សម្ដេចមហាបវរធិបតី ណែនាំរដ្ឋបាលខេត្តភាគឦសានឲ្យបង្កើតភាពទាក់ទាញនិងងាយស្រួលសម្រាប់អ្នកវិនិយោគ!
28-December-2025 / សេដ្ឋកិច្ច
ភ្នំពេញ៖ ព្រឹកថ្ងៃទី៩មេសាថ្លែងចេញពីសណ្ឋាគារសុខារាជធានីភ្នពេញសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា សម្តេចពិតជាចង់ឃើញថា កម្មវិធីពិសេសជំរុញការវិនិយោគក្នុងខេត្តទាំង៤ នៅភាគឦសាន រួមមានខេត្ត ក្រចេះ ស្ទឹងត្រែង រតនគិរី និងមណ្ឌលគិរី ពិតជាជួយបង្កើត «ចរន្តសេដ្ឋកិច្ច» បានជាក់ស្តែងដល់ភូមិភាគឦសានរបស់កម្ពុជា ។
ថ្លែងក្នុងកម្មវិធីប្រកាសដាក់ឱ្យ អនុវត្តន៍ ជាផ្លូវការ «កម្មវិធីពិសេសជំរុញការវិនិយោគក្នុងខេត្តទាំង៤នៅភាគឦសាន»សម្តេចបវរធិបតី ហ៊ុន ម៉ាណែត បានលើកពីបញ្ហាប្រឈមនិងការដោះស្រាយថា កង្វះខាតធនធានមនុស្ស ជាពិសេសសម្រាប់កសិកម្ម និងកសិ-ឧស្សាហកម្ម គឺជាចំណោទមួយ ក្នុងពេលកម្មករយើងភាគច្រើន ចង់ទៅធ្វើការនៅទីប្រជុំជន ។ដូច្នេះ រាជរដ្ឋាភិបាលបានសម្រេចផ្ដល់ការលើកទឹកចិត្ត ដោយកំណត់លក្ខខណ្ឌលើកលែងពន្ធលើប្រាក់បៀវត្សសម្រាប់កម្មករនិយោជិតជាជនជាតិខ្មែរ ដែលទទួលបានប្រាក់បៀវត្សប្រចាំខែ ស្មើនឹង ឬតិចជាង ២,០០០,០០០រៀល និងបម្រើការងារនៅក្នុង គ.ល.គ. ដែលមានប្រតិបត្តិការក្នុងខេត្តណាមួយនៃខេត្តទាំង៤ នៅភូមិភាគឦសាន។
សម្តេចបវរធិបតី ហ៊ុន ម៉ាណែត បានថ្លែងយ៉ាងដូច្នេះថា៖ «ខ្ញុំពិតជាចង់ឃើញកម្មវិធីពិសេសនេះ ជំរុញការវិនិយោគក្នុងខេត្តទាំង៤ នៅភាគឦសាន ពិតជាជួយបង្កើនចរន្តសេដ្ឋកិច្ច បានជាក់ស្តែងដល់តំបន់ភូមិភាគឦសាន របស់យើង»។ជោគជ័យនេះអាចកើតឡើងបានទាល់តែមានការចូលរួមសហការពីភាគីពាក់ព័ន្ធទាំងអស់ ទាំងផ្នែករដ្ឋ និងវិស័យឯកជន។ ត្រង់ចំណុចនេះ សម្តេចបវរធិបតី ហ៊ុន ម៉ាណែត «ខ្ញុំចង់សង្កត់ធ្ងន់ជាពិសេសលើតួនាទីរបស់ផ្នែករដ្ឋដែលត្រូវការពារ ថ្នាក់ថ្នម ថែទាំ និងថែរក្សាអ្នកវិនិយោគ ចៀសវាងរាល់អំពើអសកម្មទាំងឡាយដែលបង្កដល់ការរំខានការប្រកបអាជីវកម្មរបស់ធុរជន អភិក្រមរក្សចាស់ បង្កើតថ្មី គឺជាភាពចាំបាច់ យើងត្រូវការពារវិនិយោគិន ដែលមានស្រាប់បង្កើនទំនុកចិត្តក្នុងនាមជាតួអង្គចូលរួមដោះស្រាយបញ្ហា មិនមែនជាអ្នកបង្កបញ្ហា»។
