លោកត្រាំស៊ីជីនពីងនិងពូទីនមេដឹកនាំ៣នាក់ដែលគេតាមដានក្នុងកិច្ចប្រជុំ G-20នៅប្រទេសជប៉ុន
28-June-2019 / ព័ត៌មានអន្តរជាតិ
នៅក្នុងកិច្ចប្រជុំបណ្តាប្រទេសរីកចម្រើនទាំង២០ ហៅកាត់G-20 បានចាប់ផ្តើមឡើងនៅក្នុងទីក្រុងអូសាកា ប្រទេសជប៉ុនថ្ងៃទី២៨ និង២៩ ខែថិមុនា ឆ្នាំ២០១៩ ដែលមានមេដឹកនាំប្រទេសឧស្សាហកម្មធំៗចូលរួមនោះ លោកត្រាំ, លោកស៊ី ជីនពីង និង ប្រធានាធិបតី ពូទីនគឺជាមេដឹកនាំដែលបណ្តាអ្នកសារព័ត៌មានជុំវិញពិភពលោកចាប់អារម្មណ៍បំផុតគឺ ។ប្រធានបទពាណិជ្ជកម្ម និងវិវាទ នៅតំបន់ឈូងសមុទ្រពែកគ្រប់ដណ្តប់នៅក្នុងកិច្ចប្រជុំលើកនេះ ។
បន្ទាប់ពីកិច្ចប្រជុំ G-20 និងមានជំនួបទ្វេភាគីសំខាន់ៗ ដូចជា ប្រធានាធិបតីពូទីន និងជួបពិភាក្សាជាមួយប្រធានាធិបតីដូណាល់ ត្រាំ ស្តីពីបញ្ហាសំខាន់ ៗ ដែលអាមេរិក និងរុស្ស៊ីកំពុងតែប្រឈមមុខ ។ប្រធានាធិបតីចិននិងអាមេរិក នឹងជួបពិភាក្សា លើ បញ្ហាវិវាទពាណិជ្ជកម្ម រវាង អាមេរិក-ចិន ។ តាមគម្រោង ប្រធានាធិបតី ដូណាល់ ត្រាំ នឹងជួបពិភាក្សា ជាមួយ ប្រធានាធិបតីស៊ី ជីងពីន នៅថ្ងៃទី២៩ ខែមិថុនាជាថ្ងៃបញ្ចប់កិច្ចប្រជុំ G-20 ។
ក្រៅពីនេះនៅមានជំនួបសំខាន់ៗដែលចាប់អារម្មណ៍បំផុតបន្ទាប់ពីកិច្ចប្រជុំគឺ៖ដូណាល់ ត្រាំ និង ណារ៉ានដ្រា ម៉ូឌីនាយករដ្ឋមន្ត្រីឥណ្ឌាដែលទីក្រុងវ៉ាស៊ីនតោន និងទីក្រុងញូដេលីអាចនឹងប្រកាសពី «កិច្ចព្រមព្រៀងពាណិជ្ជកម្មដ៏ធំមួយ» ខណៈប្រទេសទាំងពីរក៏កំពុងតែមាន បញ្ហាវិវាទផ្នែកពាណិជ្ជកម្មជាមួយគ្នាដែរ ។លោក ត្រាំ បាននិយាយយ៉ាងដូច្នេះ «ខ្ញុំគិតថាពួកយើងអាចនឹងមានរឿងធំៗមួយចំនួនដែលនឹងត្រូវប្រកាស នោះក្នុងរួមមានកិច្ចព្រមព្រៀងពាណិជ្ជកម្មដ៏ធំមួយ» ។ ជំនួបនេះធ្វើឡើងមុនពេលមេដឹកនាំនៃប្រទេសទាំងពីរ ត្រូវចូលរួមកិច្ចប្រជុំរវាងប្រទេសសេដ្ឋកិច្ចកំពូលៗ G20 ជាផ្លូវការនៅក្នុងទីក្រុងអូសាកា ប្រទេសជប៉ុន ។
