» ទិវាជាតិអាហារូបត្ថម្ភ លើកទី១៣នាយករដ្ឋមន្ត្រីឲ្យប្រុងយត្ន័រឿងហូបព្រោះ«ការវិនិយោគលើអាហារូបត្ថម្ភ គឺជាការវិនិយោគលើមនុស្ស»! » អាមេរិកដាក់ទណ្ឌកម្មលើបុគ្គល៤រូប និងក្រុមហ៊ុនចំនួន៤១ ដែលមានជាប់ពាក់ព័ន្ធនឹងក្រុមហ៊ុនព្រីនស៍គ្រុបក្នុងពេលប្រទេសសឹង្ហបុរីចាប់ខ្លួនបានម្នាក់ដែរ! » ស្នងការដ្ឋានខេត្ដកោះកុងនឹងចាត់វិធានការលើមន្ដ្រីនគរបាលដែលល្មើសវិន័យនាំគ្នាលេងបៀនៅកន្លែងធ្វើការ! » អតីតអ្នកនាំពាក្យក្រសួងការពារជាតិថៃនាងប៊ូម ប៉ាណាត់ដា ត្រូវនគរបាលចាប់ឃាត់ខ្លួនពាក់ពន្ធ័បទល្មើសគៃលុយមូលនិធិ » បញ្ហា កម្មករនៅរោងចក្រ ប្រាយ ហ្វ្លាស់ស៊ីងតវ៉ាត្រូវបានដោះស្រាយឯកភាពចូលធ្វើការវិញនៅថ្ងៃ៥វិច្ឆិកា » រំលឹកខួប១០០ឆ្នាំបណ្ណសារដ្ឋានជាតិនៃកម្ពុជានាយករដ្ឋមន្ត្រីប្រកាសឲ្យបណ្តុះបណ្តាលអ្នកទទួលខុសត្រូវ » លោក ត្រាំ អបអរសាទរគណបក្សប្រជាធិបតេយ្យឈ្នះឆ្នោតតែប្រកាសថាលោកនឹងវ៉េតូនូវសំណើរប្លែកពីអង្គការនីតិបញ្ញត្តិដែលប្រជាធិបតេយ្យកាន់កាប់ » បុរសស្ត្រីដែលទឹកយាយនឿនជួយសង្គ្រោះចប់ហើយ!? » ចាប់ឃុំខ្លួនអធិការរងស្រុកអង្គរបុរី ​ខេត្តតាកែវ ពាក់ព័ន្ធករណីគ្រឿងញៀន » ថៃពង្រាយរថក្រោះ២គ្រឿងនៅភូមិជោគជ័យ ចម្ងាយប្រមាណ២៥០ម៉ែត្រ ពីទីតាំងAOTឈរសង្កេតការណ៍ » កម្មវិធី AI ជាង ៤០០ លាក់លើ App Store និង Google Playបង្កើតរូបភាពអាសអាភាស និងហិង្សា » ការ​ស្តារ​ប្រាក់​ដែល​ត្រូវ​បានលួច​ជាង ១២ លាន​ដុល្លារ​ពីកម្ពុជា បង្ហាញ​សញ្ញា​រឹងមាំ​ទៅ​កាន់សហគមន៍​អន្តរជាតិ » តុលាការ​ចោទប្រកាន់​ទោស និង​ឃុំ​ខ្លួនបណ្តោះអាសន្ន​អ្នក​លក់​ផលិត​ផល​ថែ​រក្សា​សម្រស់​និង​គ្រឿងសម្អាង​អនឡាញ​ម្នាក់ ករណីយ៍បើកឡាន​បុក​មនុស្ស​ស្លាប់​ហើយ​រត់​គេច​ខ្លួន » គណបក្សកុម្មុយនិស្តចិនក្រោមការដឹកនាំលោកស៊ីជីងពីងបញ្ជាក់ពីការបណ្តេញមន្ត្រីចំនួន ៣៣ នាក់ ចេញពីបក្ស » «ហ្វូស៊ីសឈើ» ធំៗចំនួន៣ទីតាំងត្រូវបានរកឃើញ​  នៅខេត្តស្ទឹងត្រែង​ មានអាយុកាលចន្លោះពី​ ១០ម៉ឺនឆ្នាំ ទៅ ២លានឆ្នាំ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 7141 នាក់