សម្តេចនាយករដ្ឋមន្ត្រី បានគូសបញ្ជាក់ថា ទំនុកចិត្តនេះនឹងក្លាយជាការផ្សាយពាណិជ្ជកម្មពីកម្ពុជា ចេញពីមាត់មួយ ទៅមាត់មួយទៀតដោយឯកឯង នៅក្នុងចំណោមសហគមន៍ធុរកិច្ច។សម្តេចមហាបវរធិបតី ហ៊ុន ម៉ាណែត ណែនាំដល់ក្រុមការងារ ត្រូវបំពេញភារកិច្ចរបស់ខ្លួន ក្នុងស្មារតីជាក្រុម ដោយប្រកាន់ខ្ជាប់នូវអភិក្រម «ជវភាពនៃប្រព័ន្ធតួអង្គតែមួយ» ដើម្បីជំរុញការអនុវត្តនូវវិធានការនានា ក្នុងកម្មវិធីពិសេសជំរុញការវិនិយោគនេះឱ្យសម្រេចបានជោគជ័យ និងលទ្ធផលជាក់ស្ដែងតាមការរំពឹងទុក។
សម្តេចមហាបវរធិបតី ហ៊ុន ម៉ាណែត ណែនាំក្រុមការងារត្រូវធ្វើការផ្សព្វផ្សាយជាសាធារណៈនូវកម្មវិធីពិសេសជំរុញការវិនិយោគនេះឱ្យបានទូលំទូលាយ, ធ្វើការពន្យល់ឱ្យបានច្បាស់លាស់ និងត្រឹមត្រូវ, និងផ្ដល់សេវាបដិសណ្ឋារកិច្ច និងកិច្ចសហការល្អជាមួយវិនិយោគិន និងធុរជនទាំងក្នុង និងក្រៅប្រទេសដើម្បីលើកកម្ពស់ការយល់ដឹង និងទាក់ទាញការចូលរួមអនុវត្តពីកម្លាំងចលករសំខាន់ៗ ព្រមទាំងខិតខំស្វែងរកគំនិតនវានុវត្តន៍ ដើម្បីបង្កើនភាពទាក់ទាញសម្រាប់ វិនិយោគិនទាំងលើទិដ្ឋភាពសមិទ្ធិលទ្ធភាពនៃពាណិជ្ជកម្ម (com mercial viability) និងគុណតម្លៃនៃខ្សែច្រវាក់ផលិតកម្ម ដែលផ្សារភ្ជាប់ជាមួយនឹងទីផ្សារ។
សម្តេចមហាបវរធិបតី បានបញ្ជាក់យ៉ាងដូច្នេះថា «ការអនុវត្តកម្មវិធីពិសេសនេះ គឺជាសក្ខីភាពនៃឆន្ទៈនយោបាយយ៉ាងមោះមុតរបស់រាជរដ្ឋាភិបាល នៅក្នុងកិច្ចខិតខំប្រឹងប្រែងការពារសន្តិភាព ស្ថិរភាព ឯករាជ្យភាព និងបូរណភាពទឹកដី ក៏ដូចជាការខិតខំពង្រីក និងចែកចាយផលលាភពីកំណើនសេដ្ឋកិច្ច ទៅដល់គ្រប់មជ្ឈដ្ឋាន ប្រជាជនខ្មែរ»។សម្ដេចមហាបវរធិបតី ហ៊ុន ម៉ាណែត បានមានប្រសាសន៍យ៉ាងដូច្នេះថា «ចឹងខ្ញុំសុំឲ្យគណកម្មការនេះ ទន្ទឹមនឹងរៀបចំត្រូវប្រស៊ីគ្នាជាមួយការកែសម្រួលនៃនីតិវិធី របស់ខេត្តទាំង៤ផង។ សូមអភិបាលនៃគណអភិបាលរៀបចំនីតិវិធីនេះ ព្រោះខេត្តយើងនៅឆ្ងាយជាងគេបានយើងរៀបចំគណកម្មការនេះទៅជួយ ប៉ុន្តែបើមិនព្រមដើរខ្លួនឯងមិនជួយរត់ខ្លួនឯងអត់មានអ្នកជួយបានទេ»។
