អ្នកកាសែត៣នាក់ត្រូវ សមត្ថកិច្ចនគរបាលចាប់ខ្លួននៅក្នុបន្ទប់ KTV តាមបណ្តឹងក្រុមហ៊ុនជួញឈើ PNT
24-November-2022 / ព័ត៌មានជាតិ
ខេត្តព្រះវិហារ៖ កាលពីល្ងាចថ្ងៃទី២៣ ខែវិច្ឆិកាឆ្នាំ២០២២ តុលាការ ខេត្តព្រះវិហារ បាន សម្រេចចេញដីកាឲ្យឃុំ ខ្លួនអ្នកកាសែតចំនួន៣ នាក់ នៅស្ថាប័នផ្សេងគ្នា ពីបទ”កំហែងយក”ដាក់ពន្ធនាគារជាបណ្ដោះ អាសន្ន ។ យោងតាមប្រភពព័ត៌មានពីអ្នក កាសែតនៅខេត្ត ព្រះវិហារបានឲ្យដឹងថា ជនត្រូវចោទទាំង៣នាក់ទី១៖ ឈ្មោះ មុំ វិបុល ភេទប្រុសអាយុ៤៤ឆ្នាំ មុខរបរសារព័ត៌មាន ” ប៉ុស្តិ៍លេខ៣ ” នៅភូមិជៀស ឃុំថ្មពូន ស្រុកត្បូងឃ្មុំ ខេត្តត្បូងឃ្មុំ ។២៖ ឈ្មោះ តិន ទ្រី ភេទប្រុស អាយុ២៩ឆ្នាំ មុខរបរសារព័ត៌មាន ” រស្មីឆ្នាំងមាស ” ។ ៣៖ ឈ្មោះ តិន ស៊ីថា ភេទ ប្រុស អាយុ ២៧ ឆ្នាំ មុខរបរសារព័ត៌មាន ” ខេមមេឌៀ ” អ្នកទាំង ២ នៅភូមិម៉ឺនរាជ ឃុំខ្យង ស្រុកជ័យសែន ។
គួររំលឹកថា ជនត្រូវចោទទាំង៣នាក់ ត្រូវបាន កម្លាំងនគរបាល ខេត្ត ព្រះវិហារ ចាប់ឃាត់ខ្លួននៅក្នុងបន្ទប់KTV.vip2 យីហោ« ភោជនីយដ្ឋានផ្កាយព្រឹក2 » ស្ថិតនៅភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ កាលពីវេលាម៉ោង០១យប់ ឈានចូលថ្ងៃទី ២២ ខែវិច្ឆិកាឆ្នាំ២០២២ ។តាមបណ្តឹងរបស់ឈ្មោះ សាត ណាក់ ភេទប្រុស អាយុ៣០ឆ្នាំ មុខរបរលក់ដូរ រស់នៅភូមិពោ បាក់ក សង្កាត់ដំរីជាន់ខ្លា ក្រុងស្ទឹងសែន ។ប្រភពបានបន្តថាដើម ចោទក្នុងបណ្ដឹងមួយនេះ គឺតំណាងឱ្យ ក្រុមហ៊ុន ” ភីអិនធី PNT ” ដែលជាក្រុម ហ៊ុនដ៏ធំសម្បើម និងកំពុងឈរជើង ប្រមូលទិញឈើយ៉ាងអនាធិប តេយ្យ ចេញពីតំបន់ព្រៃឡង់និងភូមិសាស្ត្រមួយចំនួនទៀតនៃនៅស្រុករវៀង ខេត្ត ព្រះវិហារ ។
ប្រភពបានបន្តឲ្យដឹងទៀតថា ដោយក្រុមអ្នកកាសែតទាំងនោះបានប្រមូលវត្ថុតាងពីចំណុចខ្សោយរបស់ក្រុមហ៊ុន ហើយតំណាងក្រុមហ៊ុន បានសម្រួលឱ្យប្រាក់ទៅក្រុមអ្នកកាសែតចំនួន៥០០ដុល្លារ ជាថ្នូរនិងបិទព័ត៌មានកុំឱ្យផ្សាយ រាល់សកម្មភាពទិញឈើខុសច្បាប់របស់ក្រុមហ៊ុនPNT។ ប៉ុន្តែក្រុមអ្នកកាសែត មិនព្រម ដោយទារចំនួន៤.០០០ដុល្លារ ព្រោះគ្នា៤នាក់ ។ ប្រភពបន្តថាដោយការចរចារ កាន់តែតានតឹង មិនត្រូវថ្លៃគ្នាតំណាងឱ្យក្រុមហ៊ុន ” ភីអិនធី PNT ” ឈ្មោះ សាត ណាក់ ក៏ប្រើឧបាយកល តថ្លៃគ្នា ដើម្បីបានឱកាសថតសំឡេងសន្ទនាគ្នាតាមទូរស័ព្ទដៃរហូតត្រូវថ្លៃគ្នាចំនួន ២.