ជប៉ុនគាំទ្រកម្ពុជាក្នុងការអនុមត័ច្បាប់ផ្តល់សច្ចាបន័លើអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS)

ភ្នំពេញ៖លោក អ៊ូអិណុ អាត់ស៊ូស៊ី ឯកអគ្គរាជទូតជប៉ុនប្រចាំកម្ពុជា បាននិយាយនៅក្នុងសេចក្តីថ្លែងការណ៍ដោយ ស្វាគមន៍ចំពោះវឌ្ឍនភាពនៃនីតិវិធី ដើម្បីឆ្ពោះទៅរកការផ្តល់សច្ចាប័នលើអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) នៅកម្ពុជា រួមទាំងការអនុម័តនៅក្នុងសម័យប្រជុំពេញអង្គរបស់ព្រឹទ្ធសភាថ្ងៃទី ២១ ខែមករា ឆ្នាំ២០២៦ និងរដ្ឋសភាថ្ងៃទី ១៦ ខែមករា ឆ្នាំ២០២៦។ 

នៅក្នុងសេចក្តីថ្លែងការណ៍ដដែល បានឱ្យដឹងទៀតថា រដ្ឋាភិបាលជប៉ុន រួមទាំងស្ថានទូតជប៉ុនប្រចាំនៅកម្ពុជា បានគាំទ្រកិច្ចខិតខំប្រឹងប្រែងរបស់កម្ពុជាក្នុងការផ្តល់សច្ចាប័នលើអនុសញ្ញា UNCLOS តាមរយៈការរៀបចំសិក្ខាសាលាដោយមានអញ្ជើញអ្នកជំនាញ និងមធ្យោបាយផ្សេងៗទៀត។ រដ្ឋាភិបាលជប៉ុននឹងបន្តចូលរួមចំណែកយ៉ាងសកម្មក្នុងការថែរក្សា និងអភិវឌ្ឍសណ្តាប់ធ្នាប់សមុទ្រដោយសេរី និងបើកចំហ ដែលផ្អែកលើច្បាប់អន្តរជាតិ ដូចដែលបានឆ្លុះបញ្ចាំងនៅក្នុងអនុសញ្ញា UNCLOS ហើយនឹងសហការយ៉ាងជិតស្និទ្ធជាមួយកម្ពុជា។

សេចក្ដីព្រាងច្បាប់ស្តីពី “ការអនុម័តយល់ព្រមលើអនុសញ្ញាអង្គការសហប្រជាជាតិស្ដីពីនីតិសមុទ្រ(UNCLOS)” ត្រូវបានរដ្ឋសភាអនុម័តហើយនៅព្រឹកថ្ងៃទី១៦ ខែមករា ឆ្នាំ២០២៦នេះ។ សេចក្តីព្រាងច្បាប់ស្តីពី “ការអនុម័តយល់ព្រមលើអនុសញ្ញាអង្គការសហប្រជាជាតិស្ដីពីនីតិសមុទ្រ” មានបីមាត្រា។អនុសញ្ញានេះកំណត់អំពីក្របខ័ណ្ឌគតិយុត្តនៃការកំណត់ព្រំដែនសមុទ្រ សេរីភាពផ្នែកនាវាចរណ៍តាមផ្លូវសមុទ្រ សិទ្ធិ និងកាតព្វកិច្ចរបស់រដ្ឋភាគីក្នុងការប្រើប្រាស់លម្ហសមុទ្រ និងសេចក្តីណែនាំនានាសម្រាប់ការធ្វើធុរកិច្ច កិច្ចការពារបរិស្ថាន ព្រមទាំងការគ្រប់គ្រងធនធានធម្មជាតិសមុទ្រដ៏សម្បូរបែប។

ការផ្តល់សច្ចាប័នអនុសញ្ញាអង្គការសហប្រជាជាតិស្តីពីនីតិសមុទ្រនឹងផ្តល់អត្ថប្រយោជន៍ដល់ព្រះរាជាណាចក្រកម្ពុជាដែលជាប្រទេសមានសមុទ្រ ទទួលបាននូវក្របខ័ណ្ឌច្បាប់សមុទ្រមួយពេញលេញ សម្រាប់កិច្ចការសមុទ្រ, ទទួលបានការការពារតាមច្បាប់សមុទ្រអន្តរជាតិទាក់ទងនឹងការគ្រប់គ្រងសមុទ្ររបស់កម្ពុជា និងការពង្រឹងតួនាទីកម្ពុជាលើឆាកអន្តរជាតិ តាមរយៈការពង្រីកកិច្ចសហប្រតិបត្តិការដោយស្មើមុខក្នុងការគ្រប់គ្រងសមុទ្រ, ដោះស្រាយបញ្ហាសមុទ្រជាមួយបណ្តាប្រទេសនានា និងមានសិទ្ធិចូលរួមបោះឆ្នោតជ្រើសរើសសមាសភាពអាជ្ញាធរបាតសមុទ្រអន្តរជាតិ ក៏ដូចជាចៅក្រមតុលាការអន្តរជាតិនីតិសមុទ្រជាដើម.។សូមបញ្ជាក់ថាការអនុមត័ផ្តល់សច្ចាប័នលើអនុសញ្ញា UNCLOSនេះបានកើតឡើងបន្ទាបពីនាយករដ្ឋមន្ត្រីសម្តេចធិបតីហ៊ុនម៉ាណែតចុះហត្ថលេខាជាមួយលោកប្រធានាថិបតីអាមរិកដូណាល់ត្រាំក្នុងបើកឲ្យអាមេរិករុករករ៉ែកម្រក្នុងប្រទេសកម្ពុជា។ចឹងបើក្រុមហ៊ុនអាមេរិកមករក៊ស៊ីប្រេងក្នុងសមុទ្ទខ្មែរថៃនឹងមិនហ៊ានមាក់ងាយឬរករឿងអីទេ។តែមិនដឹងថាតើវៀតណាមនឹងប្រតិកម្មយ៉ាងណាចំពោះកិច្ចព្រមព្រៀងស្តីពីការបង្កើតដែនទឹកប្រវត្តិសាស្ត្រឆ្នាំ១៩៨២នោះនៅឡើយទេ?។