អភិបាលរងស្រុកជុំគិរី ទៅរៀបការប្រពន្ធថ្មី ខណៈមិនទាន់លែងលះដាច់

ច្រកទ្វារព្រំដែន ប៉ែកខាងកើត ( កម្ពុជា-វៀតណាម ) ប្រជា ពលរដ្ឋខ្មែរសប្បាយនឹងការលេងល្បែងសុីសងជល់មាន់យ៉ាងគគ្រឹកគគ្រេងក្នុងកាសុីណូ Casino Hotel Hero 777 ឯ ច្រកទ្វារព្រំដែនប៉ែកខាងលិច ( កម្ពុជា- ថៃ )ប្រជាពលរដ្ឋ ភ័យព្រួយនឹងការផ្ទុះអាវុធបាញ់ប្រយុទ្ធគ្នារវាងកងទ័ពថៃ និង កងទ័ពខ្មែរ

ក្រុមហ៊ុនវិនិយោគមួយបានអាជ្ញាបណ្ណគ្រោងបូមខ្សាច់ព្រែកកោះប៉ោតែអាជ្ញាធររសើបកោះប្រជុំជាមួយពលរដ្ឋសិន

បទបញ្ជារបស់នាយករដ្ឋមន្ត្រី ស្តីពីការប្រឆាំងនឹងល្បែងសុីសងគ្រប់ប្រភេទ មិនត្រូវបានអាជ្ញាធរ និងសមត្ថកិច្ចខេត្តព្រៃវែង យកមកអនុវត្តតាមទេ ?

មន្ត្រីនគរបាល២នាក់ ម្នាក់ជាអធិការរងនគរបាលស្រុកបវេល ត្រូវតុលាការឃុំខ្លួន ពាក់ព័ន្ធដោះលែងជនជាតិថៃជាថ្នូរលុយរាប់ម៉ឺនដុល្លារ

ខុសពីក្រុមសកម្មជនការពារព្រៃឈើក្រសួងព័ត៌មានមិនទទួលស្គាល់សកម្មភាពឈ្មោះ អ៊ុក ម៉ៅ ដែលចេញមុខការពារបរិស្ថាន!

ដីព្រៃជាច្រើនហិកតាត្រូវបានក្រុមមន្ត្រីបរិស្ថានដែនជម្រកសត្វព្រៃស្រែវាលនិងបក្ខពួកឃុបឃិតជាមួយឈ្មួយទន្ទ្រានធ្វើជាកម្មសិទ្ធ?

ជាច្រើនទៀត

ចំនួនអ្នកទស្សនា

ថ្ងៃនេះ 461 នាក់

ម្សិលមិញ 6243 នាក់

សរុប 16966682 នាក់

រដ្ឋមន្ត្រីក្រសួងសុខាភិបាល ប្រកាសថា កម្ពុជា មិនទាន់មានករណីជំងឺអង់ត្រាក់នៅឡើយទេ

21-May-2025 / សុខភាពនិងកីឡា

ភ្នំពេញ៖ លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល នៅថ្ងៃទី៧ ខែឧសភា ឆ្នាំ២០២៥នេះ បានមានប្រសាសន៍ថា គិតរហូតដល់ទល់ពេលនេះ ប្រទេសកម្ពុជា ពុំទាន់រកឃើញមានករណីជំងឺអង់ត្រាក់ ឬជំងឺពិសធ្យូង នៅលើមនុស្ស នៅឡើយនោះទេ។ a health minister

