សម្ដេចតេជោ ហ៊ុន សែន ៖ឥស្សរជនដែលត្រូវបានបំពាក់ឋានន្ដរស័ក្ដិផ្កាយមាស៥ផុតលេខ បានចូលបម្រើទាហានមិនក្រោម៥៥ឆ្នាំឡើយតែសម្តេចសខេងអត់ទេ!
ភ្នំពេញ៖ សម្ដេចតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា នៅព្រឹកថ្ងៃទី២១ ខែមីនា ឆ្នាំ២០២៥នេះ បានអះអាងថា ឥស្សរជនដែលត្រូវបានបំពាក់ឋានន្ដរស័ក្ដិ ថ្នាក់នាយឧត្តមសេនីយ៍ផុតលេខផ្កាយមាស៥ នៅពេលនេះ គឺសុទ្ធតែមានអតីតភាពការងារចូលបម្រើជាកងទ័ព ក្រោម៥៥ឆ្នាំនោះឡើយ។
ការលើកឡើងរបស់សម្ដេចតេជោ ហ៊ុន សែន ក្នុងឱកាសអញ្ជើញជាអធិបតីភាពបំពាក់ឋានន្តរសក្តិ ថ្នាក់នាយឧត្តមសេនីយ៍ផុតលេខផ្កាយមាស៥ ជូនសម្ដេចពិជ័យសេនា ទៀ បាញ់ និងសម្ដេចកិតុ្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រនៃកម្ពុជាដែលប្រាឬព្ធធ្វើនៅវិមានសន្តិភាព។សម្ដេចតេជោ ហ៊ុន សែន បានមានប្រសាសន៍យ៉ាងដូច្នេះថា «អ្វីដែលខ្ញុំចង់បញ្ជាក់បំផុត សម្រាប់ពួកយើងដែលពាក់ឋានន្ដរស័ក្ដិជូននៅថ្ងៃនេះ គឺយើងចូលទាហានមិនតិចជាង៥៥ឆ្នាំទេ។ ខ្ញុំជាមួយសម្ដេច ម៉ែន សំអន គឺចូលទាហានស្នើគ្នានៅឆ្នាំ១៩៧០ គិតមកដល់ពេលនេះ គឺមានរយៈពេល៥៥ឆ្នាំ។ ដោយឡែក សម្ដេចពិជ័យសេនា ទៀ បាញ់ គឺលឿនមុននោះ»។
ប្រមុខរដ្ឋស្ដីទីនៃកម្ពុជា ដែលជាអ្នកពន្លត់ភ្លើងសង្គ្រាម និងនាំមកនូវសុខសន្ដិភាពរហូតមកដល់ពេលបច្ចុប្បន្ននេះ បានរំលឹកអំពីប្រវត្តិមួយចំនួននៃទំនាក់ទំនងស្គាល់គ្នាជាមួយសម្ដេចពិជ័យសេនា ទៀ បាញ់ និងសម្ដេចកិត្តិសង្គហបណ្ឌិត ម៉ែន សំអន។ សម្ដេចបន្ដថា ប្រវត្តិនៃការតស៊ូរបស់សម្ដេចពិជ័យសេនា ទៀ បាញ់ នៅពេលនោះ ត្រូវបានគេយកទៅបាញ់សម្លាប់ចោល ដែលកាលនោះ សម្ដេច ទៀ បាញ់ មានឈ្មោះដើម ទៀ សង្វាត់ ប៉ុន្ដែដោយសារគេបាញ់មិនស្លាប់ ទើបប្ដូរឈ្មោះមកជា ទៀ បាញ់ វិញ។
ចំពោះសម្ដេចកិត្តិសង្គហបណ្ឌិត ម៉ែន សំអនវិញ បានស្គាល់គ្នាជាមួយសម្ដេចតេជោ ហ៊ុន សែន រយៈពេល៤៨ឆ្នាំហើយ ពោលនៅចុងឆ្នាំ១៩៧៧ នៅពេលសម្ដេចចូលផ្ទៃក្នុងប្រទេសដើម្បីស្វែងរកភរិយា គឺសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ហើយសម្ដេចចូលពេទ្យទើបមានទំនាក់ទំនងស្គាល់គ្នាពេលនោះមក ដោយផ្ដើមពីការប្រមូលកម្លាំងតស៊ូ។ នេះបើតាមការបញ្ជាក់បន្ថែមរបស់សម្ដេចតេជោ ហ៊ុន សែន។
