លោក ពូទីនក្អេងក្អាងបន្ទាប់ពឺបានជួយសម្ពន្ធ័មឹត្តចឹនកួរ៉េខាងជើង!
06-June-2026 / ព័ត៌មានអន្តរជាតិ
រស្សឹ៖ប្រធានាធិបតីរុស្ស៉ី លោក វ្ល៉ាឌីមៀ ពូទីន កាលពីថ្ងៃពុធ ទី៣ ខែកញ្ញា បានប្រាប់អ៊ុយក្រែនថានៅតែមានឱកាសដើម្បីបញ្ចប់សង្គ្រាមតាមរយៈកិច្ចចរចាជាជម្រើសមួយ ដែលលោកពេញចិត្តដែរ ប៉ុន្តែថាលោកបានត្រៀមខ្លួនជាស្រេចដើម្បីបញ្ចប់សង្គ្រាមដោយកម្លាំងយោធា ប្រសិនបើវាជាមធ្យោបាយតែមួយគត់។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។
ថ្លែងចេញពីទីក្រុងប៉េកាំង នាឱកាសបិទបញ្ចប់ដំណើរទស្សនកិច្ចមួយដែលសម្រេចបាននូវកិច្ចព្រមព្រៀងស្ដីពីបំពង់ឧស្ម័នមួយជាមួយចិន លោក ពូទីនបាននិយាយថាលោកផ្ទាល់មើលឃើញ ឱកាសបិទបញ្ចប់សង្គ្រាមនៅតែមាន នោះក៏ដោយសារតែអ្វីដែលលោកនិយាយថាជាកិច្ចប្រឹងប្រែងដ៏ស្មោះត្រង់របស់សហរដ្ឋអាមេរិកក្រោមការដឹកនាំរបស់លោក ដូណាល់ ត្រាំ ដើម្បីស្វែងរក ដំណោះស្រាយបិទបញ្ចប់សង្គ្រាមអ៊ុយក្រែនជាសង្គ្រាមធំជាងគេបំផុតក្នុងតំបន់អឺរ៉ុបគិតចាប់តាំងពីសង្គ្រាមលោកលើកទី២បិទបញ្ចប់មក។
លោក ពូទីន បានគូសបញ្ជាក់ដូច្នេះថា៖ «វាមើលទៅ សម្រាប់ខ្ញុំ ប្រសិនបើអាចទទួលយកបាន នោះអាចទៅរួចក្នុងការព្រមព្រៀងលើដំណោះស្រាយមួយដែលអាចទទួលយកបានដើម្បីបញ្ចប់ជម្លោះនេះ ហើយនេះជាសន្និដ្ឋានរបស់ខ្ញុំ។ ជាពិសេស យើងបានឃើញភាពស្មោះត្រង់ពីរដ្ឋបាលអាមេរិកសព្វថ្ងៃរបស់លោកប្រធានាធិបតី (ដូណាល់) ត្រាំ»។
ទោះជាយ៉ាងណា លោក ពូទីន បានបញ្ជាក់ឡើងវិញថាលោកគ្មានឆន្ទៈបន្ធូរបន្ថយ ឬបោះបង់ចោលការទាមទារកន្លងមករបស់លោកជុំវិញលក្ខខណ្ឌដើម្បីបិទបញ្ចប់សង្គ្រាមអ៊ុយក្រែន តួយ៉ាងដូចជាតំបន់ភាគខាងកើតអ៊ុយក្រែន និងការតម្រូវឱ្យអ៊ុយក្រែនបោះបង់ចោលគំនិតចង់ក្លាយជាសមាជិក NATO។
ទន្ទឹមគ្នានោះដែរអ្នកនាំពាក្យក្រសួងការបរទេសរុស្ស៉ី លោកស្រី Maria Zakharova បាននិយាយថា រុស្ស៉ីគ្មានផែនការពិភាក្សាអំពីចំណុចដែលថាយោធាបរទេស នឹងត្រូវដាក់ពង្រាយនៅអ៊ុយក្រែនទេ ទោះក្នុងទម្រង់អ្វីក៏ដោយ ហើយវាជារឿងមិនអាចទទួលយកបានឡើយ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី៤ ខែកញ្ញា ឆ្នាំ ២០២៥។
លោកស្រី Zakharova បានបញ្ចេញមតិឆ្លើយតបចំពោះការអត្ថាធិប្បាយ ដោយប្រធានគណៈកម្មការអឺរ៉ុប លោកស្រី Ursula von der Leyen អំពីផែនការបញ្ជូនកងទ័ពអឺរ៉ុបទៅអ៊ុយក្រែន ដោយប្រាប់ក្រុមអ្នកកាសែតដូច្នេះថា «រុស្ស៉ី នឹងមិននិយាយពីកិច្ចអន្តរាគមន៍របស់បរទេសនៅអ៊ុយក្រែនក្នុងទម្រង់ ឬក្រោមលក្ខខណ្ឌជាមូលដ្ឋាន និងសន្តិសុខណាមួយឡើយ»។
