ចែកសញ្ញាបត្រ័នាយករដ្ឋមន្ត្រីលើកសសើរកម្មវិធីពិពណ៍ គ្រឿងអលង្ការ ដែលមានតម្លៃសរុប ១៥០លានដុល្លារ
11-February-2026 / ទេសចរណ៏និងវប្បធម៌
សៀមរាប៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាំ បានថ្លែងអួតសសើរកម្មវិធីបង្ហាញ គ្រឿងអលង្ការ របស់ក្រុមហ៊ុន BVLGARI ដែលនាំយកមកតាំងបង្ហាញ នៅខេត្តសៀមរាប មានតម្លៃសរុប ១៥០លានដុល្លារដែលបញ្ហាសំខាន់គឺអួតពីកត្តាសន្តិសុខ។
ក្នុងឱកាសអញ្ជើញជាអធិបតីចែកសញ្ញាបត្រដល់និស្សិតជ័យលាភី នៃសកលវិទ្យាល័យ South-East Asia នៅខេត្តសៀមរាប នាថ្ងៃទី២៥ ខែកុម្ភៈ ឆ្នាំ២០២៥ សម្ដេចមហាបវរធិបតី ហ៊ុន ម៉ាណែត បានបញ្ជាក់យ៉ាងដូច្នេះ «ថ្ងៃមុនឃើញថាធ្វើ BVLGARI គ្រឿងអលង្ការ។ គេយកមក ថ្ងៃហ្នឹងដឹកចេញពីអូតែល ពីសៀមរាប ទៅព្រលានយន្តហោះភ្នំពេញ ដើម្បីដឹកចេញ។ គ្រាន់តែគ្រឿងអលង្ការគេយកមកប៉ុន្មាន គឺ ១៥០លានដុល្លារ ដើម្បីយកមកដាក់បង្ហាញ។ ហើយអ្នកដែលមក គឺអ្នកដែលធំៗ។ សួរថា យើងចាំបាច់ហៅអ្នកធំ ប្រទេសយើងក្រីក្រ។ អត់ទេ យើងអត់រើសទេ»។
សម្ដេចមហាបវរធិបតី ហ៊ុន ម៉ាណែត ថ្លែងថា ប្រទេសខ្លះវាយប្រហារកម្ពុជា អសន្ដិសុខ ប៉ុន្ដែនៅពេលក្រុមហ៊ុននោះមកដល់ស្រាប់តែឃើញច្បាស់ថា សុវត្ថិភាពទៅវិញ ហើយនេះជាមោទនភាពជាតិ ដោយសារស្ថិរភាពសន្ដិសុខ។ឥលូវនេះ ម៉ាកយីហោធំៗ គេឃើញការរៀបចំពិព័រណ៍នៅកម្ពុជាជោគជ័យ គេនឹងមកទៀតមិនខានឡើយ។សម្តេចបវរធិបតីបានថ្លែងថា វិស័យទេសចរណ៍ គឺជាវិស័យដែលមានសក្តានុពលធំមួយ ដែលអាចជំរុញកំណើន និងតភ្ជាប់ឱកាសសម្រាប់វិស័យផ្សេងៗឱ្យកាន់តែរីកចម្រើន។
សម្តេចបវរធិបតីបានមានប្រសាសន៍ថា ការទាក់ទាញបាននូវភ្ញៀវទេចរណ៍ជាតិ និងអន្តរជាតិនេះ ច្រើនជារៀងរាល់ថ្ងៃនេះ គឺដោយសារកត្តាសុខសន្តិភាព និងសន្តិសុខសណ្តាប់ធ្នាប់ល្អ ព្រោះតំបន់ទេសចរណ៍ប្រសិនបើអសន្ដិសុខ មិនអាចមានភ្ញៀវទេសចរមកនោះទេ។សម្តេចបានគូសបញ្ជាក់បន្ថែមថា «ការមកផ្ទាល់ឃើញផ្ទាល់នេះហើយ ដែលយើងត្រូវចាំបាច់ធានាឱ្យបាននូវទស្សនៈ និងការស្រលាញ់រាប់អាន ព្រោះគេនឹងទៅផ្សព្វផ្សាយបន្តទៀត ដើម្បីបញ្ជាក់ការពិតនៅកម្ពុជា ដែលកម្ពុជាក្លាយទៅជា គោលដៅទេសចរណ៍ក្នុងកម្រិតកំពូលតាមរយៈការវាយតម្លៃប៉ុន្មានស្ថាប័ន ប៉ុន្មានប្រទេស»។
