ឈ្មួញធ្វើសកម្មភាពកាយកើបយកខ្សាច់លក់បង្កផលប៉ះពាល់ស្ពាននៅឃុំសុចិត្រអាជ្ញាធរថាអត់ដឹងចាំទៅមើកសិន!

ខេត្តកំពង់ធំ៖នៅ ឃុំសុចិត្រ ភូមិក្រាំង ស្រុកសណ្ដាន់ ខេត្តកំពង់ធំ​នៅថ្ងៃទី២០មករាគេឃើញមាន គ្រឿងចាក់អេស្កាវ៉ាទ័រ រួមទាំងឡានបែនជាច្រើនគ្រឿងបាននិងកំពុងសម្រុកដឹកជញ្ជូនខ្សាច់តកទៅលក់ដូដោយពុំទាន់មានច្បាប់អនុញ្ញាតឱ្យធ្វើអាជីវកម្មនៅឡើយ មានត្រឹមតែច្បាប់ស្នើសុំតែប៉ុណ្ណោះ ។ 

សកម្មភាពនេះធ្វើឱ្យពលរដ្ឋនៅក្នុងភូមិក្រាំង ឃុំសុចិត្រ ស្រុកសណ្ដាន់ មានការខឹងសម្បារយ៉ាងខ្លាំងចំពោះម្ចាស់គ្រឿងចក្រទាំងនេះដែលបានកាយខ្សាច់ធ្វើឱ្យប៉ះពាល់ទៅដល់ខ្សាច់ក្នុងស្ទឹងនិងស្ពានដែលរាជរដ្ឋាភិបាល បានអភិវឌ្ឍដើម្បីជាមធ្យោបាយដឹកជញ្ជូនកសិផលប្រជាពលរដ្ឋពួកគាត់។ប្រជាពលរដ្ឋរាយការណ៍ថាសកម្មភាពកាយខ្សាច់ក្នុងស្ទឹងពោធិរោង ដែលស្ថិតក្នុងភូមិក្រាំង ឃុំសុចិត្រ ស្រុកសណ្ដាន់ ក្រុមឡានបែនជាច្រើនគ្រឿងកំពុងតែដឹកចូលទៅក្នុងក្រុមហ៊ុនរ៉ែមាសមួយកន្លែងដែលមានឈ្មោះថា ឡេងចេង ស្ថិតនៅតំបន់ស្នងអនភូមិឧបសម្ព័ន្ធ ឃុំសុចិត្រ ។

បើតាមការ បញ្ជាក់ពីមេការម្នាក់បាននិយាយប្រាប់មកភ្នាក់ងារអង្គភាពយើងថាគេដឹកយកទៅដើម្បីធ្វើមន្ទីរបក្សផង ។តែបើតាមប្រភពពីពលរដ្ឋបានប្រាប់មកភ្នាក់ងារអង្គភាពយើងថាពុំបានដឹកទៅធ្វើមន្ទីរបក្សអីនោះទេគ្រាន់តែយកមន្ទីរបក្សធ្វើជាខែល និងបិទបាំងដើម្បីធ្វើអាជីវកម្មយកលុយដាក់ហោប៉ៅខ្លួនឯងតែប៉ុណ្ណោះ។

ប្រជាពលរដ្ឋរស់នៅក្នុងភូមិនោះគាត់បាននិយាយថាទោះបីមានមានច្បាប់អាជីវកម្មក៏ដោយក៏ត្រូវតែរកកន្លែងឱ្យឆ្ងាយពីស្ពានដែលរាជរដ្ឋាភិបាលបានធ្វើជូនទុកឱ្យប្រជាពលរដ្ឋគ្រាន់នឹងធ្វើដំណើរងាយស្រួលក្នុងការបង្កបង្កើនផលឬក្នុងការប្រើប្រាស់ផ្សេងៗជាយកថាហេតុ។អ្នកសារពត៍មានបានសុំការបញ្ជាក់ពីលោកមេឃុំសុចិត្រ លោក ប្រាក់ មិន លោកឆ្លើយថាលោកកំពុងតែប្រជុំនៅស្នាក់ការស្រុក?។ ឯលោកអភិបាលស្រុកសណ្ដាន់ វិញបានបញ្ជាក់ប្រាប់កាសែតថា លោកពុំទាន់បានជ្រាបពីដំណឹងនេះឡើយចាំមើលគាត់ចុះស្រាវជ្រាវសិន?។ ចំណែកលោកប្រធានមន្ទីរ៉ែថាមពលខេត្តកំពង់ធំខលជាច្រើនដងពុំមានអ្នកទទួល។

ទាក់ទិននឹងបញ្ហាកាយយកខ្សាច់ក្នុងស្ទឹងពោធិរោង ភូមិក្រាំង ឃុំសុចិត្រ ស្រុកសណ្ដាន់នេះពលរដ្ឋសូមសំណូមពរទៅដល់ក្រសួងសាមីដែលពាក់ព័ន្ធ ជាពិសេសមន្ទីររ៉ែថាមពលខេត្តកំពង់ធំ និងមន្ទីរកសិកម្ម និងនិងមន្ទីរបរិស្ថានខេត្ត មេត្តាចុះត្រួតពិនិត្យឲ្យបានស៊ីជម្រៅផងទាន។អង្គភាពយើងរង់ចាំមើលចំណាត់ការរបស់សមត្ថកិច្ចសមីដែលពាក់ព័ន្ធបន្តទៀតអង្គភាពយើងរង់ចាំបកស្រាយបំភ្លឺបន្ថែមពីគ្រប់ភាគីដែលពាក់ព័ន្ធគ្រប់ពេលម៉ោងធ្វើការ៕