បើ ដើមឈើរលំសង្កត់យានយន្ត មិនមែនជាការទទួលខុសត្រូវរបស់មន្ទីរសាធារណការចុះបើកាប់ដើមឈើវិញ?

កាសែតរាយការណ៍បទល្មើសនេសាទមន្ត្រីជលផលប្រាប់ថាចាប់យកមកគេគ្មានកម្លាំងចាប់ទេ?

នៅក្បែរកោះបារាំង ក្នុងតំបន់រ៉ាមសារកោះកាពិ ខេត្តកោះកុង សាឡង់ចាប់បូមខ្សាច់ទៀតហើយ

ឆ្ងល់ថាតើមន្ត្រីជាន់ខ្ពស់រាជរដ្ឋាភិបាលពីររូបបានលុយពីណាជួយឧបត្ថម្ភកីឡាករប្រដាល់?

សមត្តកិច្ចបង្ក្រាបក្លឹបកំសាន្តពីរដោយគ្មានច្បាប់ចែងថាមានបទល្មើស?

ឧកញ៉ាគិតម៉េងជួបមេពន្ធដារឿងការវ៉ៃពន្ធអាញ៉េអាញ៉ៃគ្មានតម្លាភាព!

ដោះលែងឧកញ៉ាបោកប្រជាពលរដ្ឋយកបានលុយជាង១២លានដុល្លារឲ្យនៅក្រៅឃុំតែមិប្រាប់រឿងប្រាក់ធានា

ជាច្រើនទៀត

ចំនួនអ្នកទស្សនា

ថ្ងៃនេះ 111 នាក់

ម្សិលមិញ 3355 នាក់

សរុប 13408987 នាក់

កម្ពុជាផលិតបានប្រេងកាតដោយខ្លួនឯងនៅឆ្នាំ២០១៩លែងខ្ចីលុយគេនិងលែងខ្លាចទណ្ឌកម្ម?

02-November-2023 / សេដ្ឋកិច្ច

ភ្នំពេញ៖ កម្ពុជានឹងទទួលបានប្រេងចំនួន៣ម៉ឺនបារ៉ែលក្នុងមួយថ្ងៃនៅឆ្នាំ ២០១៩ ខាងមុខ។ នេះបើតាមការប្រកាសរបស់ក្រុមហ៊ុនរុករកប្រេង និងឧស្ម័នឯករាជ្យ KrisEnergy Ltd. របស់សិង្ហបុរី កាលពីថ្ងៃទី០៩ ខែវិច្ឆិកា ឆ្នាំ២០១៨ ថា ក្រុមហ៊ុន SJ Production Barge Ltd ដែលជាបុត្រសម្ព័ន្ធរបស់ខ្លួន បានព្រមព្រៀងផ្ដល់កិច្ចសន្យាដល់ក្រុមហ៊ុន Keppel Shipyard Ltd ក្នុងការកែលំអ និងធ្វើឲ្យប្រសើរឡើងនូវនាវាផលិតកម្មរបស់ខ្លួន សម្រាប់ការប្រើប្រាស់ក្នុងការអភិវឌ្ឍន៍អណ្ដូងប្រេងកាតអប្សរានៅក្នុងប្លុក A ស្ថិតក្នុងដែនសមុទ្រកម្ពុជា ក្នុងតម្លៃប្រមាណ ២១,៧ លានដុល្លារ។ a cambodia oil

ក្រុមហ៊ុន KRUSENERGY បានធ្វើការខួងយកប្រេងក្នុងប្លុក A របស់កម្ពុជា ដែលគ្របដណ្ដប់លើផ្ទៃដីទំហំប្រមាណ ៣ពាន់គីឡូម៉ែត្រការ៉េក្នុងតំបន់ប្រេងនៃសមុទ្រខ្មែរ ដែលជម្រៅទឹកនៅតំបន់នោះ មានចន្លោះពី ៥០ ទៅ ៨០ ម៉ែត្រ។

លោក ជៀប សួរ អគ្គនាយកនៃអគ្គនាយកដ្ឋានប្រេងកាត នៃក្រសួងរ៉ែ និងថាមពល បានបង្ហាញនូវការសាទរចំពោះការរកបានដៃគូនេះ ដោយលោកចាត់ទុកថាជាការសម្រេចបានមួយជំហ៊ានថ្មីទៀត ក្នុងចំណោមជំហ៊ានបន្តបន្ទាប់ទៀត។«យើងសូមអបអរសាទរ ចំពោះការប្រកាសនេះ ដែលវាជាជំហ៊ានមួយក្នុងជំហ៊ានផ្សេងទៀត ដើម្បីឆ្ពោះទៅរកដំណក់ប្រេងនៅចុងឆ្នាំ២០១៩»។

