លោក យូ ហេង មេគយខេត្តបាត់ដំបង ត្រូវប៉ាន់ ខណៈលោក អ៊ុយ វ៉ិត មេគយច្រកទ្វារអន្តរជាតិភ្នំដី កំពុងរងនូវការិះពីប្រជាពលរដ្ឋ!
15-December-2019 / ព័ត៌មានជាតិ
ខេត្តបាត់ដំបង៖ក្រុមអាជីវកររកស៊ីដោះដូរនិងដឹកទំនិញចេញចូលតាមច្រកភ្នំដី ក្នុងស្រុកសំពៅលូនខេត្តបាត់ដំបង មានការមិនសប្បាយចិត្តនិងបានរិះគន់ចំៗលោក អ៊ុយ វ៉ិត ប្រធានការិយាល័យគយនិងរដ្ឋករប្រចាំច្រកភ្នំដីថា បាននិងកំពុងប្រើអំណាច គាបសង្កត់ ទៅលើប្រជាពលរដ្ឋ អ្នករកស៊ីតូចតាច តាមរយៈបើកដៃឲ្យមន្ត្រីគយក្រោម ឱវាទរបស់ខ្លួន ដាក់កុង ត្រូល ជជុះនិងប្រដេញជំរិតយកលុយពី អ្នករត់តាក់ស៊ី និងអ្នកបើករថយន្តដឹកជញ្ជូនទំនិញ និងពីឈ្មួញតូចតាចដឹកបន្លែផ្លែឈើ ដោយបង្គាប់ឲ្យបង់លុយដោយគ្មានវិកិយប័ត្រត្រឹមត្រូវ។ 
ប្រភពពីក្រុមអាជីវករបានឲ្យដឹងថាលោក អ៊ុយ វិត ប្រធានការិយាល័យគយនិងរដ្ឋករប្រចាំច្រកទ្វារភ្នំដីកំពុងត្រូវប៉ាន់កើបលុយតាមរយៈការបើកឲ្យទំនិញគេចពន្ធហូរចូលមកក្នុងស្រុក សូម្បីតែអ្នកអូសរទេះបន្លែ ទឹកក្រូច ទឹកផ្លែឈើកំប៉ិកកំប៉ុក និងរទេះអេតចាយ ក៏ក្រុមមន្ត្រីគយកូនចៅលោកអ៊ុយ វ៉ិត មិនលើកលែងដែរនោះ។ រាល់ពេល ដែលពួកគេដឹកឥវ៉ាន់ចេញចូលម្តងៗ ត្រូវបង់លុយឲ្យទៅការិយាល័យគយ នៅច្រកនេះរួចហើយ ទើបអាចចេញចូលបានតាមធម្មតា ចំណែកឯកុងត្រូលជជុះ របស់មន្ត្រីគយ ដែលជាកូនចៅរបស់លោក អ៊ុយ វ៉ិត នៅតែបន្ត គឺមានមន្ត្រីគយប្រចាំការជានិច្ច ពីបួនទៅប្រាំនាក់ស្ទាក់ចាំកាក់ឡាន រទេះប្រជាពលរដ្ឋ ឲ្យចូលបង់លុយតាមផ្លូវថែមទៀតផង។
បើមិនចូលបង់លុយឲ្យមន្ត្រីគយជជុះនោះទេ ច្បាស់ជាគយគំរាមចាប់ យកទៅកន្លែង ហើយបង្គាប់ឲ្យបង់លុយ ក្នុងឡាននិមួយៗ ត្រូវបង់ប្រាក់ចាប់ ពី៥០០០០រៀល ទៅ២០.០០០០រៀល រហូតដល់៥០.០០០០រៀល បើប្រជាពលរដ្ឋណាមិនបានបង់លុយឲ្យមន្ត្រីគយទាំងនោះទេ គឺក្រុមគយចោទប្រកាន់ពួកគាត់ ដែលដឹកឥវ៉ាន់ បន្លែ ផ្លែឈើទាំងអស់ហ្នឹង! សុទ្ធតែអត់មានពន្ធត្រូវតែបង់លុយឲ្យ ទើបបានឲ្យឡានទៅ ហើយប្រជាពលរដ្ឋខ្លះ ទៀតគាត់បានតវ៉ាថា គាត់បានបង់លុយឲ្យ ការិយាល័យគយនៅច្រករួចហើយ ម៉េចបានជាមានមន្ត្រីមកកាក់តាមផ្លូវទៀត ។