នៅក្នុងឱកាសអញ្ជើញជួបសួរសុខទុក្ខអ្នកជំងឺ និងពិនិត្យវឌ្ឍនភាព ការសាងសង់អគារមជ្ឈមណ្ឌលកណ្តាល អគារចំណត និងរោងជាង និងអគារមជ្ឈមណ្ឌលវេជ្ជសាស្ត្រស៊ីក្លូត្រុង នៅមន្ទីរពេទ្យកាល់ម៉ែត ក្រោយពីបានធ្វើពិធីបញ្ចុះបឋមសិលាបើកការដ្ឋានសាងសង់ កាលពីខែកញ្ញា ឆ្នាំ២០២៤កន្លងទៅ ក្រោមអធិបតីភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីលោក ឈាង រ៉ា មានប្រសាសន៍ឲ្យដឹងថា៖ "គិតមកដល់ពេលនេះ កម្ពុជា ពុំទាន់មានជំងឺអង់ត្រាក់ ដែលកំពុងផ្ទុះឡើង នៅប្រទេសជិតខាងនៅឡើយនោះទេ, សូមប្រជាពលរដ្ឋ កុំទាន់មានការព្រួយបារម្ភ និងសូមបន្តការទទួលទានអាហារ ប្រកបដោយអនាម័យ ដើម្បីមានសុខភាពល្អ និងចៀសផុតពីជំងឺនានា ខណៈក្រសួងសុខាភិបាល និងក្រសួងកសិកម្ម រុក្ខាប្រមាញ់ និងនេសាទ ព្រមទាំងភាគីពាក់ព័ន្ធ បាននិងកំពុងខិតខំ ដើម្បីចាត់វិធានការទប់ស្កាត់ជំងឺឆ្លងមួយនេះ មិនឱ្យឆ្លងចូលមកកាន់ប្រទេសកម្ពុជា", នេះជាប្រសាសន៍លើកឡើងរបស់លោក ឈាង រ៉ា។

គួររំលឹកថា យោងតាមសេចក្តីប្រកាសព័ត៌មាន របស់ក្រសួងសុខាភិបាល ចេញផ្សាយនៅថ្ងៃទី៦ ខែឧសភា ឆ្នាំ២០២៥ បានឱ្យដឹងថា ថ្មីៗនេះមានការផ្ទុះឡើងនៅប្រទេសជិតខាង និងបណ្តាប្រទេសមួយចំនួន នូវជំងឺអង់ត្រាក់ ឬហៅថាពិសធ្យូង នៅលើមនុស្ស និងនៅលើសត្វហៅថាជំងឺអង់ត្រាក់ ឬជំងឺឈាមខ្មៅ បង្កឡើងដោយបាក់តេរីដែលបង្កើតស្ទ័រ។ សត្វស៊ីស្មៅ មាន គោ ក្របី ចៀម ពពែ សេះ អាចឆ្លងមេរោគនេះ ចូលក្នុងខ្លួន បន្ទាប់មកគ្រាប់ស្ទ័រក្លាយជាមេរោគមានចលនា ហើយបញ្ចេញពិសរបស់វា ដែលមានគ្រោះថ្នាក់ដល់សុខភាព។ ជំងឺអង់ត្រាក់មានឱសថសម្រាប់ព្យាបាល និងវ៉ាក់សាំងសម្រាប់ចាក់បង្ការ។

សេចក្តីប្រកាសព័ត៌មាន ឱ្យដឹងដែរថា មនុស្សអាចឆ្លងមេរោគអង់ត្រាក់ តាមរយៈ៖ ការប៉ះពាល់ដោយផ្ទាល់ជាមួយសត្វឈឺ (ស្បែកមុតដាច់ជាច្រកចូលនៃមេរោគ) ឬឆ្លងតាមការសម្លាប់សត្វ ដែលមានជំងឺអង់ត្រាក់ ឬផលិតផលដែលមានដើមកំណើតពីសត្វមានជំងឺអង់ត្រាក់ដូចជា សាច់ ឈាម រោម ឆ្អឹង, ការដកដង្ហើមចូលនូវធូលី ដែលមានស្ទ័រមេរោគអង់ត្រាក់, ការបរិភោគសាច់ដែលមានមេរោគអង់ត្រាក់ និងការប្រើម្ជុលសឺរ៉ាំងរួមគ្នា ជាមួយអ្នកមានជំងឺអង់ត្រាក់។ មេរោគអង់ត្រាក់មិនមានភស្តុតាងឆ្លងរាលដាល ពីមនុស្សទៅមនុស្សនោះទេ ប៉ុន្តែដំបៅស្បែកលើអ្នកជំងឺ អង់ត្រាក់អាចឆ្លងខ្លាំង។ a health minister1 a health minister2