» ឡានដឹកសិស្សសាលាប៊ែលធីក្រឡាប់ស្លាប់សិស្ស៥នាក់របួស៣នាក់បង្កការព្រួយបារម្ភដល់រដ្ឋមន្ត្រី! » ចាប់ខ្លួនស្ត្រីថៃ ៣នាក់ដែល សម្ងំក្នុងខុនដូនៅបាងកក ធ្វើប្រតិបត្តិការ ចែកចាយកូកាអ៊ីនតាមនំប៉័ង ២ឆ្នាំ ហើយ » ព្រះមហាក្សត្រ ផ្តល់​សញ្ជាតិ​ខ្មែរ ដល់ លោក Jon F. Morgan ស្ថាបនិកគ្លីនិកបណ្តែតទឹកកម្ពុជា » សម្តេចធិបតី ហ៊ុន ម៉ាណែត ណែនាំដល់សាលាពលទាហានដែលមានភារកិច្ចហ្វឹកហ្វឺនត្រូវបង្កើតបរិយាកាសអំណោយផលដល់ការហ្វឹកហាត់របស់យោធិនកាតព្វកិច្ចយោធា » មង្គលការមួយដែល​គ្មាន​កូន​កំលោះ​ ដោយ​សារ​ខាងប្រុស​ខឹងខាងស្រីថាថ្ងៃការហើយមានស្រីទៀត!? » ប្រជាពលរដ្ឋសម្រុកទៅ បន្តសុពលភាពបណ្ណបើកបរ របស់ក្រសួងសាធារណការ តែមិនមានបញ្ហារអ៊ូ » លោកវង្សី វិស្សុតរដ្ឋមន្ត្រីទីស្តីការគណរដ្ឋមន្ត្រី ជំរុញឱ្យបង្កើតសហគមន៍ចម្លាក់ភ្នំសន្ទុក ដើម្បីទាក់ទាញភ្ញៀវទេសចរជាតិ-អន្តរជាតិ » លោក រតនៈ វិសិដ្ឋ តារាចម្រៀងនិងជាអ្នកសម្តែងស្លាប់តែម្នាក់ក្នុងនបន្ទប់ជួលនៅអាមេរិកដោយគ្មានអ្នកណាដឹង! » សិស្សស្រីអាយុ១៦ឆ្នាំម្នាក់បានស្លាប់ដោយសារជិះម៉ូតូទាក់ដៃចង្កូតជាមួយម៉ូតូមួយគ្រឿងទៀតដួលបោកក្បាល » មេបង្ក្រាបបង្ហើបពីការធ្វើកិច្ចសហការជាមួយ FBI និង Interpolដើម្បីបង្ក្រាបscam! » ទិវាជាតិអាហារូបត្ថម្ភ លើកទី១៣នាយករដ្ឋមន្ត្រីឲ្យប្រុងយត្ន័រឿងហូបព្រោះ«ការវិនិយោគលើអាហារូបត្ថម្ភ គឺជាការវិនិយោគលើមនុស្ស»! » អាមេរិកដាក់ទណ្ឌកម្មលើបុគ្គល៤រូប និងក្រុមហ៊ុនចំនួន៤១ ដែលមានជាប់ពាក់ព័ន្ធនឹងក្រុមហ៊ុនព្រីនស៍គ្រុបក្នុងពេលប្រទេសសឹង្ហបុរីចាប់ខ្លួនបានម្នាក់ដែរ! » ស្នងការដ្ឋានខេត្ដកោះកុងនឹងចាត់វិធានការលើមន្ដ្រីនគរបាលដែលល្មើសវិន័យនាំគ្នាលេងបៀនៅកន្លែងធ្វើការ! » អតីតអ្នកនាំពាក្យក្រសួងការពារជាតិថៃនាងប៊ូម ប៉ាណាត់ដា ត្រូវនគរបាលចាប់ឃាត់ខ្លួនពាក់ពន្ធ័បទល្មើសគៃលុយមូលនិធិ » បញ្ហា កម្មករនៅរោងចក្រ ប្រាយហ្វ្ាសស៊ីង តវ៉ាត្រូវបានដោះស្រាយឯកភាពចូលធ្វើការវិញនៅថ្ងៃ៥វិច្ឆិកា