គួរជម្រាបថា កាលពីពេលសហរដ្ឋអាមេរិកសម្រេចដំឡើងពន្ធ ២៥ភាគរយលើដែកថែប និង ១០ភាគរយលើអាលុយមីញ៉ូមនៅ ខែមីនា ឆ្នាំ២០១៨ ឥណ្ឌាបានចេញមុខថ្កោលទោសជាខ្លាំងលើទង្វើនេះ ខណៈខ្លួនគឺជាអ្នកផលិតដែកថែកដ៏ធំមួយដែរនៅលើពិភពលោក ។ កន្លងទៅថ្មីៗនេះ លោក ដូណាល់ ត្រាំ ក៏បានកាត់ឈ្មោះឥណ្ឌាចេញពីប្រព័ន្ធអនុគ្រោះពន្ធរបស់ខ្លួនថែមទៀត ខណៈឥណ្ឌាបានបង្ខំចិត្តឆ្លើយតបទៅវិញ តាមរយៈការដំឡើងពន្ធប្រឆាំងទំនិញរបស់អាមេរិក ដែលមានទំហំជាទឹកប្រាក់ជាង ២០០លានដុល្លារ ។
ប្រធានាធិបតីចិន លោក ស៊ី ជិនពីង និងនាយករដ្ឋមន្ត្រីជប៉ុន លោក អាបេ ស៊ីនហ្សូ បានឯកភាពគ្នាបង្កើន និងពង្រឹងទំនាក់ទំនងរវាងប្រទេសទាំងពីរ ខណៈកំពុងព្រួយបារម្ភ ដូចគ្នា ចំពោះគោលនយោបាយសេដ្ឋកិច្ចរបស់លោក ដូណាល់ ត្រាំ ។នៅក្នុងជំនួបកាលពីថ្ងៃព្រហស្បតិ៍ លោកប្រធានាធិបតីចិន និងលោកនាយករដ្ឋមន្ត្រីជប៉ុន ក៏បានឯកភាពគ្នាផងដែរក្នុងការធ្វើការងារជាមួយគ្នា ដើម្បីលើក កម្ពស់ពាណិជ្ជក ម្មសេរី និងដោយស្មើភាព ។
នៅឯទីក្រុងអូសាកាប្រទេសជប៉ុនមុនការបើកកិច្ចប្រជុំកំពូល G20 ប្រធានាធិបតីចិនលោក ស៊ី ជិនពីង បានបញ្ជាក់ប្រាប់ប្រធានាធិបតីកូរ៉េខាងត្បូងលោក មូន ចេអ៊ីន ថា ឆន្ទៈរបស់ប្រមុខដឹកនាំកូរ៉េខាងជើង លោក គីម ជុងអ៊ុន ក្នុងការសំដៅឆ្ពោះទៅរកការរំសាយអាវុធនុយក្លេអ៊ែរ និងការផ្សះផ្សាគ្នាជាមួយកូរ៉េខាងត្បូង គឺឥតមានការផ្លាស់ប្តូរឡើយ ។លោក គីម មានក្តីសង្ឃឹមថា កូរ៉េខាងជើងនឹងទទួលបានការបន្ធូរបន្ថយខ្លះៗ នូវ ទណ្ឌកម្មអន្តរជាតិ ដែលត្រូវបានដាក់មកលើប្រទេសលោក ហើយលោក គីម ចង់ដោះស្រាយបញ្ហានេះតាមរយៈកិច្ចចរចា ។
ក្រៅពីនោះ លោក ស៊ី និង លោក មូន បានបង្ហាញពីក្តីរំពឹងក្នុងការបន្តកិច្ចសហប្រតិបត្តិការសេដ្ឋកិច្ច រវាងចិន និងកូរ៉េខាងត្បូងផង ដែរ។ កំឡុងជំនួបដែលមានរយៈពេលប្រមាណជា៤០នាទីនេះ ប្រធានបទសំខាន់ៗជាច្រើនទៀត រួមមានបញ្ហាដាក់ពង្រាយប្រព័ន្ធ ខែលការពារមីស៊ីលដ៏ទំនើបរបស់អាមេរិក THAAD នៅលើទឹកដីកូរ៉េខាងត្បូង ត្រូវបានលើកឡើង ។ លោក ស៊ី បានស្នើឲ្យលោក មូន ដោះស្រាយ បញ្ហានេះ ខណៈលោក មូន បានឆ្លើយតបថា វាមានជាប់ពាក់ព័ន្ធគ្នាទៅនឹងការរំសាយ អាវុធនុយក្លេអ៊ែរ របស់ កូរ៉េខាងជើង ពោលគឺ ប្រព័ន្ធនេះមានតួនាទីការពារកូរ៉េខាងត្បូងពីមីស៊ីល-នុយក្លេអ៊ែររបស់កូរ៉េខាងជើង ។