សូមជម្រាបថា រហូតមកដល់ពេលនេះ ឥស្សរជនកម្ពុជាចំនួន៥រូប ដែលគ្រងឋានន្ដរស័ក្ដិផ្កាយមាស៥ផុតលេខ រួមមាន៖ទី១៖ សម្ដេចពញាចក្រី ហេង សំរិ។ទី២៖ សម្ដេចធម្មពោធិ៍សា ជា ស៉ីម។ទី៣៖ សម្ដេចតេជោ ហ៊ុន សែន
*ទី៤៖ សម្ដេចពិជ័យសេនា ទៀ បាញ់។ទី៥៖ សម្ដេចកិត្តិសង្គហបណ្ឌិត ម៉ែន សំអន.។
សម្តេចតេជោ ហ៊ុន សែន ប្រមុខរដ្ឋស្តីទីក៏ បានរំលឹកអំពីប្រវត្តិ នៃការផ្តល់ឋានន្តរស័ក្តិនាយឧត្តមសេនីយ៍ផុតលេខ ផ្កាយមាស៥ ក្រោយកម្ពុជាបញ្ចប់សង្គ្រាមកន្លងមក។ក្នុងការចរចាបង្កើតរដ្ឋាភិបាលបណ្តោះអាសន្ន កាលពីឆ្នាំ១៩៩៣ ក្រោមព្រះរាជាធិបតីភាពសម្តេចឪ គឺព្រះមហាក្សត្រ ព្រះបរមរតនកោត បានផ្តល់នូវឋានន្តរស័ក្តិ នាយឧត្តមសេនីយ៍ផុតលេខផ្កាយមាស៥ ជូនដល់ឥស្សរជន៣រូបនោះគឺសម្តេចផ្ទាល់ សម្តេច ជា ស៊ីម និងសម្តេច ហេង សំរិន ដោយសារសម្តេចក្រុមព្រះពេលនោះ មានឋានៈជា នាយឧត្តមសេនីយ៍ផុតលេខ ផ្កាយមាស៥រួចទៅហើយ ដែលសម្តេចក្រុមព្រះ នឹងធ្វើជាសហនាយករដ្ឋមន្ត្រី ជាមួយសម្តេចតេជោ។
ពេលនេះព្រះករុណាសម្តេចឪ បានចេញព្រះរាជក្រឹត្យជាភាសាបារាំង ដែលសូម្បីតែព្រះរាជក្រឹត្យផ្តល់គោរមងារជូនសម្តេច ក៏ធ្វើឡើងជាភាសាបារាំងដែរ។ រហូតដល់ឆ្នាំ១៩៩៤ មានការស្រុះស្រួលគ្នាមួយ ក្នុងការកាត់បន្ថយមួយស័ក្តិម្នាក់ ដោយកាត់ពីផ្កាយ៥មកនៅផ្កាយ៤ ហើយពីផ្កាយ៤ មកនៅផ្កាយ៣ ចុះមួយស័ក្តិទាំងអស់គ្នា។«អីចឹងតើផ្កាយប្រាំ ខ្ញុំឡើងពេលណាមកវិញ? គឺពេលដែលព្រះករុណា នៅឆ្នាំ២០០៧ ដែលរឿងនេះព្រះករុណាព្រះអង្គបានធ្វើឱ្យខ្ញុំភ្ញាក់ផ្អើល២លើក ។គឺទី១ ពេលដែលខ្ញុំមិនមានគោរមងារជាសម្តេចទេ ប៉ុន្តែក្រោយមកព្រះអង្គបានឱ្យសម្តេចចៅហ្វាវាំង និមន្តព្រះសង្ឃរាជ ពិភាក្សាអំពីនរណាត្រូវមានគោរមងារអ្វី អីចឹងបានមានសម្តេចអគ្គមហាសេនាបតីតេជោ សម្តេចធម្មពោធិសាល សម្តេចពញាចក្រី ប៉ុន្តែពេលនោះសម្តេចសង្ឃរាជឱ្យប្រើត្រឹមមហាទេ ប៉ុន្តែព្រះករុណា ឱ្យថែមអគ្គមហា...»។
