វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5514 នាក់
ម្សិលមិញ 5544 នាក់
សរុប 13946611 នាក់
ខេត្តរតនគិរី ៖ កាលពីថ្ងៃពុធ១៥ កើត ខែអស្សុជ ឆ្នាំច ពុទ្ធសករាជ២៥៦២ ត្រូវនឹងថ្ងៃទី២៤ តុលាឆ្នាំ ២០១៨លោកជាពេជ្រព្រះរាជអាជ្ញាអមសាលាដំបូងខេត្តរតនគិរីបាន ដឹកនាំកម្លាំងចម្រុះចុះចាប់ឈើល្មើសច្បាប់ បានរាប់រយម៉ែត្រគីប នៅក្រុមហ៊ុន អេសខេ(sk )ដែលមានទីតាំងក្នុងភូមិ អូរសាប ឃុំត្រពាំងក្រហម ស្រុកកូនមុំ ខេត្តរតនគិរី ដែលគេមើលឃើញថាជាសកម្មភាពចូកស្មៅក្រោមជើងចៅហ្វាយខេត្តដែលងាប់ត្រគៀកស្តូករឿងបង្ក្រាបបទល្មើសព្រៃឈើក្នុងអាណាចក្ររបស់ខ្លួន។
ក្រុមហ៊ុន (SKឥណ្ឌា) បានទទួលសិទ្ធិវិនិយោគពីរាជរដ្ធាភិបាលដាំដំណាំកសិឧស្សាហកម្មដូចក្រុមហ៊ុនផ្សេងៗស្ថិតក្នុងឃុំត្រពាំងក្រហម ស្រុកកូនមុំ។ ប៉ុន្តែមួយរយះកាល ចុងក្រោយនេះគេសង្កេតឃើញទិដ្ធភាពក្រុមហ៊ុនSKមួយនេះពុំឃើញមានសកម្មភាពដាំដុះដំណាំអ្វីជាដុំកំភួនទៅតាមលក្ខណ:បច្ចេកទេសនៃទីស្តីការគណ:រដ្ធមន្ត្រីដែលបានចេញអាជ្ញាប័ណ្ណឲ្យនោះឡើយ ។ជាក់ស្តែងឈើធំៗនៅក្នុងដីសង្គមកិច្ចរបស់រដ្ធជាប់ព្រំប្រទល់ក្រុមហ៊ុននេះជាដើមបាន រងនូវការបាត់បង់ស្ទើរតែទាំងស្រុង។
មិនតែប៉ុណ្ណោះគេសង្កេតឃើញថ្មីៗនេះមានរថយន្តយីឌុប កង់ដប់ប្រមាណ(បីបួន)គ្រឿងនិងរថយន្តស្ទូចមួយគ្រឿងចូលទៅក្នុងក្រុមហ៊ុន(SKឥណ្ឌា)ទំនងបម្រុងដឹកជញ្ជូនឈើ ក្នុងក្រុមហ៊ុនមួយនេះចេញ។ព្រើបើតាមសេចក្តីរាយការណ៍របស់ប្រជាពលរដ្ឋថានៅក្នុងក្រុមហ៊ុនបន្សល់ឈើរាប់ពាន់ម៉ែត្រគូបឯណោះត្រូវនាំចេញជាបន្តបន្ទាប់នៅក្នុងអំឡុងពេលដាច់ទឹកភ្លៀងដ៍ខ្លីខាងមុខនេះ។
តាមប្រភពពីប្រជាពលរដ្ឋដែលបណ្តើរសត្វឆ្កែក្នុងដីសង្គមកិច្ចទីតាំងខាងលើបានឲ្យដឹងថា កាលពីថ្ងៃទី១៨ខែតុលាឆ្នាំ២០១៨កន្លងទៅថ្មីៗនេះពួកគេប្រទះឃើញឈើជាច្រើនគំនរសុទ្ធតែប្រភេទឈើប្រណិត សុក្រំ កកោះនិងធ្នុងអាឃ្លុំសម្រេចប្រវែង(0.50m)(0.60m)(0.80m) (1.00m)ទៅ(1.20m)និងមានមុខកាត់ចម្រុះ(20,30,40ក្លុំ)។ល។ ដ៍ច្រើនសន្ធឹកសន្ធាប់ រាប់ពាន់កំណាត់ដែលប្រមាណមិនក្រោមពីររយម៉ែត្រគូបនោះឡើយ ។