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 10379 នាក់

ម្សិលមិញ 12477 នាក់

សរុប 21130055 នាក់

សម្ដេចធិបតី ហ៊ុន ម៉ាណែត៖ ៤ថ្ងៃហើយមិនទាន់បានឃើញលោក អ៊ុំ សំអាន ផ្តល់ចម្លើយច្បាស់លាស់ក្នុងពេលអ៊ុំសំអានរុញឲ្យ២៣តុលាវិញ

 

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា រយៈពេល៤ថ្ងៃហើយ ដែលមិនទាន់បានឃើញលោក អ៊ុំ សំអាន ផ្តល់ចម្លើយច្បាស់លាស់ពាក់ព័ន្ធនឹងការអញ្ជើញរបស់សម្ដេចនោះឡើយ។ សាររបស់សម្ដេចនាយករដ្ឋមន្រ្តី តាមរយៈបណ្ដាញសង្គម នារាត្រីថ្ងៃទី១៣ ខែតុលា ឆ្នាំ២០២៦បានសសេរថា៖ «មកដល់ពេលនេះគឺរយៈពេល៤ថ្ងៃហើយ ដែលខ្ញុំមិនទាន់បានឃើញលោក អ៊ុំ សំអាន ផ្តល់ចម្លើយច្បាស់លាស់ពាក់ព័ន្ធ នឹងការអញ្ជើញរបស់ខ្ញុំចំពោះគាត់ និងក្រុមជំនាញព្រំដែនរបស់គាត់ឱ្យនាំយកនូវឯកសារ និងភស្តុតាងទាំងឡាយដែលលោកមាន ពាក់ព័ន្ធនឹងព្រំដែនកម្ពុជា-ថៃ នៅចន្លោះបង្គោលសីមាលេខ ៥២ និង ៥៩ មកជជែកគ្នាត្រង់ទៅត្រង់មក ជាមួយក្រុមការងារជំនាញព្រំដែនរបស់រដ្ឋលេខាធិការដ្ឋានកិច្ចការព្រំដែននៅកម្ពុជា ដើម្បីបង្ហាញនូវតម្លាភាព គណនេយ្យភាព ភាពត្រឹមត្រូវ និងការទទួលខុសត្រូវរបស់យើង ចំពោះមុខប្រជាពលរដ្ឋ ពាក់ព័ន្ធនឹងបញ្ហាព្រំដែនជាមួយប្រទេសថៃ ជាពិសេសនៅក្នុងដំណាក់កាលព្រំដែនកម្ពុជា-ថៃ មិនទាន់បានដោះស្រាយចប់។a manet oum 

ឃើញតែគាត់ចេញសារជាច្រើនក្នុងប៉ុន្មានថ្ងៃមកនេះ ម្តងថាខ្លាចគេលបបាញ់គាត់ ឬវាយគាត់បែកក្បាល ម្តងថាគាត់ព្រមចាញ់ដើម្បីខ្មែរឈ្នះ។ល។ ហើយចុងក្រោយនេះ ឃើញទៅពឹងអង្គការចាត់តាំងក្រៅច្បាប់មួយ មកដាក់ជាលក្ខខណ្ឌវែងអន្លាយជាមួយរាជរដ្ឋាភិបាលស្របច្បាប់ ដែលហាក់ដូចជាលក្ខខណ្ឌដើម្បីដោះខ្លួន ចេញពីការអញ្ចើញឱ្យមកជជែកគ្នាបញ្ជាក់តំបន់តូចមួយនៃខ្សែព្រំដែននៅចន្លោះបង្គោលព្រំដែនលេខ ៥២ និង ៥៩ ដែលគាត់ចោទថា មន្ត្រីជំនាញព្រំដែនរបស់រាជរដ្ឋាភិបាល បានលួចឱ្យថៃបោះបង្គោលចូលដីខ្មែរ។ បើគ្រាន់តែបញ្ជាក់លើដីប៉ុន្មានគីឡូម៉ែត្រ គាត់មិនហ៊ានមកជជែក ឬមិនមានឯកសារមកជជែកផង តើរំពឹងថាគាត់អាចធ្វើលើព្រំដែនទាំងមូលទេ។ នៅរង់ចាំចម្លើយច្បាស់លាស់ពីគាត់ពាក់ព័ន្ធនឹងការអញ្ជើញមកជជែកគ្នា ករណីព្រំដែនកម្ពុជា-ថៃចន្លោះបង្គោលលេខ ៥២ និង ៥៩»។

