គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 6626 នាក់

ម្សិលមិញ 9682 នាក់

សរុប 20666536 នាក់

រឿងពន្ធគយអាមេរិកដាក់លើកម្ពុជារដ្ឋមន្ត្រីពាណិជ្ជកម្មថារដ្ឋាភិបាលគិតគូហើយ!

21-September-2026 / សេដ្ឋកិច្ច

-ភ្នំពេញ៖លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានផ្ដល់កិច្ចសម្ភាសន៍ពិសេស ជាមួយទូរទស្សន៍ ទ.ទ.ក នៅយប់ថ្ងៃទី៣ ខែមេសា ឆ្នាំ២០២៥ បានឲ្យដឹងថា កម្ពុជាគោរពតាមបទដ្ឋានរបស់អង្គការពាណិជ្ជកម្មពិភពលោក (WTO) ម្ល៉ោះហើយកម្ពុជា មិនបានកំណត់យកពន្ធនាំចូលលើទំនិញរបស់សហរដ្ឋអាមេរិក ៩៧% នោះទេ។ file (6)

ជញ្ជីងពាណិជ្ជកម្មរវាងកម្ពុជា និងអាមេរិក ដែលទំហំពាណិជ្ជកម្មជិត ៣០០លានដុល្លារ របស់អាមេរិក បាននាំចូលមកកម្ពុជា គឺពន្ធនាំចូលលើទំនិញខ្ពស់បំផុត ត្រឹមតែ២៩%ប៉ុណ្ណោះ ដូច្នេះស្ថិតនៅក្រោមបន្ទាត់កំណត់ខ្ពស់បំផុតរបស់អង្គការពាណិជ្ជកម្មពិភពលោក ៣៥% ។សូមជម្រាបថា កម្ពុជាបានចូលជាសមាជិក នៃអង្គការពាណិជ្ជកម្មពិភពលោក (WTO) នៅថ្ងៃទី១៣ ខែតុលា ឆ្នាំ២០០៤។ ក្នុងដំណើរការចូលជាសមាជិកនេះ កម្ពុជាបានព្រមព្រៀងធ្វើការបរិវត្តន៍តាមតម្រូវការរបស់ WTO រួមទាំងការកំណត់អត្រាពន្ធគយ (Tariff Binding) ដែលមានកម្រិតខ្ពស់បំផុត (Bound Tariff Rate) ចន្លោះពី ០% ទៅ ៣៥% ។

ទាក់ទងរឿងអាមេរិកដំឡើងពន្ធរហូតដល់ទៅ៤៩% ដែលការកំណត់ពន្ធនេះកម្ពុជាខ្ពស់ជាងគេ ? លោកជំទាវរដ្ឋមន្ត្រី ពន្យល់ថា ដោយសារតែប្រទេសកម្ពុជា ដូចជាប្រទេសកំពុងអភិវឌ្ឍផ្សេងៗទៀត។ ច្បាស់ណាស់ អាមេរិកមានប្រជាជនប្រមាណជា៣៤០លាននាក់ ខណៈកម្ពុជាមានប្រជាជនប្រមាណជា១៧លាននាក់ គឺសហរដ្ឋអាមេរិកបានក្លាយជាទីផ្សារស្រូបទាញផលិតផលកម្ពុជាច្រើន ខណៈកម្ពុជាបញ្ជាទិញតិច។ ការបញ្ជាទិញច្រើន សបញ្ជាក់ឲ្យឃើញថា កម្ពុជាមានសមត្ថភាពខ្ពស់នៅក្នុងការផលិត ដែលទីផ្សារនៅសហរដ្ឋអាមេរិក ឬសហគមន៍អឺរ៉ុបក្ដី ។

ចំពោះសំណួរថា តើការដំឡើងពន្ធ៤៩% របស់អាមេរិកលើប្រទេសកម្ពុជា តើប៉ះពាល់កម្ពុជាដែរទេ ? លោកជំទាវ ចម និម្មល ពន្យល់ថា ច្បាស់ណាស់ការដំឡើងពន្ធនេះធ្វើឲ្យប៉ះពាល់ដល់ប្រទេសកម្ពុជា។ ប៉ុន្ដែអ្នកប៉ះពាល់ដំបូងគេ គឺអ្នកបញ្ជាទិញ (អាមេរិក) និងអ្នកផលិត (កម្ពុជា) ។លោកជំទាវ ចម និម្មល ពន្យល់បន្ថែមថា ធម្មតាការដំឡើងពន្ធ ធ្វើឲ្យទំនិញឡើងថ្លៃ ដូច្នេះប៉ះពាល់ដល់អ្នកបញ្ជាទិញ ដែលជាប្រជាជនអាមេរិករងប៉ះពាល់ដំបូងគេ បន្ទាប់មកលើកម្ពុជា និងអ្នកវិនិយោគលើវិស័យសំខាន់ៗ ដូចជាវាយណភណ្ឌ និងសំលៀកបំពាក់ ។

លោកជំទាវ ចម និម្មល បានអំពាវនាវដល់បងប្អូនប្រជាពលរដ្ឋកុំមានការព្រួយបារម្ភ ការងារនេះរាជរដ្ឋាភិបាលបានយកចិត្តទុកដាក់ខ្ពស់ ដើម្បីដោះស្រាយបញ្ហាទាំងនេះ។ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវវិធានការជាបន្ទាន់ ឲ្យឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ដែលជាប្រធានគោលនយោបាយ និងសេដ្ឋកិច្ច ដឹកនាំកោះប្រជុំជាមួយក្រសួងពាណិជ្ជកម្ម និងក្រសួងពាក់ព័ន្ធ វិស័យឯកជន ដើម្បីប្រមូលធាតុចូល ដាក់ជូនសម្ដេច ដើម្បីឆ្លើយតប និងការជំរុញវិស័យសេដ្ឋកិច្ចកម្ពុជា ៕ file (4)