ម្សិលមិញ 24358 នាក់

សរុប 21102908 នាក់

លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​


(​ភ្នំពេញ​)៖ ឧបនាយករដ្ឋមន្ត្រី កើត រិ​ទ្ធ រដ្ឋមន្ត្រី​ក្រសួងយុត្តិធម៌ បានប្រកាស​ឱ្យ​រួមគ្នា​លុបបំបាត់​ពាក្យ​បណ្តាសា​មួយ​ដែល​តែងតែ​លងបន្លាច​លើ​អង្គចៅក្រម​នោះ​គឺ «​ត្រី​មួយ​កន្ត្រក​ស្អុយ​មួយ​ស្អុយ​ទាំងអស់​»​។ លោក​ថ្លែងថា បើ​ត្រី​ណា​ដែល​ស្អុយ ត្រូវតែ​ដកចេញ កុំឱ្យ​ប៉ះពាល់​ត្រី​ដទៃទៀត ពោលគឺ​ទុក​តែ​ត្រី​ណា​ដែល​ល្អ ដើម្បីឱ្យ​មហាជន មើលទៅ​វិស័យ​យុត្តិធម៌ ដោយ​ភាព​វិជ្ជមាន​។​a keut rith 

​នេះ​បើតាម​ការ​ថ្លែង​ក្នុងឱកាស​ក្រសួងយុត្តិធម៌​បើក​មហាសន្និបាត​បូកសរុប​លទ្ធផល​ការងារ​វិស័យ​យុត្តិធម៌​ទូទាំងប្រទេស ឆ្នាំ​២០២៣ និង​លើក​ទិសដៅ​អាទិភាព ឆ្នាំ​២០២៤ នៅ​ថ្ងៃទី​២៧ ខែមីនា ឆ្នាំ​២០២៤ នៅ​សណ្ឋាគារ Garden City ។​មហាសន្និបាត​នេះ ក៏​នឹង​អនុញ្ញាតឱ្យ​ចៅក្រម ព្រះរាជអាជ្ញា និង តួអង្គ​ដែលមាន​ការពាក់ព័ន្ធ​ទាំងអស់​ក្នុង​វិស័យ​យុត្តិធម៌ ក្តាប់​ឱ្យ​ជាប់​នូវ​អ្វី​ដែលជា​ចក្ខុវិស័យ​, គោលនយោបាយ និង​ទិសដៅ​យុទ្ធសាស្ត្រ​នៃ​ការងារ​កែទម្រង់​ប្រព័ន្ធយុត្តិធម៌​របស់​រាជរ​ដ្ឋា​ភិ​បាល​នីតិកាល​ទី​៧ នៃ​រដ្ឋសភា ដែល​ត្រូវ​រួមគ្នា​ចូលរួម​អនុវត្ត សំដៅ​លើកកម្ពស់​មុខមាត់​នៃ​វិស័យ​យុត្តិធម៌ និង​ពង្រឹង​ជំនឿ​ទុកចិត្ត​របស់​ប្រជាជន និង អ្នកវិនិយោគ​មក​ប្រព័ន្ធ​ច្បាប់ និង​ប្រព័ន្ធយុត្តិធម៌​នៅ​កម្ពុជា​។​​បើតាម​ឧបនាយករដ្ឋមន្ត្រី កើត រិ​ទ្ធ​, លោក​មិន​ចង់ឱ្យមាន​ត្រី​ស្អុយ នៅក្នុង​វិស័យ​តុលាការ​នោះទេ​។ លោក​អះអាងថា ចាប់ពី​ថ្ងៃនេះ​ទៅ ត្រូវអនុវត្ត​ម៉ោង​វិន័យ ដើម្បី​ដកចេញ​បណ្តាសា ត្រី​មួយ​កន្ត្រក ស្អុយ​មួយ​ស្អុយ​ទាំងអស់​ចេញ​។​

