តុលាការថៃចេញដិការស្វែងរកចាប់ខ្លួនខ្មាន់កាំភ្លើងដែលបាញ់សម្លាប់អតីតតំណាងរាស្ត្រគណបក្សប្រឆាំងលោកលិមកឹមយ៉ា
17-December-2025 / សន្តិសុខសង្គម
បាងកក៖ ប៉ូលិសបានឲ្យដឹងថា តុលាការថៃកាលពីថ្ងៃពុធបានចេញដីកាចាប់ខ្លួនជនជាប់ចោទម្នាក់ដែលបានបាញ់សម្លាប់អតីតតំណាងរាស្ត្រគណបក្សប្រឆាំងកម្ពុជានៅក្នុងការបាញ់ប្រហារដ៏សាហាវមួយនៅក្នុងទីក្រុងបាងកកកាលពីរសៀលថ្ងៃទី៧មករា។
តាមមន្ត្រីប៉ូលិសម្នាក់ដែលសុំមិនបញ្ចេញឈ្មោះបានឲ្យកាសែតថៃដឹងថា លោក លឹម គឹមយ៉ាមានអាយុ ៧៤ឆ្នាំ ជាពលរដ្ឋខ្មែរ និងបារាំង បានឆ្លងចូលប្រទេសថៃពីកម្ពុជាកាលពីថ្ងៃត្រង់ថ្ងៃអង្គារជាមួយប្រពន្ធ និងប្អូនប្រុសរបស់គាត់ ហើយបានធ្វើដំណើរទៅកាន់ទីក្រុងបាងកកតាមឡានក្រុង មុនពេលគាត់ត្រូវបានគេបាញ់សម្លាប់។ករណីបាញ់ប្រហារនេះបានកើតឡើងនៅម៉ោង ៥ កន្លះនាថ្ងៃទី ៧ មករា ឆ្នាំ២០២៥ ក្បែរវត្តបុណ្ណនិវេវិហារ ប្រទេសថៃ។ ប៉ូលីសបានរាយការណ៍ដោយផ្នែកលើកាំមេរ៉ាសុវត្ថិភាពថា ឃាតករ ដែលបានបាញ់សម្លាប់ លោក លឹម គឹមយ៉ា គឺជិះម៉ូតូហុងដាវេវ ១០០ សេសេ ពណ៌ក្រហម ពាក់ស្លាកលេខ ៨៤៥។
បុរសនោះ ស្លៀកខោខាវប៊យជើងវែងពណ៌ខៀវ អាវដៃខ្លីពណ៌ប្រផេះ ហើយបានលាក់កាំភ្លើងក្នុងកាបូបស្ពាយជាប់នឹងខ្លួនបានជិះម៉ូតូគេចខ្លួនបាត់តាមសម្រួល(នេះបើតាមទូរទស្សថៃ)។លោក Pol Col Sanong Saengmanee អគ្គនាយកប៉ូលីស Chana Songkhram បានប្រាប់ Reuters ថា ដីកាចាប់ខ្លួនអ្នករត់ម៉ូតូឌុបអាយុ ៤១ឆ្នាំពីបទឃាតកម្មគិតទុកជាមុន។នាយឧត្តមសេនីយ៍ Siam Boonsom ស្នងការប៉ូលិសក្រុងបានឲ្យដឹងថា ការស៊ើបអង្កេតរហូតមកដល់ពេលនេះបង្ហាញថាកាំភ្លើងឃាតករគឺជាកាំភ្លើងសម្រាប់ជួល។៖ «យើងបានប្រមូលភ័ស្តុតាងហើយដឹងថាជនល្មើសជានរណាហើយ»។តាមបណ្តាញសង្គមថៃបាននិយាយថាជនសង្ស័យជាអតីតទាហ៊ានជើងទឹករបស់ថៃទើបមានសមត្តភាពបាញ់ប្រហារបែបវិជ្ជាជីវៈប
ែបហ្នឹង។