ប្រភពបាន ឲ្យដឹងទៀតថា សូម្បីតែជីកសិកម្មមួយការ៉ុងយកទៅចំការក៏បង់ឲ្យការិយាល័យគយក្នុងមួយការ៉ុង២០បាត(ប្រាក់ថៃ)ដែរ ដែលទង្វើ បន្ថែមភាពក្រីក្រលើប្រជាពលរដ្ឋ។ ទោះបីយ៉ាងណាតង្វើរប់សលោកអ៊ុយវ៉ិតវាមិនអាចកើតឡើងដោយគ្មានការគាំទ្រពីលោក យូ ហេង ប្រធានសាខាគយខេត្តបាត់ដំបង នោះឡើយ។អ្នករកស៊ីនិយាយថាទំនិញគ្រប់ប្រភេទបង់ពន្ធមិនគ្រប់ប្រមាណជាង៤០% ដែលចរាចរណ៍នាំចូលពីប្រទេសថៃតាមច្រកមួយចំនួន ដូចជាច្រកទ្វារអន្តរជាតិដូង ច្រកទ្វារ អន្តរជាតិភ្នំដី ច្រកតំបន់អូរអន្លក់ ច្រកតំបន់អូររំដួល ពិសេសច្រករបៀងបឹងឆ្នាំងដូវជាប្រេងសាំង ហ្គាស ម៉ូតូ និងទំនិញផ្សេងៗជាច្រើនទៀតជាដើមនោះ ត្រូវបានគេ (ឈ្មួញ)ឃុបឃិតគ្នាជាមួយមន្ត្រីគយនិងរដ្ឋាករ នៅប្រចាំការតាមប៉ុស្តិ៍ ច្រកទ្វារព្រំដែន បើកដៃអោយឈ្មួញរកស៊ីរត់ពន្ធ គ្រប់ប្រភេទ ដែលមានកញ្ចប់លុយបង់ឲ្យលោក យូ ហេង ដែលជាប្រធានសាខាគយនិងរដ្ឋកខេត្តបាត់ដំបង មិនអាចរំលងបានឡើយ។
កន្លងទៅថ្មីៗនេះ ប្រមុខរដ្ឋាភិបាលកម្ពុជា សម្ដេចតេជោ ហ៊ុន សែន ក៏បានប្រកាលថាចំណូលពន្ធគយមានការកើនឡើង លើសផែនការកំណត់ គឺបានមកពីការបង់ពន្ធរថយន្តនិងម៉ូតូ ពីព្រោះថាប្រជាពលរដ្ឋមានលុយទិញច្រើន(មិនមែនមកពីចំណូលតាមច្រកនានានោះទេ?) ។ឈ្មួញរកស៊ីរត់ពន្ធប្រេងសាំង ហ្គាស ម៉ូតូ និងទំនិញផ្សេងៗជាច្រើនទៀត បានបាននាំចូលដោយរលូនតាមច្រកនានានៃខេត្តបាត់ដំបង ។
បើតាមការវាយតំលៃ និងបើកដៃអោយ ក្រុមឈ្មួញដឹកទំនិញគ្រប់ប្រភេទ ចូលមកក្នុងស្រុកដោយបង់ពន្ធមិនគ្រប់ ការរត់ពន្ធប្រេងសាំង ហ្គាសម៉ូតូនិងទំនិញគ្រប់ប្រភេទ មកពីតាមព្រំដែនប៉ែកខាងលិច នៃប្រទេសកម្ពុជា ដែលកំពុងកើតមានយ៉ាងគគ្រឹកគគ្រេងនេះ ធ្វើឱ្យបាត់បងប្រាក់ចំណូលពន្ធរដ្ឋបន្ថមរាប់លានដុល្លារក្នុងមួយឆ្នាំៗ ក្នុងនោះដែលគេខ្សឹបថា ថវិការទាំនេះមួយភាពធំបានធ្លាក់ចូលក្នុងហោប៉ាវ លោក យូ ហេង ដោយផ្ទាល់តែម្ដង។