បើតាមប្រសាសន៍របស់សម្ដេចមហាបវរធិបតី នាយករដ្ឋមន្ដ្រី, ខេត្តទាំង៤នេះអភិបាលខេត្ត គណៈអភិបាលខេត្ត ត្រូវធ្វើការជាមួយយន្តការខេត្តឲ្យជាប់ រាល់ការសម្រេចទាំងអស់ គឺជាការសម្រេចប្រតិភូកម្មសិទ្ធទៅឲ្យគណកម្មការនេះ ដូច្នេះស្មើការសម្រេចរបស់ថ្នាក់ជាតិ ហើយមានសុក្រឹត្យភាពក្នុងការអនុវត្ត។សម្ដេចមហាបវរធិបតី ហ៊ុន ម៉ាណែត ក៏បានណែនាំការពារវិនិយោគ ដែលមានស្រាប់បង្កើនទំនុកចិត្ត ក្នុងនាមជា «តួអង្គចូលរួមដោះស្រាយបញ្ហា មិនមែនជាអ្នកបង្កបញ្ហា» (troubleshooters not troublemakers) ហើយទំនុកចិត្តនេះ នឹងក្លាយជាការផ្សាយពាណិជ្ជកម្ម ពីមាត់មួយទៅមាត់ មួយ ដោយឯកឯងក្នុងចំណោម សហគមន៍ធុរកិច្ច។
សម្តេចមហាបវរធិបតី ហ៊ុន ម៉ាណែត បន្ថែមថា ក្រុមការងារ ត្រូវបំពេញភារកិច្ចរបស់ខ្លួន ក្នុងស្មារតីជាក្រុម ដោយប្រកាន់ខ្ជាប់នូវអភិក្រម «ជវភាពនៃប្រព័ន្ធតួអង្គតែមួយ» ដើម្បីជំរុញការអនុវត្តនូវវិធានការនានា ក្នុងកម្មវិធីពិសេសជំរុញការវិនិយោគនេះឲ្យសម្រេចបានជោគជ័យ និងលទ្ធផលជាក់ស្ដែងតាមការរំពឹងទុក។សម្រាប់ផែនការមេសម្ដេចមហាបវរធិបតី បានណែនាំដល់រដ្ឋបាលខេត្តទាំង៤ នៃភាគឦសាន កំណត់ឲ្យច្បាស់អំពី តំបន់ឧស្សាហកម្ម និងតំបន់ទេសចរណ៍។
សម្តេចមហាបវរធិបតី ហ៊ុន ម៉ាណែត លើកឡើងថា ខេត្តទាំង៤ ស្ថិតនៅភាគឦសាននៃប្រទេសកម្ពុជា រួមមានខេត្តក្រចេះ ស្ទឹងត្រែង រតនគិរី និងមណ្ឌលគិរី ត្រូវរៀបចំបែងចែកទីតាំងឲ្យបានច្បាស់ ដើម្បីអភិវឌ្ឍន៍សក្ដានុពលក្នុងតំបន់នៃខេត្តទាំងនោះ។សម្ដេចបវរធិបតីនាយករដ្ឋមន្ត្រី មានប្រសាសន៍យ៉ាងដូច្នេះថា «ខ្ញុំឲ្យខេត្តទាំង៤ ជាពិសេសខេត្តដែលមានធនធានធម្មជាតិ ខេត្តមណ្ឌលគិរី សក្ដានុពល សូមឲ្យធ្វើការគិតគូរពី zoning ឲ្យបានស្រួលបួលផង ដើម្បីយើងថែ កន្លែងណាដែលជាតំបន់ឧស្សាហកម្ម កន្លែងណាដែលជាតំបន់អ្វី យើងត្រៀមឲ្យហើយទៅ កុំយករោងចក្រទៅដាក់នៅលើភ្នំ […] កន្លែងណាទុកឲ្យជាតំបន់ទេសចរណ៏ ធម្មជាតិ និងតំបន់ឧស្សាហកម្មមួយកន្លែង» ។