លោក​ឧបនាយករដ្ឋមន្ត្រី កើត រិ​ទ្ធ បានបញ្ជាក់​យ៉ាង​ដូច្នេះ «​អីចឹង​ត្រូវ​ឯកភាពគ្នា​លើ​ទស្សនៈ​នេះ​។ ឯកភាពគ្នា​ថា ដើម្បី​ដើរ​ឆ្ពោះទៅកាន់​ទិសដៅ​នេះ មិន​ត្រឹមតែ​ធ្វើ​សកម្មភាព​ព្រម​គ្នា​ទេ ក៏​យើង​ត្រូវ​ឯកភាពគ្នា​ថា ក្រៅពី​ឆន្ទៈ ការទទួលខុសត្រូវ មាន​ចំណុច​មួយ​ដែល​ឯកឧត្តម (​ជីវ កេង​) ប្រធាន​តុលាការ​កំពូល​លើកឡើង ឱ្យ​ច្បាស់លាស់​ជាមួយគ្នា​ថា ពាក្យ​ថា ត្រី​មួយ​កន្ត្រក​ស្អុយ​មួយ​ស្អុយ​ទាំងអស់នេះ គឺជា​ពាក្យ​បណ្តាសា​មួយ​ទេ ប៉ុន្តែ យើង​មិន​ចង់ឱ្យ​ពាក្យ​បណ្តាសារ​មួយ​នេះ វា​លង​លើ​អង្គចៅក្រម​នោះទេ​។ អីចឹង​ត្រី​មួយ​កន្ត្រក បើ​វា​ស្អុយ​មួយ កុំឱ្យ​វា​ស្អុយ​មួយ​កន្ត្រក​។ ដក​ត្រី​ដែល​ស្អុយ​ចេញទៅ​។ ទុកឱ្យ​ត្រី​ដទៃទៀត​ដែល​ល្អ កុំឱ្យ​ស្អុយ​ទៅតាម​ត្រី​ដែល​ស្អុយ​»​។​

​លោក​កើត​រិ​ទ្ធ​បាន​ឲ្យ​ដឹង​ពី​យន្តការ​ដក់យក​ត្រី​ស្អុយ​ក្នុង​កន្ត្រ​កថា «​ទិសដៅ​របស់​យើង អត់​មាន​អ្វី​ក្រៅពី​ការផ្តល់សេវា​យុត្តិធម៌​ឱ្យបាន​ល្អប្រសើរ​ទេ កាន់តែ​សុ​ក្រឹត្យ​។ ទិសដៅ​របស់​យើង គឺ​ដើម្បីឱ្យ​ប្រជាពលរដ្ឋ​មាន​ជំនឿ​ទុកចិត្ត មកលើ​ប្រព័ន្ធតុលាការ​របស់​យើង ប្រព័ន្ធយុត្តិធម៌​របស់​យើង​។ ទិសដៅ​របស់​យើង ចង់ឱ្យ​អង្គចៅក្រម​ក្លាយជា​បង្អែក ដ៏​កក់ក្តៅ​របស់​ប្រជាពលរដ្ឋ​ដែល​រងគ្រោះ ដោយ​អំពើ​អយុត្តិធម៌ នៅក្នុង​សង្គម​»​។​តាម​លោក​រដ្ឋមន្ត្រី​លោក​ក៏​នឹង​ពង្រឹង​សុ​ច្ចរិតភាព និង​ភាពត្រឹមត្រូវ​នៃ​ការអនុវត្ត​ការងារ​របស់​មន្ដ្រី​តុលាការ តាមរយៈ​ការពង្រឹង​វិន័យ សិ​ល​ធម៌ វិជ្ជាជីវៈ​ក្នុង​វិស័យនេះ សំដៅ​លើកកម្ពស់​កិត្តិយស និង​សេចក្ដីថ្លៃថ្នូរ នៃ​អង្គ​តុលាការ​បន្ថែមទៀត​។​

