មាន់ជល់១៧គូបាននិងកំពុងប្រកួតនៅសង្វៀន ស្ថិតនៅភូមិឆ្ងោ ឃុំមេមត់ ស្រុកមេមត់ ខេត្តត្បូងឃ្មុំ លេងខាងក្រោយផ្ទះតាលឹម !

ភ្នំពេញ៖ ថ្ងៃទី៤ធ្នូ មានមាន់ជល់១៧គូបើកការប្រកួតក្នុងសង្វៀន រួមជាមួយអាប៉ោងលេងចល័តដែលស្ថិតនៅភូមិឆ្ងោ ឃុំមេមត់ ស្រុកមេមត់ ខេត្តត្បូងឃ្មុំ និងលេងខាងក្រោយផ្ទះតាលឹម បានចាប់ផ្តើមដំណើរការទទួលអតិថិជនដែលជាអ្នកញៀនល្បែងឡើងវិញហើយ។ 

ប្រភពបានបញ្ជាក់ថា ទីតាំងខាងលើ ក្នុងមួយថ្ងៃៗមិនក្រោមពី១៥គូរទៅ២០គូរទេ មានអ្នកចូលលេងល្បែង រាប់សិបអ្នក និងភ្នាល់ប្រាក់រាប់លានរៀល ពេលចាញ់ឈ្នះហូរកញ្ជ្រៀវអ៊ឹងកង យ៉ាងទ្រហឹង ប៉ះពាល់និងរំខាន ពលរដ្ឋជិតខាងជាខ្លាំង។ ប៉ុន្តែសំឡេងទាំងនោះ មិនបានឮប៉ះឬក៏រំខានដល់ត្រជាក់អាជ្ញាធរ មានសមត្ថកិច្ច ក្នុងស្រុកមេមត់នោះទេ។

ប្រជាពលរដ្ឋ អោយដឹងថា វើសង្ឃឹមលើលោកមេប៉ុស្តិ៍ លោកមេឃុំ នឹងលោកអធិការស្រុកមេមត់កក់ក្តៅដូចអាំងផេះ ចឹងពត៍មាននេះមានតែសង្ឃឹមឯកឧត្តម ប៉ែន កុសល់ដែលជាមេខេត្ត និងលោកចិន នី ស្នងការនគរបាលខេត្ត ទើបអាចបង្ក្រាបបានមើលទៅ។

ការពិតកន្លងទៅ ទីតាំងល្បែងទាំងនោះ ក៏គេឃើញមានសមត្ថកិច្ចចុះបង្ក្រាបម្ដងម្កាលដែរ ដើម្បីទុកបង្ហាញស្នាដៃ ប៉ុន្តែនៅកន្លែងជាច្រើនទៀតត្រូវគេថែរក្សាទុក។ បើតាមប្រភពខ្លះថា អាជ្ញាធរគេទុក្ខគ្រាន់ចិញ្ចឹមឆ្នាំងបាយ។

រាជរដ្ឋាភិបាលកម្ពុជាបានសម្រេចដាក់ចេញនូវគោលនយោបាយ «ភូមិ ឃុំ សង្កាត់ មានសុវត្ថិភាព» ចំនួន៧ចំណុច ដែលក្នុងនោះក៏រួមមានគ្មានបទល្មើស លួច ឆក់ ប្លន់ គ្រឿងញៀនល្បែងស៊ីសងខុសច្បាប់ និងបទល្មើសគ្រប់ប្រភេទ។ចឹងបនល្បែងនេះត្រីវចាត់ទុកថាជាសកម្មភាពផ្គើនដែលសមត្តកិច្ចមូលដ្ឋានបង្កឡើង។

ដូច្នេះប្រសិនបើមន្ត្រីអាជ្ញាធរ ក៏ដូចជាសមត្ថកិច្ចមូលដ្ឋាន មិនព្រមធ្វើការបង្ក្រាបល្បែងស៊ីសងនៅក្នុងមូលដ្ឋាន របស់ខ្លួននោះទេ គឺបង្ហាញយ៉ាងច្បាស់ថា អាជ្ញាធរនិងសមត្ថកិច្ចមូលដ្ឋានទាំងនោះ មានការឃុបឃិតបើកភ្លើងខៀវជាប្រព័ន្ធ ដើម្បីលាភសក្ការៈ ដាក់ហោប៉ៅ រាងខ្លួន ដោយពុំបានអនុវត្តគោលនយោបាយ ដែលរាជរដ្ឋាភិបាលដាក់ចេញនោះទេ។

ករណីនេះ សារព័ត៌មានបានទំនាក់ទំនងទៅឯកឧត្តម ប៉ែន កុសល់ អភិបាលខេត្តត្បួងឃ្មុំ ឯកឧត្តមបានប្រាប់ថា សូមអគុណទទួលបានហើយ ។ចំណែកលោកឧត្តមសេនីយ៍ទោ ចិន នី ស្នងការដ្ឋាននគរបាលខេត្តត្បូងឃ្មុំ បានប្រាប់មកកាន់សារព័ត៌មានថា និងអោយជំនាញចុះទៅ…. រឺឯលោកអធិការស្រុកមេមត់ បានបញ្ជាក់មកកាន់សារព័ត៌មានថា និងអោយជំនាញទាក់ទងមកសហការ ។ល្អតើចាំមើលមើវាម៉េចវិញ?។