១៥០ដុល្លារប្រគល់ឱ្យក្រុមអ្នកកាសែត ។បន្ទាប់មកទៀត ដើមចោទនិងបក្ខពួក ក៏បានបញ្ឆោត ប៉ាវក្រុមអ្នកកាសែត ទៅច្រៀងខារ៉ាអូខេត្រង់ចំណុចខាងលើតែម្តង។ ក្រោមហេតុផលថា យើងរាប់អានគ្នានិងដើម្បីឱ្យអ្នកកាសែតភ្លេចខ្លួន ស្របពេលដើមចោទប្ដឹងរួចហើយ សមត្ថកិច្ចកំពុងធ្វើនីតិវិធី។ ខណៈកំពុងច្រៀងរាំសប្បាយ មិនបានចាប់អារម្មណ៍ ក៏ស្រាប់តែសមត្ថកិច្ចប៉ូលិសខេត្តព្រះវិហារ ចុះចាប់ខ្លួនពួកគេ ក្នុងបន្ទប់ KTV តែម្ដងទៅ ។ លុះដល់ល្ងាចថ្ងៃទី ២៣ វិច្ឆិកា ឆ្នាំ ២០២២ ចៅក្រមស៊ើប សួរ នៃសាលាដំបូខេត្តព្រះវិហារ បានសម្រេចឃុំខ្លួនអ្នក កាសែតទាំង៣នាក់ ជាបណ្ដោះអាសន្ន ។
មហាជន និងប្រជាពល រដ្ឋ លើកឡើងថា អ្នក កាសែតទាំង៣នាក់ ជាប់ឃុំ ពីបទកំហែងយកនោះជារឿងមួយ។ចុះបទល្មើសព្រៃឈើ ដែលក្រុមហ៊ុន” ភីអិនធី PNT ” កំពុងកែនប្រជាពលរដ្ឌកាន់ម៉ាសុីនត្រង់សីុន័រ កាប់ ជ្រៀក អា ប្រមូលទិញពីពលរដ្ឋ នៅក្នុងព្រៃឡង់ដឹកឈេីរាប់រយគោយន្តក្នុង១ថ្ងៃៗចូលមកក្រុមហ៊ុន PNT ដើម្បីបន្លំជាឈេីស្របច្បាប់ ក្នុងស្រុករវៀង ដោយលើក ដាក់រថយន្តយីឌុប ដឹកឆ្លង កាត់ស្រុកសណ្ដាន់ ខេត្តកំពង់ធំ ធ្វើការលក់ចែកចាយយ៉ាងអនាធិប តេយ្យ ហេតុអ្វីសមត្ថកិច្ច មិនចាត់វិធានការបង្ក្រាបផង ? បែរជាចាប់តែអ្នក ការសែតទៅវិញ ? ។
ពាក់ព័ន្ធនឹងករណីនេះដែរអ្នកយកព័ត៌មានគេហទំព័រ មាតុភូមិ មិនអាចសុំការពន្យល់ពីលោក សាត ណាក់ តំណាងក្រុមហ៊ុន PNTបានទេ នៅថ្ងៃទី ២៤ វិច្ឆិកា ឆ្នាំ ២០២២ នេះ ព្រោះគ្មានលេខ ទូរស័ព្ទ ។ ទោះជាយ៉ាង នេះក្តី ក្រុមអ្នកសារព័ត៌ មាន កំពុងចុះស៊ើប អង្កេតពាក់ព័ន្ធនិងភាពមិនប្រក្រតីរបស់ក្រុម ហ៊ុនPNTនៅស្រុករវៀង ខេត្តព្រះវិហារនេះ ។ មហាជនលើកជាចម្ងល់ថាហេតុអ្វីបានជាសមត្ថ កិច្ចខេត្តព្រះវិហារ តែង តែចាប់អ្នកកាសែត ជាញឹកញាប់ យ៉ាងដូច្នេះ ? សូមសំណូមពរចំពោះអាជ្ញាធរខេត្តព្រះវិហារ ពិសេសលោកចៅហ្វាយ ខេត្តព្រះវិហារ មេត្តាជួយបកស្រាយបំភ្លឺ ពីចម្ងល់ខាងលើនេះផងទាន ! តើមានអ្វីជាអាថ៌កំបាំងនៅពីក្រោយខ្នង នៃការ ប្រព្រឹត្តបទល្មើសកាប់បំ ផ្លាញព្រៃឈើពីសំណាក់ ក្រុមហ៊ុនPNT នេះ ? ៕ ដោយ: សុផល Tel : 012 953 824