លោក​ឧបនាយករដ្ឋមន្ត្រី កើត រិ​ទ្ធ រដ្ឋមន្ត្រី​ក្រសួងយុត្តិធម៌ បានបញ្ជាក់​ឱ្យដឹងថា ផ្អែក​តាម "​យុទ្ធសាស្ត្រ​បញ្ច​កោណ - ដំណាក់កាល​ទី​១” និង “​វិធានការ​គន្លឹះ​ទី​៥”, ជា​ទិសដៅ​ទៅមុខ ការកែទម្រង់​ប្រព័ន្ធយុត្តិធម៌​នៅ​កម្ពុជា នឹងត្រូវ​ប្រមូលផ្តុំ​ការយកចិត្តទុកដាក់​ទៅលើ “​សសរស្តម្ភ​” សំខាន់​ចំនួន ២ គឺ ការកែទម្រង់​ប្រព័ន្ធតុលាការ និង​ការកែទម្រង់​ការដោះស្រាយ​វិវាទ​ក្រៅ​ប្រព័ន្ធតុលាការ​។ តាម​យុទ្ធសាស្ត្រ​បញ្ច​កោណ​-​ដំណាក់កាល​ទី​១ របស់​រាជរដ្ឋាភិបាល គឺ ការធានា និង​ការសម្រេច​ឱ្យបាន​នូវ​គោលដៅ​ចម្បង​យ៉ាងតិច​ចំនួន ២ គឺ​៖ (​ទី​១)-​គុណភាព​នៃ​យុត្តិធម៌​កាន់តែ​សុ​ក្រឹត្យ និង (​ទី​២)-​ការផ្តល់សេវា​យុត្តិធម៌​កាន់តែ​រហ័ស និង កាន់តែ​ល្អប្រសើរ ដែល​គោលដៅ​ចម្បង​ទាំងពីរ​នេះ គឺជា​មូលដ្ឋាន​នៃ​ការពង្រឹង​ជំនឿ​ទុកចិត្ត​លើ​អំណាចតុលាការ​ពី​សំណាក់​ប្រជាពលរដ្ឋ និង អ្នកវិនិយោគ ។