សូមបញ្ជាក់ថា កាលពីថ្ងៃទី១១ ខែតុលាកន្លងទៅ សម្ដេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបញ្ចេញសារអញ្ចើញលោក អ៊ុំ សំអាន និងក្រុមជំនាញព្រំដែនរបស់លោក នាំយកនូវឯកសារ និងភស្តុតាងទាំងឡាយដែលលោកមាន ពាក់ព័ន្ធនឹងព្រំដែនកម្ពុជា-ថៃ នៅចន្លោះបង្គោលសីមាលេខ ៥២ និង ៥៩ មកជជែកគ្នាត្រង់ទៅ ត្រង់មក ជាមួយក្រុមការងារជំនាញព្រំដែនរបស់រដ្ឋលេខាធិការដ្ឋានកិច្ចការព្រំដែន នៅកម្ពុជា ដើម្បីបង្ហាញនូវតម្លាភាព គណនេយ្យភាព ភាពត្រឹមត្រូវ និងការទទួលខុសត្រូវរបស់យើង ចំពោះមុខប្រជាពលរដ្ឋ ពាក់ព័ន្ធនឹងបញ្ហាព្រំដែនជាមួយប្រទេសថៃ ជាពិសេសនៅក្នុងដំណាក់កាលព្រំដែនកម្ពុជា-ថៃ មិនទាន់បានដោះស្រាយចប់។

ឆ្លើយតបសាររបស់សម្តេច ហ៊ុន ម៉ាណែត លោកអ៊ុំសំអាននៅថ្ងៃទី១១តុលាបានសសេរថា ខ្ញុំសូមអរគុណចំពោះលោក ហ៊ុន ម៉ាណែត ដែលធានាសុវត្ថិភាពដល់ខ្ញុំនិងក្រុមការងារ ប្រសិនបើពួកខ្ញុំទៅប្រទេសកម្ពុជា។ អ្វីដែលខ្ញុំចងបានគឺខ្ញុំចង់ឈ្នះថៃបានទឹកដីត្រលប់មកវិញជាជាងឈ្នះខ្មែរគ្នាឯង។ ខ្ញុំចង់បានការបង្រួបង្រួមជាតិ ឯកភាពជាតិនិងការដោះលែងអ្នកទោសមនសិការជាង១០០នាក់។ ក្នុងនាមខ្មែរដូចគ្នា ខ្ញុំចង់ធ្វើការសហការជាមួយលោក ហ៊ុន ម៉ាណែត ក្នុងការដាក់ប្តឹងថៃទៅកាន់តុលាការយុត្តិធម៌អន្តរជាតិ(ICJ) និងសហប្រធាននៃកិច្ចព្រមព្រៀងទីក្រុងប៉ារីសឆ្នាំ១៩៩១ ដើម្បីទាមទារទឹកដីខ្មែរ៨១ទីតាំងត្រឡប់មកវិញ។ ពលរដ្ឋខ្មែរចង់ឃើញខ្ញុំនិងលោក ហ៊ុន ម៉ាណែត ចាប់ដៃគ្នាប្តឹងថៃទៅកាន់តុលាការអន្តរជាតិ ដើម្បីទាមទារទឹកដីខ្មែរមកវិញ ជាជាងការជជែកដេញដោលគ្នាយកចាញ់ឈ្នះរវាងខ្មែរនិងខ្មែរ។