ក្នុងបទសម្ភាសន៍ជាមួយកាសែត Financial Times កាលពីចុងសប្តាហ៍មុន លោកស្រី von der Leyen បាននិយាយថា អឺរ៉ុបកំពុងរៀបចំផែនការដាល់ពង្រាយ កងទ័ពចម្រុះជាតិសាសន៍ទៅអ៊ុយក្រែន ជាផ្នែកមួយនៃការធានាសន្តិសុខក្រោយសង្គ្រាម ហើយក៏នឹងមានការគាំទ្រពីសហរដ្ឋអាមេរិកផងដែរ។
ទាក់ទងនឹងបំណងជួបជាមួយលេាកហ្សេឡនស្គឺនួវទឺក្រុងមួស្គួរដ្ឋមន្ត្រីការបរទេសអ៊ុយក្រែនលោក Andrii Sybiha បាននិយាយកាលពីថ្ងៃពុធទី៣កញ្ញាថា លោក ពូទីន មិនមានបំណងសុច្ចរិតទេ។ លោកថា «ទាំងនេះគឺជាសំណើដ៏ធ្ងន់ធ្ងរ ហើយប្រធានាធិបតី ហ្សេលេនស្គី បានត្រៀមខ្លួនរួចជាស្រេចសម្រាប់កិច្ចប្រជុំបែបនេះនៅពេលណាក៏បាន។
លោកបានកត់សម្គាល់ថា យ៉ាងហោចណាស់ប្រទេសចំនួន៧ ដូចជា អូទ្រីស បុរីវ៉ាទីកង់ ស្វីស តួកគី និងរដ្ឋឈូងសមុទ្រចំនួន៣ បានយល់ព្រមរួចមកហើយធ្វើជាម្ចាស់ផ្ទះកិច្ចចរចាសន្តិភាពអ៊ុយក្រែន-រុស្ស៊ី។លោក Sybiha បានសង្កត់ធ្ងន់ថា «មានតែសម្ពាធកើនឡើងប៉ុណ្ណោះដែលអាចបង្ខំរុស្ស៊ីឲ្យមានភាពប្រាកដប្រជាអំពីដំណើរការសន្តិភាព»។
សួមបញ្ជាក់ថា ប្រព័ន្ធផ្សព្វផ្សាយរដ្ឋកូរ៉េខាងជើង (KCNA) បានរាយការណ៍នៅថ្ងៃព្រហស្បតិ៍ទឺ៤កញ្ញានេះថា មេដឹកនាំកូរ៉េខាងជើង លោក គីម ជុងអ៊ុន បាននិយាយថា ប្រទេសរបស់លោកនឹងគាំទ្រយ៉ាងពេញទំហឹងដល់កងទ័ពរុស្ស៉ី ឱ្យដូចជាបងប្អូន ហើយប្រធានាធិបតីរុស្ស៉ី លោក វ្ល៉ាឌីមៀ ពូទីន ចាត់ទុកទំនាក់ទំនងរុស្ស៉ី-កូរ៉េខាងជើងថាជាពិសេស។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី៤ ខែកញ្ញា ឆ្នាំ ២០២៥។
សេចក្តីរាយការណ៍របស់ KCNA បញ្ជាក់ថា «សមមិត្ត គីម ជុងអ៊ុន និងលោកប្រធានាធិបតី ពូទីន បានផ្លាស់ប្តូរយោបល់គ្នា ដោយស្មោះត្រង់ លើបញ្ហាសំខាន់ៗក្នុងតំបន់ និងអន្តរជាតិ»។ KCNA បន្ថែមថា លោក ពូទីន បានកោតសរសើរយ៉ាងខ្លាំង ចំពោះទាហានកូរ៉េខាងជើងដែលកំពុងប្រយុទ្ធនឹងអ៊ុយក្រែន ហើយថាទំនាក់ទំនងនៃប្រទេសទាំងពីរគឺ «ពិសេសដោយការជឿទុកចិត្ត មិត្តភាព និងសម្ព័ន្ធភាព»។
លោក គីម និងលោក ពូទីន បានជួបគ្នាកាលពីថ្ងៃពុធសប្តាហ៍នេះ អំឡុងពេលចូលរួមទិវាជ័យជម្នះ នៅក្នុងទីក្រុងប៉េកាំង។ KCNA បានចុះផ្សាយរូបថត លោក គីម ជុងអ៊ុន ឈរ ឬដើរជាមួយលោក ពូទីន និងលោក ស៉ី ជីនពីង ដោយស្នាមញញឹម ហើយកាសែតរដ្ឋ Rodong Sinmun ក៏បានផ្សព្វផ្សាយពីទិដ្ឋភាពសំខាន់នៃដំណើរទស្សនកិច្ចនេះផងដែរ៕
