះ វ:រ៉ាញ់ញ៉ា ឆៅវរ៉ាក់ ភេទ ស្រី អាយុ ៤៣ឆ្នាំ បានចូលមកក្នុងទឹកដីកម្ពុជា តាមច្រកអូរស្មាច់ តាំងពីថ្ងៃទី ២២ ខែ កុម្ភៈ ឆ្នាំ ២០២៤ ស្នាក់នៅក្នុងអគារកាស៊ីណូ រ៉ូយ៉ាល់ហៀល ជាន់ទី ៥ក្នុងបន្ទប់លេខ៥៤៧ ក្នុងបរិវេណក្រុមហ៊ុនឧកញ៉ា លឹម ហេង ( អូរស្មាច់ ) ។ ប៉ុន្តែអ្នក ទទួលខុសត្រូវកាស៊ីណូ រ៉ូយ៉ាល់ ហៀល មិនបានសហការជាមួយ មន្ត្រីទំនាក់ទំនងព្រំដែនខ្មែរយើងទេ ក្នុងករណីខាងលើនេះទេ ។ ទើបថ្ងៃទី១៦ មីនាឆ្នាំ២០២៤ ខាងថៃ ចៅហ្វាយស្រុកកាប់ឆើង និងតម្រួតថៃ ខេត្តសូរិន្ទ បានសុំជួបអភិបាលក្រុងសំរោង និង ប្រធានច្រកនិងសមត្ថកិច្ចនៅច្រកទ្វារអូរស្មាច់ ប៉ុន្តែថ្នាក់ដឹកនាំ អភិបាលខេត្ត អភិបាលក្រុងជាប់ រវល់ចូលរួមបុណ្យទន្លេនៅខេត្តសៀមរាប អត់បានមកជួបភាគីថៃទេ ។
ទោះជាមន្ត្រីទំនាក់ទំនងព្រំដែនខ្មែរយើងបានខិតខំព្យាយាមចរចារជាមួយមេទំនាក់ទំនងព្រំដែនថៃ និងអ្នកទទួលខុសត្រូវខាងកាស៊ីណូ តែគេមិនព្រមសហការទេ ដោយខាងកាស៊ីណូ តម្រូវអោយភាគីថៃដាក់ពាក្យបណ្តឹងទៅតាមរយ: ស្ថានទូតថៃសុំអោយមាន សមត្ថកិច្ចជំនាញចូលរួមទើបគេព្រមសហការ ។ ដោយសារមិន មានការសហការគ្នាបែបនេះ ទើបមេទំនាក់ទំនងព្រំដែនថៃបាន គំរាមបិទច្រកទ្វារអូរស្មាច់ នៅវេលាម៉ោង ២ : ៣០នាទីសៀល ថ្ងៃទី ១៦ មីនា ២០២៤ បើខាងកាស៊ីណូមិនអោយជន រងគ្រោះថៃវិលត្រឡប់ទៅស្រុកវិញទេនោះ ។ ដោយសារតែគ្មាន ដំណោះស្រាយបន្ទាន់ភ្លាមៗដូច្នេះហើយ ទើបភាភាគីថៃបញ្ជូនកងកម្លាំងយោធា និង ប៉ូលីសអន្តោប្រវេសន័គេមកព្រោងព្រាតបង្កការភ្ញាក់ផ្អើល បែបនេះ ។ ជុំវិញករណី នេះ ភ្នាក់ងារ មាតុភូមិ បានព្យាយាមទាក់ទងទៅប្រធានរដ្ឋបាលកាសុីណូរ៉យ៉ាល់ហៀលដើម្បីសុំការបំភ្លឺ បញ្ជាក់ : លោករតនា រដ្ឋបាលកាស៊ីណូរ៉ូយ៉ាល់ហៀលបានប្រាប់តាមទូរស័ព្ទថា:តាមពិតករណីនេះ បើនិយាយអោយខ្លីគឺវាខ្លី ខាងថៃគេសង្ស័យថា : មានមនុស្សមកលាក់ខ្លួន ឬ លាក់បំពួន ក្នុងកន្លែងយើង តែឆែកមើលទៅវាអត់មាន ជាក់ ស្តែងគឺអត់មាន ខ្លីៗ គឺអញ្ចឹង ទី១-គេសង្ស័យថា នៅក្នងកន្លែងយើង រឿងវាតែប៉ុណ្ណឹងខ្លីៗ ។
ចំ ពោះខាងថៃយក កម្លាំងទាហាននិងប៉ូលីសមកច្រើនក្នុងបរិវេណកាសុីណូបែបនេះ លោក រតនា ប្រាប់ថា: និយាយរួមទៅលោកក៏មិនដឹងថាយ៉ាងម៉េចដែរ បានជាគេរៀបចំកម្លាំងច្រើនយ៉ាងនេះប៉ុន្តែ ធម្មតាប្រទេសយើងមានច្បាប់ យើងត្រូវសហការ កន្លែងណាមិនត្រូវសហការ ហើយការពិតជាក់ស្តែងមែនទែនវាអត់មាន អញ្ចឹងវាអត់មានអីលើសពីជាក់ស្តែងនេះទេ ។ ប៉ុន្តែ នៅពេលយប់ នៃថ្ងៃទី១៦ មីនា ២០២៤ ក៏មានជនរងគ្រោះជនជាតិថៃចំនួន០៧នាក់បានរត់ចេញពីអគារក្នុងបរិវេណកាសុីណូរ៉ូយ៉ាល់ហៀល ចូលទៅក្នុងដីថៃក្នុងនោះមានស្រី( ៣នាក់ ) និង៤នាក់ទៀតមានស្រី២នាក់បានរត់ចេញពីអគារកាស៊ីណូ ចូលក្នុងភូមិរកប្រជាពលរដ្ឋអោយជួយរកអន្តរាគមន៍ទៅប៉ូលីសខ្មែរអោយជួយរំដោះពួកគេចេញពីការឃុំឃាំងក្នុងអគារកាសុីណូរ៉ូយ៉ាល់ហៀលនេះដែរ ។ទោះជាយ៉ាងណា ព្រឹត្តិការណ៍នេះគឺពិតជាបានធ្វើអោយមានការភ្ញាក់ផ្អើលយ៉ាងខ្លាំងចំពោះមហាជន និងប្រជាពលរដ្ឋ ដែលបានឃើញពីសកម្មភាពរបស់កងកម្លាំងប្រដាប់អាវុធថៃលើកគ្នាច្រើននាក់សំរុកចូលក្នុងដីខ្មែរយ៉ាងតក់ក្រហល់បែបនេះ ។ ដូច្នេះ ករណីនេះ បើមានដំណឹងថ្មីអ្វីៗប្លែកឬមានភាគីពាក់ព័ន្ធចង់បកស្រាយបំភ្លឺបន្ថែម គេហទំព័រ មាតុភូមិ នឹងរង់ចាំទទួលផ្សាយបំភ្លឺជូនជានិច្ច ព្រោះនេះជាព័ត៌មានបឋមទេ ៕ ដោយ: សុផល Tel:012953824/016953222