ក្រៅពីនេះប្រភពពីប្រជាពលរដ្ឋ ក៍ដូចជាបណ្តាញសារពត៌មាន ក្នុងស្រុកមួយចំនួនបានចុះផ្សាយ ឲ្យដឹងថាទូទាំង ២៥រាជធានី-ខេ ត្ត មានតែច្រកអូរអន្លក់ ស្រុកកំរៀង ខេត្តបាត់ដំបង មួយគត់ ដែលមានទីផ្សារ នាំចេញកាក សំណល់ (សំបក កំ ប៉ុង គ្រីប) ឆ្លងទៅប្រទេសថៃ ដោយសារប្រទេសឌូប៉ៃ ជាប្រទេសបញ្ជាទិញ កាកសំណល់សំបក កំប៉ុងនេះ យក ទៅ កែច្នៃធ្វើជាដែកអ៊ីណុក ។
សូម្បីតែក្នុងខេត្តបាត់ដំបង នេះក៏ដោយ ក្រៅពីច្រកអូរអន្លក់ ស្រុកកំរៀង ខេត្តបាត់ដំបង គឺមិនអាចអនុញ្ញាត អោយនាំកាកសំណល់ពីវៀតណាម ឆ្លងទៅប្រទេសថៃបានឡើយ ។លោក យូ ហេង ប្រធានសា ខាគយ និងរដ្ឋាករ ខេត្តបាត់ដំបងបានចំណូលពីបទ ល្មើសនេះយ៉ាងច្រើនក្នុងមួយថ្ងៃៗតាមរយៈ មេគយច្រកអូរអន្លក់ ជាអ្នកចាត់ ចែងកញ្ចប់ដែលគេទម្លាយថា៖ក្នុងរថយន្តដឹកកាកសំណល់ ១គ្រឿងត្រូវបង់អោយ ខាងគយតិចបំផុត ចាប់ ពី៣០០ដុល្លារ ដល់៥០០ដុល្លារ ហើយក្នុង១ថ្ងៃមិនតិចជាង៥០រ ថយន្តនោះឡើយ។តាមធម្មតាក្នុងមួយរ ថយន្ត គេ ផ្ទុកតែ ២៧តោនទៅ៣០តោន។
ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានខិតខំបញ្ចៀសការប៉ះពាល់ដល់ចំណូលពន្ធរដ្ឋ និងជាការប្រកួតប្រជែងពាណិជ្ជកម្មជាមួយបណ្ដានាប្រទេសក្នុងអេសៀន និងបានដាក់ចេញនូវ បទបញ្ជាដល់កងកម្លាំងគ្រប់ប្រភេទ និងអាជ្ញាធរដែនដីផងដែរ ឱ្យចូលរួមប្រតិបត្តិការទប់ស្កាត់និងបង្ក្រាបបទល្មើសគ្រប់ប្រភេទ ដែលនឹងចែកចេញជាពីរប្រភេទ គឺប្រភេទទី១ លំដាប់ថ្នាក់ជាតិដោយអន្តរក្រសួង រីឯប្រភេទទី២ លំដាប់ថ្នាក់មធ្យម ត្រឹមថ្នាក់ខេត្តដែល មើលទៅដូចជាមិនធម្មតានោះទេ ។
ជុំវិញការលើកឡើងខាងលើអង្គភាពសារព័ត៌យើងមិនអាចទំនាក់ទំនងសុំការបំភ្លឺបាននៅឡើយទេ។ អង្គភាពសារព័ត៌មាន យើង ស្វាគមន៍ រាល់ការបកស្រាយ
ប្រសិនបើមានប្រតិកម្មណាមួយនោះដោយយោងច្បាប់ស្ដីពីរបបសារព័ត៌មាន។