លោកបញ្ជាក់ថា ជាជំហ៊ានបន្ទាប់ នៅពេលនេះក្រុមហ៊ុន KrisEngergy កំពុងរកអ្នកផ្តល់សេវាអភិវឌ្ឍន៍ផ្លាតហ្វមក្បាលអណ្តូង ដើម្បីដាក់ក្បាលខួង ហើយបន្ទាប់មកស្វែងរកអ្នកផ្តល់សេវាកម្មខួងអណ្ដូង ដែលប្រហែលជាត្រូវខួងចំនួន២០អណ្តូង។

បន្ទាប់ពីមានផ្លេតហ្វមក្បាលអណ្តូង និងសេវាកម្មខួង ហើយក្រុមហ៊ុននេះត្រូវរកអ្នកផ្តល់សេវានាវាផលិតកម្ម ដើម្បីធ្វើផលិតកម្មញែប្រេង ឧស្ម័ន ទឹក និងល្បាយផ្សេងៗចេញពីគ្នា ហើយនៅពេលនេះ KrisEnergy រកបានដៃគូនាវាផលិតកម្មរួចហើយ។ ជំហ៊ានបន្ទាប់មកទៀតនោះ គឺក្រុមហ៊ុននេះ ត្រូវរកកប៉ាល់ស្តុកប្រេង ដើម្បីស្តុកប្រេងដែលបូមបាន នឹងនាំចេញទៅលក់។
លោកអគ្គនាយករំពឹងថា នៅដើមឆ្នាំ២០១៩ ដ៏ខ្លីខាងមុខនេះ KrisEngergy នឹងរកបាននូវអ្នកផ្តល់សេវាអភិវឌ្ឍន៍ផ្លេតហ្វមក្បាលអណ្តូង, សេវាកម្មខួងអណ្តូង និងកប៉ាល់ស្តុកប្រេង ដើម្បីឈានទៅសម្រេចបាន ទៅតាមផែនការ ចុងឆ្នាំ២០១៩។

លោកអគ្គនាយកក៏បានបញ្ជាក់កែតម្រូវថា តាមពិតសេចក្តីប្រកាសព័ត៌មានរបស់ក្រុមហ៊ុន KrisEnergy កាលពីពេលថ្មីៗនេះ មិនមែនប្រេងក្នុងអណ្តូងអប្សរា ប្លុក A អាចបូមចេញបាន៣ម៉ឺនបារ៉ែលក្នុងមួយថ្ងៃនោះទេ គឺគ្រាន់តែចង់បញ្ជាក់ថា នាវាផលិតកម្មរបស់ក្រុមហ៊ុនខ្លួន អាចមានសមត្ថភាពកែច្នៃប្រេងបាន៣ម៉ឺនបារ៉ែលក្នុងមួយថ្ងៃ ដោយបំពាក់នូវសម្ភារញែកឧស្ម័ន ប្រេង និងទឹក។

លោកពន្យល់ថា ការបូមបាន៣ម៉ឺនបារ៉ែលក្នុងមួយថ្ងៃ គឺជាសមត្ថភាពរបស់នាវាផលិតកម្ម បានសេចក្តីថា ពេលខ្លះការបូមប្រេងពេលខ្លះបានច្រើន និងពេលខ្លះបានតិច ដែលពេលខ្លះអាចបូមបានជាង២ពាន់បារ៉ែលក្នុង១ថ្ងៃ ហើយថ្ងៃខ្លះវាអាចបានជិត៣ម៉ឺនបារ៉ែលក្នុង១ថ្ងៃ ប៉ុន្តែជាមធ្យមភាគប្រចាំឆ្នាំ ខ្ទង់ក្នុងរង្វង់៧ពាន់បារ៉ែលក្នុង១ថ្ងៃ។
ទំហំទទួលខុសត្រូវការងាររបស់ក្រុមហ៊ុន Keppel Shipyard ទៅលើនាវាផលិតកម្មខាងលើ រួមមានការដំឡើងប្រព័ន្ធម៉ូឌុលផលិតថាមពល ដែលគេហៅថា Electrical House ក៏ដូចជាកន្លែងស្នាក់នៅថ្មី និងការងារជួសជុលកែលម្អដទៃៗទៀត។

នៅពេលឆ្លងកាត់ការកែលម្អហើយរួចរាល់ជាស្ថាពរប្រហែលនៅត្រីមាសទី៣ នៃឆ្នាំ២០១៩ នាវាផលិតកម្មនេះ នឹងមានសមត្ថភាពកែច្នៃប្រេងបានរហូតដល់៣ម៉ឺនបារ៉ែលក្នុងមួយថ្ងៃ និងមានបំពាក់នូវគ្រឿងញែកឧស្ម័ន ប្រេង និងទឹកថែមទៀត។តំបន់ប្លុក A របស់កម្ពុជា គ្របដណ្តប់លើផ្ទៃដីទំហំ ៣,០៨៣គីឡូម៉ែត្រការេនៃអាងសមុទ្រខ្មែរ ដែលស្ថិតក្នុងឈូតសមុទ្រថៃ ជាតំបន់មានជម្រៅចន្លោះពី៥០ ទៅ៨០ម៉ែត្រ៕