សម្តេចបានបន្តថា ក្រោយមករឿងដំឡើងផ្កាយមាស៥នេះមួយទៀត ដែលសម្តេចមិនបានដឹងខ្លួនទាល់តែសោះ ព្រោះនោះជាព្រះរាជទាន មិនមែនជាសំណើទេ គឺនៅឆ្នាំ២០០៧ដដែល ប៉ុន្តែពេលនោះ មិនត្រូវបានប្រគល់ជូន សម្តេចក្រុមព្រះទេ សម្តេចក្រុមព្រះនៅតែជានាយឧត្តមសេនីយ៍ ផ្កាយមាស៤ ព្រោះត្រូវបានបញ្ចុះសក្តិមួយសារហើយ មិនត្រូវបានដំឡើងវិញ។សម្តេចបន្តរំលឹកទៀតថា ប៉ុន្តែពេលនោះ ក្នុងជួរកងទ័ព សម្តេចក្រុមព្រះមានអត្តលេខ០០១ ចំណែកសម្តេចតេជោ មានអត្តលេខ០០២។ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាពីទីក្រុងប៉េកាំង កាលពីថ្ងៃទី១៦ ខែមីនា ឆ្នាំ២០២៥កន្លងទៅបានចេញព្រះរាជក្រឹត្យត្រាស់បង្គាប់ ដំឡើងឋានន្តរស័ក្តិ ថ្នាក់ «នាយឧត្តមសេនីយ៍ផុតលេខ ផ្កាយមាស៥» ជូនសម្តេចពិជ័យសេនា ទៀ បាញ់ និងសម្តេចកិត្តិសង្គហបណ្ឌិត ម៉ែន សំអន។
ទាក់ទងសម្តេចសខេងវិញសម្ដេចតេជោ ហ៊ុន សែន បានបញ្ជាក់យ៉ាងដូច្នេះថា «មានសារមួយ ចូលមកបញ្ចេញមតិថា បាត់សម្ដេច ស ខេង ខ្ញុំក៏បានចូលទៅឆ្លើយតបថា សម្ដេច ស ខេង ជាស៊ីវិល គាត់មិនពាក់ឋានន្តរស័ក្តិ ដូចជាទាហាននោះទេ»។សម្ដេចតេជោ ហ៊ុន សែន បានឲ្យដឹងថា សម្ដេចក្រឡាហោម ស ខេង នៅក្នុងអំឡុងឆ្នាំ១៩៩៧-១៩៩៨ ពេលនោះ សម្ដេចក្រឡាហោម បាននិយាយថា បើសិនជាសម្ដេចពាក់ស័ក្ដិ ក៏ពាក់ស័ក្ដិត្រឹមស័ក្ដិ៥ដែរ មិនពាក់ធំជាងនឹងនោះទេ ព្រោះថា ពេលនោះកំពុងតែអតិផរណាស័ក្ដិ។
សម្ដេចតេជោ ហ៊ុន សែន ក៏បានគូសបញ្ជាក់ផងដែរថា សូមកុំមកព្យាយាមបំបែកផ្ទៃក្នុង គណបក្សប្រជាជនកម្ពុជា ហើយអ្នកត្រូវចាំ អ្នកកាន់តែបំបែកផ្ទៃក្នុង គណបក្សប្រជាជនកម្ពុជា គឺអ្នកទេដែលបែកបាក់ផ្ទៃក្នុងខ្លួនឯង ដូច្នេះសូមកុំបំបែកគណបក្សប្រជាជនកម្ពុជាឲ្យសោះ។សម្ដេចតេជោ ហ៊ុន សែន បានថ្លែងថា «ខ្ញុំហ៊ាននិយាយ ខ្ញុំហ៊ានធ្វើ» ។សម្ដេចតេជោបន្ដទៀតថា បក្សប្រឆាំងចំនួនប៉ុន្មានហើយ ដែលចង់បំបែកគណបក្សប្រជាជន ប៉ុន្ដែទីចុងបំផុត លទ្ធផល គឺបែកខ្លួនឯងទាំងអស់ ហើយសម្ដេចបានសង្កត់ធ្ងន់ថា «ខ្ញុំនឹងបន្ដធ្វើកិច្ចការងារនេះ ដោយមិនទុកឲ្យអ្នកឯងរួចខ្លួននោះទេ»។
.jpg&h=97&w=146)
.jpg&h=97&w=146)