ប្រភពដដែលបន្តថា ឈើទាំងនោះគេសង្ស័យថាក្រុមឈ្មួញបានទិញនិងដឹកជញ្ជូន ចេញពីម្តុំព្រៃធម្មជាតិខាងជើងទំនប់វារីអគ្គីសនីសេសានក្រោម២ក្នុងភូមិសាស្ត្រខេត្តស្ទឹងត្រែងកាលពីប៉ុន្មានខែមុននេះតាមគោយន្តកន្ត្រៃយ៍មកស្តុកទុកក្បែរដីក្រុមហ៊ុនរងចាំឱកាសល្អដាក់បន្លំនិងឈើក្រុមហ៊ុនចាស់ដែលបម្រុងនាំចេញបន្ទាប់ពីបានច្បាប់PCរួចហើយ។ ក្រោយពី ប្រទះឃើញគំនរឈើទាំងនោះហើយប្រជាពលរដ្ឋក៍បានរាយការណ៍ទៅសមត្ថកិច្ចមូលដ្ធានដើម្បីចាត់វិធានការណ៍ទៅតាមផ្លូវច្បាប់ ។
តែ រហូតមកដល់ ថ្ងៃច័ន្ទទី២២ខែតុលា ឆ្នាំ២០១៨ គេឃើញលោក រស់ វណ្ណា មេបញ្ជាការកងរាជអាវុធហត្ថស្រុកកូនមុំ បានដឹកនាំកងកម្លាំងចូលរឹបអូសយកឈើមិនស្របច្បាប់ទាំងនោះមករក្សាទុកបានចំនួនពីរកូនគោយន្តខ្នាតតូចប្រមាណ៣០ទៅ៤០ដុំប៉ុណ្ណោះ នៅសល់ឈើមួយចំនួនធំមិនទាន់ឃើញ សមត្ថកិច្ចចុះបង្ក្រាបបន្ត។ ធ្វើឲ្យមជ្ឈដ្ធានទូទៅដាក់ការសង្ស័យថា គេបង្ក្រាបគ្រាន់តែបង្គ្រប់កិច្ច ហើយដកឃ្លាមកធ្វើការ ចចារ ជាមួយឈ្មួញវិញ ។ព្រោះខណះពេលនៃការ ចុះបង្ក្រាបគេឃើញ អ្នករត់ការម្នាក់ត្រូវបានគេស្គាល់ឈ្មោះ ប្រុស (អ្នកភូមិក្របីជ្រុំ)រត់ហែកPCនៅភ្នំពេញ ដើម្បីបំពេញលក្ខណះច្បាប់ធ្វើអាជីវកម្មយកឈើខុសច្បាប់ទាំងនេះនាំចេញដោយជ្រកក្រោមផ្លាក់ក្រុមហ៊ុន(SKឥណ្ឌា) ព្រមទាំងការស្តារបាតអាងទំនប់វារីសេសានក្រោមពីរជាដើម។
ដោយឡែករថយន្តយីឌុបប៉ុន្មានគ្រឿងដែលលូនក្បាលចូលទៅស្ងាត់ៗចតចាំដាក់ឈើក្នុងក្រុមហ៊ុនSKខណះឮសូរថាសមត្ថកិច្ចនិងចូលចាប់បង្ក្រាបកំណាត់ឈើក្បែរក្រុមហ៊ុនមួយនេះពួកគេក៍បត់ក្បាលចេញពីក្រុមហ៊ុនវិញយ៉ាងប្រញ៉ាប់ប្រយ៉ាល់ ហាក់ដូចជាដឹងសភាពការណ៍មុនកាលពីយប់ថ្ងៃទី២១ខែតុលា ពីព្រោះខ្លាចមានការពាក់ព័ន្ធយ៉ាងណានោះ?។ឥឡូវនេះមានព្រះរាជអាជ្ញាចុះចាប់ផ្ទាល់ចាំមើលថាតើអាចរកមុខអ្នកប្រព្រឹត្តបទល្មើសមកផ្ទន្ទាទោសបានដែរឬទេ?ឬបានតែធ្វើឲ្យល្អមើលទេ?៕