យោងតាមរបាយការណ៍របស់ក្រសួងទេសចរណ៍ កាលពីឆ្នាំ២០២៤ កម្ពុជាទទួលបានភ្ញៀវទេសចរអន្តរជាតិ ប្រមាណ ៦.៧លាននាក់ ក្នុងនោះខេត្តសៀមរាប ទទួលបានភ្ញៀវអន្តរជាតិប្រមាណជាង១លាននាក់ ទទួលបានចំណូល ប្រមាណ ៤៧ ៨២៦ ៩៨១ ដុល្លារអាមេរិក កើនជាង ២៨ភាគរយ បើធៀបឆ្នាំ២០២៣។ដោយឡែក នៅក្នុងខែដំបូងនៃឆ្នាំ២០២៥នេះ ភ្ញៀវទេសចរដែលបានទិញបណ្ណចូលទស្សនារមណីដ្ឋានអង្គរ, ប្រាសាទកោះកែរ និងកំពង់ផែចុងឃ្លៀស មានចំនួន ១៤៦,១៤០នាក់ កើន ២៦.៤៩% និងទទួលបានចំណូល ៦,៩០៣,៣៨០ដុល្លារអាមេរិក កើនឡើង ២៥.៥៦% បើធៀបនឹងរយៈពេលដូចគ្នា នៅឆ្នាំ២០២៤។
សូមបញ្ជាក់ថាBVLGARI ដែលជាម៉ាកយីហោគ្រឿងអលង្ការយ៉ាងល្អប្រណីត និងល្អឯក ដ៏ល្បីលំដាប់ពិភពលោក នៅយប់ថ្ងៃទី២១ ខែកុម្ភៈ ឆ្នាំ២០២៥ បានរៀបចំកម្មវិធីរាត្រីសមោសរ (Gala Dinner) ឈ្មោះថា BVLGARI AETERNA ដើម្បីបង្ហាញម៉ូតរបស់ខ្លួន នៅប្រាសាទបាយ័ន ក្នុងខេត្តសៀមរាប។ កម្មវិធីដ៏អធិកអធមនេះ ត្រូវបានរៀបចំឡើងដោយមានការចូលរួមជាភ្ញៀវពិសេសដោយ លោកជំទាវ បណ្ឌិត ពេជ ចន្ទមុន្នី ហ៊ុន ម៉ាណែត។
ការបង្ហាញម៉ូតគ្រឿងអលង្ការ BVLGARI ក៏មានវត្តមាន តារាសម្តែងរបស់កម្ពុជា កញ្ញា ស៉ីន យូប៊ីន, តារាសម្តែងរបស់ថៃ កញ្ញា Mai Davika, តារាសម្តែងថៃ Mile Phakphum, តារាសម្តែងសិង្ហបុរី Shawn Thia, តារាសម្តែងសិង្ហបុរី Ayden Sng, តារាចម្រៀងវៀតណាម Ho Ngoc Ha, បវរកញ្ញាហ្វីលីពីន និងជា Miss Univers ២០១៥ ឈ្មោះ Pia Wurtzbach ព្រមទាំងតារាល្បីៗជាច្រើនទៀត មកពីជុំវិញពិភពលោក។
គ្រឿងអលង្ការ ដែលត្រូវតាំងបង្ហាញនៅខេត្តសៀមរាប មានចំនួន ២១៤គ្រឿង ខណៈភ្ញៀវបរទេសមកពីជុំវិញពិភពលោក ដើម្បីចូលរួមព្រឹត្តិការណ៍នេះ មានចំនួន ៤៧០នាក់។BVLGARI ដែលជាបុត្រម្ព័ន្ធរបស់ក្រុមហ៊ុន LVMH ត្រូវបានបង្កើតឡើងនៅឆ្នាំ១៨៨៤ គឺមានអាយុកាល ១៤១ឆ្នាំហើយ ដោយលោកស្រី Sotirios Voulgaris ក្រុងទីក្រុងរ៉ូម។ ១៤១ឆ្នាំក្រោយមក ការតាំងពិព័រណ៍ BLVGARI AETERNA បានប្រារព្ធនៅទីក្រុងរ៉ូម កាលពីខែឧសភា ឆ្នាំ២០២៤ ខណៈកម្ពុជា គឺជាទីកន្លែងនៃការរៀបចំលើកទី៤។