សម្ដេចបវរធិបតី ហ៊ុន ម៉ាណែត សង្កត់ធ្ងន់ថា ក្រសួងដែនដីនគររូបនីយកម្ម ត្រូវគិតគូរសំខាន់បំផុតទៅលើផែនទីប្រើប្រាស់ដី រៀបចំ និងពន្លឿនកិច្ចការទាំងអស់នេះ ដោយផ្ដោតលើលក្ខណៈ Master Plan។ ជាមួយគ្នានេះ ខេត្តមណ្ឌលគិរីដែលសម្បូរតំបន់ទេសចរណ៍ធម្មជាតិនោះ បើមិនបានគិតគូរទុកជាមុន នឹងក្លាយទៅជាតំបន់ដែលលាយយឡំគ្នាជាមួយធម្មជាតិ រោងចក្រ សហគ្រាសជាដើម។
សូមបញ្ជាក់ថាកម្មវិធីពិសេសជំរុញការវិនិយោគក្នុងខេត្តទាំង៤ នៅភាគ ឦសាន ត្រូវបានគិតគូរឡើងដោយសម្តេចមហាបវរធិបតី ហ៊ុន ម៉ាណែត កាលពីឆ្នាំ២០២៤ ក្នុងគោលដៅជំរុញការអភិវឌ្ឍនៅ ក្នុងខេត្តទាំង៤ស្ថិតនៅភាគឦសាននៃប្រទេសកម្ពុជា រួមមានខេត្ត ក្រចេះ ស្ទឹងត្រែង រតនគិរី និងមណ្ឌលគិរី។ ការគិតគូររៀបចំនូវ «កម្ម វិធីពិសេស» នេះ កើត ចេញ ពីមហិច្ឆតា ចង់ជំរុញបង្កើននូវសកម្មភាព សេដ្ឋកិច្ចដល់បណ្ដា ខេត្ត ដែល ស្ថិតនៅឆ្ងាយពីមជ្ឈមណ្ឌលកំណើន ក៏ដូចជាដើម្បីធ្វើពិពិធ កម្ម សេដ្ឋកិច្ច តាមតំបន់ និង តាមវិស័យ។
កម្មវិធីពិសេសនេះ ក៏ជាកម្មវិធីលើកទឹកចិត្តដល់វិស័យឯកជន ដែល មានលក្ខណៈសាមញ្ញ, ចំគោលដៅ និង ភាពអនុគ្រោះខ្ពស់។កម្មវិធីពិសេសនេះ ត្រូវបានរៀបចំឡើង ដោយឈរលើទស្សនា ទានចំនួន ៣ រួមមាន៖
*ទី១៖ កែប្រែមុខមាត់នៃខេត្តទាំងបួននៅភូមិភាគឦសាន ឱ្យក្លាយ ជា ខេត្ត ដែលមានមូលដ្ឋានសេដ្ឋកិច្ចពឹងផ្អែកលើកសិកម្ម, កសិ-ឧស្សាហ កម្ម និងទេសចរណ៍ ឈរលើកត្តាទាយជ្ជទានរបស់ខេត្តនីមួយៗ និងដោយ មានភាពប្រទាក់ក្រឡាគ្នាជាមួយនឹងគោលនយោបាយ ជាតិ នានា។
*ទី២៖ ដោះស្រាយបញ្ហាប្រឈមជាក់ស្ដែង ដែលនាំមកនូវលទ្ធផល រហ័ស ជាពិសេសកត្តាជំរុញការទាក់ទាញវិនិយោគឯកជន។*ទី៣៖ ជំរុញសហថាមពលដែលកើតចេញពីការប្រមូលផ្តុំ (Clustering Effects) ដើម្បីឈានទៅអភិវឌ្ឍសេដ្ឋកិច្ចមាត្រដ្ឋាន (Economies of Scale) ជាជាងការ វិនិយោគដែលមានលក្ខណៈ រាយ ប៉ាយ និងមិនអាចផ្សារភ្ជាប់គ្នាបាន។បើតាមប្រសាសន៍របស់ សម្ដេចមហាបវរធិបតី, ខេត្តភាគឦសានទាំង៤នេះ ត្រូវជម្រុញពហុវិស័យ និងផ្ដោតសំខាន់ទៅលើសក្ដានុពលអាទិភាពទាំង៣ រួមមាន៖ កសិឧស្សាហកម្ម កសិកម្ម និងទេសចរណ៍ ដើម្បីទាញផលប្រយោជន៍ អភិវឌ្ឍន៍ខេត្តទាំង៤នេះ៕