លោក លឹម គឹមយ៉ា ជាសមាជិកគណបក្សសង្គ្រោះជាតិ ដែលជាគណបក្សប្រឆាំងដ៏មានប្រជាប្រិយ ដែលត្រូវបានរំលាយដោយតុលាការកាលពីឆ្នាំ២០១៧មុនការបោះឆ្នោតឆ្នាំ២០១៨ ជុំវិញគម្រោងក្បត់ជាតិរបស់លោកកឹមសុខាជាមេបក្ស។អ្នកនាំពាក្យរដ្ឋាភិបាលកម្ពុជា លោក ប៉ែន បូណា មានប្រសាសន៍ថា ការសម្លាប់នេះជារឿងរបស់អាជ្ញាធរថៃ ដែលជារដ្ឋអធិបតេយ្យ។ លោកថា រដ្ឋាភិបាលកម្ពុជាតែងតែរងការចោទប្រកាន់ពីក្រុមប្រឆាំងជ្រុលនិយមថានៅពីក្រោយឧប្បត្តិហេតុ។ស្ថានទូតកម្ពុជា និងបារាំង និងក្រសួងការបរទេសថៃ មិនបានឆ្លើយតបភ្លាមៗចំពោះសំណើសុំការអត្ថាធិប្បាយដោយឡែកពីគ្នារបស់អ្នកាសៃតនោះទេ។
អតីតសមាជិកសភាគណបក្សសង្គ្រោះជាតិ លោក លិម គិមយ៉ា ត្រូវបានខ្មាន់កាំភ្លើងបាញ់ចំនួនបីគ្រាប់ បណ្ដាលឱ្យលោកស្លាប់នៅហ្នឹងកន្លែង ដែលស្ថិតនៅទីប្រជុំជនមួយកន្លែង ក្បែរវត្តបូវ័ន្តនិវិត្ត (Wat Bowonniwet Vihara) ក្នុងទីក្រុងបាងកក។ ទូរទស្សន៍ថៃ បានផ្សាយវីដេអូសុវត្ថិភាពដោយបង្ហាញថា ជនសង្ស័យបានជិះម៉ូតូមកចតនៅលើចិញ្ចើមផ្លូវ ជាង ១០នាទី ដែលនៅទីនោះ មានអ្នកលក់នំចំណី និងអ្នកធ្វើដំណើរដើរទៅមកកុះករ។ ជនសង្ស័យបានដោះមួកសុវត្ថិភាព ទុកលើម៉ូតូ និងមិនបានបិទមុខទេ ហើយបានដើរចេញពីម៉ូតូឆ្លងផ្លូវទៅបាញ់សម្លាប់លោក លិម គិមយ៉ា រួចហើយក៏ប្រញាប់ដើរមកជិះម៉ូតូចាកចេញពីកន្លែងកើតហេតុ។
សាក្សីនៅកន្លែងកើតហេតុប្រាប់សារព័ត៌មានថៃថា ខ្មាន់កាំភ្លើងបានដកកាំភ្លើងបាញ់យ៉ាងព្រហើន និងហាក់គ្មានការភ័យខ្លាចឡើយ។ អតីតមន្ត្រីជាន់ខ្ពស់បក្សសង្គ្រោះជាតិ លោក ហ៊ីង សុខសាន្ត ប្រាប់កាសែតថា លោកធ្លាប់មានទំនាក់ទំនងជាមួយលោក លិម គិមយ៉ា តាមបណ្ដាញសង្គមមុនពេលលោកត្រូវគេបាញ់សម្លាប់។ លោកបន្តថា ជំហរនយោបាយចុងក្រោយរបស់លោក លិម គិមយ៉ា គឺចង់វិលទៅធ្វើនយោបាយនៅប្រទេសកម្ពុជាវិញ ជាមួយអតីតមន្ត្រីបក្សប្រឆាំងផ្សេងទៀត ដែលមានទំនោរគាំទ្រលោក កឹម សុខា។
លោក ហ៊ីង សុខសាន្ត រំពឹងថា សមត្ថកិច្ចថៃ ស៊ើបអង្កេតដោយយុត្តិធម៌ និងឯករាជ្យ ដែលអាចរកឃាតកឃើញ។ លោក ហ៊ីង សុខសាន្ត៖ «និយាយរួម គាត់ កឹម សុខា ១០០% ហ្មង និយាយឱ្យចំ។ ប៉ុន្តែ ១ខែចុងក្រោយនេះ គាត់មានបំណងទេ គាត់មិនទាន់ទៅចូលរួមទេ ចង់ទៅចូលរួមជាមួយហ្នឹងសម្ព័ន្ធឆ្ពោះទៅមុខ ជាមួយលោក យ៉ែម ប៉ុញ្ញាឫទ្ធិ ជាមួយ លោក អ៊ុំ ប៉ុល ហំម ជាមួយគណបក្សភ្លើងទៀន អ៊ីចឹងៗ ណា»។
