វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4820 នាក់
ម្សិលមិញ 9706 នាក់
សរុប 14083063 នាក់
ភ្នំពេញ៖លោកស្រីរ៉ូណាស្មីតអ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា នឹងបំពេញទស្សនកិច្ចនៅប្រទេសកម្ពុជា ចាប់ពីថ្ងៃទី២៩ ខែតុលា ឆ្នាំ២០១៨ ក្នុងកម្មវិធីការងាររយៈពេល១១ថ្ងៃ តាមការអញ្ជើញរបស់រាជរដ្ឋាភិបាលកម្ពុជា។
សេចក្តីប្រកាសរបស់ការិយាល័យ លោកស្រី រ៉ូណា ស្មីតបានឲ្យដឹងថា៖ក្នុងអំឡុងពេលទស្សនកិច្ចរយៈពេល ១១ ថ្ងៃនេះ អ្នកជំនាញរូបនេះគ្រោងជួបប្រជុំជាមួយមន្ត្រី ជាន់ខ្ពស់របស់រដ្ឋាភិបាល តំណាងសង្គមស៊ីវិល និងសមាជិកសហគមន៍ការទូតនានា។
អ្នករាយការណ៍ពិសេស អ.ស.ប បំពេញបេសកកម្មផ្លូវការជាទៀតទាត់មកកាន់ប្រទេសកម្ពុជា និងធ្វើរបាយការណ៍ប្រចាំឆ្នាំទៅក្រុមប្រឹក្សាសិទ្ធិមនុស្ស នៅក្នុងអឡុងខែមីនា ឆ្នាំ២០១៥។បន្ទាប់មកលោកស្រីនឹងបង្ហាញរបាយការណ៍បន្ទាប់របស់លោកស្រី ទៅក្រុមប្រឹក្សាសិទ្ធិមនុស្សក្នុងខែកញ្ញា ឆ្នាំ២០១៩។វត្តមានលោកស្រីរ៉ូណាស្មីតអ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាគឺចំពេលដែលសភានិងសហគមន៍អឺរ៉ុបទាមទាឲ្យដោះលែងលោកកឹមសុខានិងផ្តល់នីតិសម្បទាឲ្យគណបក្សសង្គ្រោះជាតិឡើងវិញ។
លោកស្រី នឹងបញ្ចប់ដំណើរទស្សនកិច្ចរបស់ខ្លួន ដោយមានសន្និសីទសារព័ត៌មានមួយ ដើម្បីពិភាក្សាអំពីរបកគំហើញបឋម នៃដំណើរទស្សនកិច្ចរបស់លោកស្រី នៅថ្ងៃព្រហស្បតិ៍ ទី០៨ ខែវិច្ឆិកា នៅវេលាម៉ោង ០៣៖០០រសៀល (ម៉ោងក្នុងស្រុក) នៅការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា ដែលមានអាសយដ្ឋាន អគារលេខ ៤ ផ្លូវ ២៧១ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ៕