ការជជែកដេញដោលគ្នា បើខ្ញុំចាញ់ឬលោក ហ៊ុន ម៉ាណែត ចាញ់ ក៏កម្ពុជាមិនបានទឹកដីខ្មែរ៨១ទីតាំងពីថៃមកវិញនោះទេ។ មានតែការសហការគ្នានិងខ្មែរមានឯកភាពជាតិទេ ទើបកម្ពុជាឈ្នះថៃនិងអាចដណ្តើមទឹកដីខ្មែរត្រឡប់មកវិញ។បន្ទាប់មកទៀតនៅថ្ងៃទី១២តុលាលោកអ៊ុំសំអានក៏បានចេញលិខិតចំហរមួយទៀតដោយរុញបញ្ហាទៅក្រុម២៣តុលានៅក្រៅប្រទេសវិញ។ក្នុងនោះលោកអ៊ុំសំអានបានដាក់លក្ខណ្ឌ័៣ចំណុច៖

លោក អ៊ុំ សំអាន ឲ្យដឹងថា លោកនឹងស្នើទៅរដ្ឋាភិបាលកម្ពុជាឯករាជ្យ ២៣តុលា កោះប្រជុំដើម្បីពិនិត្យលទ្ធភាពបញ្ជូនប្រតិភូផ្លូវការទៅរាជធានីភ្នំពេញ។លោក អ៊ុំ សំអាន ក៏បានស្នើទៅសម្តេច ហ៊ុន ម៉ាណែត ឲ្យបើកវេទិកាជជែកដេញដោលគ្នាជាសាធារណៈដើម្បីរកដំណោះស្រាយលើរបៀបវារៈចំនួន៣ គឺបញ្ហាព្រំដែនគោកកម្ពុជា-ថៃ ជារួម បញ្ហាដែនសមុទ្រដែលកម្ពុជាមានជម្លោះជាមួយថៃ និងស្នើឲ្យរដ្ឋាភិបាលលោក ហ៊ុន ម៉ាណែត ធ្វើសេចក្តីស្នើទៅរដ្ឋាភិបាលបារាំងឲ្យបញ្ជូនអ្នកជំនាញបច្ចេកទេស និងផែនទីចូលរួមផ្ទៀងផ្ទាត់ និងទម្លាក់ពីផែនទីទៅលើដីជាក់ស្តែង។

នៅក្នុងលិខិតដដែលនេះ លោក អ៊ុំ សំអាន ក៏បានបញ្ជាក់ជំហរច្បាស់លាស់ដែរថា លោក និងក្រុមរបស់លោកមិនមានចេតនាណាមួយជជែកវាយប្រហារដណ្តើមយកឈ្នះចាញ់ឡើយ តែដើម្បីស្វែងរកដំណោះស្រាយបញ្ហាទឹកដីសុទ្ធសាធ។

តែដើម្បីធានាដល់ការចូលរួមរកដំណោះស្រាយបញ្ហាជាតិនេះ អ្នកនយោបាយប្រឆាំងរូបនេះក៏បានស្នើលក្ខខណ្ឌចំនួន ៣ ទី១ ស្នើឲ្យសម្តេច ហ៊ុន ម៉ាណែត ធ្វើអន្តរាគមន៍ទម្លាក់​ចោល​បទចោទ និងលើកលែងទោសសម្រាប់សមាសភាពប្រតិភូរបស់លោក ទី២ ជំនួបពិភាក្សានេះធ្វើឡើងពីថ្ងៃទី១ ដល់ទី៧ ខែវិច្ឆិកា ឆ្នាំ២០២៦ ហើយត្រូវមានបន្តទៀតដើម្បីរកដំណោះស្រាយឲ្យបានពេញលេញ និងទី៣ ស្នើឲ្យលោកនាយករដ្ឋមន្ត្រីចេញលិខិតបញ្ជាក់ជាផ្លូវការពីការធានាសុវត្ថិភាពប្រតិភូរបស់លោក។a oum reply a oum reply1 a oum soman1