ទាក់ទងករណីនេះ អ្នកនាំពាក្យគណបក្សប្រជាជនកម្ពុជា លោក សុខ ឥសាន លើកឡើងថា ការស៊ើបអង្កេតបែបណា គឺជាសិទ្ធិរបស់សមត្ថកិច្ចថៃ ព្រោះរឿងនេះកើតឡើងនៅក្នុងទឹកដីថៃ។ ទោះជាយ៉ាងណាក្ដី លោកសោកស្ដាយ ដែលមានការសម្លាប់ពលរដ្ឋខ្មែរ នៅប្រទេសថៃពេលនេះ។ លោក សុខ ឥសាន៖ «ជីវិតមនុស្ស យើងមានការសោកស្ដាយហើយ ប៉ុន្តែ យើងធ្វើម៉េច បើខ្មាន់កាំភ្លើងបាញ់អ៊ីចឹង? បើអ៊ីចឹង បានឱ្យសួរប៉ូលិសថៃ កុំចោទតែពីសតែពាស ចេះតែម៉េច?»។
លោក លឹម គឹមយ៉ា មានសញ្ជាតិបារាំង និងមានភរិយាជាជនជាតិបារាំង គឺជាអតីតតំណាងរាស្ត្រគណបក្សសង្គ្រោះជាតិ នៃមណ្ឌលកំពង់ធំ។ អ្នកនយោបាយគាំទ្រលោក កឹម សុខា រូបនេះ តែងតែប្រើហ្វេសប៊ុក រិះគន់រដ្ឋាភិបាលកម្ពុជា រឿងសិទ្ធិមនុស្ស ប្រជាធិបតេយ្យ រិះគន់ថា រឿងកោះគជ់ ផងដែរ។ មុនការសម្លាប់នេះ ៤ថ្ងៃ លោក លិម គិមយ៉ា បានសរសេរលើហ្វេសប៊ុករបស់លោក កាលពីថ្ងៃទី៣ ខែមករា រឿងអគ្គិភ័យឆាបឆេះ ព្រះឆាយាល័ក្ខណ៍ព្រះមហាក្សត្រ ដែលព្រឹត្តិការនេះរៀបចំដោយ លោក ហ៊ុន ម៉ានីប្រធានសហពន្ធ័យុវជនកម្ពុជាដែលជាឧបនាយករដ្ឋមន្ត្រីផងដែរ។
អ្នកអត្ថាធិប្បាយនយោបាយ លោក គឹម សុខ យល់ថា ការបាញ់សម្លាប់លោក លឹម គឹមយ៉ា អាចជាប់ពាក់ព័ន្ធនឹងរឿងនយោបាយនៅកម្ពុជា ច្រើនជាងទំនាស់បុគ្គល។ លោកថា ការបាញ់សម្លាប់លោក លិម គិមយ៉ា នៅកណ្ដាលក្រុងបាងកកនេះ ជាការបង្ហាញថា ឃាតកពិតជាមនុស្សមានអំណាច។ នេះជាលើកទី១ ដែលមានការបាញ់សម្លាប់មន្ត្រីបក្សប្រឆាំងកម្ពុជា នៅលើទឹកដីថៃ ខណៈកន្លងមកត្រឹមតែមានករណីវាយបង្ករបួសលើសកម្មជនបក្សប្រឆាំង និងការចាប់បញ្ជូនជនភៀសខ្លួនខ្មែរពីប្រទេសថៃ យកទៅឃុំខ្លួននៅប្រទេសកម្ពុជាប៉ុណ្ណោះ។
នាយកអ្នកតស៊ូមតិសិទ្ធិមនុស្ស និងការងារអាស៊ី (AHRLA) លោក Phil Robertson លើកឡើងនៅក្នុងសេចក្ដីថ្លែងការណ៍របស់លោកថា «ការបាញ់ប្រហារយ៉ាងសាហាវឃោរឃៅលើលោក លិម គិមយ៉ា ជាសញ្ញានៃការធ្វើឃាតនយោបាយ ហើយមើលទៅជាការកើនឡើងគួរឱ្យកត់សម្គាល់ក្នុងការប្រើប្រាស់ការគាបសង្កត់ឆ្លងដែន នៅក្នុងទីក្រុងបាងកក។ អ្នកការពារសិទ្ធិមនុស្សរូបនេះ ស្នើសមត្ថកិច្ចថៃ ឱ្យស៊ើបអង្កេតជាបន្ទាន់ ដោយហ្មត់ចត់ និងតម្លាភាព ដើម្បីចាប់ខ្លួនជនសង្ស័យ និងមេក្លោង ដែលអាចមាននៅពីក្រោយរឿងនេះ។