​ដោយឡែក ការកែទម្រង់​ការដោះស្រាយ​វិវាទ​ក្រៅ​ប្រព័ន្ធតុលាការ​នៅ​កម្ពុជា តាមរយៈ​ការបង្កើត​យន្តការ​ដោះស្រាយ​វិវាទ​ក្រៅ​ប្រព័ន្ធតុលាការ សំដៅ​បង្ខិត​សេវា​នៃ​ការដោះស្រាយ​វិវាទ​ដែលមាន​លក្ខណៈ​ងាយស្រួល និង​សម្បូរបែប​ឱ្យ​ទៅជិត​ប្រជាពលរដ្ឋ​នៅ​មូលដ្ឋាន​, ជួយ​សម្រុះសម្រួល​ផ្សះផ្សា​ដោះស្រាយ​បញ្ចប់​វិវាទ​ឱ្យបាន​ឆាប់រហ័ស​ជូន​ប្រជាពលរដ្ឋ ព្រមទាំង​រួមចំណែក​លើកកម្ពស់​វប្ប​ធម៌​សន្តិភាព​និយម​ក្នុងសង្គម​កម្ពុជា​។​ទោះ លោក​ឧបនាយករដ្ឋមន្ត្រី បាន​បន្តថា បើទោះបី អាជ្ញាធរ​ជាតិដោះស្រាយ​វិវាទ​ក្រៅ​ប្រព័ន្ធតុលាការ ត្រូវបាន​បង្កើតឡើង​ក្តី ប៉ុន្តែ អ្វីដែល​សំខាន់ គឺ​ការលើកកម្ពស់ ការសម្រុះសម្រួល​ដោះស្រាយ​វិវាទ​រវាង​គូភាគី​ទាំង​នៅក្នុង​ប្រព័ន្ធតុលាការ ទាំង​នៅក្រៅ​ប្រព័ន្ធតុលាការ ។ ចៅក្រម​ទាំងអស់ គប្បី​ព្យាយាម​ធ្វើការ​សម្របសម្រួល និង​ផ្សះផ្សា ដើម្បី​អាច​បញ្ចប់​វិវាទ​នៅក្នុង​សំណុំរឿង​រដ្ឋប្បវេណី​នានា មុននឹង​ឈានទៅ​សម្រេចសេចក្តី​តាម រយៈ​ការចេញ​សាលក្រម ឬ សាលដីកា ដើម្បី​ម្យ៉ាង​អាច​បញ្ចប់​វិវាទ​នោះ​ឱ្យបាន​ឆាប់រហ័ស​ផង និង​ម្យ៉ាងទៀត ធ្វើឱ្យ​គូភាគី​ទទួលបាន​នូវ​លទ្ធផល​ឈ្នះ​-​ឈ្នះ​ទាំងអស់គ្នា ហើយ​ដែល​នេះ ក៏​ជា​យុត្តិធម៌​មួយ​សម្រាប់​គូភាគី​ផងដែរ ។ លោក​ឧបនាយករដ្ឋមន្ត្រី ក៏បាន​បង្ហើប​ឱ្យដឹងថា នាពេលខាងមុខ​, កម្ពុជា ក៏​នឹង​បង្កើតឱ្យមាន​វិជ្ជាជីវៈ​ថ្មី​មួយ គឺ វិជ្ជាជីវៈ​សន្ធាន​ការី ។​


​សូមបញ្ជាក់ថា នៅក្នុង​ពិធី​ប្រកាស​ចូលកាន់​តំណែង​រប​ស់លោក ដែល​ធ្វើឡើង​ក្រោម​អធិបតីភាព​សម្តេច​ក្រឡា​ហោម ស ខេង អតីត​ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ នៅ​ថ្ងៃទី​០១ ខែមេសា ឆ្នាំ​២០២០ បានប្រកាស​ប្តេជ្ញាចិត្ត​ក្នុងការ​ធ្វើកំណែទម្រង់​ច្បាប់ និង​ប្រព័ន្ធយុត្តិធម៌​នៅ​កម្ពុជា ស្របតាម​គោលនយោបាយ​របស់​រាជ​រដ្ឋាភិបាល ដើម្បី​ពង្រឹង​ទំនុកចិត្ត​លើ​ប្រព័ន្ធយុត្តិធម៌​នៅក្នុង​ប្រទេស​កម្ពុជា​។​
​អតីត​ភាពជា​និស្សិត​អាហារូបករណ៍​ផ្នែក​ច្បាប់​ដ៏​ឆ្នើម​ពី​ប្រទេស​បារាំង​រូបនេះ បាន​គូសបញ្ជាក់ថា ដើម្បី​សម្រេចបាន​គោលដៅ និង​ការប្តេជ្ញាចិត្ត​ទាំងនេះ គឺ​ទាម​ការចូលរួម​យ៉ាងសកម្ម​ពី​ថ្នាក់ដឹកនាំ និង​មន្ដ្រី​ទាំងអស់​នៃ​ក្រសួង​យុត្ដិធម៌ ក៏ដូចជា​មន្ដ្រី​តុលាការ​គ្រប់​ជាន់ថ្នាក់ ព្រមទាំង​ស្ថាប័ន​ពាក់ព័ន្ធ​ដទៃទៀត​៕a keut rith3 a keut rith4 

 


​